LITURGI KEBAKTIAN MENGKET RUMAH / MBUKA KUNCI

Kel. Sempakata Gurusinga

Senin, 07 Juni 2021

A. Acara i Kesain
1. Rende : KEE No. 325 : 1-3 (Tuhan itengah-tengahta)
1. Tuhan itengah-tengahta, mreken pasu-pasuNa. Maler desken lau
simbelin, lanai lit siterulin.
Reff : Usekenlah min KesahNdu, temani geluh kami. Gegeh kami
plimbarui, krina jadi mehuli.
2. Tuhan itengah-tengahta. Reh riahna ukurta. Reh tenengna
pertendinta. Reh damena pusuhta. Reff. . .
3. Reh tetapna me ukurta, nehken sura-suraNa. Di ernalem la kap
lupa, ermulia Tuhanta. Reff. . .
2. Ertoto
3. Pengakuan Simada Rumah
(Simada rumah tedis deherken pintun, petala-tala ras simabai
kebaktin)
L : Begiken jenari aloilah, penungkunen sisehken man bandu
simenaken usaha enda.
1. Tek kam man Dibata sisada Bapa AnakNa Yesus Kristus ras
man Kesah Sibadia.
2. Tek kam bagi sitersurat bas Pustaka Sibadia maka doni enda ras
kerina isina termasuk rumah enda pe Jahwe kap empuNa.
3. Erpadan kam man Dibata maka ipakekenndu usaha enda nehken
singena atena.
Adi tuhu bage ate ndu nindulah Tuhu Bage Ateku
Ialoi Simada Usaha : Tuhu Bage Ate ku
4. Simada rumah ngendesken kunci man simabai kebaktin.
5. Nalangi Pintun :
Alu kekelengen ras perkuah ate Dibata, rumah enda ibereken man
bandu guna i ingani ras ipakeken kam gelah reh gegehna nehken si
ngena ateNa.
Ibas gelar Dibata Bapa, Anakna Yesus Kristus, ras Kesah Sibadia,
Amin. . .

6. Rende : KEE 386 : 1,2,4 (Malem ate tuhu-tuhu)

 1. Malem ate tuhu-tuhu, siernalem man baNdu. Kam Dibata sinjadiken
langit ras doni enda. SalsaliNdu pusuh kami, maka trangNdu tergejap.
Kalak sitek la kap bene, ban kelengNdu e tetap
2. Matawari, bulan, bintang. Kam nepasa jadi trang. Doni enda dem isina,
labo kai pe si kurang. Krina si erkesah gia, nggeluh i doni enda. Bagi si
ngerana nina : Kam Tuhan si Madasa.
4. Aloken Kam o, Bapa, Kuendesken geluhku. KesahNdu min ngajarisa,
lah kuteh nembah baNdu. Pasu-pasu min kerina, daging, ukur,
tendingku. Gelah arah tan ras kata, ipujina gelarNdu
B. Acara Kebaktin
1. Votum :
Dame i bas Dibata nari si mahanca atendu (ta) malem katawari pe,
erkiteken Tuhan Yesus Kristus.

Salam :
Penampat man bandu (ta) reh ibas Yahwe nari, si nepa langit ras
doni, singkawali peberkat ras permulihndu (ta), genduari nari seh
rasa lalap. Amin. . .

Ialoi Perpulungen :
Amin. . .amin. . .amin
Invocatio : (Mzm 5:3)
O Dibatangku, o rajangku, begikenlah sornagku erlebuh mindo
penampat. Sabap man bandu ngenca aku ertoto.
2. Rende KEE No. 451 :1-3 (Malerlah pasu-pasuNdu)
1. Malerlah pasu-pasuNdu, bagi ni padankenNdu. Gegeh ras ukur
sipaguh tetap iberekenNdu.
Reff : Pasu-pasuNdu, em ulu gegeh kami. Enggo kap maler me
tuhu, sindemi geluh kamu.
2. Maler ’lah pasu-pasuNdu gluh kami jadi baru. Sorana bagi lau
maler mpeteneng ukur kami. Reff. . .
3. Maler ‘lah pasu-pasuNdu mpetetap ukur kami. Rende janah
muji g’larNdu segedang-gedang geluh. Reff. .
4. Pujin man Dibata ibas ketedehen ate kerna pengkawaliNa. Masmur
63 : 1-5 (Responsoria)
L : O Dibata, Kam kap Dibatangku, kudarami dingen tedeh
ateku Kam, mesikel kal aku nandangi Kam.
 P : Desken taneh tenggiring sikerah, bage me muasna tendingku
man baNdu.
L : Pelepas maka kuidah Kam ibas RumahNdu.
P : Maka kuidah Kuasa ras KemulianNdu.
L : KekelengenNdu sitetap ergan asangken Kesah.
P : Emaka kupuji ateku Kam.
L : Kidekah umur geluhku aku ngataken bujur man baNdu.
P : Kuangkat tanku tupung aku ertoto baNdu.
L : Ketuahen kalak simegiken kata Dibata, dingen simakenca
ibas geluhna sitep-tep wari. Haleluya. . . .
P : Haleluya. . . Haleluya. . . Haleluya. . .
5. Nehken Kata Dibata
6. Pengakun Kiniteken
7. Persembahen Pengataken Bujur + Rende
Kata Dibata kerna persembahen :
Ngataken bujur e me persembahen si pehagaken Aku, janah si patuh
ngikutken aku tentu Kukelini (Masmur 50:23)
Rende KEE No. 316:1-3
1. Seh kel simparna pemereNdu o Tuhan. Mejuah-juah kerina ibas jabu.
Lalit simagin pinakit la ertahan. Ngataken bujur pusuh kami man
baNdu.
2. Nggo kap mbuah bage page si nisuan. Janah pe merih bage manuk
niasuh. Ajari kami ersembah baNdu, Tuhan. Lah malem ate ras dame
ibas pusuh.
3. Di kiniteken erbuah bas perlagu. Bas engkelengi min ola kita medu.
Bas si mehuli lalap min kita mbaru. Tuhan Dibata tetap simasu-masu.
8. Ertoto Kerna Persembahen ras Pertoton Khusus.

9. Rende KEE No. 279:1,4 (Kam Kap Dibatangku)

1. Kam kap Dibatangku, Kam ingan ku cicio. Tegu tegu aku,
begiken pertotonku.
Reff : Ernalem man baNdu, Kam pengarapenku. Kidekah
geluhku, ku puji Kam Tuhan.
 4. Kupuji Kam Tuhan, rende aku man baNdu. Sabab seh ulina
perbahanenNdu bangku. Reff. . .
10. Pertoton Tuhan
11. Pemasu-masun :
Dibata sumbul kemalemen ate, si ncukupken keperlundu (ta) guna
ndalanken si sentundu ras si ngena ateNa; Janah Dibatalah si
erdahin ibas kam (kita) arah Yesus Kristus, gelah kam (kita)
ngaloken kai singena ateNa. Man Kristus lah kemuliaan seh rasa
lalap. Amin
Ialoi Perpulungen :
Amin. . .amin. . .amin