Pengakuan Pemerintah 11 Juni 1931 No. 48 Staatsblad Thn. 1932 No. 360 Jo. No. Dd/P/DAK/d/135/68, jo. No. 33 Tahun 1988
MINGGU: JUDIKA, 29 MARET 2020
TOPIK: “HASINTONGAN NI DEBATA NA PALUAHON” 1. Marende BE. No. 6:1-2 “Puji Jahowa Na Sangap” Puji Jahowa na sangap huhut marmulia Hamu sude na parroha na ringgas na ria Marpungu be, marolopolop sude, hamu sude manisia Puji Jahowa Sigomgom sude parluhutan Na manogihon ho songon niiring ni tangan Dohot hosam, songon hombar tu roham sai diramoti Ibana 2. Tangiang Pamuhai sian na manguluhon Ibadah 3. Marende BE. No. 691:1 “Hupasahat Ma Tu Jesus” Hupasahat ma tu Jesus, saluhutna ngolungki,Roha nang pambahenanku, saluhutna tingkingki Hupasahat ma tu Jesus, saluhutna diringki,Hupasahat ma tu Jesus, saluhutna ngolungki. 4. Patik (P: Pemimpin Ibadah; K: Keluarga) P: Tatangihon ma Patik ni Debata di hita sadarion ima Patik Na parjolo Dohot Lapatanna, Ahu do Jahowa Debatam! ninna Debatanta. Ndang jadi marungkap Ahu bahenonmu Debatam. Lapatanna Ingkon umbiar rohanta jala humolong jala umpos mida Debata asa mida nasa na adong. Rap mangido gogo ma hita sian Tuhan Debata laho mangulahon PatikNa. K: Ale Tuhan Debata, sai pargogoi ma hami mangulahon na hombar tu PatikMi. P+K: Amin 5. Marende BE. No. 677:1+4 “Mansai Lambok” Mansai lambok Tuhan Jesus manjou,Manjou ho dohot au, Ida Ibana paimaHaroromu mulak ma ho dohot au. Antong sai ro ma ho angka na sorat, Sai ro ma ho, mansai lambok Tuhan Jesus manjou pardosa mulak ma ho. Dijanghon Jesus do angka parjahat, Mulak ma ho dohot au Dosam sudena ias sesaonNa, Muba ma ho dohot au. Antong sai ro ma ho angka na sorat, Sai ro ma ho, mansai lambok Tuhan Jesus manjou pardosa mulak ma ho. 6. Manopoti Dosa (P: Pemimpin Ibadah; K: Keluarga) P: Tatopoti ma dosanta na godang i tu adopan ni Debata, tapaunduk jala tapaserep rohanta martangiang ma hita: Ale Tuhan Debata, pargogo na so hatudosan, parasi roha na sumurung, Ama ni Tuhan Jesus Kristus sipangolu hami! Hami, halak pardosa na dangol on ro tu jolo ni habangsa habadiaonMi manopoti jala manganggukhon dosanami. Mansai jotjot huarsahi hami Ho marhitehite pingkiran dohot hata dohot pambahenannami na roa i. Ndang huhaholongi hami Ho sian nasa rohanami dohot nasa ateatenami dohot nasa tondinami dohot nasa gogonami! Nang dongannami, ndang doshon dirinami hubahen hami. Dibahen i tama do rimasanMu jala uhumonMu hami tu hamatean saleleng ni lelengnai. Alai na maporus ma hami nuaeng tu asi ni rohaM na godang i mangido sian nasa rohanami hasesaan ni dosanami saluhutna. Sai urupi ma hami paubahon rohanami ala ni Tuhan Jesus Kristus, Anak haholongan ni rohaM, sipangolu hami dohot alani GoarMu na badia i. Ale Tuhan, sai asi ma roham di hami halak na dangol on! Bagabaga ni Debata taringot tu hasesaan ni dosanta: Songon on do Hata ni Jahowa: Unang ho mabiar, ai Ahu do siluluhon ho; nunga pola hujou goarMu, Ahu nampuna ho. Hasangapon ma di Debata na diginjang. P+K: Amen 7. Marende BE. No. 210:4 “O Tuhan Na Marasi Roha” Mauliate ma rohangku, dibaen na pinarbagaMi Ndang olo asi ni rohaMu mansohot salelengna i Sai hot do padan binaenMi, nang pe na sego sasude. 8. Epistel (P: Pemimpin Ibadah; K: Keluarga) P: Turpuk epistel di hita di minggu sadarion sian Sepania 2: 1-3, marsorinsorin ma hita manjaha: Tungki ma hamu jala mardangoldangol; ho ale bangso na so umboto na maila! K: Tagan so songgop dope uhumi, * songon hurangkam do laho salpu ari, tagan so songgop dope tu hamu parpiar ni rimas ni Jahowa, tagan so songgop dope tu hamu ari pangarimasan ni Jahowa. P: Lulu i ma Jahowa, sude hamu, ale angka na unduk roha di tano on, hamu angka na mangaradoti uhumna; lulu i hamu ma hatigoran, lulu i haserepon, anggiat tung diondingi hamu di ari pangarimasan ni Jahowa. Ima sahatna. Martua ma na tumangihon hata ni Debata jala naumpeopsa. P+K: Amin 9. Marende BE. No. 443:1 “Dung Tuhan Jesus” Dung Tuhan Jesus nampuna au, songgop dameNa, biarhu lao, Taripar gogo ngoluna i, nasa dosangku naung sae do i. Tabaritahon holongNa i, di dia Tuhan, tudoshon i? Tuk manumpahi, tarlobi da? Sasada Jesus pinuji ma! 10. Manghatindanghon Haporseaon P:Rap ma hita manghatindanghon haporseaonta i: Au porsea..... 