LITURGI AMA, INA HKI SIMPANG DOSIN (KELUARGA : SUAMI, ISTRI)

Prolog : dibaggabaga ni haroro ni sipalua i patar tu Portibion.

1.Ama :
Boto ma ale donagn, Ia Jesus na ro tu Portibion, ido Raja na so
marhabangsa, na so martumpal Harajaon, na so marpahean
tanda Hasangapon, alai Raja saluhut Raja do Ibana jala Tuhan ni
nasa tuan, Ra dohononta do, boasa dibagasan haleaon Ibana ro?
Biasa ditinggalhon hamuliaonNa? Alusna; Tung alani dosanta do.
2. Ina :
Ai molo mamorsan Dosa Jesus, Ndang dibagasan hasangapon
Ibana. Ndang boi rap manjungjung tumpal hasangapon dohot
tumpal sungsang duri. Asa tung alani haluaonta do umbahen na
marhaleaon Ibana.

3. Ama :
Sada muse aut sura ro ibana dibagasan hasangaponNa
magargar do Tano on songon Hau na Buruk sinoro ni porhas, jadi
songon dia ma bahenon ni jolma Posea ditingki sisongon i? Atung
nasongkal jala marmulia do ibana.

4. Ina :
Alai tarpatudos do haroro ni Jesus i tunambur manogot ngernger
do i jala lambok songgop tu suan-suanan na naeng, malos laho
pangoluhonsa muse. Ai dihaholongi jala di hongkop debata na
ringkot di hita.

5. Ama :
Alani ganup jolma puji hamu ma Tuhan i. Unang lalap di
haportibion. Ai ibana do siboan haluaon na mangihut Ibana di
bagasan Haporseaon dohot Hatigoran na paradehon na ringkot
dihita.

6. Ina :
Mandok Mauliate do ahu di Debata ala denggan saluhut di
palumehon Debata tu ahu, jaa dang adong hurangan. Di pauli do
ahu di tingki marsak, dipaingot do ahu di tingki marlas ni Roha.
Asa tontong mian di bagasan ibana.
7. Ama :
Holan si ingotongku, tontong di ngoluku hataNa na mandok;sai
marhaposan tu Jahowa ma ho sian nasa roham, jalaulahon na
denggan, jala mangaradoti na nidokNa.

8. Ina :
Hehe ma ho! Marsinondang ma ho! Ai naro ma panondangmu,
hamuliaon ni jahowa binsar diatasmu. Binsar panondang nai ma
marhamuliaon. Sahat nang tu ganup na Porsea i di Ibana.

9. Ama :
Mariaria situtu ma ho ale boru Sion, marolopolop ma ho ale boru
Jerusalem. Ida ma na ro rajam tumopot ho, partigor ibana jala
sipanondang; na serep do rohana jala marsihundul di halode
dohot di anak halide inaina. Ido na patar di haroro ni si paluai tu
portibion.

10. Ina :
Dtapujima na paluahon hita naunhg tubu, jala ditobus hita sian
lusob ni hadosaon dohot hamatean. Dipasonang hita tu
hangoluan nasaleleng lelengna na ala hinorhon ni holongNa i tu
na Porsea i.

LITURGI AMA, INA HKI SIMPANG DOSIN (KELUARGA : SUAMI, ISTRI)

Prolog : panondang hatiuron siboan lasni roha dohot
Haporseaon tu ngolunta di hatutubuni Tuhanta.

1.Ama :
Didok Tuhan Jesus, hamu do panondang ni portibion, ndang so
patar huta di atas dolok. Naeng ma songon i marsinondang
palitomuna di jolo ni halak saluhutna asatung diida nasida
pambahenan ni Amamuna na dibanua ginjang i.

2.Ina :
Ndang adong na mambahen palito na pinasang na i tu inganan
na buni, manang tu toru ni ampang; tu parpalitoan i do dibahen,
asa di ida na ro i sondangna i.
3.Ama :
Antong ingot ma songon dia na jinalom dohot na binegem; i ma
radoti jala pauba roham. Dibahen i molo so tarsunggul ho, ro ma
Ahu songon panangko; na so jadi botoonmu sadiharina ahu ro
manopot ho.

