ACARA NATAL AMA & INA

HKI RESORT KHUSUS PARAPAT TAHUN 2023

LITURGI I: Taringot tu pesta Natal

Prolog: Marlas ni roha jala marolopolop do hita ganup jumpang Natal, ala taingot
balga ni holong ni Debata di jolma. Marhite hatutubuNa di Betlehem, tadai
balga ni HolongNa di jolma na lea i. Tudos do jolma i tu biru biru na so
marparmahan, masitondong dalanna be. Alani ma ro Jesus pasadahon hita tu
ampuanNa. I do na tahalashon di Natal, ai naung mago hian do hita, hape
gabe jumpang, ala gabe jolma Debata mangalului dohot pasadahon hita.

1. :
Hamu angka amanami dohot inanami dohot sude hita na pungu di bodarion, na
marpesta do hita nuaeng laho marningot huhut manghalashon ari hasasaut ni bagabaga
ni Debata laho paluahon hita jolma marhitehite haroro ni Tuhan i.

2. :
Hatutubu ni Tuhanta ujui, patuduhon holong ni roha ni Debata do i di hita jolma, ai
marhite haroroNa tu portibion gabe dapotan hangoluan hita angka na porsea di Debata.

3. :
Holong ni roha ni Debata di hita jolma ido na tapestahon, ai ro do Ibana tu
tongatonganta, tu ulaonta tarlobi tu tonga ni bagastabe, marhite i do taboto na tongtong
disarihon Debata hita di nasa na ringkot di ngolunta on.

4. :
Hamu angka parripe ni Tuhanta sai hehe ma hamu, rap ma hita manjangkon haroro ni
siboan haluaonta i, ai nunga leleng i diparbagabaga, ai Ari on do na jinadihon ni
Jahowa, alani i marolopolop jala marlas ni roha ma hita disi.

5. :
O Ale Jahowa ; sai manumpak ma Ho, sai Ho ma mambahen manjadi saluhutna, jadihon
ma arion gabe haluaonnami, ai godang do huhirim hami. Ari nabadia do ari ni Jahowa,
alani i beta hita saluhutna tadapothon ma Jahowa parholong roha i.

6. :
Tung sura godang taadopi angka hamaolon, ditonga ni angka ulaonta nang bagasta be,
godang angka kegagalanta, unang gabe patah semangat hita, alai beta ma tadapothon
ma Ibana tajanghon ma Sipaluai, ai na Basa do jala tongtong rade mamasumasu do
Ibana.

7. :
Ai didok do : pinasupasu ma na ro marhitehite Goar ni Tuhan i antong sai ro ma hita
jala sai taungkap ma rohanta laho manjanghon silehon tua i.
 8. :
Antong girgir ma hita be manomunomu Raja i, talehon ma rohanta di Ibana, ai ise sian
hita on manjua paluaon ?, ise sian hita manjua pasonangon ni Raja i tongtong ?, alani i
tahapadothon ma tumangihon HataNa, asa mamora hita di angka dalanNa gabe dalan ni
hangoluonta di daging nang tondi pe.

9. :
Ai didok Tuhanta i do : Rasirasa nuaeng ndang dope mangido hamu marhitehite
GoarHu; pangido hamuma, asa manjalo hamu asa gok halalas ni rohamuna.

10. :
Laos I do na tahirim tarlobi na tahalashon dibodarion, naeng tutu taruli hita di na
marningot haroro ni Tuhantai, jala nang tu tingki nanaeng ro, ai holan angka na ungkap
roha tu Hata ni Debata i do na martua ai didok do : Martua ma angka na tumangihon
Hata ni Debata jala na umpeopsa.

LITURGI II : Panompaon
Prolog : Halongangan do saluhut pambaen ni Debata, tung naso tardodo jolma do
hapistaran ni Debata. Tarida do i sian saluhut angka na tinompaNa na mansai
uli jala denggan situtu. Songon dia do dibahen Debata manompa saluhutna i ?
Nuaeng begeonta ma panompaon ni Debata di nasa na adong.

