KHTOBAH MINGU 17 DESEMBER 2023
LUKAS 1:46b-55 MARIAIA DO TONDINGKU MIDA DEBATA (HATIKU
BERGEMBIRA KARENA ALLAH)
Aha do mambahen tondim mariaia mida Debata? Tontu, mansai bahat mambahen
tondinta mariaia. Adong do Halak mariaia ala maruntung ibana. Mariaia tondina ala tubu
gellengna. Adong do Halak mariaia tondina ala tamba umurna. Adong do na mariaia ala
lulus gellengna sian sikkolana. Adong do na mariaia ala marhasohotan gellengna. Adong
muse do na mariaia ala naik jabatanna (naik pangkatna), dohot angka na asing dope, na
boi mambahen tondinta mariaia. Ada banyak hal yang membuat kita bersukacita.
Tauji ma jo mamereng turpuk on, aha do tutu mambahen tondi ni si Maria
mariaia? Molo si Hanna songon na tabege di turpuk Epistel i, gabe mariaia tondina mida
Debata, ala dialusi Debata tangiangna. Dilehon Debata songon na pinangidona di
tangiangna i. Sorang di ibana sada dakdanak baoa naung martaontaon sai dipaima ibana,
ima si Samuel. Nunga pola lea roha na binahen si Penina marnida ibana ala na
hol/mandul i ibana. Jambarna pe ndang dos be dibahen suamina tu ibana molo pas
mamele nasida. Toe muse, nga olo imbangnai ima si Penina i mambaen acit rohana
(membuat sakit hatinya supaya ia gusar). Songoni ma masa sian taon tu taon. Alai di
tingki naung dipasu-pasu ni Debata, sorang ma sada dakdanak di ibana, jala dibahen ma
goarna si Samuel. Siala ni i, mariaia ma tondina. Mamujimuji ma ibana. Ima na taida sian
turpuk Epistel i.
Pasti godang do na songon si Hanna on. Gabe mariaia tondina, ala ditangi Debata
tangiangna. Ala dilehon Debata alus ni tangiangna i. Ala ditangi Debata hoihoina. Roha
ni ise na so marolopolop ate molo masa na songoni? Nga leleng rupani sai dipaima.
Bahkan nga martaon. Alai nang pe songoni ndang mandele ibana. Hita pe sai tongtong do
dipangido sian Tuhan i. hata ni Tuhan na tarsurat di Mateus 7: 7, “Pangido hamu ma, sai
na lehononna do tu hamu; lului hamu ma, sai na jumpangan do hamu; tuktuhi hamu ma,
sai na ungkaponna do di hamu!”.
Hamu angka dongan! Aha do Mambahen mariaia tondi ni si Maria, ndada ala ni
angka natagoari di ginjang i. Sada na mambahen tondina mariaia, ima ala DITATAP
DEBATA HAETEHONNA. Ido didok di ayat 48 i: Mariaia do tondingku mida Debata,
Sipalua ahu. Ai ditatap do haetehon ni naposona on. Parhatuaon ma ahu olat ni on
marsundutsundut. (Jiwaku memuliakan Tuhan, dan hatiku bergembira karena Allah,
Juruselamatku, sebab Ia telah memperhatikan kerendahan hamba-Nya.
Sesungguhnya, mulai dari sekarang segala keturunan akan menyebut aku berbahagia).
Tontu, hata ni si Maria on, manang na lebih terkenal didok on rupani: Nyanyian
Maria (Magnifikat Maria), ndada holan tu dirina i, alai dohot do nang tu diri ni si
Elisabet na tongon gabegabean (mengandung). Hata “naposo” disi, martudutudu doi tu
dirina nang tu si Elisabet, bahkan tu si Josep nang tu si Sakarias.
Ai ise huroha angka parompuan nadua on dohot angka amanta on, asa pola
songoni perhatian ni Debata tu nasida? Na adong do halobian nasida sian angka
parompuan na asing dohot sian angka baoa na asing, asa pola songoni Debata manatap
nasida?
Laos ido ra nang sungkunsungkun ni si Maria nang si Elisabet di bagasan rohana:
siapalah kami ini, asa pola ditatap Tuhan i hami? Alai songoni ma Debata
mamparateatehon ibana dohot donganna si Elisabet i, dihatindanghon ma i marhite ende
pujipujian. Ndang tarhatahon ibana be las ni rohana, gabe diendehon ma las ni rohana i.
Ende pujipujian i dipangke ibana laho papuashon na di rohana.
Aha do na naeng putihanta sian i di perayaan Advent Napatoluhon on? Tontu,
naparjolo ima, dos songon si Maria nang si Elisabet i, HITA PE DITATAP TUHAN I
DO HITA! Tuhan memperhatikan kita. Ai anggo so na ditatap Tuhan i hita, marhua
Ibana ro tu portibi on? Hatutubu ni Jesus Kristus Sipalua i, ima gabe sada bukti di angka
na porsea paboa na ditatap Tuhan i do hita.
Ndada ala na adong halobianta sian angka na asing, asa olo Tuhan i manatap hita.
Ndada ala na gumatteng manang umbagak hita asa dilirik Tuhan i hita. Ndada songon na
nidokna i: Ada udang dibalik bakwan…!
Dos do songon si Maria nang si Elisabet: Kita ini adalah hamba-hamba yang
rendah (naposo na etek). Kita ini bukan siapa-siapa. Ndang ala ni statusta i asa gabe
ditatap Tuhan i hita. Jolma do na jotjot songoni. Ada udang di balik batu, Molo attar
mamora otik, soi nama hormat ibana tusi, manan sai di jonoki. Molo angka na pogos i,
paula so diida nama i. Disurdukhon napogos i tanganna manjalang, paula so diida do.
Alai holan ro na mamora i, sian nadao dope nga sai dipatoltol tanganna laho manjalang.
Ima jolma. Anggo Tuhanta i ndang songoni i. On ma las ni rohanta nuaeng. Ditatap
Tuhan i do au, atik pe sieteketek do au!
Anggo na paling menyedihkan di ngolu on, ndada ala na so adong hepeng
manang arta tapeop. Anggoi nga somal hita mangadopi sisongoni. Sudah biasa tidak
punya uang. Sudah biasa hidup miskin. Songon na nidok i do: Anggo hapogosoni nga di
tangan be i. Hamoraon nama sijalahan. Nga somal hita ndang marhepeng kan? Napaling
menyakitkan na mangolu on ima, molo ndang adong be na peduli tu hita. Ndang adong
be na olo mamparateatehon hita. Ndang adong be na olo mamangkulingi hita. Buang
muka sude tu hita. Mandao sude sian hita. Hundul hita dilambungna, mandao sude sian
hita. Tapanghulingi, ndang olo be mamanghulingi hita. On do na humansit. Tidak punya
apa-apa sudah biasa, tetapi tidak dianggap apa-apa, ini yang menyakitkan.
Jadi tuani do olo Tuhanta i menganggap kita. Tuani do olo Tuhanta i manatap hita
yang bukan siapa-siapa ini. Songon nidok ni parPsalmen i do: Tung aha ma nian jolma i,
umbahen pola ditaringoti roham ibana? Jala anak ni jolma i, umbahen pola diebati Ho?
(Psalm 8:5). Tung so ala ni halobian manang hatauonta do asa olo Tuhani manatap hita. Tung
ala holong ni rohaNa doi tu hita saluhutna. Di BE. No. 39:4-5, Antong, nda tung so mariaia
tondinta hinorhon ni i? Amen