Minggu : 09 Mei 2024 (Ari Hananaek)

Evanggelium : Lukas 22:44-53

“Nunga Nangkok Jesus tu Sorgo, Las ma Rohanta”
*********************************
Huria na Hinaholongan Dibagasan Goan ni Tuhanta Jesus Kristus,
Molo manat hita mangalapati, sai na hurang arga do di hita ari parningotan hananaek ni Tuhan Jesus. Somalna
ngali do pamestahononta di parningotan hananaek ni Tuhan Jesus. Hape sasintongna ari parningotan hananaek ni
Tuhan Jesus manadinghon siseanNa mangalehon panghirimon na imbaru tu siseanNa dohot tu halak na porsea.
Hananaek ni Tuhan Jesus tu banua ginjang, paingothon hita na so portibi on ingananta na manongtong, surgo i do.
Molo tapamanat di Bibelta i, otik do digurithon panurat ni Evangelium na opat i taringot tu hananaek ni Tuhan
Jesus, ala ndang proses ni hananaek ni na rumingkot, alai tonaNa dohot lapatan ni hananaekNa i do na rumingkot
di panurat Evangelium na opat i. Marhite hananaekNa i dilehon kepastian tu angka na porsea, paboa songon Jesus
na sahat tu hasangaponNa songon i do na porsea i pajumpang sogot dohot Ibana.

Huria na Hinaholongan Dibagasan Goan ni Tuhanta Jesus Kristus,

Topik ni jamita di parningotan ari hananaek ni Tuhan Jesus tu banua ginjang manogihon hita asa marlas ni
roha. Molo sian hajolmaon maol do tarjalo roha topik ni jamita on. Ala ingkon marsirang ma muse Jesus dohot
angka siseanNa, ala na parjolo nunga marsirang nasida uju ditangkup Jesus jala dipasahat tu hamatea di hau
pinarsilang. Tontu molo sian hajolmaon lungun situtu do dihilala angka sisean dohot angka siihuthon Jesus alani
parsirangan i. Dapot roha do i jala boi antusan. Jotjot do tutu lungun roha molo marsirang sian nna hinaholongan,
tarlumobi molo marsirang alani hamatean. Ai ndang boi be pajumpang, nunga mansohot saluhut angka parsaoran
dohot holong ni roha. Alani lungun do molo masa parsirangan sisongon i. Alai andul do masa songon na
dipabotohon tu hita di turpuk jamita on. Na manaek do Jesus tu banua ginjang jala marsirang ma Ibana sian angka
siseanNa, alai ndang lungun roha ni sisean i. Gariada tahe marlas ni roha do nasida. Tangkas do i dipabotohon di
ayt 52 “Marlas n roha situtu”. Ndada holan marlas ni roha nasida, alai marlas ni roha situtu. Alani gabe tubu ma
sungkun sungkun, aha do na mambahen sisean i marlas ni roha situtu?
Tangkas do alus ni sungkun sungkun i, i ma ala nunga lam diantusi angka sisean i sangkap ni Debata. Molo
dimulana maol situtu do diantusi nasida na masa tu Jesus, tarlumobi uju na ingkon marsitaonon Jesus sahat tu
hamatean, tahutan jala lungun situtu do rohanasida. Alai dung hehe Jesus sian na mate adong do partingkian na
ganjang, i ma 40 ari dipangke Jesus laho patuduhon diriNa tu angka siseanNa dohot tu angka natorop na
mangihuthon Ibana nasailaon. I ma dalan ni Jesus laho manungkoli haporseaonnasida jala laho paratarata
pangajarion naung dipasahat Jesus uju manghobasi dope Ibana rap dohot angka siseanNa. Aja tutu tung godang do
panghorhonna tu angka sisean. Nuaeng nunga diboto jala diantusi nasida sangkap ni Debata. Laos tangkas ma di
roha ni sisean i, marhite hananaek ni Jesus tu banua ginjang lam patar ma huasoNa na sumurung i. Ibana do Tuhan
jala Raja na marhuaso. Sian banua ginjang do haroroNa, ndang sian portibi on, jala mulak ma muse Ibana tu
hasangaponNa. Jala marhite hananaek ni Jesus tu banua ginjang lam dipasingkop Jesus ma holongNa tu angka na
porsea. Ai manaek ma Ibana tu banua ginjang laho parade inganan tu angka na porsea.

