HKBP DOLOK SION SENGETI RESSORT KEBUN KELAPA

DISTRIK XXV JAMBI

Jl. Lintas Timur KM. 34. Desa Bukit Baling.
Kec. Sekernan, Kab. Muaro Jambi, Provinsi Jambi.

MINGGU, 24 Oktober 2021

MINGGU XXI DUNG TRINITATIS
Topik :
“Manotongtong Marholong Ni Roha Di Dongan / Hidup Rukun Dengan Sesama”
Parjamita

Partingting
Papungu Pelean
Song Leaders -

PESTA GOTILON
Menurut Kamus Bahasa Batak Toba – Indonesia, gotilon berarti musim menuai atau masa panen raya. Pesta
gotilon (Pesta Panen) adalah sebuah tradisi gereja (termasuk HKBP) yang penuh dengan makna spiritualitas, salah
satunya adalah kualitas rasa syukur. Pesta ini dimaknai sebagai ungkapan syukur atas berkat dan kasih karunia Tuhan
yang senantiasa memelihara kehidupan umatNya (Mzm.50:14). Pesta gotilon diadopsi dari tradisi Yahudi akan Pesta
Hari Raya Pondok Daun atau Pesta hari pengumpulan hasil panen (bnd. Kel.23:16-17; Im.23:33-36; Ul.16:13-15). Pada
waktu pesta panen, hasil pertama dari pemberian Tuhan dibawa ke Bait Suci, Imam meletakkan persembahan buah
sulung jemaat di altar. Hal ini mengingatkan bagaimana dahulu umat Israel mengalami kelaparan, yang membawa
mereka ke Mesir, di sana mereka ditindas sebagai budak. Dari penindasan dan rasa lapar itulah Allah mendengar
teriakan minta tolong mereka, dan Allah membebaskan mereka. Belas kasihan Allah terhadap umat yang menderita itu
dinyatakan dengan janji akan memberi mereka tanah subur, penuh madu dan susu, yaitu di negeri Kanaan. Peristiwa
bersejarah inilah membuat setiap orang dan seisi rumahnya akan bersukaria dan sujud di hadapan Allah atas semua
kebaikanNya yang telah membebaskan dari kelaparan dan penindasan. Haruslah umat Tuhan bersukaria dan
memberikan persembahan dengan sukarela, sesuai dengan berkat yang diberikan oleh Tuhan.
Di Bona Pasogit, pesta gotilon secara umum dilaksanakan sekitar bulan Juli atau Agustus, yakni setelah panen
selesai. Hingga tahun 90-an, pesta gotilon sangat khas bagi gereja, karena pada saat itu berbondong-bondonglah ruas
untuk mengantarkan padi hasil panennya ke jabu huria. Dalam pesta gotilon dapat dilakukan dengan melelang bahan-
bahan persembahan atau silua. Hal ini dapat juga terjadi karena dipengaruhi tradisi marsiadapari (saling menolong)
dalam budaya kerja masyarakat Batak, di mana jemaat saling memberi atau menukarkan barang-barang yang
dipersembahkan dalam bentuk uang. Semua persembahan atau silua itu selanjutnya akan digunakan sebagai dana
utama operasional gereja selama satu tahun. Puncak pesta gotilon biasanya akan diakhiri dengan acara makan
bersama atau sekedar menyantap pohulpohul dan itak gurgur setelah selesai kebaktian minggu.
Sekarang zaman telah berubah, HKBP bergerak maju seiring arus modernisasi. Jemaat tidak lagi berkonsentrasi di
bonapasogit, sudah menyebar ke seantero dunia ini, mulai dari HKBP Pearaja Tarutung sampai HKBP New York di
Amerika, termasuk HKBP Dolok Sion Sengeti di Jambi ini. Panen juga tidak lagi hanya sekali dalam setahun. Jenis
hauma pangulaan semakin beragam, bukan hanya padi tetapi ada perkebunan sawit, karet, kopi, dan lain-lain, yang
