TOGU PANGHIRIMON MARADOPHON DEBATA
(Epistel/Partangiangan) Patujolo
(Rom 5:1-5)
Rabu, 08 Juni 2022
Ennmo Junlihta Mamiyaikin Sinamo
Mahasiswa Praklap II
STT HKBP Pematangsiantar
Rom 5 : 1 – 5
5:1 Asa dung dipintori hita dalan haporseaon, mardame ma
hita dohot Debata marhitehite Tuhanta Jesus Kristus.
5:2 Laos marhitehite Ibana do saut masuk hita tu asi
ni roha, hajongjonganta nuaeng dalan
haporseaon, jala taparhatua do dirinta marningot
hasangapon ni Debata na itahirim i i.
5:3 Alai lumobi sian i dope, ai itahalashon do nang angka
haporsuhon, ala taboto, dihorhon haporsuhon i do
habengeton ni roha.
5:4 Jala dihorhon habengeton ni roha i do hatauon, jala
hatauon i do mangkorhon pangkirimon.
5:5 Alai ndang na murak hita bahenon ni pangkirimon i, ala
nunga diusehon tubagasan rohanta holong ni roha ni
Debata marhitehite Tondi Parbadia, naung nilehonna i
tu hita.
Sai tubu do sipata dibagasan rohanta mangarajumi
dumenggan hita sian donganta, ummalo hita,dina ujung
na maol do hita mananda hahuranganta, maol hita
mandanda dirinta, sai holan mamintori dirinta ma hita,
sai tarajumi sumurung hita sian na asing, siang angka
donganta, pangalaho si songon ni maol do tubu ngolu na
masijanghonan, ngolu na mardame, ai ndang tubu ngolu
na mardame molo sai holan mamintori dirina sandiri,
alai manguhumi donganna. Songon ni do gombaran ni
huria di Rom ujui I, na marsual nasida taringot tu dalan
haluaon. Halak Jahudi mandok marhite na mangualhon
patik do malua jolma i sian dosa. Alai marhite turpuk on
dipaandar si Paulus ma ndanda ala ni hadirion manang
pangulaon ni jolma dalan ibana gabe pintor di jolo ni
Debata alai holan ala ni Asi ni roha ni Debata sambing
do gabe malua jolma I sian dosana.
Panorangion Nats
Aha do dalanna gabe boi hita pintor diadopan ni
DEBATA, alusna ima marhitehite dalan haporseaon.
Hidup berdasarkan iman: (ay.1). Ganup jolma naung
mangolu di bagasan haporseaon tu Debata, huhut tau
ibana mangulahon godang angka na denggan hombar
tu na hinaporseaanna, nunga dipintori Debata ibana
sian dosana.
Ø Ndang be jujuron ni Debata angka dosa dohot
hahuranganna. I do na ginoaran ni poda pangajarion ni
DR. Marthin Luther na mandok: “Sola fide”, lapatanna,
dipintori Debata do hita holan ala ni haporseaonta di
Ibana (ay.1).
Ø Haporseaon, i do dalan na ummarga di hita mangido
sipangidoonta tu Debata. Molo mangido hita tu
natorasta, manang tu donganta, nda na porsea do hita
lehononna na itapangido i. Songon i do hita tu Debata.
Asa mansai na ringkot do patuduhononta ngolu na
marsihohot marhapor-seaon ala naung di pintori,
manang di bela Debata hita.
Ø Marhite Jesus Kristus do dapotan asi ni roha hita, i
ma hajongjonganta nuaeng dalan haporseaon i, jala
taparhatua do dirinta marningot hasangapon ni Debata
na itahirim i. Gabe ungkap ma di hita pardamean naung
pinatupaNa marhite Jesus Kristus Tuhanta i. I ma
pardamean na tutu dohot Debata.
1. Boha do hataridaan ni jolma naung dipintori Debata,
Manaon diHaporsuhon manang kesengsaraan (ay.3).
Asa boi hita sahat manjalo hamona-ngan di bagasan
Kristus, ingkon rade do hita mamolus haporsuhon
manang kesengsaraan. Nang pe paet jala parir do i
nian, alai songon ubat na paet na manghorhon
hamalumon do i di ngolunta, ingkon bolusonta do
haporsuhon i asa lam tang jala matoras hita
marhaporseaon di Tuhan Jesus.
Ø Haporsuhon na nidokna dison, i ma haporsuhon ala
ni Kristus manang ala ni Hata ni Debata, manang ala ni
hasintongan i naung tartanom di ngolunta. Gabe
menderita hita ala Goar ni Kristus disi do hita tutu
dapotan asi ni roha sian Ibana. Ai ndang sadia sitaonon
na dihasiangan on martibanghon hasangapon
sipapataron tu hita sogot (Rom 8:18).