Huria na Hinaholongan Dibagasan Goan ni Tuhanta Jesus Kristus,

Dung dibuhai Jesus roha ni angka siseanNa i gabe diantusi nasida ma angka na tarsurat i (ay. 45). Tutu Jesus
do mambuhai rohanasida, alai adong haoloon di angka sisean i mambungka rohanasi. Adong roha na marsitutu di
angka sisean i mambuha rohanasida laos i do gabe dalan di nasida boi mangantusi angka na tarsurat i. Dung i
diantusi nasida ma sangkap dohot ulaon ni Debata, i ma sangkap hasonangan do, ndada sangkap hamagoan, nang
pe dimulana i maol jala ndang tarjalo roha angka na masa i (Jer. 29: 11). On ma na mambahen sumisi lungun ni
roha dohot biar ni roha ni angka sisean i. Gabe talup nasida marlas ni roha situtu nang pe ingkon marsirang nasida
sian Jesus. Ala pos do rohanasida di sangkap haluaon na pinarade ni Debata di ngolunasida. Laos pos ni roha i do
na patogu roha ni angka sisean manjalo jala mangulahon parsuruon ni Jesus laho manghatindanghon barita
haluaon na pinatupa ni Jesus, laho manjouhon saluhut bangso asa marhamubaon.
Ndang ulaon na mura na pinasahat ni Jesus. Sian na robi nunga godang angka panurirang dohot parbarita nauli
na manaon na porsuk jala sahat tu hamatean ala pasahathon hata ni Debata. Diboto nasida do i jala tiur dope di
parningotannasida na masa tu Jesus. Alai ndang mabiar jala tahutan nasida. Di na tarhindat Jesus tu banua ginjang
jala sirang ma nasida, disomba nasida ma Jesus dung i mulak ma nasida dibagasan las ni roha godang huhut
tongtong ma nasida mamujimuji Debata. ai di na tarhindat Jesus tu banua ginjang dipaherbang do tanganNa
mamasumasu nasida. Lam togu ma nasida, ai manongtong do Tuhan i mamasumasu nasida. I do ojahan na arga di
nasida gabe marlas ni roha situtu ma. Ndada holan sangombas i nasida marlas ni roha situtu, ndada holan na
sangombas i nasida marsomba jala mamujimuji Debata. Sian pardalanan ni ngolu ni angka sisean i tung tangkas do
parsitutuonnasida mangulahon parsuruon ni Jesus. Dibagasan las ni roha dohot dibagasan haporseaon na togu
diulahon nasida do ulaon marbarita nauli. Nang pe godang hamaolon alai ndang gabe sumurut manang mandele
nasida.
 Huria na Hinaholongan Dibagasan Goan ni Tuhanta Jesus Kristus,
Laos songon i ma nang hita angka naung manjalo barita na uli i, ditogihon turpuk on do hita asa tongtong
marlas ni roha dibagasan ngolunta. Sada joujou na arga do on jala sude do hita manghirim asa boi tongtong marlas
ni roha dibagasan ngolunta. Ai di pardalanan ni ngolunta on godang do na mangambati hita marlas ni roha. Angka
na masa di ngolunta jotjot mambahen hita maol marlas ni roha. Baliksa tahe godang do na boi patubu arsak ni roha
di hita. Boha ma tarbahen hita marlas ni roha molo masa angka na rundut di ngolunta, isara ni maol mangatur
ianakhon, maol mangalului pandaraman ni ngolu, molo masa angka parsahiton na posa, molo ndang boi dos roha
ni na mardongan saripe laho mangalugahon ngolu parrumatanggaon, molo nunga jojor jojor anak dohot boru
magodang di jolonta hape ndang ra ro sirongkap ni tondina, molo ndang maralus dope angka tangiangta di jolo ni
Tuhan i hape nunga leleng taparungkilhon, dohot lan dope angka na asing na boi patubu arsak ni roha di hita. Boha
ma tarbahen hita marlas ni roha molo masa angka na rundut i? Maol do i, molo pingkiranta tapangasahon
mangadopi saluhut na masa i.
Alai molo taauhon songon na dipabotohon di turpuk on, molo tabuha pingkiranta dohot rohanta mangantusi
sangkap dohot holong ni roha ni Tuhan i di ngolunta, tontu dapot hita do ojahan na togu manghaporseai Tuhan i
jala laos disi ma boi jumpang hita las ni roha di ngolunta. Antong marhite ari parningotan di hananaek ni Tuhan
Jesus sadari on, naeng ma tatambortambori haporseaonta tu Tuhan i asa boi jumpang hita angka silas ni roha di
bagasan ngolunta. Pos ma rohanta, gok do huaso ni Tuhan i mangurupi hita di angka na borat na taadopi di
ngolunta, tuk do Ibana mangaramoti jala manjagai hita asa unang marmara. Manongtong do Ibana mamasumasu
hita di saluhut gulmit ni ngolunta.
Minggu : 12 Mei 2024 (Exaudi)
Evanggelium : Psalmen 1:1-6
“Hatuaon ni Angka Partigor”
*********************************
I. Patujolo
Hatuaon i do sintasinta ni ngolu ni jolma. Loja jolma mangula, mambahen rencana dohot usaha, asa martua.
Aha do hatuaon manang aha do na mambahen jolma martua? Mangihuthon pangantusion ni portibi on, martua
sasahalak molo godang artana. Mangihuthon halak Batak, martua sasahalak molo gabe, mamora dohot marsangap.
Ala pingkiran i, hatuaon na niluluan ni jolma i ima arta na diportibi on. hape torop do na gabe, na mamora dohot
na sangap na so martua manang na so las rohana. Torop jolma na tarhirim, ndang sonang rohana nang pe godang
artana. Antong aha do hatuaon jala aha do na mambahen martua? Alus ni sungkun sungkun i ma na pinasahat ni
turpuk on. Hata martua di turpuk on di hata Heber asyere manang di hata Gorik makarios, lapatanna, las roha,
sonang roha (jiwa penuh sukacita). Hata martua di turpuk on i ma las ni roha ndang alani sinamot manang arta
portibi, mangihuthon Parpsalmen on pangoloion di Debata dohot parange na pinarbuehon ni pangoloion i do
mambahen sasahalak martua.