1. :
Di mulanai nunga di jadihon Debata hian saluhutna dohot angka na ringkot di jolma i na
gabe sihangoluhononhon alani sude na adong di hita nuaeng sihalashonon do i na di
loas Debata do dohot hita marnampunahon i, alani sotung adong na mamuji diri.

2. :
Hombar tu sejarah panompaon ni Debata saleleng na onom ari sude na tinompaNa i
denggan jala maratur, jala sude patubu las ni roha di Debata, antong nang hita pe patut
do patubu las ni roha di Debata.

3. :
Holan di Debata do dapot haluaon ni hita jolma, jala ndang adong haluaon na asing di
lehon tu hita jolma na gabe parhiteanta tu haluaon salelenglelengna. Holan dibagasan
diri ni Jesus naung ro i do dapot hita haluaon. Ndang arta, dohot sangap paluahon hita ,
holan sian Debata do.

4. :
Mansai balga do roha panarihonon ni Debata di hita jolma ai dipungka do sada porlak
na mansai uli jala nanapu hatubuan ni nasa sumber ni sihangoluhononta. Sonang do
jolma i so adong na hurang saleleng di radoti hataNa.
 5. :
Ndada holan di naparjolo i disarihon Debata, angka na uli, sahat do tu tingki on di hita.
Dibasabasahon do tu hita luat on, gabe torop halak marsiadu mamereng. Antong ingkon
sai marusaha do hita laho manambornambori, asa marhite i lam martamba dope
jaloonta pasupasu ni Debata.

6. :
Dina dilehon Debata inganan ni jolma porlak i, laos di pasahat do patikNa siradotan,
molo di radoti i, halomoan ni Debata ma, alani molo dilaosi di usir ma sian porlaki jala
hona uhum ni Debata, gabe loja saleleng mangolu.

7. :
Dohot do hita nuaeng hasahatan ni Patik ni Debata, disuru do hita masihaholongan, ai
molo so mian holong ni roha di hita manang sadihari pe, jala manang di dia pe hita,
tontu angka biar nama manggohi ngolu on.

8. Keadian 2:6-7
9. Roma 1:18-19
10. Mazmur 94:3-4

LITURGI III : Mandao Jolma i sian Debata ala ni hadosaonna.

Prolog : Tung jotjot pe jolma i mandao sian Debata alani dosa dohot hajahaton, alai ndang
so boti Debata, dipatupa do dalan laho paluahon jolma sian hamatean asa tu
hangoluan.

1. :
Torop nuaeng on jolma madabu tu ulaon haholomon i, ai bisuk do si bolis i mangela
hita mambahen na so ture, dirimpu hajahaton i gabe dalan haluaonna, hape lam tamba
do angka hamaolon i.

2. :
Soara ni Debata ganup tingki manjou hita mandok didia do ho ? dijou do hita sian
halembaonta be, di natabege soaraNa i, marhite hataNa, atik na dohot do hita mandok
: Dison do ahu, mabiar ahu; songon i do jotjot jolma i martabuni, mandao sian jolo ni
Debata, gabe lupa di Debata.

3. :
Masipabali balian jotjot hita on; saling menyalahkan, saling menjatuhkan, ido
partanda naung lam ngali holong ni roha jala naung lam dao sian hata ni Debata, boi
do masa i nang di parsaripeon pe nang iparianakhon
 4. :
Ndada holan i tahe, ro do parhapistaran sian luat na dao laho marsomba tu Raja
Sipaluai. Mansai sonang jala las rohanasida pasahat pelean angka arta na arga, dohot
miak na hushus, na gabe tanda ni mauliate ni roha nasida ala naung ro Sipalua.

5. :
Hita pe ale angka dongan, beha ndang dohot hita marsomba tu Ibana ? dung ma hita, ta
endehon ma ende na imbaru di Jahowa, ta ihuthon ma ende ni surusuruan i na mandok :
Hasangapon ma di Debata na di ginjang, dame ma di tanoon di angka jolma halomoan
i.

