Liturgi Pemasu – Masun Perjabun

PATUT KABAN, SE
Ras
JULIATI BR BANGUN, ST

Ibabai : Pdt. Bahagia Tarigan

Sabtu, 28 Desember 2019
GBKP TANJUNG SARI
LITURGI KEBAKTIAN
PEMASU – MASUN
I. Pengendesen pengantin ibas Keluarga nari man Runggun Gereja.
Sope denga bengket ku Gereja, keluarga ras pengantin tedis ilebe – lebe
pintun Gereja, Keluarga pengantin pekepar ngendesken man Runggun
Gereja.
a. Orang Tua Pengantin
Man bandu Runggun Gereja, enda enggo reh kami keluarga Kaban
ras Tambar malem mergana ngendesken anak kami si Patut Kaban
ras Juliati Br Bangun enda guna banci ngaloken Pemasu – masun
idur Dibata nari, ibas ia ersura-sura manteki jabuna simbaru. Mbelin
 pengarapen ras tek pe kami maka Runggun Gereja GBKP Tanjung
Sari enda ipakeken Dibata ibas dahin si Badia enda.
b. Runggun Gereja
Alu erpengarapen man Tuhan Dibata, meriah ukur kami ndahiken
dahin lakon Pemasu-masun enda. Emaka mari kam anak kami duana,
radu ras orangtua bagepe kerina keluarga ras ngawan perpulungen
kerina, bengket kita kerina ku rumah pertoton enda gelah sibenaken
Pemasu – masun enda.

Rende KEE 399 : 1,3 “ Mari Surak Puji Tuhan”

(Perp. Tedis)
Mari surak puji Tuhan endeken nde-enden mriah,
O surga doni ersurak kerina
Mari rende muji IA Alu ukur si meriah puji gelarNa si Badia
Reff La ngadi-ngadi kupuji Kam Tuhan,
Bas krina dampar kegeluhan
Ersurak mriah pusuhku ibas KAM
Terpuji TUHAN ras lalap
Mari surak puji Tuhan alu ukur ras tendinta,
Sebab kam mehuli o Dibata
PulahiNdu aku ibas kiniseran doni enda,
Kupuji TUHAN haleluya
Reff……..

II. KEBAKTIAN
1. Votum & Salam
P Kebaktian Pemasu – masun Perjabun Patut Kaban, SE ras
Juliati Br Bangun, ST enda ibenaken ibas Gelar Dibata Bapa si
njadiken langit ras doni. Ibas gelar anakNa Yesus Kristus si jadi
Juru selamat manusia, ras ibas gelar Kesah si Badia si mereken
gegeh man manusia guna tetap setia man baNa. Perkuah ate
ras dame ibas Dibata Bapa ras ibas Tuhanta Yesus Kristus nari,
ibas kerembaken Kesah Si Badia ras kam kerina gelah. Amin

J Amin...... Amin........ Amin.

2. Introitus.
 P Kalak si erkemalangen man TUHAN, meteruk rukur, emaka
datca kebayaken kemulian dingen kegeluhen (kuan-Kuanen
22 : 4)

3. Bernyanyi : KEE 307 : 1-2 “ O Tuhanku Kam Kap Permakanku”

1. O Tuhanku Kam me permakanku, Emaka la kekurangen aku
Ku mbal-mbal m’ratah aku babaNdu, ipesenang-senangNdu
geluhku
Reff : Permakanku si njayam geluhku, Malem ateku senang tuhu
KelengNdu tetap maler man bangku, Kam me Tuhanku
permakanku
2. IteguNdu kempak lau si maler, ibahanNdu ateku nggo malem
Emaka tedeh ate tendingku, kempak keg’luhen si sikapkenNdu
Reff : Permakanku si njayam geluhku, Malem ateku senang tuhu
KelengNdu tetap maler man bangku, Kam me Tuhanku
permakanku
4. Vocal Group arah tengah jabu simbaru (Perp Kundul)