Dimasa ni par-Psalmen on ragam angka pangalaho nang angka prinsip ni ngolu ni nasida be, na tontu sahali
mangingona di praktek sosial ni nasida. Tangkas adong dua parngoluon na pinatuduna marhite turpuk on ima
ngolu ni partigor dohot ngolu ni angka pardosa, na pinadomu di parsaoran siganupari. Ido pola umbahen na
dipasahat par Psalmen on tu sude angka halak partigor asa unang tarihutihut ala tangkas dipangantusion na, angka
halak pardosa inghon manean dirimas ni Debata, asa marhite i, jamot ma nasida di ngoluna. Ap. Paulus di Roma
4:7 didok “halak na martua ima halak na disesa dosana”. Di sejarah ni angka halak na porsea mandok angka
halak na martua ima “nasida na manontong patuduhon las ni roha (bersukacita) tung pe dibagasan arsak, ala ido
tanda ni nasida”. Mangihuthon turpuk on hatuaon na sintong i ma molo mardalan di lomo ni roha ni Debata. Sude
arta na dapot sian parsaoram ma denggan dohot Debata i do hatuaon.

II. Hatorangan ni Turpuk

1. Pasu-pasu ni Debata tu dalan ni ngolu ni halak partigor (Ay.1-3)
“Martua ma halak na so olo mangihuthon parjahat, na so olo jongjong tu dalan ni angka pardosa, na so olo
sahundulan dohot angka pangarehei, alai sai manghalomohon patik ni Jahowa”. Tutu situtu manghangoluhon
lomo ni rohani Debata, ndang sipardohot mangihuthon dalan ni parjahat jala mandao manang paholang diri sian
hadirion dohot ngolu ni dosa i. Sian hata “Na so olo jongjong di dalan ni angka pardosa” patuduhon parasingan
ni “na jongjong” dohot “inganan parjongjongan i”. Na jongjong manang hundul ima subjek jala inganan
parjongjongani manang hundulan i ima objek, lapatanna di parnampunahon dosai do hajongjonganna manang
hundulan na sandiri, sisada hajongjongan dohot hundulan ibana mamulik sian hajongjongan dohot hundulan ni
hatigoran, marasing situtu pangalahona, pambahenanna, nang na niaduna. Pangarehei ima gombaran ni halak na
mian dibagasan haginjangon ni roha, na naung maol manjalo poda dohot angka pangajarion hasintongan. Sialani
ido ingkon jamot halak partigor asa unang saor tu bagasan dosa na boi patubu hagiot ni roha, sialani i ndang tama
halak partigor jongjong dompak i. Tung mansai gogo do panait ni dosa i asa madabu hita tubagasan ibana, alani i
molo monang do partigor Ii dao sian hajongjongan ni dosa i, disi ma halak partigor i dapotan tua, ima pasupasu na
sian Debata. Taruli di ngolu na martua ima na so olo mangihuthon, na so olo jongjong, dohot naso olo hundul
maradophon nasa dosa dohot pangalaosion maradophon Debata (Lih.Yakobus 1:2-4). Ndang adong nanggo sada
pe sian gulmit ni ngolunta na boi bongot tu bagasan hajahaton, tingki mardalan, tingki jongjong nang tingki
hundul pe, alai mamangke jala pasahathon ngolunta laho mamuji pasangaphon Debata.
2. Ngolu jala ujung ngolu ni parjahat (Ay. 4-6)
Dao andul sian ngolu ni angka parjahat. Pardalanan ni parngoluan ni nasida digombarhon tu tolu horong: 1.
Songon orbuk na hinabanghon ni alogo. Orbuk naso adong argana, gogona nang lapatanna (tidak diperhitungkan).
Suman tu orbuk na so marurat, na so togu, na mura ullushonon dompak an manang dompak on, na sadihari pe boi
ambolonghonon. 2. Ndang Manahan di paruhuman nang jongjong rap dohot angka partigor. Psalmen 76:8 “Na
songkal situtu do Ho, tung ise ma Manahan jongjong di jolo ni bohiM, molo sapala manombo rimasMu?”. Ndang
tuk na so margogo mangadopi Mual ni Hagogoon i. Ndang holan parjahat i lonong bahenon ni Jahowa alai dohot
do nang dalan ni angka parjahat i. Saluhutna nasida di pasuasehon. 3. Jala na parpudi ima Matua laho lonong do
dalan ni angka parjahat. Molo pajumpang dohot uhum ni Debata ndang tarbahensa hehe, jongjong uju marpungu
dohot halak partigor roha. Mago do gogo ni halak parjahat di tongatonga ni punguan ni halak na tigor roha.
Margogo situtu do Uhum ni Debata, ai Debata sandiri do siramoti hinasintong dohot hinasaut ni UhumNa (ay.6).
 III. Hahonaan
Goar ni minggu ta ima minggu Exsaudi na marlapatan “Sai tangihon ma soaranghu ale Jahowa”, na dirahut
dohot thema ni minggunta ima “Hatuaon ni angka Partigor”. Na hinirim ni torop halak ima ngolu na martua, jala
ido soara pangidoanta tu Debata, jala na tuk mangalehon hatuaon i ima holan Debata.Hot ma hita di ngolu na tigor
i tung pe di ragam ni na masa di hita ganup. Molo pe denggan taida ngolu ni angka parjahat i, unang ma gale hita,
sai tong ma ingot ndang hot hajongjongan ni, na mura habang do i ullusonon ni alogo. Asa hatuaon na nidok ni
turpuk on, i ma hinagok ni las ni roha di bagasan Tuhan i, jala hasonangan surgo i do ba tardok hatuaon na
tumimbo sian nasa hatuaon na adong di portibi on. Asa ndada holan di tingki sonang boi hilalahonon na
pinasupasu, dohot do nang uju di bagasan sitaonon dohot hamaolon bolas hilalahonon na dipasupasu Debata iba. I
ma astuan ni hata na martua, asa andul situtu do sian na talapati di bagasan ngolunta diganup ari.
Molo tapamanat di ari naparpudi on nunga lam martamburak be hajahaton di ula jolma i “Segala cara di
halalkan untuk mencapai tujuan” ndang parduli be jolma i di suara manang di uhum ni Debata. Hape tangkas do
didok Debata “di tanda Jahowa do dalan ni angka partigor” asa marhite turpuk on tongtong ma hita mangulahon
dohot marhaunduhon di Debata sian Ibana do haroroan ni ngolunta jala tapasiding ma angka hajahaton asa gabe
pasupasu hita di nahumaliang songon parbue ni hau na di topi ni batang aek. Dipatudos hatuaon ni partigor i
suman tu hau, dipasupasu ndada holan di parngoluan si sangombas saonari alai dohot do nang tu parngoluan di
angka partingkian na naeng ro. I ma ngolu na manongtong. Suman ni hau na di topi ni batang aek, dilehon bohal
na so ra suda, tongtong dibohali mangadopi parhosingan ni angka ari dohot ombas (musim), ndang mansohot
haulionna, bulung na pe tongtong lomak, siala sandok ngoluna tongtong diparorot Debata dibagasan nasa Patik
dohot habisuhon na sian Debata. Alani ingkon ganup ma nian hita mangulahi mian jala manongtong di bagasan
hata ni Debata asa di si ma jumpang hatuaon ni ganup angka na tigor roha. Amen.
Minggu : 19 Mei 2024 (Pentakosta)
Evanggelium : Kisah Para Rasul 2:1-13
“Kuasa Roh Kudus yang Mempersatukan”
*********************************
Minggu ini, kita merayakan hari Pentakosta, yaitu hari yang kelima puluh setelah kebangkitan Tuhan Yesus.
Kata Pentakosta berasal dari bahasa Yunani Pentekoste, yang secara harafiah berarti kelimapuluh dan itu juga
adalah hari dimana terjadinya pencurahan Roh Kudus kepada murid-murid (para rasul) di Yerusalem. Kitab Kisah
Para Rasul Pasal 2 : 1-13 umumnya mengambarkan tentang Jemaat Kristen mula-mula melalui pencurahan Roh
Kudus atau Pentakosta. Pentakosta merupakan satu dari tiga hari raya orang Yahudi sebagaimana yang
diperintahkan oleh Allah (Im 23:4-21). Dalam tradisi Pernjanjian Lama, pada mulanya Pentakosta merupakan
pesta panen yang dirayakan oleh umat Israel setelah mereka menetap di Kanaan pasca pembebasan dari Mesir.
Dan itu artinya hari raya pentakosta ini, telah dikenal oleh orang Yahudi yang memaknainya dengan perayaan
pesta panen dimana roti-roti yang pertama dibuat dari hasil utama gandum yang baru dipanen dan dipersembahkan
kepada Tuhan sebagai korban. Dan ketika mempersembahkan korban tersebut, maka semua orang harus
berkumpul untuk menikmati berkat-Nya dan tidak diperkenankan untuk melakukan pekerjaan atau aktifitas
apapun. Semua orang datang berkumpul, menyatu, mengucap syukur dan menghayati kasih karunia Tuhan yang
terus memelihara hidup mereka.Pentakosta dalam perjanjian lama disebut sebagai hari raya Tujuh Minggu atau
hari raya Panen Gandum setelah Paskah dimana setelah hari raya tersebut orang Israel mempersembahkan korban
bakaran dan korban sajian yang baunya menyenangkan bagi Tuhan (Bnd. Kel 34:22; Im 23:15-21; Bil 28:16-31;
Ul 16:9-12). Dan perayaan ini terus dilakukan secara turun temurun di bangsa Israel.