6 :
Baritahon ma haroro ni Sipaluai tu sandok jolma, jala marlas ni roha ma hita disi, ala
naung ro Sipalua i tu portibi on. Tabaritahon ma barita haluaon i, ai hita do gabe sira
dohot panondang ni portibi on, asa torop halak na dapotan haluaon i.

7. :
Ai ndang adong hasonangan di jolma sipardosa di portibi on, holan Debata do na
patupa hasonangan ni tondinta, alani ita jangkon ma Ibana, unang tartutup hita
maradophon Sipalua i.

8. :
Alai manang piga na manjanghon Ibana, tu si do dilehon huaso, asa gabe anak ni
Debata nasida, angka na porsea di Ibana, nasida do saut malua sian dosana.

9. Yesaya 40:3-5

10. Yehezkiel 18:21-23

11. Yeremia 31:31-32

LITURGI IV : Hadadabu ni jolma i tu dosa
Prolog : Holan di Debata do dapot haluaon ni hita jolma, jala ndang adong haluaon na
asing di lehon tu hita jolma na gabe parhiteanta tu haluaon salelenglelengna.
Holan dibagasan diri ni Jesus naung ro i do dapot hita haluaon. Ndang arta,
dohot sangap paluahon hita , holan sian Debata do.

1. :
Dung madabu jolma i tu dosa, haholomon nama na manggohi pardalananna, alai ala
holong ni roha ni Debata, dipabinsar sada panondang hatiuron, asa tiur roha,
pingkiran ni jolma i huhut asa ditanda dalan tu hangoluan i.

2. :
I do disurirangkon di padan na robi dope, paboa tutu do saut haluaon ni hita jolma, ai
didok do : Dibahen i, apala Tuhani sandiri mangalehon sada tanda di hamu; ida ma
gabegabean ma sada na marbaju jala tumubuhon sada anak, jala bahenonna ma
goarNa : Immanuel.

3. :
Hehe ma ho, marsinondang ma ho; ai na ro ma panondangmu jala hamuliaon ni
Jahowa binsar di atasmu, antong sai olo ma hita hehe laho mandapothon huhut
manjalo Hata ni Tuhanta i.

4. :
Mariaia situtu ma ho ale boru Sion, marolopolop ma ho ale boru Jerusalem, ai ida ma
na ro ma Rajam tumopot ho, partigor Ibana, jala siparmonang, na serep do rohana jala
marsihundul di halode dohot di anak ni halode inaina.

5. :
Nunga tabege bagabaga ni Debata taringot tu haroro ni Sipaluai ima Tuhan Jesus
Anak ni Debata na gabe jolma di halomohon do asa mangolu hita dibagasan
hamoraonna.

6. :
Antong unang lalap hita di arta portibion, ai so binoto marujung ngoluon, sai manatap
tu ginjang, tu sambulo i ma hita na gabe haroroan ni hasonangan dohot hangoluanta.

7. :
Ta togu ma gellengta i mananda hata ni Debata, jala sai olo ma hita rap mamuji
Debata, marhite tangiang nang ende pe, ai ido dihalomohon Debata sian hita, marhite
i gabe sonang rohanta jala taruli pasupasu ni Debata.

8. :
Diboto do holsonta, anakhontai jotjot patubu arsak ni rohanta, jala ditatap do
parsorionta. Alai Ibana naung ro i ido na mangurupi hita, antong tahaburjuhon ma,
rap ma hita mangarahon gellengta be mananda Jesus naung ro i.
 9. Yohanes 3:16-17

11. Yesaya 60:1-3

LITURGI V: Hasahatan ni Patik ni Debata

Prolog : Dohot do hita nuaeng hasahatan ni Patik ni Debata, disuru do hita
masihaholongan, ai molo so mian holong ni roha di hita manang sadihari pe,
jala manang di dia pe hita, tontu angka biar nama manggohi ngolu on.

1. :
Tapahinsa ma pardalananta, nang rohanta laho mamuji Debata unang sai marsidalian
hita molo uju ari Minggu, ai disi do lam tangkas parsaulihononta Hata ni Debata, jala
dalanta mandok mauliate tu Debata.