Ø Alani ni goar ni Kristus do umbahen na mangadopi
haporsuhon, kesengsaraan hita di portibi on, pola gabe
maol mangalului ulaon, humasusa tahilala ngolunta.
Alai nuaeng roma Hata ni Debata na pasonanghon
rohanta namandok: “Ai itahalashon do nang angka
haporsuhon” (ay.3).
Ø Nang di ngolu na di portibi on pe, ndang dapot
pangomoan hita ia so olo loja dohot marharugian.
Ndang dapot hamonangan hita ia soadong perjuangan
manang paraloan. Ndang dapot hita hasonangan ia so
hea tabolus penderitaan.
Ø Laos songon i do nang di ngolu Ha-Kristenonta,
ndang dapot hasonangan hita ia so olo hita mamolus
haporsu-hon, i ma bagian ni sitaonon ni Kristus i.
Ø Tutu ma tapatuduhon ngolunta ganup tingki halak
naung siap mangadopi haporsuhon i, ai disima hita
dapotan pamintorion sian Debata.
2. Tahapan na paduhaon, marHabengeton = Keteku
nan : ketabahan, ketahanan menghadapi serangan dan
bahaya (ay.3). Manang ise naung lulus mamolus
haporsuhon, jaloonna ma habengeton, gabe halak na
tekun ma ibana di ngoluna. Halak na tekun di ngoluna, i
ma halak na mempunyai kemampuan manaon
haporsuhon. Ndang pola hansit be panghilalaanna nang
pe ditaon ibana haporsuhon I ala porsea do ibana tu
Debata na margogihon ibana. Ai nunga gabe halak na
marhabengeton ibana. Sude do jolma di portibi on,
ingkon mandapot bagian di sitaonon dohot hamaolon i.
Alai kenyataanna, ndang sude jolma mampu boi
manahan di sitaonon i ala ndang adong haporseaon
dohot habengeton ni roha di ngoluna. Hape di horhon
haporseaon i do habengeton ni roha. Manang ise na so
benget ala ndang adong haporseaonna, talu ma ibana di
parungkilon i.
3. Tahapan na patoluhon, i ma: marHatauon (ay. 4).
Lao mangantusi Hatauon on, dumenggan molo
tapangke istilah: “Tahan Uji”. Songon mas naung tahan
uji, nang pe matutung hot do kwalitasna ndang gabe
pudar. Manang ibarat ni parsingkola naung tahan uji,
molo jumpang pe ujian lulus do ibana. Manang songon
dakdanak naung immun tu sahit, nang pe ro sahit i,
ndang pola pintor mahua be ibana, ai nunga margogo
mangadopi sahit i.
Ø Songon i do halak Kristen na porsea di Tuhan Jesus,
nang pe ro pangunjunan, manang sitaonon ndang pola
mahua ibana, ala haporseaon i manghorhon habenget
on jala habengeton i manghorhon haporseaon na tahan
uji, i ma kemampuan mangadopi sude angka na masa
di ngolunta siganup ari. Gabe halak na siap pakai ma
hita mangadopi angka na masa di ngolunta on.
4. Tahapan na paopathon, i ma : marPanghirimon ma
nang pengharapan yang tidak mengecewakan : Ang
ka halak na porsea di Debata ingkon tangkas ma
mangolu di bagasan panghirimon di hamonangan na
pinatupa ni Tuhan Jesus. Nang pe sipata masa sitaonon
ndang luntur be panghirimonta ala nunga di ramoti
Debata pardalanan ni ngolunta.
Ø Songon sada halak partani na manghirim di hasil ni
naniulana, nang pe ingkon loja, maheu jala hodohan
ibana mangulahon ulaonna, alai ala marpanghirimon
ibana di hasil ni naniulana, i do mambahen margogo
ibana mangula.
Ø Songon i do halak Kristen na porsea di Debata na
manghirim tu hangoluan sogot i, i ma mambahen ibana
margogo mangulahon na dumenggan di tingkinta
saonari. Nang pe masa hamaolon, krisis ekonomi,
moral dohot ketidak-percayaan maradophon dongan,
hot do ibana marsitutu mangulahon na denggan ala ni
haporseaonna tu Tuhan i. Diparbuehon i ma sada
parbue na denggan na tau hangoluanta, i ma tumpal
hangoluan naung pinarade ni Debata di angka na
porsea di Ibana.