hasilnya dapat dinikmati setiap bulan. Adapun yang kita bawa kepada Tuhan sebagai persembahan (silua) tidak lagi
melulu hasil panen dari tanah sebagai persembahan masa dahulu yang hidup sebagai masyarakat agraris. Jemaat tidak
lagi bersandar pada pertanian melainkan bergeser pada dunia jasa dan industri. Itu sebabnya silua tidak lagi
berfokuskan pada hasil pertanian tapi telah berubah dengan mempersembahkan benda/barang atau uang dalam
amplop. Melalui merayakan pesta gotilon, Tuhan memberi pada jemaat ruang menghayati iman atas karya Ilahi yang
memberkati hidup dan pekerjaan jemaat sepanjang tahun ini. Kasih Tuhan juga menghantar jemaat HKBP Dolok Sion
Sengeti untuk tinggal dan hidup dengan berbagai jenis pekerjaan di Provinsi Jambi ini. Jemaat tidak hanya membawa
persembahan berupa barang hasil panen, tetapi jemaat diajak untuk mengucap syukur dari seluruh kehidupannya:
roh, jiwa, nyawa, hidup dan harta milikku semua, kuserahkan padaMu untuk selama-lamanya (BE HKBP 204:2).
01. ACARA PROSESI
● Pangaradeon di Bilut Parhobasan
● Dung masuk barisan prosesi, jongjong ma ruas huhut manortor di ingananna be. Dung sahat di jolo
paragenda, hundul ma ruas.
● Sude Parhalado mangadop Paragenda.
—Organ/Gondang ARBAB —
02. JOUJOU MARSOMBA TU DEBATA
Pdt : Horas ma di hita saluhutna. Huria na hinaholongan ni Tuhanta Jesus Kristus.
Andorang so tamasuhi Parmingguonta diombas on, huida tung mansai uli jala minar
pardompahanmuna sian sundut naumposo sahat tu sundut natumua.
Marhillonghillong nang paheanmuna mardongan ulos siganjang rambu. Adong muse
angka uninguningan tiniop ni panggual pargonci, damang pande partarias na malo.
Teptep do mula ni gondang serser do mula ni tortor, sise mula ni uhum, sungkun
mula ni hata. Diulaonta diombas on, patorang hamu ma jolo dia ma laklakna dia ma
unokna dia do hatana aha ma nidokna.
St : Tangan botohon ujung ni jarijari, jongjong hami dison angka Parhalado jumolo ma
marsantabi. Dibagasan sadarion tung tama do hami mandok mauliate tu Debata,
disaluhut pandonganion dohot pangaramotion ni Debata  di sude pardalanan ni ngolu
tarlumobi di na mamolus sorimago Covid-19. Dalan manghamauliatehon
panumpahion ni Debata, patupaon ni Hurianta ma PESTA GOTILON, i ma di na
mamboan silua sian parbueni na hula hami na sailaon dibagasan sataon on.
Ruas : Tung so tarasam do balga ni holong ni roha ni Debata, jala tung so hasuhatan do
denggan ni basaNa. Nuaeng marpungu do hami di bagas Joro on, patupahon Pesta
Gotilon manghalashon pasupasu ni Debata. Didok hata ni Debata: Puji hamu ma
Ibana mardongan soara ni sarune, puji hamu ma Ibana mardongan arbab dohot
sordam. Puji hamu ma Jahowa mardongan tali sajak dohot panortoron na marliat,
puji hamu ma Ibana mardongan hasapi dohot tulila. Puji hamu ma Ibana
mardongan ogung panggora, puji hamu ma Ibana mardongan ogung panonggahi.
St : I ma amang Panditanami laklakna laos i ma unokna, i ma hatana laos i ma nidokna,
antong uluhon hamu ma hami pasahathon pamujion dohot parsombaonnami
dompak Debata.
Pdt : Ramba ni Sipoholon marduhutduhut sitata, tung boha pe borat ni sitaonon tongtong
do ingkon pujionta Tuhanta Debata.
Sude: Emma tutu