11. Marende BE. No.458:1-2 “Barita Na Umuli” Barita na umuli i, na sian Tuhan Jesus Sai i do margogoihon au, nang arsak pe hubolus On mangapuli rohangki : Sai Tuhanki na basa i do donganki Ai ndang adong di rohangki na so hinilalaNa Ditanda hagaleonhi, nang pe so dung marsala Hujalo hamonangan i, ai Tuhanki na basa i do donganki 12. Jamita: 2 Petrus 1: 1-9 “ARGA DO HALUAON I” Sada ende na terkenal di hita Batak ima “Anakhonhi do hamoraon di au” manggombarhon perjuangan ni natoras tu angka ianakhonna, nasa gogona do dibahen mencukupkan angka na ringkot laho pamajuhon anakna, nasa gogona do dibahen laho parmudumuduhon angka anakna, sude na i tarpatupa ala “Anak i do hamoraonta. Artanta na mansai arga.” Jala sahat tu tingki on tong do tarida i tangkas, sude do hita angka natoras mengupayahon sude na terbaik di anakta, mulai sian sipanganonna, paheanna, pola hidupna, pendidikanna, karejona, bahkan di na naung mardongan saripe anakna tong do dipikiri asa boi singkop kebutuhan keluarga anaknai, bahkan ngolunta i tong do lehononta molo boi tu anakta. Apalagi molo attar leleng paimahon haroro ianakhon i pasti lebih protektif jala jaga hian, asa boi tongtong denggan ianakhonnai sahat tu na magodang. Sude do natoras songoni? Belum tentu. Adong do tong natoras na mengeksploitasi anak, tidak memperdulikan anaknya, menganiaya anak bahkan mambunu anakna sendiri. Holan natoras na menganggap anakna songon arta na mansai arga do na tuk patupahon i. Songoni ma nang taringot tu ngolu na marhaporseaon di Tuhan Debata, denggan manang na ndang denggan haporseaonta i tergantung tu boha hita menyikapi haluaon na tajalo sian Tuhanta i. Alai jotjot do tubu masalah di godangan halak Kristen ima hurang mangargahon haluaon i, gabe hurang do marsihohothot maniop haporseaon i. Alani do gabe adong halak Kristen na holan Kristen KTP, Kristen Warisan, Kristen ojek (holan manaruhon sajo), Kristen Kapal Selam (Sasahali mulop), dna, sude halak Kristen na bertipe songoni hurang do mangantusi arga ni haluaon na tajalo sian Tuhan Debata. Halak Kristen songon on do na mura manimbil/tersesat alani angka situasi na masa di ngoluna, nang angka halak na asing laho paliluhon ibana. Alani i do naeng arahonon ni Tuhan hita marhite turpuk jamita di bagasan Minggu Judika on, ima asa boi arga tabahen di ngolunta haluaon na naung tajalo sian Ibana sian hasintonganNai, marhite tongtong mangharingkoton ngolu na marhaporseaon di Tuhan Debata. Songon sada natoras tu ianakhonna do, molo dijaga nasida, diajari dia na denggan dia na so denggan, tahaholongi, talean kebutuhanna, kecil kemungkinan manimbil ibana sian ajaranta (durhaka), alai molo tapasombu, holan talean mangan, dang taajari, dang tahaholongi, hatop manang leleng na ingkon manimbil doi sian hita manang gabe anak durhaka, ala di jalo ibana ma pangajarion na so denggan sian duru ni keluaga. Suang songoni do nang haporseaon i, na ingkon dipelihara i, na ingkon dikembangkan doi, na ingkon dicharger doi songon Handphone i, asa unang mura mintop manang manimbil sian dalan ni Tuhan i. Hataridaan ni haporseaon na bertumbuh dohot denggan tarida di ayat 5-7 ima mamboan tu habisuhon di parange na denggan, habisuhon i mamboan tu pangarajaion ni diri, jala pangarajaion ni diri mamboan tu habengeton ni roha, jala habengeton ni roha mamboan tu hadaulaton, jala hadaulaton mamboan tu holong ni roha di dongan, dung holong ni roha di dongan sahat ma tu holong ni roha di saluhutna. Jala marhitehite i lam tatanda ma Tuhanta i na mangarahon hita