Pentakosta merupakan satu dari tiga hari raya orang Yahudi sebagaimana yang diperintahkan oleh Allah (Im
23:4-21). Itu sebabnya pada hari Pentakosta kita melihat mengapa banyak orang hadir di Yerusalem. Tetapi
‘Pentakosta’ dalam ay 1 adalah Pentakosta Perjanjian Lama. Pentakosta Perjanjian Lama menjadi Pentakosta
Perjanjian Baru karena apa yang terjadi dalam Kis 2:1-13. Pentakosta Perjanjian Baru adalah hari turunnya Roh
Kudus yang terjadi pada hari ke 50 setelah Paskah / Easter (hari kebangkitan Yesus). Ini berarti bahwa kejadian
hari ini, yang merupakan salah satu hari yang paling penting dalam sejarah Perjanjian Baru, terjadi pada hari
pertama minggu itu, hari yang sama dalam seminggu bahwa Yesus bangkit dari kematian.Mengapa Allah memilih
kota Yerusalem dan mengapa Allah memilih hari Pentakosta? karena pada hari Pentakosta kota Yerusalem penuh
sesak, karena orang-orang Yahudi dari semua penjuru datang ke Yerusalem. Mereka semua kembali ke Yerusalem
karena hal ini memang diperintahkan oleh Tuhan (Kel 23:14-17 Kel 34:22-23).