Pdt : Jongjong ma hamu saluhutna.  Na marpungu do hita ruas ni huria HKBP Dolok Sion
Sengti Ressort Kebun Kelapa, marlas ni roha, mariaria jala marolopolop
manghalashon denggan basa ni Jahowa di Pesta Gotilon on. Ibana do mual ni
pasupasu dohot hangoluanta. Nuaeng pe pataridahononta ma parsombaonta,
panindangionta, dohot las ni rohanta di pasupasu ni Jahowa naung tajalo.
Antong amang pangual pargonsi na nialap manogot tinaruhon botari, parindahan na
suksuk parlompan na tabo, nuaeng pe dison amang pandenami partarias namalo,
alualuhon ma jolo tu Debata Ama, na manompa langit dohot tano on, dohot nasa
 isina, i ma TUHAN JAHOWA, Ama na hutanda hami dibagasan goar ni AnakNa Jesus
Kristus. ……(manghuling taganing)…..
Alualuhon ma tu Tuhan Jesus Kristus, Anak ni Debata na sasada i, na paluahon hami
sian dosa dohot hamatean marhite mudarNa na badia i.
..…(manghuling taganing)…...
Alualuhon ma tu Tondi Porbadia na ruar sian Ama i dohot sian AnakNa Tuhan Jesus
Kristus, na pajongjong Huria na Badia i.
…… (manghuling taganing)……
Nunga dialualuhon hamu be tu Debata Ama, AnakNa Tuhan Jesus Kristus, dohot
Tondi Parbadia. On pe amang  panggual pargonsi, namarmula do na sa na adong,
marmula jadi marmula tompa, marmula denggan marmula horas, jala Debata do
mula ni saluhut! Nuaeng bahen damang ma jolo gondang mulamula.
[ruas manortor diinganan na be (tortor mulamula)]
Amang pargonsinami, nungga dibahen hamu gondang mulamula, asa jolo marsomba
hami tu jolo ni Tuhan Debata Jahowa marhite AnakNa Tuhan Jesus Kristus naung
mate humophop hita jala mulak mangolu, dohot tu Tondi Porbadia na mangalehon
hasesaan ni dosa, las ni roha dohot ngolu naimbaru na so ra suda i, ala ni i baen
damang ma gondang somba i
[ruas manortor di ingananna be (tortor sombasomba)]
Nunga husomba hami be Tuhan Jahowa marhite tangan, simanjujung, dohot roha.
Nuaeng pe amang panggual pargonsi, asa mangaliat hami manghalashon jala
manghamauliatehon pasupasu, mangaliat hami mangolophon hangoluan, mangaliat
hami mamaritahon Barita Nauli jala patupahon ulaon asi ni roha i, baen damang ma
gondang liatliat i.
(ruas manortor diinganan na be tortor liatliat)
Pdt : Tu hita saluhut na liat na lolo, nunga taliathon tortornta pataridahon panindangionta
taringot tu denggan basa ni Jahowa di Pesta Gotilon on, jala nunga tapatuduhon
parsombaonnta tu Jesus Kristus silehon pasupasu tu ngolunta. Ibana do Raja na
mamasumasu boni ni angka na taula, jala laos Ibana do silehon hangoluan di hita.
Antong tapuji ma Tuhanta marhite BE No.585 : 1 – 2 “Somba ma Jahowa”.
03. Marende BE No. 585 : 1 – 2 “Somba Ma Jahowa”
♥ Somba ma Jahowa Debatanta, Amen Haleluya. Sigomgom langit tano on ro di isina,
Amen Haleluya. Beta hita lao marsinggang tu joloNa, Amen Haleluya. Na songkal
jala na badia do Jahowa, Amen Haleluya. Reff: Endehon Amen Haleluya, endehon
Amen Haleluya. Endehon Amen Haleluya, endehon Amen Haleluya (2x)
♥ Puji ma Jahowa Debatanta, Amen Haleluya. Parasiroha na sumurung do Ibana,
Amen Haleluya. Taendehon ma goarni Debatanta, Amen Haleluya. Ala ni denggan ni
basaNa na tu hita, Amen Haleluya. Reff: Endehon Amen Haleluya ...du...