2.:
Naeng ma ama i dohot ina i, gabe dalan ni ianakkon laho mananda Debata, jala sai
naeng tarsunggul di hita roha na mandok : Beta hita, tanangkohi ma bagas ni Debata,
asa diajarhon tu hita angka dalanNa.

3. :
Ho do ale Tuhan dihalungunhon rohangku, nunga ro Ho tu portibi on marhite
AnakMu Tuhan Jesus Kristus, naung gabe jolma alani hami, alani i ale Jahowa, asima
roham bahen ma hami taruli di haluaon na pinatupaMi, jala unang tung paila ahu asa
unang marsuraksurak angka musungki mida ahu.

4. :
Sai unang paingot ingot angka dosa ni haposoonku dohot pangalaosionku, alai ingot ma
hombar tu asi ni Roham, ala denggan ni basaM, sai togutogu ma ahu tu dalan
hasintonganMi, jala ajari ahu, ai Ho do Debata ni hatuaonku.

5. :
Jesus Tuhanku sai ingani ma rohangku unang adong be na asing masuk tusi, jala sai
papos rohanami be, manghirim dihaluaon na sian Ho.

6 :
Tung mansai lan do angka jadi jadianmu, ale Jahowa, tung gok jadijadianmu do tano on,
sai marlas ni roha ma ahu mida Jahowa.

7. :
Sai ajari ma ahu mangulahon lomo ni Roham, ai Ho do Debatangku, Tondim na Badia i
ma manogu ahu di tano na hornop.
 8. :
Ale tondingku ngot ma ho laho manjanghon asi ni roha dohot denggan basa ni
Debata, tongtong ma tarsunggul ho dibuha siang ari, jala puji ma Jahowa Debata ni
hatuaon i. Ibana do Debata na tongtong mangalehon haluaon, alani i naeng ma
tongtong pamanganta laho mamuji Debata.

9. Mazmur 103:1-2

10. Mazmur 103:13-14

LITURGI VI: Haluaon na sian Debata

Prolog: Soara ni Debata ganup tingki manjou hita mandok didia do ho ? dijou do hita sian
halembaonta be, di natabege soaraNa i, marhite hataNa, atik na dohot do hita
mandok : Dison do ahu, mabiar ahu; songon i do jotjot jolma i martabuni, mandao
sian jolo ni Debata, gabe lupa di Debata.

1. :
O Ale Jahowa ; sai manumpak ma Ho, sai Ho ma mambahen manjadi saluhutna, jadihon
ma arion gabe haluaonnami, ai godang do huhirim hami. Ari nabadia do ari ni Jahowa,
alani i beta hita saluhutna tadapothon ma Jahowa parholong roha i.

2. :
Tung sura godang taadopi angka hamaolon, ditonga ni angka ulaonta nang bagasta be,
godang angka kegagalanta, unang gabe patah semangat hita, alai beta ma tadapothon
ma Ibana tajanghon ma Sipaluai, ai na Basa do jala tongtong rade mamasumasu do
Ibana.

3. :
Ai didok do : pinasupasu ma na ro marhitehite Goar ni Tuhan i antong sai ro ma hita
jala sai taungkap ma rohanta laho manjanghon silehon tua i.

4. :
Antong girgir ma hita be manomunomu Raja i, talehon ma rohanta di Ibana, ai ise sian
hita on manjua paluaon ?, ise sian hita manjua pasonangon ni Raja i tongtong ?, alani i
tahapadothon ma tumangihon HataNa, asa mamora hita di angka dalanNa gabe dalan ni
hangoluonta di daging nang tondi pe.

5. :
Ai didok Tuhanta i do : Rasirasa nuaeng ndang dope mangido hamu marhitehite
GoarHu; pangido hamuma, asa manjalo hamu asa gok halalas ni rohamuna.
 6. :
Laos I do na tahirim tarlobi na tahalashon dibodarion, naeng tutu taruli hita di na
marningot haroro ni Tuhantai, jala nang tu tingki nanaeng ro, ai holan angka na ungkap
roha tu Hata ni Debata i do na martua ai didok do : Martua ma angka na tumangihon
Hata ni Debata jala na umpeopsa.