Molo tapamanat jala taparrohahon gogo ni
haporseaonta, holong ni rohanta nang panghirimonta,
jotjot do sai hira mobil na hurang miak, jotjot do gale.
Aha do na mambahen gale Haporseaon, holong ni roha
dohot panghirimonta? Laho mangalusi sungkun-
sungkun on, tarsingot do tu rohangku barita ni
KELOMPENCAPIR (Kelompok temu wicara Pendengar
dan Pemirsa). Disada tingki dipamasa do pertandingan
ni KELOMPEN-CAPIR, i ma kumpulan ni angka partani
di huta-huta sian ganup Kabupaten. Tujuan ni
pertandingan on, i ma: Laho patoguhon parsaoran di
masyarakat dohot dalan manguji parbinotoan ni angka
partani.
 Dipatupa do pertandingan i di tingkat Pusat manang
di Jakarta. Nanidohotan ni manang na piga utusan
ni Kabupaten. Somalna, sai diusahahon angka na
tinggal di huta do paborhathon angka na adong
Familina di Jakarta, asa unang pola dipingkirhon
sipanganon dohot penginapan nasida. Saut ma
antong dipaborhat na sian Hutanta Kabupaten
Tapanuli Utara 3 halak anggota ni KELOM-
PENCAPIR i marhite na marhopal habang sian
Medan tu Jakarta.
 Goarna ma na sian hita an, ndang haru pasi bahasa
Indonesia. Dapot ma antong tingki ni pertandingan,
dibahen Panitia ma sungkun-sungkun, songon:
 Coba sebutkan 3 jenis hama yang anda ketahui yang
dapat mematikan segala jenis tanaman secara
 khusus tanaman Padi. Mansai denggan do alus ni
ganup sian Kabupaten na mandohoti pertandingan
i. Alai ianggo utusan ni Tapanuli Utara,
masiberengan ma nasida na 3, ai so diboto
mangalusi sungkun-sungkun i.
 Alai unang maila hami ninna roha ni sahalak sian
nasida na 3 ma, pintor jongjong ma sahalak sian
nasida mangalusi: Pertama: Hamalason, Kedua:
Hamagoan, dan yang ketiga: Hamatean, Bingung
ma dewan juri umbege alusna i, ai ndang hea
dibege nasida HAMA na 3 i. Tung asing situtu do
sian na hinirim ni roha ni juri i. Gabe marrapot ma
dewan juri mamutushon na gabe juara I ni
perlombaan i, i ma KELOMPENCAPIR na sian
Kabupaten Tapanuli Utara. Ala didok roha ni dewan
Juri i, nunga berhasil Utusan ni Tapanuli Utara
menemukan 3 HAMA na imbaru. On ma haputusan
na dipasintong-sintong, ala so diantusi gabe
sintong.
 Laos HAMA na 3 on do na boi mambahen gale
haporseaon, holong ni roha nang panghirimonta pe.
Margogo ma hita manaluhon HAMA na 3 on, ai na
pasti, molo jumpang di hita Hamalason madabu ma
hita tu hamagoan na boi mamboan hita tu
hamatean.
Namarmula do angka na denggan, jala dalanan
ma tangga na manuju tu hasonangan: Tapatuduhon ma
parbue ni haporseaonta tu Ibana: Molo martaringot hita
tu haporseaon, holong dohot asi ni roha ni Debata,
ditogu i ma rohanta mangantusi lapatan ni pandohan ni
Apostel Paulus na tarsurat di Galatia 5: 22 i. Molo
tajaha i, adong ma 9 parbue ni haporseaon na ingkon
siparbuehononta tu Ibana, ai nunga diusehon Ibana tu
bagasan rohanta holong ni rohaNa marhite Tondi
parbadia, naung nilehonNa i tu hita. Dia ma i?
Taparrohahon ma jolo, adong do 3 bagian nanidokna tu
hita, i ma:
1. Molo denggan hubunganta tu Debata, pasti do hita
porsea tu Debata paboa tutu do Ibana
manghaholongi hita, jala disuanhon Ibana las ni roha
di ngolunta mangadopi angka na masa, boi ma
tahilala paboa naung dipadame Ibana diriNa tu hita
songon i nang maradophon donganta jolma. Debata
do nampuna Holong ni roha i. Ibana do silehon las ni
 roha, jala Ibana do pardame na so halompoan i.
Tahangoluhon ma silehon-lehonNa i.