5. Puji-Pujin Kerna Perbahanen Dibata Simpersadaken

Manusia Sinjadiken Jabu Kalak Kristen
P : Nina Tuhan : La mehuli adi manusia nggeluh si sada-sisada
J : Bujur Tuhan, erkiteken Kam mperdiateken kegeluhen kami,
labo lit kengasupen kami guna nggeluh sisada-sisada aminna
pe kami pentar ras beluh ngaturken geluh kami, tetap
igejapken kami lit sikurang ibas geluh kami.
P : Kubahanlah teman sicocok man bana guna nampati ia.
J : Sangap kal kalak siernalem man Dibata singidah kerna
kinniulinNa silanai tanggung ulina.
P : Nina manusia e , Enda nge maka maka payo , tulanna ibas
tulanku nari , janah jukutna ibas jukutku nari
J : Diberu gelarna perbahan ia ibuat ibas dilaki nari
P : Em sebabna dilaki nadingken nande Bapana , gelah ersada ras
ndeharana , maka duana enggo jadi sada.

6. Koor Keluarga Bangun

7. Koor Perpulungen Jabu-jabu Sektor Kana

8. Rende KEE 296 : 1 – 2 “Man Bandu Yesus Tuhanku”

1. Man bandu Yesus Tuhanku, ku endesken geluhku
 Nggeluh si keleng-kelengen, nggit sisampat-sampaten
Reff : Erbuah kata ni suan, bas kita anak Tuhan
Erbuah kata ni suan, bas kita anak Tuhan

2. Nggeluh sitatang-tatangen, kita radu megegeh

Nggit kita ngalemi salah, pusuh dame meriah
Reff : Erbuah kata ni suan, bas kita anak Tuhan
Erbuah kata ni suan, bas kita anak Tuhan

9. Ngoge Kata Dibata : (I Petrus 3 : 1 - 7)

P : Bagepe kam o ndehara, patuhlah man perbulangenndu, gelah
adi perbulangen la tek nandangi kata Dibata, banci ia tek
erkiteken lagu langkahndu amin gia la kam ngerana
sengkebabah pe.
J : Sabab idahna maka mehuli dingen mehamat lagu langkahndu
P : La perlu ibahanndu barang-barang tabahen si arah darat guna
nambahi jilenndu, umpamana ibas kam pejile-jile bukndu
makeken perhiasan emas, ntah pe makeken uis mejile.
J : Tapi bahanlah maka jilendu e rehna ibas pusuhndu nari,
kejilen si la ermasap-masap, eme lemah lembut, dingen ukur
teneng. Enda me kejilen si meherga kal ilebe-lebe Dibata.
P : Alu bagenda me diberu-diberu si nai, si erkiniteken, dingen
erpengarapen man Dibata, ipejilena bana alu patuh man
perbulangenna.
J : Sarah pe nai bage ka nge, patuh man abraham dingen igelarina
Abraham “tuan”. Kam me genduari anakna si diberu adi
idalankenndu perbahanen-perbahanen si mehuli dingen la
kam mbiar ibas kai pe.
P : Bagepe kam o perbulangen, nggeluhlah kam alu dem
pengertin nandangi ndeharanndu, janah arus iangkandu maka
gegehen kam asangken ia. Mehamatlah kam man bana, sebab
ia pe radu ras kam, ngaloken kiniulun kegeluhen si ibereken
Dibata. Bagendalah perbahanenndu gelah ula lit si ngolangi
pertotonndu ku Tuhan.
Ketuahen kalak si megiken kata Dibata dingen simakekenca
ibas geluhna. Haleluya.

J : Haleluya : Haleluya……… Haleluya……….. Haleluya.

10. Nehken Kata Dibata : Pdt. Bahagia Tarigan

11. Pengakuan Kiniteken (Perp Tedis)
12. Persembahen Pengataken Bujur (Perp Kundul)

a. Kata Dibata Kerna Persembahen

“Sekalak – kalak iberkennalah sue ras sienggo itetapkenna ibas
ukurna. Ola alu pusuh jungut – jungut entah pe bagi terpaksa,
sebab Dibata engkelengi kalak simere alu meriah ukur”.(2
Korinti 9 : 7)

b. Tupung si sehken Persembahenta rende kita ras – ras :

Rende KEE No. 385 : 1 – “Babalah Persembahen Si Merimna”

Babalah persembahen simerimna, kuadepen-adepen Dibatanta

Babalah korban pujin si mehaga, ku lebe altarNa si Badia
Glah tetep breNa pasu-pasuNa, man krina manusia
Glah tetep breNa pasu-pasuNa, terpuji gelar Tuhan.

