JAMITA MINGGU XVI DUNG TRINITATIS, 24092023

1 MUSA 8:15 – 22

Topik :

DIPASUANG JAHOWA HINADENGGAN NI NGOLU NI JOLMA I

(TUHAN MEMULIHKAN KEHIDUPAN UMATNYA)

Molo didok dipasuang (dipulihkan) berarti dipaulak tu keadaan semula. Menjadikan suatu keadaan
kembali seperti semula.

Isarana rupani, bosi naung sanga bengkuk dipatigor ma muse, asa mulak manang sumuang songon
nasailaon. Ia soi songon na marsahit. Dunghon marubat ibana di rumah sakit manang tu pangubati,
perlahan-lahan lam sehat jala lam sumuang ma keadaanna.

Sian hatorangan on gabe boi niantusan paboa keadaan sumuang manang pulih i ndang terjadi secara
drastis, alai perlahan-lahan do ibana sahat tu na mulak tu keadaan semula. Ima pemulihan.

Isarana rupani molo adong na marsahit, didampol ma ibana; ndang mungkin begitu didampol sahali
mamintor malum satongkin i? Belum tentu ate. Olo do manang na piga hali didampol, baru pe asa
sumuang dihilala.

Hamu angka dongan!

Pemulihan, ndang holan menyangkut urusan fisik. Dalam berbagai hal kita juga memerlukan pemulihan.
Misalna, dalam hal hubungan manang parsaoran.
Tamulai ma jo sian hubunganta tu dirinta sandiri (Hubungan terhadap diri sendiri). Nda jotjot do ndang
mardame hita tu dirinta sandiri? Contoh rupani, sogot manogot i, holan dungo hita sian podoman i
songon na so tabo be panghilalaanta. Suasana hati kita kurang enak. Sasintongna nunga dimulai sian na
bodari. Ai modom pe hita ndang sonang be. Sai maos tapahusorhusor pamatangta di podoman i tong
ndang boi nok simalolong. Sahat tu manogotna i sai songon na gelisah panghilalaanta. Pokokna, ndang
holan fisikta be na so tabo, nga dohot rohanta nang pingkiranta. Akibatna, gabe muramura ma hita
tersinggung. Muramura hita muruk. Kita murung. Kita jengkel. Denggan do didok inanta hatana tu hita,
nga gabe asing taantusi. Inanta pe gabe heran. Begu niise nuaeng songgop tuson? Gabe ninna. Ai didok
roha ni inanta i denggan-denggan do sude. So pola adong nasida nian marbada manang masipandohan.
Alai boasa songoni amanta?

Boi do ala ni ulaon, ala ni keadaan ekonomi, dohot ala ni angka keadaan na asing sehingga mambahen
ndang mardame hita dohot dirinta sandiri. Tontu dikeadaan sisongoni ma, mansai ringkot pemulihan diri
sendiri. Boha do hita pasuanghon panghilalaanta i.

Napaduahon, hubunganta tu donganta jolma. Hubungan dengan orang lain. Ingkon taakui do jotjot do
hubunganta tu donganta jolma bermasalah. Ndang sai akur torus. Sipata do hita sai songon teletabis.
Bentar-bentar marbadai. Alai tongkinna i nga berpelukan.

Ai olo do gabe jengkel hita mamereng sasahalak. Mohop rohanta ganup taida ibana. Sai hira aek na baru
nigorgoran panghilalaanta ganup pajumpang dohot ibana. Molo dibereng alonai, naeng pintor ditindos.
Diharati ngadolna ala ni mohop ni rohana.

Sasintongna, ndang tahalomohon i. Alai songoni ma jo na masa. Boha do asa sumuang muse
hubunganta manang parsaoranta dohot na tahasogohon i? Tontu ndang ulaon na muramura i. Ido asa
adong rupani sampe martaontaon ndang masipangkulingan. Jadi ndang masalah gampang memulihkan
hubungan kepada orang lain.

Patoluhon, tontu hubunganta tu Tuhan i. Hubungan dengan Tuhan.

