KEBAKTIN MINGGU, 26 APRIL 2020, GBKP RUNGGUN MEJUAH-

JUAH, KLASIS KUALA LANGKAT

Minggu Misericordias Domini: Lias Ate Jahwe

I. PERSIKAPEN
II. KEBAKTIN
1. Kata Penaruh:
Minggu enda igelari Minggu Misericordias Domini, eme Minggu si mabai kita
ngejapken lias ate Tuhan Dibata. Ija kita ikelini dingen ipulahi i bas ukumen nari.
Kita enggo itebusi, jenari iperembakken Dibata kempak DiriNa arah kematen
Jesus Kristus i kayu persilang. Dosa ras kelepakenta lanai iingetNa jenari iatanken
Dibata kita bengket ku bas kemulianNa si rasa lalap. Dage, alu meriah ukur, sipuji
Dibata erkiteken Jesus enggo mperdameken kita ras Dibata.
Rende KEE GBKP No. 3:1-2 “Puji Dibata E”
2. Lias Ate Dibata si Mbelin Kubas Kegeluhen
L Dibatanta e melias perkuah. IetehNa maka labo kita ngasup mulahi dirinta i
bas kuasa kematen nari. Emaka itebusiNa kita arah kematen Jesus, gelah
olanai kita ikuasi kematen, dingen bene i bas dosanta.
P Terpujilah Kam Tuhan. Ermengkah dingen malem kal ate kami. Erkiteken
lias ateNdu, pulah me kami i bas kematen si la tertaluken kami.
Sipuji Dibata erkiteken lias ateNa man banta alu ngendeken : Rende PEE GBKP
No. 3:1 “Lias Ate Ni Tuhanta”
3. Pengakun Dosa
L Adi itatap Dibata ku bas pusuhta sekalak-sekalak. Pusuh ras ukur si kuga nge
idapeti Dibata i bas dirinta? IdapetiNa ndia pusuh si dem pengataken bujur i
bas keselamaten si enggo ijujurkenNa? IdapetiNa ndia perukuren si
ngergaken keleng ateNa? Pusuh ras ukur si kuga nge idapeti Dibata i bas
dirinta?
(Paksa Teneng)
L Mari siakuken dosanta arah ende-endenta : Rende PEE GBKP No. 80:1-2
“Manusia Enggo Erdosa”
4. Berita Pengalemi Dosa
”Aku kap Dibata si nasapken dosa-dosandu; janah si e Kulakoken erkiteken bage
kin biakKu. Lanai Kupeinget-inget kerina dosa-dosandu” Amin. (Jesaya 43:25).
Erkiteken dosanta enggo isasapken Dibata, sipuji IA arah ende-endenta : Rende
PEE GBKP No. 57:1-2 “Enggo Masap Dosangku”
5. Kata Dibata
a. Pengogen sipemena: Bilangen 14:17-19 (Tunggal)
b. Ertoto sope khotbah
c. Khotbah: Roma 3:1-8 (Antiponal)
Tema : Dibata Setia I Bas PadanNa
Mejuah-juah man banta kerina ngawan ni perpulungen si i kelengi
Tuhanta Yesus Kristus, amina pe situasi ibas si genduari enda harapenta maka ula
kita surut ibas kinitekenta nandangi Tuhan, sebab Dibata pe tetap setia man banta
kerinana. Ibas minggu enda bengket kita ku minggu Misericordias Domini/Lias
ate Jahwe. Ibas minggu enda pe si jadi tema man banta guna merenungkan kata
Dibata eme “Dibata Setia I Bas PadanNa” ibas bahasa Indonesiana Tuhan setia
Pada JanjiNya.
Bapa/nande,senina ras turang adi i sungkun kita kai nge ertina padan/janji?
Pernah ntah lang kita erpandan/berjanji? Tentu penungkunen si biasa enda
terkadang si sepeleken ibas kegeluhenta, tapi adi kune sada pe la i
angkai/idalanken berdampak besar bas kegeluhenta, baik kegeluhen bas keluarga,
teman meriah terlebih-lebih ras Dibata. Maun-maun selaku kita manusia rusur
siakap sepele/nukah siakap erjanji/erpadan, tapi guna nepati/njalanken janji e labo
situhuna sada hal si gampang, enteren kalak kecewa pebahan padan si enggo i
padanken teman e labo kel kepe i tepatina. Sada contoh umpama lit anak perana si
enggo erjanji/erpadan ia erjabu ras temanna singuda-nguda, tapi la kepe i tepati
anak perana e ndai pandannda man si nguda-nguda ndai, bahkan lawes ka ia man
diberu sideban, adi sibanyangken uga pergetemna pusuh diberu si itadingken