7. :
Dohot ma hita mandok, ala ni hamaolon na taadopi be : Paluaonmu ma nuaeng ale Raja
naposomon dibagasan dame songon na nidokmi ? Ai nunga diida matangku haluaon na
sian Ho i. Marlas ni roha ma hita, ai nunga ro Ibana paluahon hita, sian sude na
mangarsahi hita.

8. :
Alani holong ni Debata do umbahen di suru anakNa na sasadai ro tu portibi on, alani i
patut ma nang hita marsihaholongan, ido tanda ni naung tajanghon Jesus i, jala martua
hamu mangulahonsa.

9. Psalmen 27:10-11

10. Psalmen 27:13-14

LITURGI VII : Patik na Imbaru na sian Debata

Prolog : Hape ala ndang olo sumurut jolma i, baliksa lam didatdati do mardosa, alani i
ingkon adong do patik na imbaru ni Debata tu angka pardosa. Nuaeng tabege
ma songon dia do patik ni Debata tu angka pardosa i.

1. :
Patik na imbaru do hulehon tu hamu, naeng masihaholongan hamu songon holong ni
rohangku di hamu, ai taboto do manumpak tu na denggan do angka na marholong roha
di Debata, antong na umboto na denggan hape ndang diulahon mardosa do ibana disi.

2. :
Asa tolu do na hot, ima haporseaon, panghirimon dohot haholongon i, alai haholongon
do umbalga. Angka na di ginjang, ima parrohahon hamu, unang ma holan angka na di
tanoon.
3 :
Ndada holan biar na masa di hita, alai nang angka las ni roha, sonang ni roha i pe lam
dao do sian hita, molo so marholong hita, gariada tahe lam barani marsiparoaroaan,
marsihataan dohot lan angka na asing i dope bonsir ni hamaloon i.
 4:
Antong ndang denggan jolma i punjung, dibahen Debata do donganna, songon i do hita
sude, ingkon na sai marusaha do hita asa marsada, baik di keluarganta be, dimasyarakat,
punguan nang dohot di Huria pe, asa dohot hita taruli di pasupasu ni Debata, jala ido
dalanta mangaradoti patikNa.

5. :
Ai didok hatana do : molo taradoti na masihaholongan, aleale ni Tuhan i ma hita, jala
mian ma di bagasan hita halalas ni roha ni Tuhan i, jala tung gok halalas ni rohanta.

6. :
Godang tahe na di suru Debata ingkon ulaonta : songon natoras hita di jolo ni gellengta,
didok do ingkon gogoanmu mangajarhon angka i tu angka anakmu, jala taringotanmu
angkai molo hundulhundul ho di bagasan jabum, nang mardalani di pardalanan nang laho
modom pe ho, nang dung hehe muse lapatanna : sude tingki i laho manogu ianakhon.

7:
Songon i do nang hita ama, naeng ama na marsahala na boi manganju hagaleon ni
dongan saripe, unang parmuruk, jala parrimas maradophon ina i tarlobi maradophon
ianakhon, alai naeng sai hobas huhut manghirim di denggan basa ni Debata, ai nunga ro
Ibana paluahon hita.

8:
Dilehon Debata do ianakkon tu hita, asa tatogutogu laho marparange na denggan.
Natoras na burju mangoloi Debata, i do dapotan angka ianakhon na burju, antong nunga
tingkina nuaeng tongtong hapadothononta laho marsaor dohot Hata ni Debata.

9. 5 Musa 6:6-7

10. Psalmen 119:124-125

LITURGI VIII : Debata sandiri na paluahon jolma

Prolog : Dung madabu jolma i tu dosa, ndang tarpaluasa be dirina, baliksa lam tarihot do
jolma i tu dosa. Alani i ingkon Debata sandiri nama paluahon nasida. Ndang
lomo roha ni Debata mida hamatean ni angka pardosa, alai mulak ma nian
angka pardosa i tumadingkon dalanna asa mangolu ibana.

