Saya sedang berbagi 'JAMITA MINGGU VII DUNG TRINITATIS 23072023' dengan Anda

JAMITA MINGGU VII DUNG TRINITATIS, 23072023

MATEUS 13:31-35

TOPIK :

MARHAPORSEAON JALA MAGODANG DI BAGASAN TUHAN I

(BERIMAN DAN BERTUMBUH DI DALAM TUHAN)

“Tudos do harajaon banua ginjang i tu batu ni siarum…” (Hal Kerajaan Sorga itu seumpama biji sesawi).

Tontu molo tabege hata ‘siarum’ mamintor laho do rohanta tu sayur bayam ate? Lapatanna, siarum i,
ima jenis sayur-sayuran na sangat digemari torop halak, ala mengandung vitamin tu pamatangta. Sayur
siarum mura do i tubu. Jala ndang pola marpili inganan hatubuanna. Hira sembarangan do ni niida.
Holan disampakhon songoni batu ni siarum i mamintor tubu do rupani. Bahkan bonana i pe direongkon
tujolo ni jabu i manang tu pudipudi ni jabu i mamintor tubu do muse.

Toho ma tutu, adong do batu ni siarum jala metmet. Molo nunga matoras ibana, agak birong do
warnana. Boi dohonon sian angka biji-bijian manang boni, tardok do tutu batu ni siarum on na
ummetmet. Sipata laho mambuat sadasada, ingkon pake alat do asa boi putihon, ima ala ni metmetna.

Jala molo tung magodang pe siarum on, manang sayur bayam on, huhilala ndang pola hea pidong
marasar disi. Alana ndang pola olo i gabe songon hau. Mudah-mudahan sarupa partinandaanta taringot
tu siarum on.
Berbeda do tu sawi songon na nidokna di bagasan turpuk on (manang siarum dung gabe diterjemahan
tu Bibel Bahasa Batak). Boasa tadok berbeda? Alana molo na di umpama ni Jesus on, boi do ninna
marasar pidong. Berarti, ndang sejenis sayur-sayuran ibana. Alai semacam hau do manang pohon kecil.

Molo di hata aslina (Junani) didok ma Σιναπί (Sinapi – Sinapeos). Mangihuthon Kamus Yunani-Indonesia,
Sinapi lapatanna mostar, sesawi = sawi-sawi (tanaman bumbu yang bijinya dianggap paling kecil).

Boasa gabe siarum didok di Bibel i? Tontu, na so adong do ra na persis sama songon tumbuhan on di
Indonesia. Alai gabe dipahombar ma tu siarum, ala parbue na siarum ma salah satu parbue na
ummetmet sian sude parbue na adong.

Sian on ma gabe boi taantusi, ndang apala haunai na naeng tonjolhononna manang tekanhononna, alai
bijina i do. Parbuena i do. Boni na i do. Ima na ummetmet, dos songon siarum molo di Indonesia.

Jadi, dos songon batu ni siarum i manang songon batu ni sawi na di tano Israel an ma Harajaon Banua
ginjang i. Metmet do dimulana batu ni siarum i (sawi), alai dung tubu (apabila sudah tumbuh) gabe
umbalga doi sian nasa ingkau rata (sayuran yang lain), pola hira hau do (bahkan menjadi pohon), jala ro
do angka pidong na martongatonga langit marasar tu rantingna. Laos songoni do nang Harajaon Banu
ginjang i, dung tubu gabe umbalga do i sian angka harajaon na asing na adong di portibi on. Umbalga doi
sian harajaon ni angka jolma na di portibi on.

Hamu angka dongan!

Di jolo ni turpuk on, nunga didok, ia Harajaon Banua ginjang i, ima Hata ni Debata. Alai ndang salah ra
molo talapati, paboa Harajaon Banua ginjang i, ima HuriaNa di portibi on (gerejaNya di dunia ini),
punguan ni angka na porsea di Tuhan i (halak Kristen).