04. Votum – Introitus – Tangiang (U = Liturgis; H=Huria)

U : Marhitehite goar ni Debata Ama dohot goar ni AnakNa Tuhan Jesus Kristus dohot goar
ni Tondi Parbadia na tumompa langit dohot tano on. Amen!
Saluhutna silehonlehon na denggan dohot nasa uli basa na mauliutus, na ro sian banua
ginjang i do sian Ama ni hatiuron, ndang adong anggo di Ibana parsorinon manang
halinu ni pangkusoran. Songon on didok Tuhan Jahowa; ndang be ulahanKu
mangaragehon nasa na mangolu, songon na Hubahen i. On pe saleleng adong tano on,
ndang jadi mansohot saburon dohot gotilon, ari ngali dohot ari las, ari logo dohot
rondo ni ari, arian dohot borngin. Ingkon lehonon ni tano i parbuena asa singkop
panganonmuna jala marsonangsonang hamu maringan disi. Na balga situtu do Ho ale
Jahowa Debatangku, marpahean hasangapon dohot hamulian do Ho. Haleluya!
H : Mangendehon: Haleluya, Haleluya, Haleluya.
U : Martangiang ma hita: Ale Tuhan Debata Amanami na dibanua ginjang! Ho do haroroan
ni sude denggan basa na marragamragami. Ala ni pasupasuM do umbahen marparbue
sude na niula nitangannami, jala diparmudu Ho hami natinompaM asa unang rapar.
Dibahen i marpungu hami nuaeng mandok mauliate sian nasa rohanami tu Ho. Sian
tanganMu do sude hujalo hami nasa na denggan tu dagingnami dohot tu tondinami,
jala asi ni rohaM do mangaramoti hami. On pe sai jalo ma hamauliateon ni rohanami.
Angkup ni, sai lehon ma TondiM tu hami, namamuhai dohot napatiurhon mata ni
rohanami, asa lam huida hami sude na denggan, sude na uli napinatongonMi tu hami,
asa lam ringgas rohanami mamuji dohot pasangaphon Ho marhitehite Tuhan Jesus
Kristus Tuhannami. (hundul)

05. Marende BE No. 706 : 1 - 2 “Godang Ni Pasupasu i”

♥ Godang ni pasupasu i dilehon Tuhanki. Tarlobi asiasiM i marhite anakMi. Jalo ma
pujianki, Jesus Sipalua i. Boi au bongot tu sorgo i, marnida hasangaponMi.
♥ Tondong na aleale i palashon rohangki. Ala na umuli i, boi au AnakMi. Jalo ma pujianki,
Jesus Sipalua i. Boi au bongot tu sorgo i, marnida hasangaponMi.

06. PATIK
U : Didok hata ni umpama: tinallik bulung sihupi, pinarsaong bulung siala; sotung sumulsol
di pudi, ndada sipaingot na soada. Antong tangihon hamu ma Patik ni Debata di
Minggunta sadari on,  i ma Patik Palimahon sahat tu Patik Napasapuluhon. (Agenda
HKBP)
I ma sahatna. Antong, rap mangido gogo ma hita tu Tuhan Debata.
H : Ale Tuhan Debata, sai pargogoi ma hami mangulahon na hombar tu patikMi. Amin.

