Di Rumah Kel. Amang Roy Wagino Pardosi/Br. Sipahutar
Sabtu, 05 November 2022
1. Patujolo Hata Pamuhai:
Amang/Inang nahinaholongan ni Tuhan Jesus Kristus tapahohom ma rohanta, tapungka ma partangianganta dibodari on. Martangiang ma hita di bagasan roha ta be.
2. Marende : Puji Jahowa Na Sangap
Puji Jahowa na sangap huhut marmulia. Hamu sude na parroha na ringgas na ria. Marpungu be, marolopolop sude, Hamu sude manisia.
Puji Jahowa Sigomgom sude parluhutan.
Na manogihon ho songon niiring ni tangan. Dohot hosam Songon hombar tu roham Sai diramoti Ibana.
3. Votum: 1 Chorinika 16:8
Marhite – hite goarni Debata Ama dohot gooarni Anak-Na Tuhan Jesus Kristus, dohot goarni Tondi Porbadia na tumompa langit dohot tano on, Amen. Songonon ninna Tuhan Jahowa: Puji hamu ma Jahowa, baritahon hamu ma goarna I, pabotohon hamu ma di tongatonga ni angka bangso angka pambahenanna I. Haleluya, Martangiang ma hita: Ale Tuhan Debata, Pargogo na so hatudosan, nabadia do Ho, pardosa do i anggo hami. Alai di ondingi Ho do angka na marhaposan jala na maporus tu Ho. Alani i ro hami tu Ho, mangasahon asini roha-M. Sai unang tulak hami sian jolo-M. Angkup ni i lehon ma di hami roha na girgir tumangihon hata-M asa huboto hami mangulahon lomo ni roha-M, alani anak-Mu Tuhan Jesus Kristus Tuhan nami. Amen
4. Epistel : Pasalmen 111:1-10
Hatani Debata turpuk sijahaonta di partangiangan bodari on, ima na tarsurat di buku pasalmen bindu 111 ayat 1 sahat tu ayat 10. Ta jaha ma marsingkat sorin. 1. Pujionku ma Jahowa sian nasa roha di luhutan ni angka partigor dohot di huria i. 2. Balga do angka pambahenan ni Jahowa, hinalungunhon ni sude angka na lomo roha disi. 3. Hamuliaon dohot hasangapon do parulaonna I, jala hot do jongjong hatigoranna I salelenglelengna. 4. Nunga dibahen Ibana sada parningotan di halongangan angka na binahenna I, pardengganbasa jala parasi roha do Jahowa. 5. Nunga diparbohali angka na mangkabiari Ibana, diingot do padan binahenna i ro di salelenglelengna. 6. Nunga dipabotohon tu bangsona gogo ni pambahenanna i mangalehon tu nasida parjambaran ni angka parbegu. 7. Hasintongan dohot uhum do angka pambahenan ni tanganna, sintong do sude angka patikna i. 8. Hot do angka i ro di salelenglelengna, dibahen do angka i di bagasan hasintongan dohot habonaron. 9. Nunga ditongoshon Ibana haluaon tu bangsona, dipatik do padan binahenna i salelenglelengna, nabadia jala na songkal do goarna i. 10. Biar mida Jahowa do parmulaan ni habisuhon, maruli hapistaran na sumurung do sude angka na mangulahonsa; hot do baritana i ro di salelenglelengna. 5. Martangiang Sian Ama 6. Marende: Buku Ende 720:1-2 1. Naeng marsinondang ngolungku di igil Jesus I, Manang didia pe ahu tongtong huingot i. Tiur marsinondang ido ni igil ni Jesus tongtong Marsinondang panondang do au tutu.
2. Ingkon hobas mangurupi, angka na gale I,
Jala burju manghobasi songon Tuhanta i. Tiur marsinondang ido ni igil ni Jesus tongtong Marsinondang panondang do au tutu.
7. Marjamita : Inang O. Sinaga
8. Marende : Buku Ende No 802: 1 -2
1. Pangke tingkim saonari, dapothon ma Tuhan i Unang godang sidalian, ingot jempek ngolumi Nunga rade hasonangan, di Surgo i, di Surgo i Unang adong nanggo sada Naso parjambar disi 2. Suan ma holong ni roha, tiru ma Tuhanta i Las ma roham di gotilon, jalo ma balos ni i Nunga rade hasonangan, di Surgo i, di Surgo i Unang adong nanggo sada Naso parjambar disi
9. Martangiang : Sian Parjabu
10. Marende: Buku Ende No 194 : 1-3 (Pelean)
1. Aut so asi rohaM Aut so godang basaM Tu dia au?
Alai dibaen basaM Dohot asi rohaM Tu Surgo au
2. Mauliate ma Di Ho o Debata Ala basaM
Sibahen dalan i Marhite AnakMi Tu banuaM
3. Anggiat ma holong Rohangku sai tongtong Burju tu Ho