sandok tano on! Di Pospe HKBP Trinitatis Tapung Resort Rumbai Distrik XXII Riau - Pekanbaru Tgl. 07 Mei 2006 Ev. 2 Korintus 4: 16 – 18; Ep. 1 Johannes 5: 1 - 4
Namangula do Debata ganup ari
paimbaruhon panghirimonta manghaporseai Ibana! 1. Masa do argumentasi na menegangkan antara tokoh kaum Jahudi maradophon Ap. Paulus di Korintus. Nadipersoalhon nasida, i ma: Boha ma bahenon ni parmatang na gale, na so marhasangapon memancarkan hamuliaon ni Debata marhite Barita Nauli i? Ndang tarjalo rohanasida molo marsitaonon sada halak sibaritahon Barita Nauli i. Ai ndang mungkin sada halak siboan Barita Nauli marsitaonon. Mardomu tusi, dipatorang Ap. Paulus ma kekuatan dohot keberhasilan na jumpang di ngoluna songon sahalak naposo ni Debata: Di 2 Korint 2: 17, didok: “Ai ndada suman hami tu na deak i, namangalamsumhon Hata ni Debata (Mencari keuntungan dari Firman Allah); alai sian lidang ni rohanami, sinuru ni Debata do huhatahon i diadopan ni Debata, di bagasan Kristus”. Di 2 Korint 4: 2: “Sandok hutulakhon hami do angka na buni, angka sihaila-hononhon; ai ndang marangkal hami, jala ndang marlaok hubaen hami Hata ni Debata; hasintongan do hupapatar hami, gabe jongjong hami, tandaon ni roha ni saluhutna jolma di adopan ni Debata”. Di 2 Korint 4: 7, Dipatorang Ap. Paulus do: Ia arta sihirimon ni halak na porsea i, di inganan na mura matapor do. Ala ni i, 1 ingkon Debata sandiri ma na patupa hagogoon na sumurung di ngolu ni halak na porsea i, asa boi manahan sahat ro di ujungna. Ala di inganan na mura matapor do artanta na olo buruk on, Dibahen i, ringkot ma adong “Statement” manang pernyataan iman di hita manghatindang-hon pambahenan ni Debata di ngolunta (ay. 16). Disarihon Debata do ngolu kerohanianta, adong do arta ni Debata di bagasan hita, i ma rohanta parbagasan na tongtong di paimbaru, mambahen hita margogo marpanghirimon di panarihonon ni Tuhan i. Anggo ndang dipaimbaru Debata rohanta parbagasan i, nunga mandele jala talu hita jala mandele. Tontu molo adong jolma parbagasan adong ma parduruna, dia do na tarida? Pasti do jolma parduru i. Aha do na tongtong di paimbaru Tuhan i di ngolunta? Hadirionta dohot pangalahonta na humurang, i do apala na parjolo sahali di paimbaru Tuhan i, asa sai taulahon lomo ni roha ni Debata. 2. Molo taadopi ragam ni hamaolon di portibi on, ingkon porsea do hita, adong do tujuan na pasti di roha ni Debata, paboa dibalik ni sude hamaolon na taadopi i adong do las ni roha. Margogo do Debata mamangke hita laho mengembangkan karakter na tamiliki nang pe ingkon mangadopi hamaolon. Ingkon adopanta do penderitaan, disi ma hita melatih diri mangihuthon Tuhan Jesus dohot manghaporseai HataNa. Saleleng mangolu hita di portibi on, pasti do hita mangadopi berbagai tantangan 24 jom sadari. Marhite on dipaingot Hata ni Debata do hita asa lam margogo mangadopi masalah namarragam di portibi on. Ndang adong nanggo sahalak na kebal maradophon sitaonon i, jala ndang adong nanggo sahalak pe na boi berselancar mamolus ngolu na bebas sian ragam ni persoalan na jumpang di ngolunta. Ala serangkaian ni ngolunta do angka masalah na adong di portibi on. Ganup ari do hita ingkon mangadopi masalah. Nunga sidung masalah na sada, ro do muse angka 2 masalah na asing. Alai ndang sude masalah na taadopi mamboan hita tu pandelean, mansai arga do sude masalah i manogu rohanta tu proses pertumbuhan haporseaon laho mangoloi Debata dipardalanan ni ngolunta. 