Pada saat itu murid-murid sedang berkumpul di suatu tempat sebagai ketaatan terhadap perintah Yesus dalam
Kis 1:4-5. Hal-hal yang mengiringi pencurahan roh merupakan perbuatan simbolis. Angin dan api melambangkan
kuasa roh, yang satu tak kelihatan sedangkan yang lain kelihatan.Pertama mengenai tiupan angin keras. Alkitab
memang sering menggambarkan Roh Kudus sebagai angin (Yoh 3:8 Yeh 37:9,10,14 Yoh 20:22). Kata bahasa
Yunani Pneuma memang bisa diartikan sebagai ‘roh’, ‘angin’ atau ‘nafas’ (sama seperti kata Ibrani Ruach). Angin
(Yunani : Pnoe) dan roh (Pneuma) dalam bahasa Yunani merupakan kata yang serumpun, sedangkan “lidah” dan
“bahasa” dalam bahasa Yunani sama saja.[9] Jadi, angin mengacu kepada roh dan Lidah-lidah, pada bahasa-
bahasa yang kedengaran. Karena itulah maka sebelum Roh Kudus turun maka Ia didahului oleh suatu bunyi seperti
tiupan angin keras. Penggunaan angin untuk melambangkan Roh telah dijumpai dalam Yohanes 3:8.Kedua
mengenai lidah api. Api dalam PL dapat menandai kehadiran illahi, misalnya di gunung Sinai (kel 19:18; Kel. 3:2;
Yes. 66:15). Hari pentakosta ini juga merupakan penggenapan kata Yohanes pembaptis bahwa Yesus
Kristus’’akan membaptis kamu dengan roh kudus dan dengan api’’(Luk 3 : 16). Akan tetapi, api pada hari ini
(Pentakosta) bukan api untuk membakar sekam, seperti di Lukas 3 : 17, melainkan api ini menandai bahasa-
bahasa yang memaklumkan perbuatan besar dari Allah. Roh Kudus juga sering digambarkan sebagai api karena Ia
berfungsi untuk menyucikan / menguduskan kita. Hubungan antara api dengan Roh mengenapi nubuatan Yohanes
Pembabtis dalam Matius 3:11. Hinggap di kepala mereka masing-masing, mereka ini yang ditujukan adalah para
murid karena setelah itu mereka semua mampu berbahasa dengan beberapa jenis bahasa yang ada.

Kehadiran Roh Kudus saat itu, sesungguhnya telah mengubahkan keberadaan dari para murid Yesus. Dimana
mereka diberikan kemampuan untuk boleh berkata-kata menggunakan bahasa-bahasa lain. Mereka diberi
kesanggupan oleh Roh Kudus untuk bersaksi menggunakan bahasa lain yang dapat dimengerti oleh semua orang
yang ada saat itu. Bahkan bahasa yang mereka pakai saat itu bisa dipahami oleh berbagai suku bangsa: seperti
orang Partia, Media, Elam, penduduk Mesopotamia, Yudea, (ada 12 suku), dll.
 Orang-orang yang berkumpul waktu itu tercengang-cengang karena mendengar para rasul itu mendadak bisa
berbicara dalam bahasa mereka, sekalupun para rasul adalah orang-orang Galilea. ini sangat menakjubkan bahwa
orang-orang yang mempunyai logat Yahudi Galilea ini mampu berbicara di dalam berbagai bahasa asing dan
semua orang tercegang-cengang melihat mereka mampu berbahasa, yang dimana bahasa itu tidak mereka kenal
bahkan mereka tidak pernah belajar tentang bahasa-bahasa tersebut. Orang-orang berkumpul itu mengamati apa
yang Para Rasul lakukan. Mereka kagum karena, meskipun fakta bahwa mereka berasal dari galilea namun mereka
semua mendengar rasul berbicara dalam bahasa mereka sendiri di mana mereka dilahirkan (ay 6,8) padahal
mereka dari tempat yang berbeda-beda. Mereka orang Galilea sehingga mereka sulit untuk mempelajari dan
bahkan berkata-kata dengan semua bahasa lain, inilah hal yang sangat ajaib mereka mampu berbicara walaupun
mereka tidak pernah belajar. Roh Kudus menjadikan orang-orang percaya itu menjadi saksi bagi bangsa-bangsa
lain, sebagai penegasan bahwa semua bangsa kelak akan menerima Kristus.

Ketika Roh Kudus dicurahkan kepada para rasul pada hari raya Pentakosta, maka disitulah persekutuan orang-
orang percaya yaitu gereja lahir. Sejak lahirnya sampai saat ini seiring dengan perkembangan zaman, gereja atau
persekutuan orang-orang percaya tetap eksis, semua karena kuasa Roh Kudus yang sudah dicurahkan di hari
Pentakosta. Roh Kudus datang dari Allah atas kehendakNya bukan karena inisiatif manusia. Dari pengalaman para
rasul di hari Pentakosta, kita bisa menyaksikan bahwa Roh Kudus bekerja dalam diri manusia, termasuk orang
sederhana seperti para Rasul, mereka diberi karunia untuk bersaksi dan memberitakan Injil, sehingga Injil boleh di
kenal sampai saat ini.