07. Marende BE No. 681 : 1 “Ale Amang Asi RohaM”

 ♫ Ale Amang asi rohaM di au pardosa on. Unduk do rohangkon nuaeng marsomba di
joloM. Unang jujur, unang jujur angka dosangki. Sai salpuhon, sai salpuhon sian
rohaMi. (jongjong)

08. PANOPOTION NI DOSA DOHOT HASESAAN NI DOSA

U : Didok angka na bisuk : rupa do dang boi muba, alai pangalaho boi do tarpauba. Habang
binsakbinsak, sirubaruba dohot ambaroba, sai unang jolo hona insak hita, asa pinauba
roha. Ringkot do na mananda diri. Alani taauhon ma hata ni ende on di rohanta be:
O Tuhan Jesus Ho Rajangku.
H : (Mangendehon BE.No. 164:1 “O Tuhan Jesus Ho Rajangku”)
♫ O Tuhan Jesus Ho Rajangku, tangihon au naposoMon. Naeng topotanku do
dosangku Tu Ho Sigomgom tano on. Ai naeng mangolu tondingki marhitehite
mudarMi. Godang do dosa ni tanganku, rohangku pe gok dosa do. Nang mata pe,
nang pamatangku, luhut na i gok dosa do. Sai sesa nasa dosangki, marhitehite
mudarmi.
U : Tatopoti ma dosanta, martangiang ma hita: Ale Amanami jala Debatanami, na di
banua ginjang, Pargogo na so hatudosan! Pardengganbasa do Ho, jala ro di
salelenglelengna do asi ni rohaM. Sai marpamuati ma rohaM di hajahatonnami, jala sai
unang be ingkot angka dosanami ai jotjot do hami mardosa maradophon Ho, jala jotjot
do husungguli hami rimasMu marhite sian pangalaosionnami, unang alang asi ni
rohaM, sai urupi ma hamu, Ho ale Tuhan Debata hatuaonnami, palua hami, jala sesa
dosanami, ala ni AnakMu, Tuhan Jesus Kristus, Tuhannami. Amen.
H : (Mangendehon BE. No. 683 : 3 “DiadopanMu Jesus”)
DiadopanMu Jesus, tarsolsol bagi rohangkon.
Muba ma au tujolo on, diadopanMu Jesus.
U : Tabege ma hata bagabaga taringot tu hasesaan ni dosa : Ai ndang adong imbar ni i, ai
saluhut do pardosa jala hurangan maradophon hasangapon ni Debata, alai angka na
gabe pintor, binahen ni basabasa marhite sian asi ni RohaNa, hinorhon ni panobusion
na marhitehite Kristus Jesus i, na pinajongjong ni Debata bahen habangsa parasian
marhitehite haporseaon di mudarNa. ” Hasangapon ma di Debata na di ginjang.
H : Amen. (hundul)

09. Marende BE No. 435 : 1 + 3 “Marolopolop Tondingki”

♫ Marolopolop tondingki ai  naung  ditobus Jesus i. Hamu sude, bege ma i, sai las
rohangku  mandok i. Sonang ni tingki i, dung jumpang Jesus Tuhanki. TondiNa mangajari
au,  tarbaen marlas ni roha au. Sonang ni tingki i, dung jumpang Jesus Tuhanki.
♫ Tu Jesus sahat ngolungki, tung na so boi be mago i. MataNa do manatap au, pinggolNa
tumangihon au. Sonang ni tingki i, dung jumpang Jesus Tuhanki. TondiNa mangajari au, 
tarbaen marlas ni roha au. Sonang ni tingki i, dung jumpang Jesus Tuhanki.
10. EPISTEL
U : Tajaha ma Hata ni Debata turpuk Epistel di ari Minggu on ima na tarsurat sian
Heber 13 : 1 – 3. Tajaha ma marsingkatsoring. Songon on ma didok disi : Manongtong
ma holong ni roha di dongan!
H : Unang halanggushon hamu partamueon; ai marhite sian hea do ditamuei halak
angka surusuruan, so pamotoanna.
U : Ingot hamu ma angka na tarhurung songon na rap tarhurung; songon i angka na
tumaon na porsuk, ai dohot do hamu di bagasan daging. Ido sahatna. Martua do angka
na tumangihon Hata ni Debata, jala na umpeopsa. Amen.