1. Johannes 1:1-3
2. Roma 3:23
3. Roma 3:12-13
4. 1 Korintus 15:55-56
 5. Galatia 6:7-8
6. Kisahparasul 3:19-20
7. Efesus 2:8-9
8. Yohanes 11:25-26
9. Johanes 10:27-28
10. Efesus 2:10

LITURGI IX : Taringot tu haroroni Sipaluai

Prolog : Nuaeng begeonta ma taringot tu haroroni sipaluai, ima Jesus Kristus naung
pinaboa ni angka panurirang i.

1. 1 Johannes 5:1-2
2. Markus 8:34
3. Efesus 6:10-11
4. Efesus 6:12
5. Efesus 6:13
6. Efesus 6:14-15
7. Efesus 6:16-17
8. Yakobus 1:2-3
9. Yakobus 1:22-23
10. Ibrani 10:22-23

LITURGI X : HASASAUT NI BAGABAGA HATUTUBU NI SIPALUA

Prolog : Saut do bagabaga taringot tu haroro ni Sipalua i. Ditatap Tuhanta do

pardangolan ni portibi on. Ndang dipasombu jolma i gabe hatoban ni dosa
dohot hamatean ; disuru do AnakNa na sasada i, tubu sian sada boruboru.

1. Mateus 1 : 18-19
2. Mateus 1 : 20-21
3. Lukas 2 : 1
4. Lukas 2 : 2
 5. Lukas 2 : 3
6. Lukas 2 : 4
7. Lukas 2 : 5
8. Lukas 2 : 6
9. Lukas 2 : 7
10. Lukas 2 : 14
11. Titus 2 : 14

LITURGI XI: HATUAON SIAN HATUTUBU NI JESUS

Prolog : Dia do panghorhon ni Pesta Hatutubu on di hita ? Tagamon do holan
Parningotan ’ sambing di hita ? Molo i do, magopo na I halojaon dohot
biaya na suda di Pesta Natal on. Tabege ma panindangion ni Liturgi V
on.

1. 2 Kor. 5 : 17
2. Gal. 5 : 22
3. Rom 10 : 4
4. 1 Kor. 6 : 20
5. Rom 8 : 17
6. Pangungkapon 2 : 7
7. Pangungkapon 2 : 10c
8. Joh. 4 : 41
9. Joh. 4 : 42
10. Kol. 1 : 14

Liturgi XII : Jesus Do Sipalua I

Prolog: Nuaeng begeonta ma hatorangan na dumasip taringot tu Jesus sipaluai. Ibana do

sipalua naung ro tu portibion manaluhon dosa dohot hamatean, asa malua jala
mamora saluhut angka na porsea di ibana

1. Kol. 1 : 15
2. Kol 1 : 16
3. Kol.1 : 17
4. Kol. 1 : 18
5. Kol. 1 : 19
6. Kol. 1 : 20
7. Pangk. 1 : 5
8. Pangk.1 : 6
9. Pangk.1 : 7
10. Pangk.1 : 8
PENYELAMAT : Akulah jalan kebenaran dan hidup. Akulah yang menciptakan yang ada
di dunia ini, jadi kamu hai :
( YESUS )
-API -AIR -LAMPU -MINYAK -MATAHARI -UDARA -UANG

Janganlah menganggap paling hebat, tetapi jadilah teladan bagi orang-orang percaya, apa yang
kalian punya hendaklah menjadi berkat bagi orang lain. Amin
. ATRAKSI AMA & INA

1. API : Aku adalah api, kalau memasak semua orang memakai aku, meleburkan
emas juga memakai aku, menghangatkan tubuh (api unggun) juga
memakai aku, jadi aku sangat dibutuhkan semua orang.

2. AIR : Hai api ! kamu jangan sombong dulu, Aku yang paling hebat, Pendeta
membaptis dengan Apa ? air kan, kalau haus memerlukan aku, memasak
nasi juga memerlukan aku, akulah yang paling nomor satu.