Boha, denggan do hubunganta dohot Tuhan i? Ai nda jotjot do hita cuek tu Tuhan i? Sai songon na so
peduli hita tu Ibana. Adong do rupani na sampe maninggalhon dalan ni Tuhan i. Adong do na so olo
tumangihon Tuhan i. Sian minggu tu minggu. Sian bulan tu bulan. Sian taon tu taon ndang hea
marminggu. Ndang hea martangiang. Ndang hea manjaha Hata ni Tuhan i. Pokokna sai hira naung putus
total ma hubunganna tu Tuhanna.

Lumayan dope rupani, olo ro marminggu sahali-sahali, ipe pas di perayaan-perayaan besar. Tarlobi di ari
Natal. Lumayan dope i. On, sama sekali sai hira na so adong be hubunganna tu Tuhan i. Nunga pola dua
hali marganti Uluanna di huria i ndang diboto ibana be.

Alani i, kita membutuhkan pemulihan hubungan dengan Tuhan. Ringkot pasuanghon parsaoranta dohot
Tuhan i.

Hamu angka dongan!

Molo songoni, ise ma na pasuanghon hubungan manang parsaoranta dohot dirinta, dohot donganta
nang dohot Tuhanta i? Na pasti angka amang, inang, anggo na parjolo hita sandiri do. Mansai ringkot
adong itikad baik dohot keterbukaan sian dirinta sandiri. Tontu na paduahon, ba sian donganta i sandiri.
Ai parsaoran na denggan ndang boi holan sian sepihak. Ingkon kedua belah pihak do. Molo ndang
songoni, bertepuk sebelah tangan do i. Tontu na patoluhon, ima marhite Tuhanta i. Kita memerlukan
pemulihan dari Tuhan. Tuhanta i do na pasuanghon hita. Di Psalmen 85:5 didok do: Sai marpangulahi ma
rohaM tu hami, ale Debata ni hatuaonnami (Pulihkanlah kami, ya Allah penyelamat kami).

Hamu angka dongan!

Di bagasan turpuk on, taida do songon dia Debata pasuanghon (memulihkan) jolmai (si Noak dohot
jolmana dohot angka iananghonna nang jolma ni angka anakna i, dohot nasa binatang, dohot angka
pidong, dohot nasa na manjirir di tano i) marhite tolu hal :

Parjolo, marhite na paruarhon nasida sian parau i. Tontu marlapatan do i, haruar sian inganan na leleng
tu inganan na imbaru. Songoni ma dalan ni Debata pasuanghon jolma i dohot angka na tinompaNa i;
dipapinda nasida manang diunsat nasida sian tempat na leleng tu tempat na imbaru.

Hamu angka dongan!

Inganan di dia hita tinggal manang maringanan, boi sangat menentukan i tu hahipason, kenyamanan
bahkan dohot tu masa depan ni jolma i. Ido asa ndang sembarangan halak laho mangalului inganan. Sai
dilului do inganan di dia do na boi mambahen sonang, tentram, aman dan nyaman. Isarani perumahan
rupani, unang nian parbanjir-banjiran. Unang nian sarang ni angka narkoba. Dao sian angka hajahaton,
dohot angka na asing.

Songoni do nuaeng napinatupa ni Debata tu si Noak. Ndang mungkin nasida torus di parau i. Ai boi do
ndang berkembang nasida disi. Termasuk angka binatang, angka pidong dohot angka na manjirir i.
Mangolu do nian, alai maol berkembang. Ai buktina selama aek na sumar i mangolu do nasida. Holan i
ndang boi mangula dohot mengembangkan dirina.

Laos songoni do Tuhanta i pasuanghon ngolunta. Dipaharuar do hita sian inganan na memungkinkan
hita ndang boi berkembang. Dipapinda tu inganan na menjanjikan masa depanta. Porsea ma hita disi.

Na paduahon, songon dia Debata pasuanghon jolma i, boi do i muse taida di ayat 21 i: “Jadi dung
dianggo Jahowa uap na hushus i, ninna Jahowa ma di bagasan rohana: Ndang be ulahanku manorui tano
on ala jolma i, ai na jat do pingkiran ni roha ni jolma sian sietehetehonna; jala ndang be ulahanku
mangaragehon nasa na mangolu, songon na hubahen i.”