4.Ina :
Lilin na marsinondang on do paingothon hita tu Anak ni jolma i,
naung ro tu portibion laho paluahon hita. Alani sai marsinondang
ma Ho ale jesus manggalahi rohadohot pingkirannami laho
marhobas di adopanMi.

5. Ama :
Sai tongtong do radotangku patikMi ro di salelengnilelengna sai
mardalani ma au di halambason, ai huharingkoti do angka
parentaM. Ai hurajumi angka sitaonon dihasiangan on, hira soada
do martimbangkon hasangapon sipapataron tu hita sogot. Ai
malungun do nasa na tinompa i paimahon tingkina, asa dipapatar
angka anakni Debata.

6.Ina :
Sai hatahonongku do angka panindangionMu di jolo ni angka raja
ndang hailahononku. Jala sai hupataretare do tangangku tu
tonaMi, angka na huhaholongi, jala sai pingkirpingkirangku do
angka aturanMi.

7.Ama :
Ai dipapatar do disi hatigoran ni Debata, na sian haporseaon tu
haporseaon, hombar na tarsurat hian: “Na mangolu do partigor
i hinorhon ni haporseaonna.

8.Ina :
Jadi lam hot ma, antong ghata panurirangon i di hami; jala tama
marsitiopan tusi hamu, songon na tu palito na marsinondang di
inganan na holom paima taridasiulubalang ari i, jala binsar siboan
hatiuron di bagas rohamuna.
9. Ama :
Ndada ahu be na mangolu i nuaeng; Kristus do namangolu di
bagasan ahu. Ia mangolu pe ahu nuaeng di bagasan daging
mangolu marhitehite haporseaon ni Anakni Debata, na
mangkaholongi ahu jala na mangalehon diriNa humokop ahu.10.

10. Ina :
Torus do tarbege joujou ni Debata sahat tingkinta on, ai dipangido
rohana do nuaeng saluhut jolma malua jala sahat mananda
hasintongan i. Hagogok ni joujouNado hinarohon ni Tuhanta tubu
tu portibion mardagingkon jolma. Antong ise be sian hita on na so
marlas ni roha disi?

Liturgi VII : Ama, Ina Weyk VII (Keluarga: Suami, Istri)

Prolog: Holong ni roha na patar tu angka na porsea di adopan ni
Debata

1.Ama :
Ai holong ni roha ni Debata tu AnakNa na sasadai, paluahon
jolma pardosa sian haholomon tu hatiuron, paluahon angka na
porsea. Gabe panondang hatiuron siboanlas ni roha dohot
haholongon tu ganup manisia.

2. Ina :
Asa ndang adong haluaon dibagasan manang ise na asing; ai
ndang adong goar na asing di toru ni langit di lehon tu jolma,
parhiteanta tu haluaon i. On pe haporseaima Tuhan Jesus, asa
malua ho dohot isis ni bagasmi.

3. Ama : Oloi ma Tuhan i, ai mamboan haluaon do Ibana tu sude

na manghaporsea Ibana. Jala tutu ma Jesus i mamelehon diriNa
humongkop jolma pardosa asa maluadibagasan na mangihuthon
Tuhanta Sipalua i.
4. Ina :
Tutu ma i, gabe pangoloi ma hita dibagasan unduk dohot serep ni
roha tu adopan ni Tuhan Sipalua i. Na mamboan hita tu
hamonangan humongkop hita pardosaon. Asa dapotan
hangoluan na saleleng ni lelengna hitemarhite AnanakNa
Tuhanta Jesus Kristus.

5. Ama :
Ai songon on do holong di roha ni Debata di portibion, pola do
anakNa sasada i di lehon, asa unang mago ganup na porsea di
Ibana, asa hangoluan nasalelengnilelengna di Ibana. Ai ndang na
disuru Debata Anakna i tu portibionn, asa uhumonna; naeng
paluaonna portibion tahe umbahen na disuru.