11. Marende BE No. 701 : 1 – 2 “Tu Ho Do Au Marpadan”

♥ Tu Ho au marpadan, o Jesus Tuhanhi, asa burju haposan au di adopanMi. Sai Ho
ma mandongani au di ulaonhi, ajari pargogo i ma au di dalanhi. (jongjong)
♥ Baen ma panghilalaan di au, o Tuhanhi, donok do Ho, o Tuhan mandopang
musungki. Ragam do pangunjunan di hasiangan on. Ho partanobatoan di
parloanhon.
.
  12. MANGHATINDANGKON HAPORSEAON
U : Didok hata niumpama: Ansimun sada holbung, pege sangkarimpang; manimbung rap
tu toru, mangangkat rap tu ginjang. Antong rap dohot donganta sahaporseaon di
sandok portibi on, tahatindanghon ma haporseaontai.
H : Ahu porsea…. ....du.....
                                                                                    (hundul)

13. Tingting

14. Marende BE No. 754 : 1... “Gok Las Ni Roha Do Au” (P. Pelean IA+IB)
♥ Gok las ni roha do au di ngolungkon, di ngolungkon, di ngolungkon. Gok las ni roha do
au dingolungkon, tongtong di rohangkon. Mauliate gok las ni roha maringan
holongMi  Tuhan di au. Mauliate gok las ni roha, maringan holongMi Tuhan di au.
♥ Mardame jala sonang do ngolungkon, dirohangkon, dirohangkon. Mardame jala
sonang do ngolungkon, tongtong dirohangkon. Mauliate …du....
♥ Gok do holong ni Jesus di ngolungkon, di ngolungkon, di ngolungkon. Gok do holong
ni Jesus di ngolungkon, tongtong di rohangkon. Mauliate …du...
♥ Marlas ni roha do au di ngolungkon, di ngolungkon, di ngolungkon. Marlas ni roha do
au di ngolungkon, tongtong di rohangkon. Mauliate …du....

15. JAMITA : 5 Musa 24 : 17 – 18. (Pdt. Anju Saragih, S.Th).

16. Marende BE No. 691 : 1... “Hupasahat Ma Tu Jesus” (P. Pelean IIa+IIb)
 ♥ Hupasahat ma tu Jesus saluhutna ngolungki. Roha nang pambaenanku saluhutna
tingkingki. Hupasahat ma tu Jesus saluhutna diringki. Hupasahat ma tu Jesus
saluhutna ngolungki. 
♥ Pangkeonku ma tanganku, mangula lomoNa i. Langka nang simanjojakku
mangihuthon Tuhanki. Hupasahat ma… ....du...
.......musik......
♥ Nang pamereng ni matangku, mandompakkon Jesus i. Soara ni pamanganku, mamuji
goarNa i. Hupasahat ma… ....du...
♥ Dung huida Tuhan Jesus, hutundalhon dosangki. Lohot rohangki tu Jesus, Sipalua
tondingki. Hupasahat ma… ....du...

