Martangiang ma hita ! Dibagasan goar ni ama, dohot Anak dohot Tondi Porbadia Amen.

1. Hupuji hupasangap hami ma ho Tuhan, ala hu hilala hami do asi dohot holong ni roham, sian ari naung
salpu sahat tu ari on.

2. Tarlumobima Tuhan di tikki on, di ramoti jala di pasu-pasu ho do hami, di pajumpahon ho do hami na
saparsahutaon di tonga ni bagason, dibagasan hahipason dohot las ni roha.

3. Tu angka ari na naeng ro pe Tuhan, ramoti jala pasu pasu ma hami na sapunguan.

4. Padao parmaraan ni daging nang tondi.

5. Nang dongan nami naso boi rap hami di tingki on, pasu pasu ma tong tong nasida asa di ari nanaeng
ro, boi hami pajumpa di bagasan hahipason.

6. Ale Tuhan Yesus Kristus, nungnga hu parade hami si panganon dohot si inumon na sian hamoraon mi.

7. Andorang so hu pangan hami, jumolo ma pasu pasu Tuhan, asa manambai gogo naimbaru di hami, asa
lam margogo hami mangula si ulaon nami, hohut pasangap goarmu na badia i.

8. Pasu pasu ma tong tong keluarga nami na metmet on, leon hasehaton, rejeki dohot las ni roha na sian
ho.

9. Sesama saluhut angka dosa nami, asa tama hami manjalo pasu pasu na naeng sipasahaton mu tu
hami.

10. Ima hupangido hami tu ho Tuhan, marhite hite Jesus Kristus Tuhan nami, na mangolu nuaeng dohot
tong tong, sahat rodi saleleng ni leleng na Amen.

11. Dibagasan goar ni Ama, dohot Anak, dohot Tondi Porbadia, Amen.

Molo nga mulai mangan dok ma Umpasa on songonon. Imada angka Amang, Inang di hita saluhutna.
Molo tung songonipe si panganon na boi tarpatupa hami, mar panganju ma hamu. Natua tua na mandok
: Si titi ma si gompa, golang golang pangarahut na, tung songo ni pe na boi tar patupa hami, Amanta
Debatama manggohi pasu pasuna.