Perbuatan Allah disampaikan lewat salah satu sarana komunikasi yaitu bahasa, lewat berbagai bahasa yang
disampaikan, semua orang merasa dihargai dan mengerti kehendak Allah. Roh Kudus menerobos ke luar
menembusi latar belakang, suku, bangsa, peradaban dan bahasa yang berbeda sampai ke ujung bumi. Roh Kudus
mengajar kita untuk menerima dan memperlakukan semua orang tanpa memandang latar belakang kehidupannya.
Sebagai gereja yang dipimpin oleh Roh Kudus, kita tidak boleh membatasi cara kerja Roh Kudus, dengan
sejumlah batasan-batasan tertentu. Semua gereja dengan berbagai golongan telah diberikan karunia yang berbeda-
beda oleh Tuhan, semua bertujuan untuk membangun persekutuan, kesaksian dan pelayanan sebagai satu tubuh
Kristus.Kuasa Roh Kudus yang mengubahkan, akan menempati tatanan hidup kita selaku orang percaya sehingga
kita dimampukan untuk bisa menjadi pemersatu bagi yang berselisih paham, menjadi perekat bagi yang terpecah-
belah. Dan ketika setiap orang yang mampu menghadirkan sukacita, damai sejahtera bagi orang lain itulah yang
dapat dikatakan bahwa Roh Allah ada padanya.
Minggu : 26 Mei 2024 (Trinitatis)
Evanggelium : Yesaya 6:1-8
“Nabadia, Nabadia, Nabadia do Debata”
*********************************
I. Patujolo
Jesaya i ma sahalak panurirang na pinillit ni Jahowa gabe sahalak panurirang uju di taon hamamate ni Raja
Usia (Raja Juda) marhite pangungkapon nang hasangapon dohot habadiaon ni Jahowa na niida ni si Jesaya di
bagas joro. Turpuk jamita on masuk ma tu horong proto Yesaya manang Jesaya I, na manurirangi dompak Juda
manang Jerusalem andorang so masa dope habuangan.

II. Hatorangan ni Turpuk

Turpuk jamita on i ma pangungkapon na mansai bolon jala na marmulia na masa tu si Jesaya. Dipajojor si
Jesaya do songon dia ibana pajumpang dohot Debata na sun badia, na ro marhite rupa na so hea dope niida ni
manang ise. Ndada marharoroan sian roharohana manang sian pingkiranna, manang siang pangidoanna masa
pangungkapon i, alai inisiatif ni Jahowa Debata do. Masa ma pangungkapon na bolon jala na marmulia di taon
parmate n si Usia. Jongjong ma si Jotam singkat ni si Usia mangomgomi harajaon Juda. Tutu do nia uju
panggomgomion ni si Jotam harajaon na disegani do harajaon Juda tarlumobi disiala na monang Juda maralohon
harajaon Ammon. Sahat ma tu na hehe harajaon Efraim na digomgomi si Pekah marhite na mardongan tu harajaon
Syiria. Songon sada raja tontu mamingkirhon boha ma asa unang talu harajaonna molo masa parporangan, i do
umbahen sai dilului do ragam dalan boha ma asa boi marhagogoon jala monang harajaonna molo masa
parporangon. Dibuhai ma mardongan tu harajaon na so marsomba tu Jahowa Debata. Umbahen i ma gabe lam
rarat angka parsombaon tu debata ni Asyur. Dipanangkok ma guguan manang pajak asa adong dipasahat tu
harajaon ni Asyur, masa ma parulaon na so uhum. Halak Juda mangosagosa angka donganna sandiri. Dipatupa
nasida do ari raya bolon hombar tu haporseaon nasida alai holan hasomalan sambing ma i diula. Sai didatdati roha
nasida do laho manjahati, mangarupa dohot mambahen na uhum nasida tu nasida. Tung ndang dihalomohon
Debata parulaon angka sisongon i. Umbahen i do asa dijou Jahowa Debata do nasida asa marhamubaon ni roha
marhite panurirang Jesaya (Jes. 1: 1-20).

Dipartingkian sisongon i ma ro Jahowa Debata, diida si Jesaya jala rambu ni paheanNa manghuphupi bagas
joro jala diida ibana ma muse jongjong di atasna surusuruan Serapim. Ungkap jala patar diida si Jesaya hatimbulon
dohot hamuliaon ni Debata, harajaon na manongtong ro jala masuk tu harajaon ni portibi on na olo salpu.
Marendei ma angka suruan i mandok: Nabadia, Nabadia, Nabadia do Jahowa Zebaot. Ende habadiaon, ende
hamuliaon do soara ni surusuruan i, gok timus ma tutu inganan i jala humuntal ma ojahan ni tiang bagas joro i.
Nabadia, Nabadia, Nabadia do Jahowa Zebaot, i ma panghatindanghonon ni angka surusuruan taringot Jahowa,
Debata ni sude angka debata, Raja di saluhut raja, Pangomgomi disaluhut panggomgomi. Ibana do Panompa,
Ibana do na marmudumudu angka na tinompaNa i, jala dapotan hatuaon do ganup bangso na marDebatahon
Jahowa. Jahowa na sun timbul jala na marmulia.