6.Ina :
Jala laos di dok do angka parbue ni Tondi i ma: Holong dohot las
ni roha, dame dohot lambas ni roha, habasaron, habasaon,
habasaon, haporseaon, halambohondohot hatomanon.

7. Ama :
Pinuji ma Debata, Ama ni Tuhanta Jesus Kristus, naung
umpasupasuhon tu hita ragam ni pasupasu partondion sian
banua ginjang, dibagasan Kristus.

8.Ina :
Ai sian asi ni roha do umbahen malua hamu, dalan haporseaon;
jala ndanda binahenmuna, silehonlehon ni Debata do.

9. Ama :
Ai dilehon do tu hita tondi hagogoon, tondi haholongon, tondi
pangarajaion diri, ndada tondi hatahuton. I ma barita Nauli na
marhagogoon di angka namanghangoluhon.

10. Ina :
Dibahen i tadapothon ma marroha na sintong, dibagasan
hagogok ni haporseaon, dung diurasi rohanta, unang be disolsoli
panggora ni roha i hita, jala dung diburidagingta dohot aek na ias i
ma marhite panghophoponNa di hita marhite mudarNa na dusrus
mamuri hita jolma.
Liturgi VIII : Ama, Ina Weyk VIII (Keluarga: Suami, Istri)

Prolog :
Hatutubu ni Jesus Sipalua i. Na paluahon hita.1.

Amang....................................

Di na sadari tubu do pingkiran ni Kesar Agustus laho mamilangi

torop ni na ginomgomanna laho pamasahon pajak manang
balasting. Jadi dalan pasauthonsangkapna i, ingkon sude do
halak na masuk tu wilayah harajaonna laho masitopot bona
pasogit manang huta ni ompuna be, asa disi disurathon
bilanganna.2.

Inang......................................... Nang si Josep dohot Si maria

borhat do sian Nazaret na di luat Galilea laho nangkok tu
Betlehem na di luat Judea, i ma huta ni ompunasida ala sian
pomparan jalamarga ni si Daud do nasida.3.

Amang.......................................Asa jumpang songon na

sinurirangkon ni panurirang Mika na mandok: Alai ianggo ho
Betlehem Efrata, mametmethu do ho nian ianggo tung pola
jujuron tu angkahuta na marriburibu di Juda, hape sian ho do na
gabe panggomgomi di Israel, jala angka haroronna sian na hinan
sian angka na robi salelenglelengna.4.

Inang.......................................Ia Betlehem huta ni Raja do i na

jolo, jala na tarbarita situtu harajaonna, i ma: Raja Daud dohot
Raja Salomo. Alai dilaonlaon ni ari, gabe huta na metmet do huta
i jala na lea. Dung mareak botari ro ma si Josep dohot si Maria,
nunga mansai loja nasida, aneng mangulon ma nian.5.

Amang......................................Hape sai dilului nasida do inganan

oparbornginan, ndang adong. On do alus nampuna bagas i:
ndang siat be di son, ndang adong inganan di hamu. Antong
behanama? Gabe laho ma nasida tu bara ni pinahan. Oo...
Betlehem, so diboto ho tamue na ro tu ho, i ma si Maria na
gabegabean sian Tondi Porbadia, so diboto hoAnak ni Debata na
manggomgomi langit dohot tano on do na tinubuhononna i.6.

Inang................................Sonang modom ma ho Betlehem,

modom do Jerusalem, modom nang liat portibion, sonang modom
do halak sude, holan dua na dungo dope. di tingki i gok
arihangoluan ni si Maria, ditubuhon ma anak buhabajuna, dungi
diborhos ma dipeakhon ma tu bagasan panggagatan i.7.

Amang...............................Beha ma ulaning panghilalaan ni si

Maria di tingki i? dao ibana sian huta na, holang sian angka
sisolhotna, na patut hian nian adong disi laho paturehon ibana
dohot posoposos na tinubuhonna i. Tagamon lungun do ulaning
rohana jala mandele? Alusna Ndang! Ai nunga diboto ibana hian,
ia posoposo na tinubuhonna i, i maTuhan pargogo na so
hatudosan.8.

Inang.....................