LITURGI

Kebaktin Pengataken Bujur

Keluarga Pt. Bp. Jurien Sinulingga

Sabtu, 15 Oktober 2022

Dilayani Oleh:
Pt. Em. Bp. Ruli Tarigan
GBKP RG. Pontianak
A. PERSIKAPEN
1. Kata Penaruh kubas Kebaktin
Senina ras turang ibas kekelengen Tuhan Yesus Kristus!
Puji-pujin ras bujur si sehken man Dibata erkiteken enggo itaruhken
ras iarak-arakNa kita seh ibas paksa enda. Tole tambah keriahen
ukurta ibas pengarak-ngarak Tuhanta maka kekelengenta Keluarga Pt.
Bp. Jurien Singulingga erbahan kebaktin syukuren erkiteken Pt. Bp.
Jurien Sinulingga wari sisendah ia ulang tahun si pe-50 tahunken,
Nora Nd. Jurien Sinulingga ibas tanggal 19 Oktober ulang tahun si pe-
45 tahunken, Jurien Sinulingga ibas tanggal 13 Juli ulang tahun si pe-
15 tahunken, Jevan Sinulingga ibas tanggal 22 Juli ulang tahun si pe-
10 tahunken. Tek kita maka enda pe erkiteken keleng ate ras pasu-
pasu Tuhan ka nge. Erpengarapen kita maka ertambah-tambah
kinijuah-juahen ras pe keriahan ukur ialoken kekelengenta enda ibas
ia ndalani wari-wari si ni ibereken Tuhan man bana. Dage marilah si
benaken kebaktin enda alu dem kehamaten man Tuhanta Jesus
Kristus. Guna sie mari sibenaken lebe alu pertoton.

Rende KEE 181:1,2 “Segedang-Gedang Geluhku”

1
Segedang-gedang geluhku, itemani Penebus,
Labo kai pe lit si kurang, adi tanNa negu t’rus
Dame surga lit ‘bas aku iusekenNa bangku,
Kegeluhen jadi senang, kai pe lalit si kurang,
Kegeluhen jadi senang kai pe lalit si kurang
2
Segedang-gedang geluhku kubentasi k’rina e
‘Di simberat reh man bangku, Ia penahangisa
Labo pediatna ndabuh, minter kal iangkatNa
Lalap ijagaiNa aku iban keleng ateNa
Lalap ijagaiNa aku iban keleng ateNa

B. KEBAKTIN
1. VOTUM – SALAM
L Kebaktian ngataken bujur enda ibenaken ibas gelar Dibata si
mereken kegeluhen dingen kepentaren man manusia, ras
ibas gelar anak-Na Yesus Kristus simpeteruk ba-Na jadi seri
ras manusia, ras ibas gelar Kesah Sibadia simereken
kengasupen lako nehken kekelengen arah kepentaren si
isehken-Na man banta.
Perkuah ate ras dame ibas Dibata Bapa ras ibas Tuhan Yesus
Kristus nari, ibas kerembaken Kesah Sibadia ras kam kerina
gelah. Amin
Perp Amin...Amin...Amin (Iendeken)
2. Rende KEE 354:1-3 “Kam Si Mbelin”
1
Kam si mbelin, Kam terb’rita, Kam kap sitermulia
Mehuli Kam, dingen erkuasa, Kam si mada k’rina sinasa
Reff:
Sinalsal keleng ate Tuhan, bagi emas si labo luntur
Rejin tuhu dolatNdu Tuhan, ngarak-ngarak kegeluhen
2
Erta-erta, kebayaken, ibas kam nari rehen
Kam merentah alu kuasa, ras gegehNdu Tuhan Dibata
Reff: ……………………………………………………
3
Genduari, o Dibata, ku sehken bujur baNdu
Terpuji Kam si mada k’rina, si ngkelengi kegeluhenku
Reff: ………………………………………………..

3. Nehken Kata Dibata

4. Pengakun Kiniteken

5. Persembahen Pengataken Bujur, Rende KEE 282: 1-3 “Kukataken

Bujur BaNdu”
1
Kukataken bujur banNdu, o Kam Tuhan penebus
Aku enggo s’lamatkenNdu, arah lias ateNdu
Reff:
Keleng kal ateNdu aku, simpar kap ngaruhNdu bangku,
Lias ateNdu lanai terpilasi, ku puji Kam tep-tep wari
2
Tergejab pasu-pasuNdu ibas kegeluhenku,
Rejeki arah dalinku, icur-curkenNdu bangku
Reff……
3
Arah perkuah ateNdu mejuah-juah aku, senang me kapen geluhku,
kupujilah gelarNdu
Reff………
6. Pertoton Persembahen ras Syafaat

7. PENEMANI DIBATA NANDANGI ANAK-ANAKNA

L Tuhan kap permakanku, emaka la kekurangen aku
P Ibas mbal-mbal si meratah ipesang-senangNa aku. Kempak
lau si teneng permalerna itegu-teguNa.
L IpelimbaruiNa gegehku, ibabaiNa aku arah dalan pinter,
erkiteken gelarNa.
P Aminna erdalan pe aku arah kelbung si gelap, la aku mbiar
jumpa cilaka sabab kam kap ras aku O Tuhan.
 L IkawaliNdu aku desken permakan ngkawali biri-biri, alu
ciken ras kayan-kayanNa.
P Kueteh maka lalap Kam melias kempak aku. Kueteh maka
tetap ateNdu keleng man bangku
L Dingen rumahNdu jadi rumahku kidekah umur geluhku.
L+P Amin

8. Rende: KEE 86: 1,3 “Tuhan Yesus Si Permakan”

1
Tuhan Yesus si Permakan, aku biri-biriNa
Yesus si ndemi pusuhku, kuikutken IA nge
Kuikutken IA nge. Yesus sindemi pusuhku, kuikutken Ia nge
3
Dage mari kita k’rina, sipehaga Yesus e
IA si permakan kita, lanai kita kelihen,
Lanai kita kelihen, lanai kita kelihen,
Keriahen lalap lit kin, man si ngikut IA nge

9. Pertoton Tuhan

10. Pengutusen ras Pasu-pasu Dibata

L Turang ras senina, dalankenlah kegeluhenndu i teruh penampat
Kesah Si Badia, janah alokenlah pasu-pasu idur Tuhan Dibatanta
nari:
“Patuhlah kam man perentahKu, Kupepaler me man bandu
kemalemen ate deseken lau, janah kemenangen reh nepet kam,
desken galumbang si ergalun ku tepi lawit.” Amin
P Amin...Amin...Amin (iendeken)