Dung diida si Jesaya na masa i, ditanda ma dirina sahalak na mardosa jala na so tama situtu do ibana marnida
saluhut na niidana i. Manungkap ma ibana jala tung jea ma dihilala ibana. Tutu do nian ndang adong boi sipardosa
marnida hamuliaon dohot hasangapon ni Debata na sun timbul, ai hamatean ma jambarna. Molo pajumpang bohi
ni jolma tu bohi ni Debata, tongkin i ingkon mate. Alani haporseaon na songon i do umbahen didok si Jesaya
“marjea ma ahu, nunga mago ahu, ai jolma parbibir na ramun do au, jala di tongatonga ni bangso parbibir na
ramun ahu maringanan, ai nunga diida matangku Raja Jahowa Zebaot”. Alai turpuk on mangajarhon jala
mamaritahon dohot manghatindanghon tu hita, ndang alani dosa umbahen sundat hita marnida hasangapon dohot
hamuliaon ni Debata di ngolunta. Ndada na mandok dipaloas Jahowa hita gabe pardosa. Alai marhite na boi hita
marnida dohot manghilala hamuliaon dohot hatimbulon angka jadijadian ni tanganNa, tama situtu do hita unduk
jala paserep rohanta, jala marhite i ma dijou hita asa lam pasolhothon dirinta tu Debata di ragam ni masa di
ngolunta.
 III. Hahonaan
Turpuk jamita on mangajarhon dohot mamodai hita taringot habadiaon dohot hatimbulon ni Jahowa Debata.
boi dope hita marnida dohot manghilala habadiaon, hamuliaon dohot hatimbulon angka pambahenan ni Jahowa
Debata di ngolunta? Manang na so adong be tingki laho mangarimangi saluhut hamuliaon dohot hatimbulon ni
Jahowa Debatanta? Jolma na martua ma hita molo boi hita marnida dohot manghilalahon habadiaon dohot
hatimbulon ni Jahowa Debata di ngolunta. Tahatindanghon ma hatimbulon, hasongkalon dohot habadiaon ni
Jahowa Debata marhite na tongtong hita marhaposan tu Ibana, jala na so jadi hita mangido pangurupion sian gogo
ni portibi on. Tahatindanghon ma hatimbulon, hasongkalon dohot habadiaon ni Jahowa Debata marhite
haunduhonta mangulahon lomo ni rohaNa, jala barani hita manulak angka parange na jat.

