Sibasaon Minggu 27 Maret 2022 (Letare)

Nats : Lukas 15:1-7

Topik Minggu : Marmalasni Uhur Ampa Marsurak-surak Ibagas Tuhan
Doding : Hal No. 241:1-3

I. Parlobeini
Bagei do cara na ibahen Tuhan Jesus sonaha ase jolma in boi dohor hubaNi. Janah bagei do homa upaya na
ibahenNi, sonaha jolma in ase ulang soppat magou, manlembang daoh humbaNi. Hal ai taridah do humbani visi misi
ni Jesus roh hu dunia on, in ma na laho paluahkon jolma pardousa, in ma na laho mangindahi jolma na magou na
domma daoh humbani. Songon na tertulis bani Lukas 19 : 10 “Ai na roh do anakNi jolma in mangindahi anjaha
paluahkon na magou“. On ma homa nagabe hataridahanni, buktini banggalni holong ampa idopNi uhurNi hubani
jolma pardousa. Pala do sonin argani jolma pardosa on ilobei- lobeiNi. Lang marosuh Ia anggo palado magou hita
binahenni dousanta.
II. Hatoranganni Teks
Ambilan on ipungkah si Lukas marhiteihonni na patugahkon pasal parjumpahanni Jesus pakon dua golongan
atappe dua kelompok. Kelompok na pertama aima Sijalo Sohei (Pemungut Cukai) ampa Sipardousa. Naija buei
tumang do jolma na magigi mangidah halak na sonin horjani, halani memang halak on ma na itugaskon Romawi
laho manjalo pajak hubani rakyat, anjaha gati-gati do homa uhur-uhurni sidea laho panaikkon pajak anjaha manjalo
secara paksa. Sementara kelompok na paduahon aima halak parisei ampa sibotoh surat na mangaku mangkorjahon
titah ampa aturan- aturan na berlaku itongah-tongah ni halak Jahudi bani panorang ai.
Kelompok na paduahon on ma na mengaku bahasa pitah sidea tumang do na paling Rohani, paling kudus,
pansing, marimbang halak na legan. Seng pitah ai, bani teks on ipatugah do homa sonaha Tuhan Jesus pakon
kelompok sijalo sohei ampa si pardousa ai boi riap mangan. Na bani panorang ai anggo boi ma riap hundul janah
riap mangan na mangartihon adanya penerimaan dan solidaritas. Sibotoh surat ampa halak parisei merasa bahasa
anggo domma riap Tuhan Jesus mangan pakon jolma na ianggap sidea berdosa (Sijalo sohei ampa pardousa), berarti
Jesus domma menyamakan diri pakon sidea, janah menyetujui horja-horjani sidea. Secara singkat halak parisei ampa
sibotoh surat protes bani sikap ni Jesus ai. Janah aha na iprotes sidea ai ipadas sedo berdasarkan Alkitab, tapi
berdasarkan tradisi ni halak Jahudi do bani panorang ai. Hape na maningon ibotoh sidea bahasa kehadiranNi Jesus
hu dunia on aima iibaratkon songon sahalak dokter yang datang bukan untuk menolong orang yang sehat, tapi
hubani na boritan do, seng roh ia mandilo halak parpintor, tapi pardousa do (Markus 2:17).
Laho mambalosi ungut-ungut ampa protesni halak parisei ampa sibotoh surat nongkan, ipakei Tuhan Jesus do
limbaga sonaha ase sibotoh surat ampa halak parisei mangarusi janah sadar bahasa na salah do pemahaman ni sidea
sadokah on. Limbaga ai aima pasal biri- biri na magou (1-7). Marhitei limbaga pasal biri-biri na magou on ma Jesus
mangkatahon “Ise ma humbani nassiam sahalak parbiri- biri saratus, anggo magou sada hunjai na so manadingkon
na siah pulu siah nari ai i parmahanan, laho mangindahi na so taridah ai, ronsi na jumpahsi ai?” ( Ayat 4).
Marhitei limbaga on tontu pori ise pe na manangar ai, pasti do lang adong setuju apabila sahalak parbiri-biri
( Parmahan)/ gembala sejati tidak mencari dombanya yang hilang. Parmahan na madear pasti do mambahen segala
upaya laho mandapotkon biri-birini na magou ai. Gariada sahalak parmahan marbois gogoh do ia laho mangindahi
na magou ai, samintolah ma Tuhan Jesus sebagai parmahan na madear, parmahan na gok holong. Roh do Naibata hu
dunia on laho paluahkon, mangindahi na magou, ase ulang lalap ibagas hamagouan, hagolapan tapi ase manggoluh
ibagas sondang na humbani Naibata. Hunjon boi ma botohonta ise ma na isobut na magou ai nuan? Hita do nuan na
isobut na magou ai. Gati hita lang merasa hita do na di kegelapan itu. Semula memang iahap hita biasa-biasa saja,
dosa na ihorjahon hita masih seperti dosa yang dikerjakan banyak orang. Biri-biri na kahou aiре bani mungkahni
merasa baik-baik saja, tapi semakin lama semakin daoh humbani biri-biri na legan. Janah bani sada panorang baru
ma isadarini bahasa dirini domma MAGOU. Tontu anggo jumpah ma parmahan pakon biri-biri nokkan ai na sompat
magou nongkan, seng tanggung be hape megahni uhurni parmahan ai. Malas ma tumang uhurni ( Ayat 6) anjaha
iboan ma biri- biri ai mulak. Sihol do tong uhurni Tuhan in mamboan jolma na kahou in mulak hubani dalanNi. Laho
mangujungi limbaga in ipatugah Jesus do hubani halak parisei ampa sibotoh surat bahasa gok malas ni uhur do homa
age inagori atas mangidah sada pardousa na dob mulak hubani dalanNi. Malas ni uhur ai manlobihi humbani malasni
uhur siah puluh siah halak parpintor na lang porlu paubahkon uhurni. Dihut do age malas ni uhur ai das hubanta bani
panorang on anggo adong hasomanta na domma soppat magou halani dousa, tapi gabe mulak use hubani dalanNi
Tuhan.
III. Hahonaanni
1. Porlu do hape sadar hita ibagas goluh on, domma ija hita nuan on. Ibagas hulanan ai pe hita? Ibagas Tuhan in
pe nani goluhta? Atau na dob magou bei do hita on tapi lalap lang sadar hita? na roh do Tuhan in,
Siparmahan in MANGINDAHI ham, au, hita on haganupan ase ulang lalap ibagas na kahou, magou
binahenni dunia on.
2. Harga do tumang hita ilobei- lobei ni Tuhan in. Pala ra Ia matei tarsilang laho paluahkon hita. Domma
ipapintor hita, domma ipapansing hita marhitei darohNi. Halani ai mulak ma hubani dalanNi Tuhan in, ai
domma ipasirsir banta ianan hasonangan in asalma sirsir hita marhamubahonni uhur.
3. Halak na pansing i lobei ni Naibata aima na totap mangajamhon holong ni uhur ni Tuhan janah totap
menyadari hagalekonni. Marmalas ni uhur ma hita halani haluahon na humbani Tuhan. Marmalasni Uhur
Ampa Marsurak-surak ma hita Ibagas Tuhan anggo hasomanta sipardihut bani haluahon idop ni uhur
humbani Tuhan.