LITURGI MINGGU MISERICORDIAS DOMINI

(LIAS ATE JAHWE)

GBKP Rg. Muara Bungo
Minggu, 26April 2020

A. PERSIKAPEN
ADI SERAYAN SI MABAISA, MULAI I BAS KEBAKTIN SEH ASA DUNG.
TAPI ADINA LA SERAYAN SI MABAISA,
BENAKEN I BAS NO. 1, E MAKA KU NO. 3 SEH KU NO. 11.
B. KEBAKTIN
1. Rende:KEE No. 205:1,2 “Rehlah Min O Tuhan”
Rehlah min o Tuhan, sikap kami k’rina, ersembah man baNdu jenda
Nusurlah min Tuhan bahan sikap k’rina, ukur kami pe badia
O Bapa, b’re gelah, daten pasu-pasu, kami k’rina enda
Tuhan Dibatanta lit bas rumah enda, nembah kita k’rina baNa
Alu kehamaten, mungkuklah man baNa, kula tendi pe kerina
Aloken kataNa ras pasu-pasuNa,, usekenNa banta
2. Votum - Salam
L I bas gelar Dibata Bapa si nepa langit ras doni, i bas gelar Jesus Kristus si
enggo mereken geluhna guna mulahi manusia i bas dosa nari, ras i bas
kerembaken Kesah si Badia si nampati ras si mere gegeh gelah manusia
paguh i bas ngalaken perbeben.
Lias ate Tuhan Jesus ndilo kam (kita) gelah dat bagin i bas kemulianNa si
rasa lalap, Amin.
P Amin..... Amin..... Amin..... (Iendeken)
3. Berita Kerna Perbahanen Ras Sura-Sura Dibata (Invocatio)
L “Kerina percuban si reh man bandu e bali nge biakna ras percuban si biasa
seh man manusia si deban. Tapi Dibata setia nge i bas padanNa. Labo
ipelepasNa kam icubai lebih asa gegehndu. Asum kam ngenanami
percuban, iberekenNa nge gegeh man bandu gelah ngasup kam
nggengkenca, janah radu ras sie iberekenNa pe dalan pulah.” (1 Kor. 10:13)
Erpalasken Kata Dibata enda, sipuji IA arah ende-endenta:
KEE No. 222:1,2 “Di Reh Kenca Percuban”
‘Di reh kenca percuban, Tuhan Jesus si ‘ngklinisa
Tambah tindih kinis’ran, minter pindo gegeh baNa
Reff: Tuhan Jesus si ‘ngk’linisa, bas kerina dampar g’luhta
Minter pindo gegeh baNa, susah entah senang gia
Baban geluh paksa gulut, Tuhan Jesus si ‘ngk’linisa
Gelah ukur ula serbut, minter pindo gegeh baNa
Reff: Tuhan Jesus si ‘ngk’linisa……
1
4. Lias Ate Dibata si Mbelin Kubas Kegeluhen
L Dibatanta e melias perkuah. IetehNa maka labo kita ngasup mulahi dirinta
i bas kuasa kematen nari. Emaka itebusNa kita arah kematen Jesus.
P Terpujilah Kam Tuhan. Ermengkah dingen malem kal ate kami. Erkiteken
lias ateNdu, pulah me kami i bas kematen si la tertaluken kami.
L Sipuji Dibata erkiteken lias ateNa man banta arah ende-endenta:
KEE No. 317:1,2 “Si Puji Tuhan Arah Geluhta”
Si puji Tuhan, arah geluhta, si inget tetap ngaruhNa banta
Ban k’leng ateNa, nebusi kita, terkelin kita, si tek man baNa
Segedang g’luhta inget Dibata, bas k’rina paksa ngaraplah baNa
Tetap ukurta rembak ras Ia erban si ‘rguna ula erleja
5. Pengakun Dosa
L Kekelengen Tuhan, adi itatap Dibata ku bas pusuhta sekalak-
sekalak,pusuh ras ukur si kuga nge idapeti Dibata i bas dirinta?
IdapetiNa ndia pusuh si dem pengataken bujur i bas keselamaten si enggo
ijujurkenNa?
IdapetiNa ndia perukuren si ngergaken keleng ateNa?
(Paksa Teneng)
Rende:KEE No. 417:1 ”Kam Jesus Tuhanku”(Iendeken 2x)
Kam Jesus Tuhanku, palas kegeluhenku, reh aku ngadap man baNdu
Tegulah min aku, i bas ndalani geluhku, ’lah ula celus nahengku
Reff: Dengkehken sorangku erlebuh o Tuhan, ngendesken pingko-pingkoku
Alemi min salah lepakku o Tuhan, ’lah atan bas kiniulin
6. Berita Pengalemi Dosa
L Kata Dibata man manusia, niNa:”Aku kap Dibata si nasapken dosa-
dosandu; janah si e Kulakoken erkiteken bage kin biakKu. Lanai Kupeinget-
inget kerina dosa-dosandu”. (Jes. 43:25).
