IBADAH ULANG TAHUN

PUNGUAN SONAK MALELA

BORU-BERE-IBEBERE

SEI. PAGAR

KE 24 TAHUN

KARYA BHAKTI

Senin,19 September 2022

Selamat Ulang tahun ma di punguanta, nungnga ganjang pardalanan ni

punguan taon, jala marragam do na boi masa di tonga-tonga ni parsaoranta na
sai laon. Dia manang na sangon dia pe i, sihamauliatehononton do i tu Debata.
Lumobi ma di ari sadarion, tongtong sai tapanghilalahon pangiringon ni Debata
di ngolunta ganup marsada-sada, marhahipason hita marpungu di tonga ni
bagas on, attong tapatudu ma las ni rohanta, tapuji ma goarna marhite ulaonta
sadarion, Marende ma hita

1. Marende BE. No.435 : 1 – 2 “Marolopolop tondingki”

1. Marolopolop tondingki ai naung di tobus Jesus i.
Hamusude, bege ma i, sailas rohangku mandok i Sonangni tingki i,
Dung jumpang Jesus Tuhanki! Tondina manga jari au, tarbaen marlas
Ni ro ha au! Sonangni tingki i, dung jumpang Jesus Tuhanki.
2. Dihaol holongna rohangki, tung na so boi be mago i.
MataNa do manatap au, pinggolNa tumangihon au. Sonangni………….
2. Votum
L : Dibagasan Goar ni Debata Ama, Dohot Goar ni Tuhan Jesus Kristus,
Dohot Goar ni Tondi Parbadia, Amen. Pujionku ma Jahowa sian nasa
rohangku, pajojoron ku ma sude halongangan angka na binahen Na
R : Marlas ni roha jala marolopolop ma ahu mida Ho, Endehononku ma
goarmu, ale natumimbul
L : Ai di pasintong ho do uhum dohot parjambaran di ahu, hundul tu
habangsa do ho ale panguhum na tigor
R : Sai olo ma ho ale Jahowa, haporusan di angka tingki hagogotan
L : Puji ma goarna na Badia, ai ro di salelelengleleng na do asi ni rohana,
Amen.
Martangiang ma hita : Ale Debata Jahowa, hupuji hami ma Ho marhite
goar ni anakMu Tuhan Jesus Kristus si palua hami. Marlasniroha hami di
tonga ni punguan nami on sadarion, di pasu-pasu Ho punguan nami on
Punguan Sonak Malela, Boru-Bere-Ibebere, mardalan di bagasan
hadengganon sahat tu ari ulang tahun sadarion, huhilala hami do Ale
Jahowa, gabe dalanMu punguan namion manambai pasu-pasum di
parngoluon nami, mauliate ma di ho ale Tuhan nami. Amen

3. Marende BE. No. 72 : 2 + 4 “ Ungkap Bahal na Umuli”

2. Na buni do nasailaon Sangkap ni Tuhanta i
 Ndang diboto hajolmaon dalan hangoluan i
Tung nalilu do sude Di pardalananna be
4. Jesus sondang ni tondingku Na patiur sasude
Saipalua ma rohangku Sian dosa sasude
Taiti dohot rohangkon Tu na tiur i tongtong
4. Epistel : Psalmen 2:1-8
2:1 Boasa sai ogaoga angka parbegu, jala sai na so marniula dipingkiri roha
ni angka bangso?
2:2 Hehe martahi do angka raja ni tano on rap dohot angka na begu, mangalo
Jahowa dohot Messiasna i.
2:3 “Tarapui ma angka ihot nasida, jala taambolongkon ma angka talinai,”
ninna.
2:4 Alai diengkel-engkel Ibana na marhabangsa di banua ginjang i do nasida,
jala dielesi Tuhanta i do nasida.
2:5 Songgahanna do nasida sogot di rimasna, jadi martimpalan ma nasida
mida parpiarpiar ni murukna.
2:6 Hape anggo Ahu, hupabangkit do Rajangku di dolok Sion, dolok
habadiaonku.
2:7 Jamitahononku ma na gabe patik, didok Jahowa do mandok ahu: Anakku
do Ho, sadarion do Ho hutubuhon.
2:8 Pangido ma sian Ahu, asa hulehon tu Ho angka parbegu bahen
jambarmu, jala gok di Ho angka ujung ni tano on.

5. Marende BE.No 512:1-2 “Di Dalani Jesus Tano”

1. Didalani Jesus tano dohot laut. Tahi holong ni rohaNa dipasaut
Na mura luhut dibaen tondiNa i.Dung disesa utang ni dosanta i
Haha anggi, ro hamu sude. Taarahon ma donganta be
Haha anggi, dao nang jonok be. Hara tu joloNa donganmu sude
2. Nunga monang di jabum hataNa i?.Hata i dipangke ho sinjatami?
I do hapistaran na sumurung i. Jumpang do mura sudena baenon ni~i
Haha anggi, ro hamu sude. Taarahon ma donganta be
Haha anggi, dao nang jonok be. Hara tu joloNa donganmu sude
6. Jamita :
7. Marende BE. No. 75 : 1 + 3 “O Tondi Porbadia i, bongoti”
1. Naung binsar do panondangi Na mangatasi sasude Na olo marsinondang
Sondanganni do sasude Na di naholom i dope Malungun di natorang
Jesus tulus Ma sangkapMu SondanganMu nasa jolma asa unduk di
Debata.
3. Tung ise pasonangkon au? Manang tu diape au lao Sasada Ho huboto
Pangkilalahon holong ni RohaM di au na bojok i Na pogos jala oto
Unang laos Au be lilu hiniphopMu do tondingku Ingkon Ho do tioponku.

8. Tangiang Pangondianon

9. Marende BE. No. 122:1+4 “Ida Hinadenggan Ni”

1. Ida hinadenggan ni Angka na saroha I, Parpambaenan na burju Nang
hatana pe tutu
4. Di parbaga Debata Tu namarsaroha da, Pasupasu na godang I ma rohana
sonang

10. Pelean (ayat Pelean : Kolose 2 : 7 “ Gabe mamurat jala pinauli ma hamu di
bagasan Ibana, togu marhaporseaon, hombar tu na niajarhon tu hamuna,
lumobi ma hamu marroha mauliate”)

11. Panutup, Amen-amen-amen

Selamat ulang tahun di Punguan Sonak Malela

Boru-Bere-Ibebere
Sehat-sehat ma hita saluhutna
Martamba-tamba angka las ni roha di hita tu
joloan ni ari on.

SHALOM...