Lapatanna, diampuni Debata pangalaho dohot hasalaan ni jolma i. Marpamuati roha ni Debata mida
jolma i. Ndang ditorui be (tidak dikutuk lagi). Ndang diragehon be (tidak dibinasakan).

Tabayanghon ma nuaeng molo sahat tu tingki on ndang marpangulahi roha ni Debata marnida hita.
Dikit-dikit adong hahuranganta manang hasalaanta mamintor dikutuk jala dibinasakan Tuhan i hita. Ba,
lama-lama olo ma ndang adong be jolma na tinggal di portibi on. Ai nga habis be sude diripashon Debata
songon na masa di masa ni si Noak i. Tuani do mardenggan roha Debata tu hita jolma on. Tuani do
marpangulahi roha ni Jahowa tu hita. Marhite i sumuang ma tahilala.

Napatoluhon, ima marhite na mambahen musim di tano on. Tangkas doi nangkin tabege di ayat 22 i:
“Onpe, saleleng adong tano on, ndang jadi mansohot saburon dohot gotilon, ari ngali dohot ari las, ari
logo dohot rondo ni ari, arian dohot borngin.”
Ada musim menabur, ada musim menuai. Ada musin dingin dan ada musim panas. Ada musim kemarau
dan ada juga musim penghujan. Ada siang dan ada malam.

Boi do nuaeng tabayanghon molo ndang adong borngin? Arian torus. Olo nama ran dang taboto be
andigan hita modom. Sebalikna, boi do tabayanghon molo ndang adong arian? Borngin torus. Ai golaf
idaon. Olo nama hita annon masiantuhan. Boasa? Ai so masiberengan be. Mardalan pe holan na
tabrakan ma. Lao inanta i tu dapur, ditabrak tiang ni dapur i. Lao tu kamar ditabrak tiang ni kamar i.
Lumayan molo amanta i ditabrak laho tu kamar.

Jala ndang tarbayanghon hita be muse molo holan na manabur hita on. Ndang hea panen manang
manggotil.

Mauliate ma di Jahowa na mambahen musim di tano on, gabe boi denggan sude mardalan ngolu ni
jolma i. Adong siklus na denggan. Jala songoni ma muse Debata pasuanghon ngolu ni jolma i. Tuhan
memulihkan umatNya melalui musim.

Hamu angka dongan!

Apala di minggu 24 September 2023 on, di hurianta HKBP, suang songoni do nang di huria-huria di
sandok portibi on dipatupa do Minggu Ekologi manang Perayaan Bersama Masa Penciptaan (Season of
Creation). Parningotan on ima salah satu dalan dibahen angka huria-huria na adong di portibi on,
termasuk HKBP, laho patubuhon kesadaranna manjamothon na tinompa ni Debata manang kesadaran
taringot tu ekologi. Marhite perayaan sisongon on dihirim gabe tubu ma paradigma na imbaru di hita
taringot tu hubungan ni Debata dohot jolma, suang songoni nang na tinompa na asing i. Marhite i lam
sadar ma hita paboa hita jolma on ndang tarsirang sian na tinompa ni Debata. Marhite kesadaran baru
on, gabe lam taronjar ma rohanta laho manganturehon (peduli) lingkungan hidup, peduli tu keberadaan
na tinompa na asing i. Marhite perayaan on, gabe terinspirasi ma hita laho marnampunahon (memiliki)
gaya hidup ramah alam, manang di dia pe hita maringanan. Taingot ma: Bumi adalah rumah bersama
bagi kita semua. Alani i, ingkon rap do hita manjamothon dohot pauliulihonsa.

Lapatanna, parsidohot do hita patupa pemulihan ni portibi on. Nunga denggan dipauli Debata portibi on,
ingkon dohot ma hita pasuanghonsa, songon pesan ni hata ni Debata di bagasan minggu sadari on.
Amen