Hata ni Endenta di BE. No. 135:2:

Na metmet di mulana i Sai dipararat Ho do i, I ma harajaonMu

Lam ganda do bilangan ni Na paboahon hataMi Baen sangap di goarMu

Jesus tulus Baen sangkapMu sosoanMu hajolmaon Asa olo paluaon

Jadi baik firman Tuhan, gereja-Nya, dan juga orang-orang Kristen di seluruh dunia ini harus: Bertumbuh
– Berkembang – Bertambah. Ndada holan kuantitasna (jumlahna – bilanganna) na naeng martamba
torop, alai lobi sian i do na naeng dohononna, ima kualitas dohot kadar ni haporseaonna, kualitas ni
ngoluna.

Contoh: Adong dope sian tongatonga ni Halak Kristen i na muramura mardandi (ala so pintor toho tu
rohana). Muramura mandele ala so pintor saut na pinangidona. Ningon ma: Adong do Halak Kristen on
na cengeng (songon dakdanak). Somalna tu dakdanak doi didok: Unang cengeng.

Boi do lam torop bilanganna idaon, alai anggo haporseaonna tongtong dope ndang tubu songon batu ni
siarum i. Adong do nian na tubu, alai laos marpengpeng. Alani tapaloas ma Hata ni Debata i mangarajai
di rohanta be. Unang be harajaon na asing.

Hamu angka dongan!

Laos mardomu tusi do nuaeng umpama na paduahon na nidok ni Jesus, ima taringot tu itak naung
niasoman (ragi). “Tudos do Harajaon Banua ginjang i tu itak naung niasoman na binuat ni sahalak inaina
laho pasaorhon tu itak tolu ampang, paima asom saluhutna.”

Molo binege hata ‘ragi’ niingot ma tape. Alana mambahen tape ingkon adong do ragi. Jala molo so malo
mambahen ragi i tu gadong (ubi kayu) naung dilompa satonga masak i, olo do ndang jadi gabe tape.
Tetap ma ibana gabe gadong, alai ndang mardai be allangon.

Hamu angka dongan!

Aha do pesan na naeng pasahatonna tu hita marhite i?

Harajaon Banua ginjang i, ima na tagoari nangkin: Hata ni Debata, Huria-Na, dohot punguan ni Halak
Kristen i INGKON BERDAMPAK DO (MARPANGHORHON) songon ragi i (itak naung niasoman i). Tontu
berdampak tu na denggan ate? Unang gabe laos manegai.

Dos songon ragi i molo nunga dipamasuk tu ampang na marisi itak nangkin (manang tu gadong na
satonga masak mambahen tape i), gabe diubah do itak i manang diubah do gadong i.

Gabe masak (na satonga masak hian)

Gabe tabo daion

Gabe pahipashon (menyehatkan)

Gabe bosur dibahen (mengenyangkan)

Gabe pangoluhon (menghidupkan)

Laos songoni do nang hajongjongan ni Hata ni Debata i, mampu mengubah ngolu ni jolma gabe
marngolu na lam tu dengganna. Dung tubu Hata ni Debata i, mangolu ma jala mangula di ngoluna.
Dungi, diparbuehon ma parbue na denggan, na tonggi dohot parbue na godang.

Gereja juga harus berdampak (positif) tu na humaliangna. Halak Kristen pe ingkon berdampak. Ingkon
gabe pasupasu tu portibi on. Unang gabe burabura. Unang ma gereja manang Halak Kristen na
dangoldangol sisilon (suam-suam kuku), ndang las jala ndang ngali. Molo songoni do ndang binoto aha
lapatan ni i. Unang laos songon na nidokna i ate: Godang do nian siingoton, alai laos so adong do
sitiruon!. Ingkon godang ma nian siingoton sian ibana laos godang sitiruon. Ngolu sisongoni do na
hinirim ni Tuhanta sian hita. Amen