ACARA PELETAKAN BATU PERTAMA

RUMAH JEMAAT GKPI SIDORAME

Kamis, 25 September 2014

1.MARENDE NO.301 : 1+6+7 “LAS SITUTU ROHANGKU” BL. 153

1. Las situtu rohangku, Ro au manogot on, Mamuji Debatangku, Sijaga
ngolungkon, Ho di habangsaMi. Tongtong naeng pujionku, Huhut
pasangaponku Marhite AnakMi.
6. Marguru tu Tuhanku, Ma au di sasude, Ditogu Debatangku
Ma au tu na ture, Sai pasupasu ma, Ulaon ni tanganku, Sude
sibahenonku O Tuhan Debata.
7. Antong hudok ma amen Ndang ganggu rohangki
Tuhanku mangalehon Na hupangido i
Na lao ma au nuaeng Mangula ulaonku
Ibana do donganku Na sonang au dibaen.
2. VOTUM :
Dibagasan Goar ni Debata Ama do pangurupion di hita

INTROITUS :
Gok di Jahowa do tano on ro di isina , portibi on dohot pangisina. Ai
IBANA do paojakhonsa di atas ni angka laut, jala dipahot diatas ni angka
batang aek.

MARTANGIANG :
Ale Tuhannami Tuhan Jesus Kristus, Anak ni Ama na mangolu jala
Pargogo na so hutudosan i. Ho do sillam ni hasangapon ni Ama i dohot
Suman ni hadirionNa; Ho do tiang partunggul na marpili jala na arga dohot
ojahan na hot. Na mangido ma hami tu Ho : Pahot ma tiang partunggul na
naeng pajongjongon nami di bagasan Goarmu na badia i. Songon Ho
Mula dohot Ujung ni nasa na adong, laos Ho ma na mamulai, patorushon
dohot na paujungkon ulaon on, na hupungka hami tau hasangapon dohot
hamuliaon ni Goarmu na badia i. Hupasahat hami pangidoannami on tu
Ho ale Tuhannami, ai Ho do Tuhan na mangolu jala na sintong, na
mangarajai rap dohot Ama dohot Tondi Parbadia, ro di saleleng ni
lelengna. AMEN.

Page | 1
3. MARENDE NO.188 : 1+5 “JAHOWA SIPARMAHAN AU” BL. 131
1. Jahowa Siparmahan au Ndang hurang manang aha, Ai nasa jea
dipadao Do sian dorbiana, Tongon dibaen na lomak i Lao pangoluhon
tondingki Dibaen asi rohaNa
5. Tongtong do denggan ni basaM Jambarhu di ngolungku, Tongon do
asi ni rohaM Mangihut di langkangku, Dung i dung suda bohalhi Sai
ingananku jabuMi, Saleleng ni lelengna.

4. MANJAHA HATANI DEBATA :

- 1 Korintus 3 : 10-16
- Psalmen 127 : 1
5. MAMEAKKON BATU PERTAMA
a. Pendeta c. Sintua
b. BPH d. Panitia, dst....

6. MARENDE NO.214 : 2 “SONANG DI LAMBUNG JESUS” BL.161

2. Sonang di lambung Jesus, Rap hita lao tusi , Inganan na umuli, Do di
lambungNa i .Ai nunga diparade hasonanganta , Asa marhasonangan
Na ro tu Jesus i. Sonang di lambung Jesus Rap hita lao tusi Inganan na
ummuli Do di lambungNa i

7. MARTANGIANG

8. PASU-PASU

Page | 2
1. Hupajongjong hami bagas on, tau hasangapon di
Debata Ama, gabe inganan panghobasion dinaposani
Tuhan Jesus Rajani Huria i dohot Tondi Parbadia.

2. Hupajongjong hami bagas on, asa Tuhan Jesus

sandiri ma batu parsuhina, partunggul dohot
ojahanna.

3. Hupajongjong hami bagas on, asa gabe sada bagas

partangiangon na dao sian Huaso portibi, bagas
pangalapan gogo, dame, las ni roha dohot apul-apul
nasumurung.

4. Hupajongjong hami bagas on ; asa gabe tanda

ma bagason di hapapatar ni hasintongan, Holong
dohot pangkirimon.

5. Hupajongjong hami bagas on, asa gabe inganan

parade Hatani Debata on tu naposoNa, na
manurduhon haluaon, asini roha dohot haholongan
Roha ni Debata dibagasan Tuhan Yesus Kristus.

Page | 3
 6. Hupajongjong hami bagason, asa sian bagasan tarida
panghobasionni naposo Na, na manorminhon
Panghobasion ni Tuhan Jesus maradophon hajolmaon
dibagasan asi dohot holong ni roha.

7. Hupajongjong hami bagason, gabe sada bagas

naposoni Tuhanta ni tongtong ungkab tu sude jolma ; na
mora manang na pogos, na malua mana na poso,
tarpunjung nang halak dagang na manghauashon
pangurupion.

8. Hupajonjong hami bagason, asa gabe ingana

sitiop hatam Debata on, jala jonak tu Tuhan Jesus
Rajani Huria i.

9. Hupajongjong hami bagas on, asa gabe sada tudu-

tudu ma tutu on, tu bagas na uli na pinauli Debata tu
angka na porsea di lambungNa ; gok lasni roha, olop-
olop dohot dame, dao ilu-ilu, arsak dohot parungkilon.
AMEN

Page | 4