HABARANION MAMBARITAHON HATA NI DEBATA SIALA PANGURUPIONNA/

Keberanian Memberitakan Injil Karena Pertolongan Allah

(1 Tesalonika 2 : 1-8)
Jamita Minggu 21 Set. Trinitatis, 29 Oktober 2023
PATUJOLO
1. Huria ni Tuhan, tontu rap taantusi do ia sude do hita dapotan tugas natinonahon Jesus
Kristus Tuhanta i ima laho mamaritahon barita nauli i, mamodai saluhut bangso,
mandidi nasida dibagasan goar ni Debata Ama, Anak, dohot Tondi Parbadia, dohot
mangajari nasida nasa hata natinonahonNa i.
2. Di sisi lain, sadalan dohot situasi ngolunta ganup marsadasada sai jumpanganta do
angka tantangan laho mambaritahon i. Marragam tekanan na secara langsung dohot
tidak langsung, na mampertanyahon habaranionta disi.
3. On ma na gabe sungkunsungkun di hita; boasa dang barani ahu mamaritahon barita
nauli i? boha carana asa barani? Tarlumobi, barita na songon dia do na ingkon
sibaritahononhon? I do na naeng tarimangrimangi marhite jamitanta sadari on.

LATAR BELAKANG
1. Selaku sada huria Kristen di luar Jerusalem, mansai tarida do ragam tantangan
naniadopan nasida; tekanan sian pamarenta Rom, ajaran ni ugamo Jahudi (Judaisme)
na sai ro tu nasida, suang songon i ragam pengajaran na lilu na sian humaliangnasida.
2. Dibahen i disurathon Apostel Paulus ma suratna on tu nasida asa mian ma di nasida ima
pos ni roha, semangat, habaranion dohot hagogon di na lao mambairtahon taringot tu
Kristus dohot haroroNa napaduahalihon.
3. Na rumingkot disi sasintongna ala sai berpedoman do poda ni Apostel Paulus di suratna
on tu pangajarion ni Kristus sandiri ima mamparsoadahon diri, mamorsan silang na tu
ibana laho mangihuthon Kristus (Mat. 16:24, Mark. 8:34).

HATORANGAN NI TURPUK
1. Aha do sasintongna barita nauli i? (bnd. Roma 1:16). Barita nauli i ima “hagogoon ni
Debata paluahon nasa na porsea”. Dibahen i, disadarhon do hita sada hasintongan: ai
nada adong manang ise pe na boi paluahon dirina marhite dalan, pingkiran, dohot
gogona sandiri. Berangkat sian on ringkot do siingotonta: Ndada holan angka hata ni
Debata na menghibur manang natabo begeon, alai sude hasintongan na sian Debata,
ima barita nauli.
2. Sahalani nai; aha do nabinaritahon i? (ay. 3-4). On do na parjolo sahali ingkon
tarimangrimangi. Molo taparrohahon aha naniajarhon halak Parise, Siboto Surat, Malim
termasuk pangajar filsafat dohot angka ragam pangajaran na lilu, angka ajaran ni jolma
do sudena i, mambahen penafrisanna sandiri na mansai dao sian roha ni Debata,
temasuk di pudi ni Patik Nasampulu i nadikembangkon angka pangajar ni Judaisme.
Secara khusus di hita halak Kristen, tama do hita mandok mauliate tu Debata
namempercayahon Injil i tu hita marhite pangajaran ni angka Apostel. Jadi naparjolo
 sahali: sai perdalam, patangkas dohot pastihon ingkon hata ni Debata do na tapeop
andorang so tabaritahon.
2. Laho pasonanghon ise do tujuan ni parbaritaon i? (ay. 4-6). Molo memang tasadari ai
hata ni Debata do nabinaritahon, tontu tajaga ma sasada tujuan ni parbaritaon barita
nauli i: Holan laho pasonangkon Debata, ndada pasongangkon jolma!. Suang songon i
tujuan ni mambaritahon barita nauli i ndada laho mangalului pujian sian jolma, ndada
asa terkenal manang asa didok halak na dirinta jolma na hebat d.n.a.
3. Barita nauli na nyata tarida sian ngolu siganupari (ay. 7-8). Sude hita setuju, manang
songon dia pe luarbiasana cara ni sasahalak mambaritahon barita nauli, ai sian parange
dohot pangalaho siganupari do boi idanonta barita na uli na paling nyata. Tontu gabe
ironis do tahilala molo tabege halak luarbiasa anggo manghatai alai marnida bohi molo
marpangalaho. Habasaron ni Apostel Paulus di ayat 7 patuduhon ndada holan marhite
hata ibana marbaritahon i, alai dohot do marhite pangalahona tu jolma. Songon Kristus
na basar ndada holan tu halak Jahudi sambing, alai nang di halak Rom manang Samaria.

SIPAHUSORHUSORON
Huria ni Tuhan, marhite jamitanta sadari on boi tadapot point pembelajaran berharga:
1. Biasana, dang barani hita mambaritahon barita nauli i (sahali nai, termasuk ma disi
paingothon na sala) ala ni marragam faktor: Perasaan diri naposo dope, na pogos, jala
rendah posisinta dibandingkon lawan bicara (faktor internal) manang mabiar didok sok
suci bahkan (faktor eksternal). Jadi molo timbul sungkunsungkun, boha carana asa
barani? Alusna sederhana do: Saleleng hata ni Debata do nabinaritahonta, hata
nadipercayahon Debata tu hita, berarti Ibana sandiri do namangalehon habaranion i
di hita. Dibahen i, tapangasahon ma Debata di ngolunta, unang gogonta sandiri.
2. Jadi sasintongna naterutama di jamitanta on ndada soal barani manang daong, alai
soal naolo do hita pinangkeNa manang daong! Molo olo hita mambaritahon hataNa i,
sai martangiang ma hita dibagasan goar ni Jesus Kristus i andorang so berbicara. Ala na
porlu tasadari dison: Parbaritaon barita nauli i ndada ulaon ni jolma, ulaon ni Debata
do i marhite hita! holan ulaula manang alatNa do hita. Molo olo hita pinangkeNa,
lehononNa do tu hita habaranion, diurupi Tondi ParbadiaNa i do hita manghatai.
Manang aha pe hasilna, tong do tapasahat tu Ibana, ala Tondi i do na sanggup
paubahon roha naumbegesa.
3. Lebih lanjut, adong do perbedaan mendasar antara pasahathon diri tu Debata dohot na
so pasahathon diri. Angka na so pasahat diri tu Debata, gabe terbiasa holan pasahathon
hata napasonangkon jolma, mangalului hamuliaon tu dirina, jala jonok tu dosa
kesombongan. Sebalikna, angka napasahat diri tu Debata, lehononNa do habaranion,
murni huhut hombar do ngoluna melengkapi Injil nabinaritahonna i, ndada
dibahenbahen. Hata dohot ngoluna, ima barita nauli na marhuaso paboahon jolma lam
jonok tu Debata. Amen.