Erkiteken dosanta enggo isasapken Dibata, sipuji IA arah ende-endenta:
KEE No. 212:1,2 “Perkuah Ate si Mbelin”
Perkuah ate si mbelin, nemani geluhku
Ije me aku erdalin, teruh perkuahNdu
Perkuah ate si mbelin, si nasap dosa e
PedahNa e, si gelem min, ‘lah kita la bene
7. Kata Dibata (Bilangen 14:17-19)
a. Ngoge Kata Dibata Bagin Si Pemena
L Ketuahen kalak si megiken Kata Dibata, dingen si makekenca i bas
geluhna si teptep wari, Haleluya.
P Haleluya..... Haleluya..... Haleluya..... (Iendeken)
b. Khotbah: (Ibenai ras idungi alu pertoton)
Khotbah : Roma 3:1-8
Tema : DIBATA SETIA IBAS PADANNA
2
 Mejuah-juah kita kerina ibas gelar Tuhan. Malem kel ateta, aminna pe ibas
kondisi si bagenda rupana banci kita mereken waktu guna beribadah. unik kel ibas
kondisinta genduari, asa pengingetku enggo 5 minggu kita beribadah i rumah, la
terjeng beribadah, erdahin pe kita irumah, PJJ pe kita i rumah, tek kami seri
ketedehenta, beribadah i rumah pertotonta, enda iuji kita guna merefleksiken tema
Natal 2014 ndube, si mengambil tema Jumpa ras Tuhan ibas keluarga.
Perpulungen Tuhan, ntah labo kam ngenca si nungkun ibas pusuhndu,
mehuli denga kin Dibata ibas keadaan genduari? Adi Dibata kin ia, la kin banci
pengadina virus Covid 19 enda, bagi Yesus menghardik gelombang air? Engkai maka
iizinken Tuhan lit Covid 19? Tuhu la kel terpahami kita uga cara Dibata erdahin
genduari. Ntahsa labo keleng ate Dibata nandangi manusia pe. Em pentingna si
begiken kata Dibata sendah. Ternyata, ketika kita mampu memahami tentang cara
Tuhan erdahin, maka kita lebih dibata asangken Dibata.
Perpulungen Tuhan. Tema nta minggu enda emekap Dibata setia Ibas
padanna. Kuakap sepakat kita, maka kata kuncina emekap SETIA. Aminna pe bangsa
e ngelakoken perbahanen si salah, ilakokenna perbahanen si la sentudu ras sura-
sura Dibata, keleng ate ras padan Dibata tetap lit man bana. Dibata la pernah mobah
ibas padan si enggo ibelaskenNa. Justru Dibata nuduhken maka IA tetap setia guna
engkawali kalak si erkiniteken man baNa. Bagem Paulus naksiken kesetian Dibata e
man kerina jelma. Ituriken Paulus maka ibereken Dibata AnakNa si Tonggal e guna
gancih dosa-dosa si ilakoken manusia ibas geluhna. Enda me wujud Dibata nehken
kesetianNa man kalak si tek man baNa. Kesetian Dibata man manusia
ituduhkenNa alu la mperdiateken kerina kesalahen si ilakoken manusia.
Erkiteken kesetianNa me maka lias ateNa e tetap nggeluh man kerina manusia si tek
man baNa.
Keleng ate Tuhan, lit kap lalap. nanamna seri, bentuknya sering kali berbeda.
Tidak selamanya keleng ate Tuhan muncul dalam bentuk keramahan, bahkan sering
sekali dalam bentuk kemarahan Tuhan sekali pe, muncul keleng atena. Sehingga
banci sipahami bahwa uga pe keuniken kegeluhenta genduarina, keleng ate Tuhan
tetap lit bas kita anakna.