3. Adong do batas ni angka haporsuhon siadopanta, nang pe pasti do ingkon masa angka haporsuhon i: Mardomu tuson, dipapos Ap. Paulus ma nuaeng rohanta manghirim, jala dipatau do hita marpanindangion mandok: “Ai haporsuhonnami na martingki jala na neang porsanon, i do patupahon di hami hasangapon na sumurung, na lumobi hamuliaonNa na salelenglelengna”. Dipangke Debata do haporsuhon i menarik rohanta asa lam solhot tu Ibana. Jonok do Debata tu halak na bojok marroha, tu halak na remuk hati. Ndang pola gabe bingung manang heran hita, molo ingkon mangadopi ragam ni haporsuhon di portibi on, ala taboto, ndang dirinta sandiri na memimpin hita, alai Debata do marhite Tuhanta Jesus Kristus rap dohot Tondi Parbadia. Mungkin do hita nuaeng sedang mangadopi masa-masa sulit, mungkin do hita sedang patah hati, merasa di tinggalkan, merasa diasingkan, taboto ma tongon apala borat sitaonon dohot haporsuhon i, disi ma hita ro mandapothon Tuhanta i. Ai di tingki panosak ni parungkilon i do belajar hita pasahathon dirinta tu Debata marhite tangiangta na murni, sian nasa roha na ias jala jujur pabotohonsa tu Debata. Ai di boto Debata do angka na masa di ngolunta. Mungkin di tingki las rohanta, ndang adong tingkinta mamuji Debata, ala lalap hita dilas ni rohanta i, gabe meluncur lewat ma las ni rohanta. Taboto do manaringoti goar ni Tuhan Jesus, takutip do HataNa. Alai ndang tangkas panghangoluhononta di pangaramotionNa di pangaramotion- Na di ngolunta. Asa marhite holan di bagasan sitaonon i do hita tumangkas mananda pambahenan ni Debata di ngolunta. Dilehon Debata do tu hita siteanon na layak porsanonta, ndang dipaporsanhon Ibana tu hita lobi sian na tolap gogonta. Ndang berkelebihan dope sitaononta i, intap ni na tolap gogonta do dipaporsanhon Tuhan i tu hita. Ala ni i do 3 umbahen didok Ap. Paulus do di 1 Korint 10: 13 i, didok: “Haposan do Debata, ndang loasonNa hamu unjunan lobi sian gogomuna, Ibana na parohon pangunjunan i, laos Ibana do mambahen hapateanna, asa tartaon hamu”. Adong do makna ni sitaonon i di ngolunta. Dipaloas Debata do hita maruntung, dipaloas Debata do hita rugi, dipaloas Debata do hita marlas ni roha manang marsak. Molo masa i di ngolunta, adong do tujuan ni Debata patupahon saluhutna i masa di ngolunta, asa tadok mauliate tu Ibana. 4. Ingkon adopanta do Haporsuhon naneang porsanon jala na martingki, i do patupahon di hita hasangapon: Ganup halak na porsea di Tuhan i, ingkon mampu do marpanindangion mandok: “Ai hurajumi angka sitaonon na di hasiangan on, hira na soada do martimbangkon hasangapon sipapataron tu hita sogot” Rom 8: 18. Tu panghirimon sisongon on do ditogu Tuhan i roha dohot panghirimonta, ai molo dung tahamonanghon angka parungkilonta i, jaloonta ma arta na so boi niida ni mata pardagingonta, holan mata partondionta do natuk marnida i. Adong do tujuan na pasti na ingkon situjuon ni halak na porsea, i ma: Hamuliaon na salelenglelengna. Olo do halak na porsea i manaon angka haporsuhon di portibi on, ala porsea ibana adong artana di banua ginjang. Ai saleleng na tarida on dope tahirim, ndang tarbahen hita marolopolop manang mar JUBILATE. Ai ianggo ngolu na di portibi on, jotjot do i manogu rohanta morong-orong jala mamboan hita tu