17. Acara Pesta Gotilon “Manghamauliateon Denggan Basa Ni Jahowa”

U : Hamu ruas ni huria na nihaholongan ni Tuhanta Jesus Kristus! Nuaeng sahat ma hita tu
acara Pesta Gotilon ni hurianta, laho manghalashon dohot manghamauliatehon
denggan basa ni Jahowa. Antong dibagasan roha na mandok mauliate tu Debata, tapuji
ma Ibana, taendehon ma BE No. 373 “Mangula hita jolma”
H : (Mangendehon BE No. 373:1 “Mangula Hita Jolma”)
♫ Mangula hita jolma manabur boni i, alai anggo jadina Di Debata do i. Dilehon las
ni ari, nang nambur udan pe, Tongtong di panumpakNa, marguru sasude. Nasa
ulibasa ro sian Debata, I pe Ibana puji ma huhut haposi da. 
U : Hamu dongan sahuria! Nunga ita jalo denggan basa dohot asi ni roha sian Jahowa.
Taokuhon do, saluhutna silehonlehon na denggan, nasa uli basa na mauliutus, i ma
naro sian ginjang. Dilehon do di hita parbue ni tano, parbue ni suansuanan dohot
parbue ni angka ulaonta. Saluhutna i nunga tajalo sian Jahowa. Antong nda tama ma
hita mandok mauliate tu Debata?
H : Mauliate ma di Ho Tuhan, naung mangalehon parbue ni angka ulaonnami.
U : Didok hata ni Debata: Ingkon buatonmu ma sian patumonaan ni sandok parbue ni tano
i, na dapot ho sian tanomi, naung nilehon ni Jahowa, Debatam tu ho, jala
pamasuhonmu do i tu bagasan ampang, jala boanonmu do i tu inganan sipilliton ni
Jahowa, Debatam bahen inganan di Goarna. Ingkon burju do lehononmu parpuluan
sian nasa gogo ni tano, boni sinaburhonmi, sian saluhutna tubu di tanomi ganup taon.
H : Mauliate ma di Ho Tuhan, naung mangalehon parbue ni angka ulaonnami.
Hupasahat hami ma i bahen pelean na hushus dijoloM.
U : Antong! Taruhon hamu ma parbue ni angka na taula dibagasan las ni roha. Sude ma
hita on marolopolop jala mariaia, ai nunga manumpahi Debata dibagasan ngolunta. Ro
ma hamu tu jolo.

Marende BE. No. 848 : 1... “Dison adong huboan Tuhan” 

 [Pasahat silua dohot amplop tu jolo]

♫ Dison adong huboan Tuhan, parbue ni ngolungku na so tardok nian. Sadia ma

argana Tuhan, molo sai ni rajuman sude denggan basaM? Jalo ma Tuhan, sai
las ma rohaM.
♫ Tanganku na metmet da Tuhan, na so hea mansari dope au on Tuhan;
Rohangku ma hulehon Tuhan, na boi pelehononku gabe las ni rohaM, jalo ma
Tuhan, sai las ma rohaM.
♫ Huingot do hataM da Tuhan, ingkon sarihononhon anggim na metmetan;
Ampehon ma tanganMu sangkan, itak na otik i unang suda nian, Jalo ma
Tuhan, sai las ma rohaM.

U : Tadok ma mauliate tu Jahowa, ai pardengganbasa do Ibana, ro di salelengnilelengna do

asi ni rohaNa tu hita. Nunga tapasahat siluanta tu huriaNa, songon parbue ni angka na
taula. Antong! Tangihon hamu ma hata ni Debata na mandok: Alai marhuaso do
Debata, mangusehon saluhut asiasi tu hamu, asa sandok tuk situtu di hamu jala
marlobilobi hamu, laho patupahon saluhut ulaon na denggan.

17. Tangiang Pelean – Tangiang Pesta Gotilon – Ale Amanami – Pasupasu  

18.  Hasahatan
U : Hamu angka dongan, nunga itadai jala tahalashon pasupasu ni Debata marhite
parbue ni na taula di Pesta Gotilon sadarion. Songon nidok ni umpasa ma
dohononku: Langit di atas ni simanjujung, tano sai nidegehon; manumpak ma
Debata, sahat hita matua bulung, dilehon tua dohot hadameon.
H : Emma tutu
U : Eme sitamba tua parlinggoman ni siborok, Debata do silehon tua, luhut ma hita
diparorot.
H : Emma tutu
U : Sahatsahat ni solu, sahat ma tu bontean, nunga sahat dipatupa hurianta Pesta
Gotilon sadarion; sahat ma hadameon, sahat ma las ni roha, sahat ma parhorasan.
H : Emma tutu
U : Antong amang panggual pargonsi, bahen damang ma gondang sitiotio i, asa tongtong
tio ulaon nami jala tiur ngolunami. Laos padomu ma dohot gondang hasahatan i, ala
nunga sahat Barita Nauli tu hami.
H : (Manortor diinganna be) …Horas….Horas…Horas…