tu saluhut na denggan naung pinaradena di hita, songon natoras na mengarahon anakna tu masa depan na denggan i. Di situasi nuaeng on, di na so boi hita rap marminggu di bagas joro, na so taparmudu do haporseaonta ? Apakah kita kurang iman/cacat iman/tidak dewasa iman seperti yang dikatakan “para hakim” yang tiba-tiba bermunculan belakangan ini?? Tegas dohonon “SALAH do i ”. mari tetap berpikiran jernih dan sehat di tengah ancaman wabah virus corona, lam taorui ma na manguhumuhumi dongan, lam tapadenggaan ma parangetta, parulaonta, pangahataionta. Lam tapajonok ma tu Tuhan i di bagasan tangiangta. Mari kita mengambil hikmah dari peristiwa Wabah Virus Corona, pengetahuan kesehatan kita bertambah dengan wabah ini. Arti pertemuan menjadi lebih berharga sehingga kita tidak lagi akan menyiayiakannya kelak dengan membicarakan kekurangan/masalah orang lain. Kekuatan iman kita ditambahkan dengan tekanan rasa takut akan kematian diri/orang-orang terkasih yang membayangi. Semua sikap Gereja di tengah wabah ini justru mengembangkan dan mendewasakan iman kita, untuk semakin melihat dan menyadari bahwa Kehidupan yang kita miliki dengan semua persekutuan apapun yang kita miliki di dalamnya begitu sangat berharga, ini semua anugerah Tuhan yang sangat berharga dan karena itu sangat sayang jika disiasiakan untuk menghakimi, menjatuhkan, menghina, dan mendustai orang lain. Angka halak na porsea alai ulaonna gabe sai holan manguhumi, mangarehei, marhata na so tutu, marlate ni roha di donganna, mandabuhon donganna jolma, on do na didokna dison halak na porsea na so bertumbuh/berkembang, termasuk ma tu angka penyebar berita hoax/ berita bohong, penimbun masker/hand sanitizer mencari keuntungan di tengah masalah, dohot angka na asing. Molo ndang adong perkembangan disasahalak jolma somalna didok “pampang”, jolma na songoni boi dohonon “pampang di partondion/ cacat rohani” dang berkembang dengan baik haporseaonna i, ido umbahen didok di ayat 9 “mapitung, parmata na jonok”. Pasti dang adong hita na olo gabe halak Kristen na “cacat rohani”. Alani do ringkot hita tongtong memelihara, menjaga jala torus berkembang di haporseaonta di Tuhan Debata. Boha carana? Parjolo, ingkon taida jo arga hian do haluaon na sian Tuhan i di hita ala ndang tolap hita mandapot i molo sian hadirionta, jala ido na gabe mangonjar hita songon minggu sadarion mandok tu Tuhan “Luluhon au ale Jahowa”. Molo Tuhan Debatanta i mangalehon na arga di hita, marlapatan mai arga hita saluhutna di adopanna. Alani molo tung pe ala angka na masa on gabe tubu biar ni roha di hita unang gabe pabiarhu, molo tung gabe marsak hita unang paarsakhu, ala arga do hita di Tuhan i, jadi manang aha pe na masa tong do bahenon ni Tuhan dalan laho mangaluluhon hita saluhutna. Taingot ma songon na didok ni panurirang Jeremia tu halak Juda, “Idama, ahu sandiri pahehehon tu nasida hahisaron dohot hamalumon, jala pamalumon ku nasida, jala Ahu papatarhon tu nasida hadameon dohot habonaron mardapotdapot, (Jeremia 33:6) ”. Antong tatiop ma gomos haporseaonta na arga i tu Debata Jahowa. Amen 13. Marende BE. No. 690:1-2 “Hibul Rohangku” P. Pelean Hibul rohangku tu Tuhan Jesus, Sude ngolungku di Tuhan Jesus, Ihuthononku di Tuhan Jesus, Ndang olo au sumurut be. Sai hutundalhon haportibion,Silang ni Kristus ma hudapothon, Sai hutundalhon haportibion,Ndang olo au sumurut be. 14. Tangiang Ale Amanami, Endehon Amen(3x) Catatan: 1. Jangan lupa tetap jaga kesehatan dengan makan cukup, istirahat cukup, mencuci tangan, membersihkan badan dan mengganti pakaian jika dari luar. 2. Sedapat mungkin tetap berada dirumah, dan keluar hanya jika memang ada yang sangat penting saja dengan menggunakan masker. 3. Persembahan diserahkan kepada sintua lingkungan/ bendahara Huria. 4. Ibadah untuk tanggal 5 April dilakukan dirumah dan acara akan tetap disalurkan.