ndai? Padahal lit pepatah “Indonesia” ngataken “Janji adalah utang”. Tapi ibas
wari senda si jadi penungkunen ban banta kerina, uga adi Dibata erpadan/erjanji?
Pustaka sibadia ngataken Tuhan la kap melet ngelakoken kai si enggo
ipadankenNa.(2 Petrus 3:9a).
Perpulungen si ikelengi Tuhan ibas bahan renungenta ibas surat Roma 3:
1-8, perlu si iteh eme kalak Yahudi meganjang ukur, menganggap dirina jine si
benarna ibs kerina manusia ras merendahken kalak si iluar kalak Yahudi eme
kalak kafir nina, la ndalaken hukum ras sidebanna. Kalak yahudi mengganggap
dirina eme ia si bujurna kel. Perbahan ia ndalanken undang-undang Tuhan. Tapi
amina pe erdosa kalak Yahudi lit kelebihenna, labo ibas dirina, tapi ibas panggilan
Dibatasi mbereken kepercayaan man kalak jahudi guna jadi pasu pasu man kerina
bangsa. Tapi kai si terjadi adinana bangsa pilihen Dibata gagal ibas ndalanken
sura-sura Dibata? Tapi la dibata merawa ibas kegagalan kalah Yahudi e, la
nembeh ia man manusia, ras la kurang kelengNa man manusia. Paulus ngataken
kinilasetiaan manusia la mempengaruhi kinisetiaan Dibata man manusia aminna
pe manusia la sitia man Tuhan. Perbahan biak Dibata e me setia. Dibata tetap setia
amina pe piga-piga kalak Israel la setia man Yesus Kristus. Kalak Yahudi la ia tek
ras la ia setia man Kata Dibata tapi Dibata si mereken Kata e tetap setia ndalanken
KataNa. Kegagalen manusia i lebe-lebe Dibata ngataken Dibata e Dibata si setia.
Reh mbelina kesalahen sinilakoken manusia, reh mbelina ka pengampunen si i
bereken Tuhan. Dibata setia kap, kinisetiaanNa nasapken dosanta, tapi labo
berarti ngtakensa kita manusia ate-ateta saja erbahan dosa, apaika si sepeleken
kekelengen si enggo ibereken Tuhan alu erbahan dosa. Jadi arah kata Dibata baik
ibas tema bagepe ibas bahan khotbahta si jadi inti renungen man banta eme:
1. Sumbul gegehta, sangana kita ibas ngadapi percuban eme kesetiaan Dibata
si nampati kita mbereken pemampat, ras jalan keluar seh maka ngasup kita
ngalaken perbeben.
2. Kekelengen ibas Tuhan nari si mbereken keadilan ras kebenaren man kita
kalak perdosa
3. Dibata eme Dibata si setia, si mbereken pengalemi dosa man kita si nggit
robah ras jera ibas dosa nari.
4. Mari setialah kita man Dibatanta perbahan Dibata ndauh setiaan man kita
ala kekelengen ras pengalemi dosa si iberekenNa ban banta manusia.
Amin.
d. Ertoto kenca dung khotbah
6. Pengakun Kiniteken
7. Persembahen
“Endeskenlah kulandu man Dibata saja selaku persembahen si nggeluh rikutken
si ngena ateNa. Sabap bage me arusna kam ersembah man Dibata, sue ras
biakndu selaku mahluk si rukur” (Roma 12 :1). Rende KEE GBKP No. 70:1-
“Kukataken Bujur Bandu”
8. Pertoton persembahen + Syafaat
9. Perpadanen Man Dibata
L I bas kita enggo ngaloken lias ate Dibata, kai nge ndia si jadi perpadanenta
ras IA?
P O Tuhan, enggo kualoken lias ateNdu jadi gegehku. Erpadan me aku,
nggeluh setia man baNdu.
L Dibata enggo mulahi manusia arah kuasa dosa, jenari idiloNa manusia
naksiken keleng ateNa.
P O Tuhan, Kuendesken diringku man bandu, gelah idah doni enda keleng
ateNdu arah perbahanenku.
Sipeteguhi perpadanenta man Dibata, rende kita arah ende-endenta : Rende PEE
GBKP NO. 155:1-2 “Tuhan Dibata Si Nemani”
10. Pertoton Tuhan
Si salamen ras si dakepen guna mpegegehi

Terem si Pulung ______ kalak

Persembahen Rp.______