Na dijou Tuhan i do hita dibagasan hagaleon dohot hadosaon, sian tongatonga ni portibi on, laho mangalusi
dohot mangulahon parsuruon ni Debata. disuru hita pasahathon tonaNatu portibi on. Songon dia tagamon alusta
dohot pangoloionta dijoujou ni Tuhan i? Dibagasan holong dohot hatigoran do Debata ro tu si Jesaya. Dipabangkit
Debata do si Jesaya bahen panurirang, marhite sungkunsungkun: Ise do suruhononKu, jaala ise pardalanannami?
Jadi dialusi si Jesaya ma: Dison do ahu, suru ma ahu! Alus ni si Jesaya on, i ma alus na bulus jala na ias roha, na
rade mamelehon dirina tu parsuruon ni Debata, i ma asa mulak bangso Juda tu dalan na hinalomohon ni Debata,
jala gabe bangso na biar mida Jahowa songon naung diajarhon angka ompunasida. Mansai torop dope na ingkon
sihobasan di tongatonga ni portibi on. Alani sungkunsungkun tu si Jesaya i ma sungkunsungkun tu hita saluhutna.
Ise do suruhononKu? Na olo borhat tu angka ragam na masa di portibi on laho mamaritahon asi dohot holong
dohot hatigoran ni Debata dituktuhi do rohanta ganup asa molo olo hita tu parsuruon i naeng ma nian borhat sian
unduk dohot serep ni roha jala na olo manghatahon holong dohot hasintongan ni Debata. Molo olo hita tu
parsuruon i naeng ma hibul rohanta unang dangoldangol sisilon Dipasupasu jala dipargogoi Debata ma saluhut na
olo mangalusi: “Dison do ahu Tuhan, suru ma ahu”.
Minggu : 02 Juni 2024 (1 Set.Trinitatis)
Evanggelium : 2 Korintus 4:5-12
“Debata Mual ni Nasa Hagogoon”
*********************************
Dongan sahaporscaon di bagasan Jesus Kristus, Hea do tarjaha ahu status di facebook songon on "Posting yang
penting, bukan yang penting mosting." Boasa tubu pandohan i? Ala diera digital on sude nama diposting halak, hira so
adong be ruang privasi. Uju marsipanganon, mardalanı, marpesta, manang marhua pe tahe dibaritahon di media sosial,
sipanganon, baju, jabu, dohot sude angka nahumaliang dipoto laho dipamasuk tu media sosial, murukna tu sasahalak
nang tu ripena pe dibaritahon do Nunga gabe hasomalan mamaritahon taringot tu diri, keluarga, nang ulaon di media
sosial. Nian ndang adong na sala disi alai sipata so adong be subang ni halak mamaritahon na so ringkot, na sipata
patubu mara tu dirina nang tu keluargana. Suhar sian hasomalan di partingkianta sinuaeng do na niula ni Apostel
Paulus. Diama parasinganna? Tapaihutihut ma turpukta on asa adong bohal ni partondionta.
Ai ndada dirinami hujamitahon hamı,
Kristus Jesus i do Hata "hujamıtahon hamı" dı ayat 5 nı turpukta on mangıhuthon hata aslina di Gorik boi
dilapatı "hubaritahon hamı", jala ido umbahen di Alkitab disurathon: "kami beritakan". Diondolhon Apostel Paulus do
tu Huria Korint paboa ndada dırina na dibaritahon Alai Kristus Jesus do. Diondolhon Apostel Paulus on ala adong na
manihai haapostelonna. jadi ditongos ibana ma surat on patoranghon sintong ni haapostelonna, asa unang ganggu roha
ni Huria Korint. Dihatindanghon ibana ma na sintong do ibana apostel ai so dirina dijamıtahon/dibaritahon ibana,
lapatanna ndang na paburnang diri Apostel Paulus di na mamaritahon Barıta na Uli ibana. Kristus Jesus do na
binaritahonna asa sahat haluaon tu saluhut halak.
Boha hita angka dongan? Ise do na tabaritahon di ngolunta? Toropan jolma mamaritahon dırına songon na
hudok di patujolo ni jamita on nangkin. Tutu ndada sala mamaritahon diri tu loloan na torop di media sosial; ekspresi
diri doı, hak asası doi. Alai songon halak na porsea hita, tarbarita do Kristus marhite statusta i manang ndang? Tamba
do jolma na porsea jala lam togu do haporseaon ni na manjaha marhite angka barita na tabarıtahon i? Tanggung jawabta
do mamaritahon Kristus Jesus, ndada holan tanggung jawab ni si Paulus.
Diparoaroa halak do Apostel Paulus dı turpukta on, didok ndang sintong ibana apostel. Di partingkianta saonari
pe, boi do adong na (naeng) paroaroa hakristenonta. Dibela Apostel Paulus do dirina di turpukta on, marhite na
pabotohon: Kristus do na bınaritahonna, ndada dirina. Boha hita? Boi do hita membela hasintongan ni hakristenonta
songon na binahen ni Apostel Paulus on? Patuduhon na sintong hakristenonta, ingkon Kristus Jesus do tabaritahon
marhite sude panggulmiton ni ngolunta parsidohot status media sosialta. Dibaritahon natoras ma Kristus Jesus marhite
na manghaholongı keluargana jala gabe tiruan di tanakkonna asa lam tu dengganna angka keluarga ni halak Kristen,
molo denggan keluarga ni halak Kristen, nda gabe Barita na Uli do i tu na humaliang? Alai, molo sai marsoali jala
sirang keluarga ni halak Kristen, nda gabe sitihaan hita? Dibaritahon parkarejo ma Kristus marhite na sintong mangula
ulaonna unang ro tarlambat mulak hatop, unang mangallang gajı buta, unang korupsi. Dibaritaon partigatiga ma Kristus
marhite timbangan na sintongna jala na lambok mangadopı panuhor Dibarıtahon angka uluan ma Kristus marhite na
holong marbawahan, unang marlomolomo jala mangarupa (menindas). Mamaritahon Kristus ndada holan marhite hata
alai na rum- ingkot pambahenan na hombar tu hata ni Debata. Tarlumobi dongan na di kota na marsaor dohot dongan
na so saugamo, tabarıtahon ma Kristus Jesus tu nasıda marhite ulaon na sintong, tapatuduhon ma hakristenonta marhite
moral dohot etika na denggan. Nunga boi ditanda halak holong ni Kristus marhite hata nang pambahenanta?
Di na saluhut do hami marhaporsuhon, alai ndang hapusohan, tarsosak, alai ndada tarhapit
Molo Kristus tabaritahon, lomo ma roha ni sude halak tu hita? Ndang adong be hamaolon na taadopi? Ndang
songon i Tuhan Jesus pe uju di portibi on mangadopı hamaolon do jala ndang sude halak mar- lomo ni roha tu Tuhanta
Songon nang Apostel Paulus, Jesus Kristus do dibaritahon ibana alaı godang do na marsogo ni roha tu ibana. Nang pe
songoni, ndang talu ibana songon naginurithonna di ayat 8-9, "Di na saluhut do hamı marhaporsuhon, alai ndang
hapusohan, tarsosak, alai ndada tarhapit. Na tarlele do hami, alaı nda tung pinasombu, pinantingganghon, alaı nda tung
anggo bolong"
Songoni do nang hita. Molo tung denggan hita mangula ulaonta, sai adong do na marsogo ni roha, molo bulus
hita maruluan manang mar-anggota, adong do na manginsahi dohot na pabadabadahon alas ndang jadi talu hita dibahen
saluhutna i Tahaporsai ma ayat 8-9 on ala ndada holan tu Apostel Paulus masa i, dohot do tu hita, tu saluhut na porsea
di Tuhan Jesus. Ndang hea dope ra hita dilele songon Apostel Paulus alai dihatındanghon ibana do na so dipasombu
Debata ibana di pangaleleon i. Hita pe ndang tadınghonon ni Debata di sude hamaolon na taadopi. Ndang loasonna hita
hapusohan, tarhapit, jala bolong nang pe mangadopi haporsuhon, hasosahon, dohot pangaleleon. Manatap do Debata
sian banua ginjang. Lehononna do tu hita gogo manghamonanghon saluhut hamaoloni, laos i do topik di minggunta
sadarion: Debata mual ni nasa hagogoon, na dienet sian ayat 7. Debata do nampuna hagogoon na sumurung,
usehononna do i tu angka na porsea, tu hita marsadasada. Ala ni, unang be muramura hita mandele, unang pintor
manarita jala manga- pian apalagı mardandı
Antong, tahaporseai ma Debata do mual ni nasa hagogoon. Pa- tauonna do hita mamaritahon Kristus marhite
ulaonta siganup ari jala pamonangonna do hita maralohon nasa haporsuhon di portibi on. Amen.