Jln. Telaga Sari Rumbai – Pekanbaru Tgl. 26 April 2006 Turpuk: Psalm 25: 15a “Sai tong do mangaranap matangku tu Jahowa, ai Ibana do mangenet pathu sian jorgong”. - Mataku tetap tararah kepada TUHAN, sebab Ia mengeluarkan kakiku dari jaring”. Tarjou do hita mangaranap tu Jahowa di sude Partingkian! 1. Molo taparrohahon Hata ni Debata naung sahat tu hita nuaeng, jumpang hita do sada hata na mansai arga, i ma pandohan: “Sai tong do mangaranap matangku tu Jahowa” – Mataku tetap terarah kepada Tuhan. Nagabe sungkun-sungkun di hita nuaeng i ma: Boasa mansai ringkot matanta mangaranap tu Jahowa? Tongon do ngolu ni par-Psalm on mangadopi keadaan na sangat sedih, borat jala dokdok sitaononna ala ni pangaleleion ni musu dohot panginsahion ni musuna. Namarsitaonon do ibana di ngoluna, umbahen na ingkon mangaranap tu Jahowa ibana. 2. Sude do jolma di portibi on, ingkon marsitaonon. Ai tunangan ni jolma do sitaonon i. Marsitaonon do hita ala marsahit, ala matean, mabalu manang tilahaon. Ala ni i, didok rohanta sada musu na mansai jorbut do sitaonon i. Alai songon halak na porsea hita, ingkon padomuonta do Sitaonon dohot apul-apul. Asa marhite i, boi antusanta, paboa ditogu sitaonon i do rohanta marhabengeton ni roha, ai dibalik ni sitaonon i nunga diparade Debata apul-apul dohot las ni roha. Dison ma boi hilalaonta hinaringkot ni na mangaranap tu Jahowa. Ai di Ibana do pangapulon, na margogoihon hita uju mangadopi sitaonon i. 3. Somalna, ndang lomo rohanta mangadopi sitaonon i. Sai talului do dalan laho pasidinghon ngolunta sian musu namansai jorbut i, 1 jala hatop do tapaholang ngolunta sian i intap ni na boi. Boha ma asa unang sahat tu hita sitaonon i. Boasa songon i? Ai sada musu do sitaonon i di hilala rohanta. Jala marpanghorhon do i nang tu panghilalaan dohot tu haporseaonta di ngolunta siganup ari. Ala ni jorbut ni sitaonon i do umbahen na so tarpadomu i tu haporseaonta. Ai ingkon sai mamboan hasonangan dohot las ni roha sambing do haporseaon i ianggo didok rohanta. Jadi molo marsitaonon hita, laos hatop do tubu sungkun- sungkun di bagasan rohanta mandok: Aha do na salangku? Aha do na hurang di haporseaonku, na boha do parangengku? Aha do alana umbahen marsitaonon ahu? Manang adong dope na mandok: Dia do hamuruhon ni Debata umbahen di togihon Ibana ahu tu bagasan sitaonon? Somalna angka pingkiran dohot pangantusion na songon on, na marharoroan sian hasipelebeguon do i, ai angka pingkiran dohot haporseaon na sala do i. 4. Alai molo laho rohanta nuaeng mangantusi lapatan ni sitaonon i, mansai tangkas situtu do dipaboa tu hita poda manang lapatanna. Napatubu las ni roha, panghirimon dohot haporseaonta di Tuhan Jesus do sitaonon na sahat tu hita be. Patar do tarida dison las ni roha dohot panghirimon na mangolu nang pe ingkon marsitaonon hita, ai ndang adong gogo ni sitaonon i pamatehon panghirimon dohot haporseaonta di Tuhan Jesus. Sandok ndang jadi paloasonta sitaonon i mangganggu pingkiran dohot haporseaonta. Ai ingkon gok puji-pujian do hita mangaranap tu Jahowa nang pe di bagasan sitaonon na mansai borat situtu. Gabe margogo marpanindangion hita mandok: Ai Ibana do mangenet pathu sian jorgong. Lapatanna: Debata do namangalehon haluaon dohot hamonangan di hita mangadopi sitaonon i. 5. Kita semua pernah mengalami penderitaan, katakanlah: Sitao- non. Jikalau saudara sedang mengalami kesulitan besar dalam hidup ini, ketahuilah: Bahwa Kristus adalah Juruselamat kita, saudara dapat berdoa kepada Allah untuk membebaskan saudara 2 dari kesulitan itu atau untuk menyertai dan meno-long saudara di tengah-tengah kesulitan tersebut. Menghibur kita adalah tugas Allah, sebab Allah itu disebut sumber Penghiburan (2 Korint 1: 3). “Menghibur semua orang yang berkabung” adalah ciri khas pelayanan Anak Allah (Jes 61: 2) dan Roh kudus disebut “Penghibur” (Yoh 14: 16, 26; 15: 26; 16:7). Dia sendirilah yang mendampingi kita untuk memberikan penghiburan dan pertolongan bagi kita. Bagi anak kami Ruth disini! Saya menitipkan sebuah nama yang indah yang telah tertera di Salib bapak ini, yang sekaligus fondasi kehidupan bagi keluarga, anaknya: Mey Ani yang tidak dapat hadir saat pemberangkatan bapak ini, begitu juga dengan Rut sendiri: Apa yang dititipkan Bapak ini bagi keluarga dan anak-anaknya? Dia mengajak kita semua supaya mata kita terarah kepada Tuhan: MANGARANAP, Artinya: Memandang lebih jauh akan masa depan kita. Tujuan yang harus kita capai adalah suatu kepastian: Bahwa segala beban berat telah hilang, dia seolah-olah berkata kepada kita: “Selamat tinggal penderitaan yang berat”. Selama kurun waktu 5 tahun terakhir ini. Suka, duka silih berganti karena penyakit yang ia derita. Tetapi dia tahu bahwa istrinya tercintanya dan anak-anaknya sudah mempunyai suatu Visi yang jelas: MANGARANAP, mengarahkan pandangannya kepada Allah sumber penghibu- ran itu. 6. Apul-apul na sahat tu hita nuaeng, i ma Hata na pahothon dohot patoguhon rohanta do laho manghaporseai Jesus. Asa margogo hita manghatindanghon:”Dihagaleon do sun timbul hagogoon”. Ala ni i rap ma hita manaon sitaonon i. Unang ma tapingkiri na holan tu manang na piga halak sambing sitaonon i dilehon Debata. Apala on do las ni roha ni halak na porsea i: Ingkon pos do rohanta saluhutna do partohap di bagasan sitaonon ni Kristus Jesus Tuhanta i. Dipangido Hata ni Debata ma nuaeng tu hita sude: Asa rap hita mangaranap tu Jahowa di sude angka na masa di ngolunta. Sandok ingkon pos do rohanta paloashon Debata pasauthon sangkapNa di ngolunta, ai marhite i gabe dapotan 3 apul-apul na tau palashon rohanta manghaporseai Ibana dipardalanan ni ngolunta nuaeng nang sogot pe. Amen.