Jamita 9 Januari 2022

Lukas 3:15-17, 21-22/ Jesus Anak Ni Debata

Damang dainang, hombar tu kalender parhuriaon, ia goar ni minggunta sadarion, ima

minggu na ginoaran minggu na parjolo dung epiphanias, jala epiphanias sandiri ima ditaringoti
ganup tgl 6 januari.

Amang inang molo nga sahat hita tu minggu epiphanias, di ondolhon do disi taringot tu
Debata na papatarhon dirina, Debata na mangungkap hadirionna tu portibion, asa ditada
portibion ibana, jala asa taboto songon dia do hita marsomba tu Debata.

Molo dipangajarion dogma hakristenon adong do 2 cara ni debata pataridahon dirina

1. Penyataan umum, on ma cara ni debata papatarhon dirina marhite hata manang

soarana. Marhite hata manang soara ni debata ditompa do saluhutna nasa na adong,
ima na didokna pernyataan umum.
2. Didok doi penyataan khusus, molo didok penyataan khusus on ma cara ni debata
papatarhon manang patandahon dirina, marhite ulaon ni tuhanta jesus kristus

Amang inang, ia hata n debata dibagsan minggu on, ima patuduhon debata na papatarhon dirina
marhite ulaon ni si johanes pandidi, na patoranghon ise do Jesus i

Dipatorang do nakkinan di ayat 15, ditingki managam-nagam bangsoi di haroro ni mesias

nanung leleng pinaima nasida, tubu do diroha nasida, betakna na si joanes do mesias na pinaima
nai. Boe lao rohani nasida songoni ala diida nasida rupani si johanes na sai manjamitahon
hamubaon ni roha, dohot muse tu sihol rohani nasida naung marsigorgor dina managam haroro
ni mesiasi.

Nang pe sasintongna, motif, manang motivasi na mangonjar rohani nasida managam mesiasi, sai
gumodang doi dominan tu dimensi politis, dapot roha do nian sian aspek Teologis, alana situasi
dan kondisi halak jahudi hatihai nunga tung mancai maol parngoluan nasida dari berbagai segi
kehidupan ditonga-tonga nasida. Boe ma I sosial ekonomi, politik, budaya, parugamoan, dna

Ditingki hamaolani ma hamu akka dongan, lam marsigorgor panghirimon nasida di haroro I
sahalk mesias na boe memperjuangkon hadirion ni bangsoi, songon bangso na dipilllit Debata.
Alani do nakkinan hadirion ni si Johanes na mancai power mansoarahon pertobatan, sanga do di
rajuminasida songon representasi mesias na pinaima nasidai.

Ditonga tonga ni na paimahoni nasida diturpuktaon nakkinan dipertegas si johanes pandidi do,
ndada ibana mesias pinarbaganai, holan patujolo dalan do ibana. Jala tangkas do diturpuk tai
nakkinan di proklamirhon si Johanes do mesias na sasintongna, ndada ibana alai dibagasan
hadirion Kristus jesus do
Didok si johanes pandidi do nakkinan, jolma biasa do ibana, alai na ro dipudi na, mandidi ma
annoni marhite api dohot tondi, ido didok si johanes di turpukon. Di ayat 21 ro di ayat 22
dipatorang si Johanes do nakkinan, uju didi Tuhantai, mungkap ma langit jala mijur ma tondi
parbadia tu atas ni tuhani marupa songon dara pata, jala masa ma soara sian ginjang na mandok “
Ho do anakku haloanki, lomo do rohakki di ho.

Asa sianon taida hamu akka dongan, nasailaon holan soara ni debata do naboe ditangihon jolmai,
alai dibagasan Tuhan Jesus nunga dipapatar be hadirion ni debata, secara fisik nunga boe be
diida debata marhite hadirion ni tuhanta, ndada holan marhite soara sambing be.

Amang inang adong manang piga na gabe siputihonta

1. Jesus ido mesias na pinarbagai laho paluahon manisia sian parhatobanan ni dosa sibolis,
nang hamatean. Hombar tu si johanes pandidi, mesiasi ndada mesias politiki songon na
nihirim ni halak jahudi . alai andul do harajaon na binoan ni Debata ndada sebatas lao
paluahon nasida secara politis ditonga-tonga ni parhatobanan i
2. Si johanes mambuktihon jala manaksihon paboa debata naung papatarhon dirina
dibagasan kristus jesusi ditonga tonga nasida, jala on ma na patuduhon paboa jesusi do
anakni debata laos ibana do sipalua hajolmaon.

Amang inang sian akka hatorangan I, na gabe sukkun sukkun sipahusorhusoronta

dipartingkianon. Nunga dipatubegehon debta sorana tu hita paboa holan dibagasan Jesus Kristus
do lomo rohana, sonari aha do singoluhononta dipudi ni ari di na marsoara tuhani na mandok
dibagasan jesus do patar hadirionna. Anntong boado hita diparngoluontaon amang inang,
ditingki mamolus akka namasa ditonga tonga ngolunta, jot jot dope manang hea dope hita olo
tumangihon hata ni Debata. Nda jotjotan dope namasa hamu akka dongan lemba hita
manangihon soara ni Tuhani. jot jot do hita tarambat tu mangihon hata ni Debata diparmingguon,
ala malas hita tu parsaoran ni huria I, BANYAK GEREJA YANG PECAH alani godang masalah
masalah parhuriaon, terlalu banyak mengikuti politik dunia, yang mengakibatkan
ketidaknyamanan di bagas ni joroi.