pandelean ala ndang sai pintor jumpang hita angka na taparsinta di ngolu on. Jala molo holan di portibi on do hita manghirim, jolma na dumangol ma hita. Margogo do Debata patupahon na sumurung di hita songon halak na porsea. Asa molo sahat tu hita sitaonon manang haporsuhon, i do dalan ni Debata: Mempersiapkan hita, 4 memproses haporsuhon i gabe las ni roha, melatih hita asa margogo, jala laos Ibana do melayakkan hita gabe partohap di hasangapon na lumobi na salelenglelengna. Molo naeng di hita arta na manongtong i, tapasada ma rohanta manghaporseai Tuhanta i. Manang boha pe dokdok ni sitaonon na ingkon jumpang di portibi on, jala manang boha pe dokdokna, ingkon mampu do hita mandok: “Sisoada do i, martimbanghon hasangapon, hamuliaon sipapataron ni Debata tu hita sogot. Lam patar ma haporseaon dohot panghirimonta. Ala ni i, ndang boi hita agoan panghirimon, manimbil sian haporseaonta molo pe ingkon adopanta ragam ni angka haporsuhon i, ala naung dipahot Tuhanta i panghirimon dohot haporseaonta, manjalo hasangapon dohot hamuliaon sipapataronNa i sogot di angka na porsea di Ibana. 5. Marragam do haporsuhon siadopanta di portibi on: Marungkil, kecewa, hapogoson, penganiayaan, lungun panghilalaan so binoto ala ni aha, susa panghilalaan, sandok marragam tahe siparungkilhonon di portibi on. Asa boi monang hita maradophon saluhutna i, porsea ma hita paboa na martingki do saluhutna angka haporsuhon dohot parungkilon na taadopi di ngolunta. Terbatas do haporsuhon i. Ai mangula do Debata manguba haporsuhon i gabe las ni roha di hita manghirim di hangoluan na saleleng-lelengna, marhite na jumolo jaloonta ragam ni pasu-pasu, hak istimewa dohot hamuliaon naung diasiniroha- hon Debata tu hita halak na porsea di Ibana. Boi do gogo lam surut, alai roha lam togu, penuh semangat. Adong sada sikap “Pantang menyerah”. On do sikap ni halak na porsea, ingkon adong do semangat juang, laho marnam- punahon segala sesuatu na adong di banua ginjang i. Bangko ni jolma do marguru tu natarida. Sukses ekonomi, sukses ulaon, lalap mamingkiri ngolu di portibi on, roha naeng menikmati sude angka natarida i, hape tompu ma ro uhum 5 gabe tu hamagoan ma ujung ni ngolunta. Ala ndang parduli hita di hata ni Debata. Alai molo parduli do hita di Hata ni Debata, jaloonta ma tumpal hangoluan i. Tarjou do hita pasidingkon ngolu na pajagar-jagarhon diri, i ma marhite na jengkar, torang jala uli diida mata, alai ndang marolop-olop tondina mamuji Tuhanta i. Torop do halak mengaku naung matua, alai ndang margogo patupahon lomo ni roha ni Debata. Ndang adong alasan di hita poso manang matua laho mangoloi Tuhanta i. Na jumorbut siadopanta, i ma: Pardagingon lam buruk (lam matua), pardagingon pe buruk, sega pardagingon, lam sega muse dohot partondion. On ma ngolu na dumangol. Sega saluhutna. Boasa masa ngolu na songon i? Ala ndang mangolu masinna, i ma: panghirimon dohot haporseaonta di Pangaramotion ni Tuhanta i. Songon halak na togu marpanghirimon dohot marhaporseaon hita dipangaramotion ni Tuhanta i, naeng ma tutu hita parsidohot marpanindangion mandok: “Manang lam tu burukna pe hajolmaonta, manang lam matua hita, mangihuthon hajolmaonta parduru i, ianggo parbagasan i, ari- ari do dipaimbaru”. Molo songon i do jaloonta ma hasangapon na sumurung, na lumobi hamuliaonna, na salelenglelengna i. Amen.