2. Molo tutu denggan hubunganta maradophon
donganta, pasti do hita mangolu di bagasan lambas
ni roha, habasaron, habasaon, ndang be gabe angka
jolma na holit hita alai nunga tutu be hita na
mangolu dibagasan habasaron dohot habasaon.
Ingkon gabe hansit ma panghilalaanta molo tasusai
donganta. Gabe halak na marlas ni roha ma hita molo
berhasil donganta.
3. Molo tutu do tahaholongi dirinta sandiri, pasti do hita
lam porsea jala satia tu Debata na manghaholongi
hita jala namangalehon AnakNa na sasada i tu
hamatean humonghop hita jolma pardosa. Ala ni
gabe mangolu ma hita dibagasan halambohon,
kelemah-lembutan, dohot hatomanon. Gabe halak na
sai rade ma hita melatih dirinta beribadah tu Tuhan
i.
 Ndang urusan ni halak na asing halambohon,
kelemah-lembutan, dohot hatomanon i mambahen
jumpang jala mangolu di dirinta. Alai ingkon na
tamulai do i sian dirinta sandiri. Asa gabe halak na
mararga jala marguna hita diadopan ni Debata.
 Sijagahononta do ngolunta on, asa mararga nang di
jolma na humaliang hita. Boha ma asa unang gabe
marlea hita tontu do ingkon na sai tausahahon do
semaksimal mungkin mangolu dibagasan
halambohon, dohot hatomanon.
Panimpuli
Nunga diusehon Debata tu bagasan rohanta
holong ni rohaNa marhite Tondi Parbadia: Dijou do hita
gabe halak na tau marhamonangan mangadopi angka
hamaolon na jumpang di ngolunta siganup ari. Aha do
lapatan ni on di hita?
 Ingkon sadaranta ma jumolo, paboa uju na parir
dope hita disi ma Jesus Kristus mate humonghop
hita. Jala uju musuna hita dipadenggan Debata ma
hubunganNa tu hita. Apalagi molo dung mangolu
dung hehe AnakNa i sian hamatean gok olo-olop
dohot las ni roha ma hita diadopanNa.
 On do parasingan ni jolma sian Tuhanta i. Ianggo
Debata, di tingki musuNa do hita dipadenggan Ibana
hubunganNa tu hita. Alai ianggo hita jolma, di tingki
na marmusu i do hita palaluhon dendamta, dohot
 hosom ni rohanta. Dohot angka na so hata
tapanghatahon molo sogo rohanta mida sada halak.
 Holong ni roha ni Debata ma na gabe gogo na imbaru
di hita melewati, mangadopi angka na masa di
ngolunta. Termasuk patupa hadameon di angka na
marmusu. Tabona i panghilalaanta, molo uju
marmusu hita, tubu roha mandok masihaholongan
ma hita. Asa disi ma jumpang Hata ni Debata na
mandok: “Ai dibagasan Kristus do Debata, gabe
dipadenggan do portibi on tu diriNa, ai ndang dijujur
tu nasida dosanasida i, jala dipajongjong do di tonga-
tonganami HATA PARDENGGANAN I. Singkat ni
Kristus do hami mangelek-elek: Sai olo ma hamu
padengganon tu Debata”. 2 Korint 5: 20-21.
 Na diizinkan Debata do hita mangadopi hamaolon,
haporsu-hon, parungkilon i di portibi on, asa marhite
i hita di bedah, dibentuk, dirancang ulang gabe
margogo manghaporseai Debata di ngolunta.
 Porsea ma hita paboa na patupaon ni Debata do na
dumenggan di hita nang pe ingkon mangadopi
hamaolon di portibi on. Patupaon ni Debata do
persediaan di hita marhite Tondi parbadia na
memampukan hita mangadopi saluhutna i.
 Nunga sahat hita tu Minggu Reminiscere, lapatanna
= “Sai ingot ma ale Jahowa angka denggan ni basaM
dohot Asi ni rohaM” Psalm 25: 6. Antong
tapatuduhon ma parbue ni haporseaon, holong ni
roha nang panghirimonta di Ibana, ala tongtong
dope di ingot Ibana asi ni rohaNa maradophon hita
jolma pardosa. Tapatuduhonon ma i secara ber-
kesinambungan, berantai na so olo putus marhite na
tong-tong tapangasahon Tuhan Jesus na margogo
situtu manga-ramoti ngolunta.
 Lumobi tahe! Tung itahalashon ma Debata
mangasahon Tuhanta Jesus Kristus ai di bagasan
Ibana do tajalo pardeng-ga-an i. Tangkas ma
tahangoluhon haporseaonta di Ibana laho
mangulahon lomo ni rohaNa. Amen.