LITURGI KEBAKTIN

A. Kebaktin
1. Votum-Salam (PERP. TEDIS)
L : Ibas gelar Dibata Bapa si njadiken jabu kalak si tek, ibas gelar anakNa Yesus Kristus si engkelengi kalak si
ngepkep jabuna, ibas gelar Kesah si Badia si negu-negu persadan jabu-jabu kalak si tek.
Perkuah ate ras dame ibas Dibata Bapa, AnakNa Jesus Kristus ras kerembaken kesah si Badia, amin
P : Amin... amin... amin...

2. Sipuji Tuhanta ibas

Kee 313:2 Wari ras berngi nggo ibentasi keleng ateNdu tetap nemani
Ibas mberat Kam lalap nampati, ibas susah Kam si ngelayasi
Reff. Salsali pusuh kami, layasi ukur kami
Pengarapen rah teguhna, kiniteken reh paguhna

3. Kecibal Keluarga Anak Dibata Si Ngena Ate Tuhan (PERP. KUNDUL)

L : Nina Dibata: “Patuhlah sekalak nandangi sidebanna, erkiteken kam mehamat man Kristus..”
P : Ngaku kami Tuhan, megati pengerana ras perbahanen kami erbahanca ceda ukur kami sada ras sidebanna..
Kee 377:1 Kuakuken me dosangku ilebe Tuhan, Megati aku lalar bas kegeluhenku
Keleng ateNdu pengarapenku, iteruh perkuahNdu malem me pusuhku )2x

4. Berita Pengalemi Dosa (PERP. TEDIS)

L : Selaku persuruhen Dibata, aku nehken kataNa man bandu kerina, kam si enggo ngakuken dosandu, nina: “ kam
enggo erkubang-kubang ibahan dosa, tapi ku peridi kam maka bersih bagi salju. Aminna gia erkiteken dosandu
kam enggo mbiring bagi tengguang, mulihi kam jadi mbentar bagi kapas.”Amin. (bd. Jes.1:8)
Kee 254:1,3 Reff.. Isuruh Dibata sikeleng-kelengen, sisampat-sampaten asa kengasupen
Mbue me kap tuhu siman bahanenta, radu ras kerina kita ndahikenca
Palasta nampati em ate mekuah ngusih Tuhan Yesus enggo kap nampati
Meriah ukurta adi teman pulah, masap kebiaren je dat ate jadi... Reff..
Bas nampati teman la ngarapken balas, pusuh peratenta aruslah meciho
Tuhan ersimulih ibereNa lampas, sangapen kap mere asang kita ngalo... Reff..

5. Kata Dibata (PERP. KUNDUL)

6. Pengakun Kiniteken (PERP. TEDIS)

7. Persembahen (PERP. KUNDUL)

L : Mas 50:14 “Bahanlah pengataken bujur jadi persembahen man Dibata, sehkenlah kai si enggo ipadankenNdu
man si meganjangNa.”
Kee 445 Sipepulung me persembahenta si endesken dage man Dibata
Tanda mriah ukur ras pasu-pasuNa, si simpar breNa man banta
Reff: Asa si nggo i sikapken.. Asa si nggo i totoken, em pengataken bujurta, kempak Dibata
Tuhu simpar pemere Dibata, man perjuma ras si erbinaga
Krina si erdahin si ngarap man baNa, ituahi pasu-pasuNa... Reff..
Persembahen kami e o Tuhan, eme sada bagin pemereNdu
AjariNdu kami ersembah man banNdu, pehaga kinirajanNdu... Reff...
8. Perpadanen ras Dibata (PERP. TEDIS)
L : Dibata mpersadaken isi jabu guna mpekena-kena doni enda
P : Erpadan kami Tuhan, makeken jabu kami rikut pendahin kami enda ndalenken kerina si nisurakenndu. Nggit nge
kami mulai wari enda ras seterusna guna siergan ras patuh sada ras sidebanna.
L : Ibas mpeteguhi perpadennta mari ras kita rende ibas Kee 252
Bapa kami si ni Surga GlarNdu pe Badia min Ola min kami ibaba Kam ku bas percuban
Reh lah min KinirajanNdu Tapi olangilah kami idur si ilat nari
Sehlah min bagi peratenNdu Kam kap si mada kinirajan
I doni enda bagi ni Surga Bagepe kuasa
Breken kami nakan cukup Ras kemulian sindekah-ndekahna
Bas wari si sendah enda, alemiNdu salah kami Aaamin..
Bagi nialemi kami Salah kalak si lit bas kami

9. Pertoton TUHAN ras Pemasu-Masun

L : Tetaplah kam nggeluh ibas terang kata Dibata maka ngasup kam ndalanken tanggung jababndu selaku Bapa,
Nande, anak ibas keluarga ras pendahinndu. Perulihenndu eme nggeluh ibas keluarga si dem kesangapen ras
kemalemen ate. Guna mpeteguhi kam, alokenlah pemasu-masun idur Dibata nari..
“Dibata, si mada perkuah ate, si enggo nenahken kam ku kemulianNa si rasa lalap ibas Kristus, njadiken kam
serta, tetap, megegeh dingen paguh. IA nge si mada kuasa seh rasa lalap, Amin..”
P : Amin...... amin...... amin....

TUHAN SINGKAWALI KITA KERINA

-.-.-.-.-.-.-.-.-. 000.-.-.-.-.-.-.-.-.-