Babalah persembahen sijilena, kurumah Dibata si perkuah

Babalah korban pujin simerimna, kuadep-adepen
sierkuasa
Glah tetep breNa pasu-pasuNa, ras lias ateNa banta
Glah tetep breNa pasu-pasuNa, segedang-gedang geluhta

Ndeskenlah persembahenta man baNa, singgo nehken kegeluhen

banta
Ndeskenlah lagu pujin sijelana, jdai persembahen si badia
Glah lias ras keleng atena , isehkenNa man banta
Emaka ernalem ku Ia, malem tuhu ateta

c. Ertoto kerna Persembahen

13. Nehken Pemasu - pasun

a. Ngoge Liturgi Pemasu – masun

b. Dage engo ibegi kam kata Dibata kerna palas, tujun, pendilo kubas
perjabun. Emaka selaku persuruhen Dibata kupindo man bandu
gelah pegancih – gancih kam duana melasken padanndu iadap –
 adapen Dibata dingen i tengah – tengah perpulungen enda, janah
kam sijemaken tan.

Sidilaki :
Aku Patut Kaban muat kam si Juliati Br Bangun jadi
ndeharangku, janah aku erpadan tetap ngaloken kam subuk ibas
paksa susah ntah pe senang, subuk ibas paksa sakit ntah pe sehat,
subuk ibas paksa ceda ate bagepe meriah ukur. Aku erpadan
njaga kebadian perjabunta seh Dibata nirangken kita alu kematen.

Sidiberu :
Aku Juliati Br Bangun muat kam si Patut Kaban jadi
perbulangenku, janah aku erpadan tetap ngaloken kam subuk
ibas paksa susah ntah pe senang, subuk ibas paksa sakit ntah pe
sehat, subuk ibas paksa ceda ate bagepe meriah ukur. Aku
erpadan njaga kebadian perjabunta seh Dibata nirangken kita alu
kematen.

c. Kenca bage nina Pendeta :

Erjimpuh dage kam duana alokenlah pemasun – masun idur

Dibata nari :
“Ipasu – pasu Janah Ikawali Dibata Kam, Siang Ayo Dibata,
Ersinalsal Ibabondu Janah Melias Atena Ngenehen Kam, Itatap
Dibata Ku Kam, Janah Malem Atendu ibahanNa. Amin”.

d. Penganten erjimpuh dingen Rende KEE No. 124 : 1 – 2

“ Ipasu-pasu Tuhan Dibatandu”

I pasu – pasu Tuhan Dibatandu, o Kam si empo kam si tersereh
Bahanlah Tuhan Yesus man temuendu, Lah sura – sura si mehuli seh
B’re ia min si njujurken jabundu, Gegeh ras ukur pe ras peraten
Lah kekelengen ibas kam pekepar, La lesap pe she nirang kematen.
Senang me kap si ‘rjabu sada arih, Pehaga Tuhan peratenna ras
Mehuli kal ‘di ise pe la dalih, berkat ku minggu lah ertoto ras
‘Di kebiaken gelgel banci salih, ‘ Di pengerana reh hamatna pe
Bas kehamaten labo ‘rlatih – latih, Ipasu – pasu Tuhan me kepe

e. Ertoto kencadung Pemasu – masun

f. Acara Mereken Cincin Perjabun

“Kupindoken man Dibata gelah ibas kinibayakenNa si la ersib

ar nari iberekenNa man bandu kuasa arah kesahNa guna
mpegegehi pusuh peratenndu”. Amin (Kolose 3 : 16).