Sehingga muncul min ibas kinitekenta genduari, sebuah kesaksian iman,
aminna pe genduari ibas keadaen susah. Tuhan nemani ras nampati kita ibas
kegeluhenta. Tuhan tidak ada di balik Covid 19. Tetapi Tuhan ada di balik para
medis bagi perawat, dokter bidan si menjadi garda terakhir ibas menghadapi Pasien
Covid 19 enda. Labo sitik perawat ras bidan bagepe dokter si terjangkiti Covid 19,
perbahan pasien ODP ras PDP Covid 19. Emaka sekali enda, erdoa syafaat kita man
kerina perpulungen Tuhan si perawat, dokter bagepe bidan, terkhusus ibas
runggunta. Tuhan ada di balik Polisi, tentara si harus mengorbankan dirinya,
keselamatannya, kesehatannya gelah memastiken keamanen i negaranta. Tuhan ada
di balik jemaat-jemaatta si harus berjuang untuk mencukupkan kebutuhan jabuna,
apaika ihajar oleh oknum-oknum si memainkan harga, sehingga dungna lanai lit erga
3
sinuan-sinuan e. Tuhan ada di balik orang-orang yang tidak bisa bekerja dari rumah,
untuk memastikan Gas, beras, telor lit lalap tersedia ibas pasar. God Fights with us.
Tuhan berjuang bersama kita.
Emakana, genduari ibas paksa covid enda, kuajak kerina perpulungen banci
nggejapken janah nginget Tuhan ibas kerina kiniulinna. Kam gia, ibas musim corona
enda, kai dage siusur ingetndu? Jangan-jangan hari-harinta di penuhi kekhawatiran.
Masa corona enda, mari kita menemukan hal-hal yang baik dalam dirinta ibas masa-
masa corona enda. Kami genduari, puji Tuhan enggo erlajar guna nuan-nuan.
Tambah ka riahku, enggo banci panen bayam. Terlepas uga gia nanam bayam ndai,
tapi keadaan erbahansa maka kami nggo banci jadi Sarjana Pertanian. Hal sie labo
banci kulakoken ibas wari-wari sinormal.
Emaka, sikurangi lah kekhawatiranta, siinget maka Dibata e setia man banta.
Lalap seh rasa lalap keleng atena man banta. Amin.

8. Pengakun Kiniteken
9. Persembahen
L Kata Dibata si jadi palas i bas kita ngendesken persembahenta, niNa:
“Endeskenlah kulandu man Dibata saja selaku persembahen si nggeluh
rikutken si ngena ateNa. Sabap bage me arusna kam ersembah man Dibata,
sue ras biakndu selaku mahluk si rukur” (Rm. 12:1).
Mari siendesken persembahenta, alu rende arah ende-endenta:
KEE No. 316:1,3 “Sehkal Simparna PemereNdu”
Sehkal simparNa pemereNdu o Tuhan, mejuah-juah kerina i bas jabu
Lalit si magin pinakit la ertahan, ngataken bujur pusuh kami man baNdu
Di kiniteken erbuah bas perlagu, bas engkelengi min ola kita medu
Bas si mehuli lalap min kita mbaru, Tuhan Dibata tetap si masu-masu
Pertoton Persembahen ras Syafaat
10. Perpadanen Man Dibata
L I bas kita enggo ngaloken lias ate Dibata, kai nge ndia si jadi
perpadanenta?
P Erpadan me aku, tetap nggeluh setia man Tuhan.
L Dibata mulahi manusia arah kuasa dosa, guna naksiken keleng ateNa.
P O Tuhan, Kuendesken diringku man bandu, gelah idah doni enda keleng
ateNdu arah perbahanenku.
L Sipeteguhi perpadanenta man Dibataarah ende-endenta:
KEE No. 273:1,2 “Ingetlah Min Gelar Jesus”
Ingetlah min gelar Jesus, susah ntah senang gia
Ia me kap penampatNdu, ku ja pe perlawesNdu
Reff: Mehaga, gelarNa, pengarapenta k’rina
Mehaga, gelarNa, ermulia gelarNa
Pake tetap min pedahNa, e me kap senjatanta
4
 Kune reh percuban nderpa, tentu la kita mampa
Reff: Mehaga, gelarNa……
11. Pertoton Tuhan
12. Pengutusen ras Pasu-Pasu Dibata
L Berkatlah dingen beritakenlah keleng ate Dibata. Alokenlah pasu pasu
idur Dibata nari:
”Dibata Bapa ras Tuhanta Jesus Kristus mereken kemalemen ate,
kekelengen ras kiniteken man banta (ndu) gelah. Lias ate Dibata
rembak ras kerina kalak si erkeleng ate man Jesus Kristus alu keleng
ate si la erkeri-kerin”. Amin.
P Amin..... Amin..... Amin..... (Iendeken)
NB: Man banta jabu si ngelakoken kebaktin minggu irumah masing-masing,
gelahna ngelaporken teremna si pulung ras persembahenna man engurus
PJJ. Asa bancina ikirimken pe fotona ku group WA sektor. Bujur melala.