Jot jot do tarambat hita tu mangihon hata ni tuhani ala jumotjotan do hita tangi diangka soara-
soara na diportibion na ujungna mambahen hita lam bingung, jala lam lilu ditonga tonga
ngoluntaon.
Amang inang ditingki kujungan jemaat hami tu jabu jabu ni damang dainang, adong sada
orangtua namandok tu hami “molo taboan do masalah masalah na sian luar tu gareja pasti na
sega do huria I, jala molo taboan do masalah masalah na sian luari tu bagas ni gareja gabe adong
do ketidaknyamanan dinamamuji Debatai, namarujung dang ro be tu parmingguon. Alai molo
Dame nasian bagas ni Garejai do tabuan menyelesaikan masalah masalah yang ada pasti dame
dame ma tutu parngoluonta. Dame ma tutu di parripeon, dame ma tutu di lingkunganta, dohot
diangka parkarejoanta. Asa tanda tutu hita mang inang anak ni Debata, asa tanda tutu amang
inang jolma na porsea hita tu Debata na ro tu Portibion, na paluahon hita sian Hagolapon ni
dosai.

Amang inang adong sada barita mardongan poda

disada partingkian adong ma sada ama naeng marsakkap manuhor sada anak ni hoda laho
sipeliharaon nasida. Jala lao ma ibana sian hutana mandapothon sada huta na ribur inganan na
manjual hodai dohot anakna, jala dung sahat nasida di hutana ribur I di ida ma akka hoda na
dipagadis-gadis disi. Jala tartaing ma rohana tu sada hoda tu manaci poso dope, diasaut mai lao
buaononna mulak tu huta. Jadi dung digarar tuhor hodai, du nalao mulak halaki tu hutana. Ro ma
among nai didokma tu anak nai, “Ho ma nakkok tu hoda on, au mardalan pe ninna ala agak dao
do hutanta sian inganan on, saut ma na didoknai, naikma anaknai manakkoki hoda nai jala
among nai ma na menuntun manang mardalan pat.

Dung sahat nasida disada huta amang inang, diida akka jolma I ma lewat nasida, godang ma
soara na mandok “ia anak na so mamboto hormat doi, dang diparsangapii na toras na, tabo-tabo
ibana manangkoki hodai, hape amongna mardalan pat ninna, jala ala ditangihon anaknai do suara
ni akka jolmai didok anaknai ma “ ho ma among namanakkoki hoda on, unang sai didokkon
jolma be au, anak na so mamparsangapi natoras na, ujungna marganti ma nasida, amongnai ma
nuaeng na manakkoki hodai, jala anaknai mardalan pat

Dung sahat muse nasida disada huta, diida akka jolma ma muse tutu nasida, ro ma muse hata ”ia
orangtua naso marasiniroha doi haroa tu anakhonna ninna tumagon do ibana taboa taboan
manakkohi hodanai hape anaknai mardalan pat ninna. Jala tong susa nasida, jala ditangihon
nasida suaranai jala ro ma among nai didok ma “ rap ma hita manakkohi hodaon, asa uanang sai
sala be nina. Jadi rap ma nasida manakkoki hodai,

Alai dung sahat nasida disada huta, aha ma didok jolma, asing do muse didok nasida, bah naung
boa do na duaan, siapposo hodai, pola ma ikkon dua halak nakkon diginjang ni hodai, na so
adong do haroa perasaan ni na dua halakan, TONG SALA, sai tong ma sala, jadi dung
ditangihon nasida hatai, dang huboto ala jut ni rohana songonon ma ninna amongnai, toe ma ta
oppa ma hoda on sahat tu huta, unang sai adong be hata hata ni jolma ninna.

Alai dung saut dioppa nasida sahat tu huta nasida aha ma ninna jolma ”ai tung na rittik do haroa
naduaan, ia tarhona do diabing abing hodai, ia dinakkohi ninna.
Ia barita mardongan podaon naeng mandok, molo sae olo hita tangi diangka soara soara na
diportibion, na boe doi manusai roha dohot pikiranta. Dibagasan turpuktaon nakkin didok nunga
marsoara debata namandok jesus do anak haholonganna, jesus do mesias na pinarbaganai, lomo
do rohana di jesusi asa molo dipatubegehn soara na songoni tu hita, attong rikkot ma hita
manangihon soara ni debata marhite jesuskristus,

Unang sai olo be hta manangihon soara soara akka na asing a adong di portibion na boe manusai
roha dohot pikkiranta, songon barita mardongan podai nakkinan, molo sai tangi hita sian soara
soara ni portibion, na boe do mambahen susa hita disi jala molo dang hot hadirionta manangihon
soara ni Tuhani, gabe susa do hita ditonga tonga ni ngolunta. Hamu amang inang ragam do soara
ni debata patubegehon soarana t hita jolma, ragam do cara ni tuhani mamakkulingi hita di tonga
tonga ni parngoluonta, antong boa do carana asa tangi hita di soara soara ni Tuhani, ulaon ni
tondi porbadia mai mangurupi hita asa tangi hita diakka soara soara ni Tuhantai. Ai jot jot do
amang inang ala soara soara ni portibion mangambati hita lao tumangihon soara ni tuhantai.

Songon dihata ni ende na mandok “soara ni tondi ni tuhantai, jotjot dilaosi ditulak hoi.

Taendehon ma jo ateh amang inang buku ende 424 ay 1

Unang be tutu masai ditonga tonga ni hakristenonta I, ai holan soara ni debata do marhite jesus
kristus na mangarahon hita tu dalan hangoluoan,

Molo soara soara ni portibion do amang inang diujung na do sogot mambuan hita tu hamagoan
doi , antong naung tangkas ta boto nuaneg holan soara ni debata do mual hangoluan sai unang be
olo hita manangihon soara soara na asing na sipata mambahen hita mandele diparngoluonon.

Jamita do hangoluan, jala hangoluani do na dijamitahon, AMEN