14. Nehken Persembahen Ku Lebe Rende KEE No. 248 : 1 – 2 “Si

Njabuken Bana”
1) Si njabuken bana ndatken pasu – pasu, Bas Dibata nari e min arapkenndu
Kata Tuhan Yesus nggeluh ibas jabu, Terangi pusuh maleme atendu
Reff : Siajar – ajaren, Radu ras si keleng – kelengen, Sisampat – sampaten
Sada ukur maba kegeluhen Tengah – tengah jabu
Tuhan Yesus jadi persukuten
Gelah min pepagi perjabunndu banci man usihen

2) Bagi Tuhan Yesus kempak perpulungen, ras badanNa jine enggo ib’rekenNa
Bage arus kepe s’kalak perbulangen, Bas erkeleng ate kempak ndehara
Reff : Siajar – ajaren, Radu ras si keleng – kelengen, Sisampat – sampaten
Sada ukur maba kegeluhen Tengah – tengah jabu
Tuhan Yesus jadi persukuten
Gelah min pepagi perjabunndu banci man usihen

15. Paduan Suara MASMUR

16. Responsoria : Kemalemen ate ibas jabu

P : Meriahlah atendu ibas Tuhan, si keleng – kelengen, si Sampat

sampat sihamaten dingen jagalah kebadian perjabundu seh asa
kematen nirangken kam.
J : O Tuhan babai perjabun anak kami ku simehuli dingen singena
iakap kam, pasu – pasulah dahinna, bre tuah anak dilaki ras
anak diberu ku tengah – tengah jabuna.
P. : Pujilah Tuhan erkiteken mehuli kap ia, pujilah gelarNa sabab
perkuah kap ia
 J : Malem ate kami o Tuhan, ibas kerina pemasu – masundu,
bahan dage maka i idah ras ialoken kami kesangapen kidekah
umur geluh kami.
17.Doa Syafaat

18.Koor Moria Se-GBKP

19.Bernyanyi : PEE 97 : 1 - 2 “Pengasup Kami O Tuhan”

1. Pengasup kami o, Tuhan, gelah pedahNdu banci idalanken
Em kap tendang kami bas kegeluhen
KataNdu si man gelemen, gelah tangkas kata ras perbahanen
Ban min kami tetap bas kebujuren, SurgaNdu kap perayaken
2. Temani kami o, Tuhan, bengket ku doni si dem keguluten
SampatiNdu kami lako naluken dosa si man sirangenken
Emaka ola kal kami tadingken ibas kami ndalani kegeluhen
G’lah dat kami kemenangen
LayasiNdu kap ukurku, la teralang uliNdu
20.Pertoton Tuhan
21.Pemasu – masun & Pengutusen
Berkatlah ndalani geluhndu, jadilah kam pasu-pasu man temanndu manusia,
janah guna sie aloken pasu-pasu idur Dibata nari : “Dibata si mada perkuah
ate, si enggo nenahken kam ku kemulianNa si rasa lalap ibas Kristus, njadiken
kam serta tetap megegeh, dingen paguh, Ia nge si mada kuasa seh rasa lalap”.
Amin.
Amin..........Amin........Amin.

ACARA NGERANA / ERGAMBAR

1. Pengantin ergambar ras Pendeta
2. Pengantin ergambar ras kerina Pertua ras Diaken, Pendeta
3. Pengantin ergambar ras kerina Moria, Mamre, Permata, KAKR
4. Pengantin ergambar ras keluarga, iaturken anak beru
 GBKP Runggun Tanjung Sari
mengucapkan :
“Selamat Menempuh Hidup Baru”

“Koor Moria Se-

GBKP”
O Tuhan ijenda kami naruhken
anakNdu kin
 Si nggo ‘rpadan ilebeNdu, ‘rjabu
iadepenNdu
Dengkehken min o Bapa, toto kami man
baNdu
Useken min dame baNa, jabuNa
rembak ras Kam

B’re min tuah pasu-pasuNdu, ku

jabu anak kami Bapa
Tuhan lias siang ayoNdu, lalaplah
bana la erleka
Tuhan Kam lah naruhken ia
Nuduhken dalin man bana kap
Gelah ibas jabuna gia, dame rusur seh
rasa lalap

B’re min tuah pasu-pasuNdu, ku jabu anak

kami Bapa
Tuhan lias siang ayoNdu, lalaplah bana la
erleka
Tuhan Kam lah naruhken ia
Nuduhken dalin man bana kap
Gelah ibas jabuna gia, dame rusur seh rasa
lalap
Dame rusur seh rasa lalap……