3. LAMPU : Lampulah yang paling penting di setiap hidup manusia, kalau tak ada
lampu kita pasti nggak bisa apa-apa, kalau malam kita nggak bisa tidur,
kalau gelap nggak bisa berjalan, lampu dapat menerangi setiap jalan
kita, iya kan ?

4. MINYAK : EE….. Lampu ! dengan apakah kamu menerangi cahayamu, kalau nggak
ada minyak pasti kau nggak hidup, jadi minyaklah yang paling berguna
menyalakan buli-buli juga pakai minyak, jadi akulah yang paling
berguna.

5. MATAHARI Matahari sangat berguna untuk kehidupan kita, untuk menguasai siang,
menjemur pakaian, aku adalah salah satu ciptaan Tuhan yang ke IV, jadi
akulah yang patut bersyukur.

6. UDARA : Tanpa udara ruangan hampa, tanpa udara kita nggak ada disini, tanpa
udara kita nggak bisa hidup, bernafas memerlukan udara, untuk
berkata-kata juga memerlukan udara, udaralah yang sangat
terpenting.

7. UANG : Uang, Uang, Uang, Apa yang dicari orang uang. Membeli air,
Minyak, Oksigen, Lampu pasti pakai Uang, Uang juga membuat
manusia senang. Persembahan juga pakai Uang, jadi semua bisa
diatur dengan uang, uang juga bisa mengatur segala sesuatu, uang
sangat berguna dan sangat terpenting.
ATRAKSI INA EKLESIA (TENTANG SIFAT MERASA PALING HEBAT)
-API -AIR -LAMPU -MINYAK -MATAHARI -UDARA -HEPENG

1. API: Au ima api, molo mangalompa sude jolma do mamakke au, suang
soni meleburhon emas au do tong dipangke, asa las daging muna i au do
tong dipangke. Jadi au do na paling diporluhon setiap jolma. (Inang Fitri)

2. AIR: Hei api!!! Unang jo ginjang roham, au do un jago. Molo pandita

mandidi aha do dipakke? Aek do kan, molo mauas au do diminum,
mangalompa indahan pe au do dipangke, sasintongna au do nomor
sada. (Inang Tomson)

3. LAMPU:: Lampu do na paling porlu disetiap manisia, molo so adong

lampu dang boi hamu manang marhua. Molo so adong lampu so boi
hamu modom, molo golap so diboto hamu dalan, jadi lampu do na
manorangi angka dalan muna, alani au do na on porlu. (Inang Anugerah)

4. MINYAK: Eeeeee….lampu!!unang pola sai marhatai ho? Ai molo so

adong minyak tontu dang boi ho manang tudia, healing……, jalan-jalan
kemanamana tolapmu mardalan pat torus, jadi au do na paling porlu.
(Inang Marcel)

5. MATAHARI: Mata ni ari massai porlu do di parngoluan ni jolma, na

menguasai siang , manjomur angka pahean, jala au do na ditompa
Debata di ari pa opathon, jadi au do na on ringkot. (Inang Gita)

6. UDARA: Molo so adong udara, ruangan on hampa do, dang boi hita
marhosa jala mangolu, jadi udara do na on porlu. (Inang Andes)

7. UANG: hepeng….hepeng…hepeng, aha na di sari ni manisia? Ima

hepeng. Manuhor aek, minyak, oksigen, lampu pasti pakke hepeng.
Hepeng pe mambaen jolma sonang, jadi sude boi do diatur hepeng. Jadi
angka dongan hepeng on do na on porlu. (Inang Melvi)

PENYELAMAT: Au do dalan hasintongan dohot hangoluan, Au do panompa

langit dohot tano jala nasa isi na. Unang adong na marginjang ni roha, alai
gabe sitiruan ma di tonga-tonga ni halak na porsea, aha na adong di hamu
tontong ma nian i gabe pasu-pasu tu humaliang jolma. (Inang Roy)