I.

KEBAKTIAN
1. Pangaradeon : P; PARAGENDA, A; AMA
Martangiang na hohom………………………….amen
2. Marende BE. No. 569: 1+3 “ O Debata Tung Longang do”
O Debata tung longang do rohangku, molo hubereng na tinompaMi. Saluhut
bintang, hilap dohot ronggur manghatindanghon hasangaponMi. Reff:
Marende ahu Tuhan mamuji Ho, O Debata sangap do Ho. Marende au Tuhan
mamuji Ho O Debata sangap do Ho.
Molo huingot balga ni holongMu marhite Jesus na tarsilang i. Anak
sasadaMi o Debatangku dilehon Ho manobus jolma i. Reff. Marende
au Tuhan…..d.u
3. Votum
P : Marhitehite goar ni Debata Ama, dohot goar ni AnakNa Tuhan
Jesus Kristus dohot goar ni Tondi Parbadia natumompa
langitdohot tano on,  Amen. Tigor do angka dalan ni Jahowa,
jala halak partigor mardalan disi; alai anggo halak parjahat
tarsulandit do disi. Haleluya Martangiang ma hita: Ale Tuhan
Debata, parasiroha jala na bonar! Mauliate hudok hami, ala
dipabinsar Ho tu hami barita na uli, na mandongani rohanami.
Ai ala ni i umbahen hutanda hami HO dohot lomo ni rohaM.
Dipangido rohanami naeng mangulahon lomo ni rohaM hami
saleleng di ngolu on, jala naeng martua hami bahenonMu. Sai
parbadia i ma roha nami marhitehite tondiM, jala pargogoi ma
hami mangorom hisaphisap dohot manggotaphon roha
portibion. Sai palas ma rohanami mangoloi Ho ala ni anakMu,
Tuhan Jesus Kristus, Tuhannami. Amen.
A : Ale Tuhan pargogoi ma hami di tonga ni bagas nami
manguluhon bagas nami be asa sonang rohanami.
P : Lomo ni rohaM ma na mangaturhon pardalanan ni ngolu nami,
holan mardalan dibagasan lomo ni rohaM ma hami saluhutna.
A : Lam gandai rohanami mamuji Ho, di ariari na hobolus hami
nang di ganup langka, pingkiran nami be.
P : Asi ma rohaM di hami, sai paringgas rohanami mamelehon diri
tu adopanMi.

bygrsusetiolumbantoruanSth
 P+A: Oloi ma pangidoan nami on, mangasahon hagogoon na sian Ho
na manongtong i..
4. Marende BE. No.575:1“Puji ma Debata na Songkal”
Puji ma Debata na songkal, pasangap ma goarNa. Puji ma, angka
rura dohot lung, angka dolok na timbo dophot hasak ni galumbang
sude mamuji Ho. Langit i na mansai hembang, bintang i na mansai
torang, ombun i na mansai saksak pasangaphon Ho O Debata.
Tung so olo tading au,lao mamuji Ho Tuhan. Nasa gogo
bahenonhu lao pasangaphon Ho, Ro di ujung ni ngolungku sai
pujionku Ho.
4. Manjaha Turpuk Episte Patujolo ni Jamita Jesaya 51:1-8
P : Tangihon ma ahu hamu angka na mangeahi hatigoran, angka na
mangalului Jahowa. Paberengbereng hamu ma dolok batu
hapultahan muna dohot godung parsumuran na hinali,
haruaranmuna i.
A : Paberengbereng hamu ma si Abraham, ompumuna dohot si Sara na
manubuhon hamu; ai punjung sasadasa do uju na hujou, asa
hupasupasu ibana jala hupatorop”.
P : Ai Asi do roha ni Jahowa mida Sion, asi do tutu rohana mida sude
ingananna na tarulang, jala doshon Eden dibahen halongonanna
jala tanona bakkalbakkal songon porlak ni Jahowa; jumpang ma disi
las ni roha dohot hariburon, hamauliateon dohot soara pujipujian..
A : Patinggil ma pinggolmu ale bangsongku tumangihon Ahu, jala
tangihon Ahu hamu ale angka naposongku. Ai sian Ahu haroroan ni
patik, jala patindangonku uhumhu bahen panondang di angka
bangso..
P : Nunga jonok hatigoranKu, nunga borhat hatuaonKu ingkon uhumon
ni tanganku do angka bangso. Marhaposan tu Ahu ma angka pulo
jala marhanalomhon tanganku do nasida.
A Manaili ma matamuna dompak ginjang, jala mamereng ma hamu
dompak tano i, ai laho salpu do angka langit songon ombun, jala
matua sogot tano on songon ulos, jala pangisina i marmatean
songon i; alai anggo hatuaonku ro di salelengnilelengna do, jala
hatigoranku ndang olo muba.

bygrsusetiolumbantoruanSth
 P : Tangihon Ahu hamu ale sitanda hatigoran, ho ale bangso na
umpeop patikhu dibagasan rohana, unang tung habiari hamu
pangeleson ni jolma na gale i, jala unang tung tahuton hamu mida
panginsahion nasida i.
A : Ai ingkon suda nasida panganon ni ngitngit, songon ulos jala ingkon
panganon ni gulokgulok nasida songon imbulu ni birubiru; alai
anggo hatigoranku ho do ro di salelenglelengna, jala hatuaonku
marsundutsundut. Ido Sahatna. Martua do na tumangihon hata ni
Debata jala naumpeopsa.
P+A : Amen
5. Marende BE. No. 760 :1 “ Jesus do Alealengku”
Jesus do alealengku soada tudos ni, aleale na sumurung i di au.
Hasoloan ni rohangku Tuhan haposanki, sipalua na mamorsan
dosangki. Na mangapuli ahu di sitaononki, mangurupi au di
hagogotan i. Jesus do alealengku soada tudos ni, aleale na sumurng i
di au.
6. JAMITA PHD AMA : LUKAS 18: 9-14
7. Mangendehon BE No. 650:1 “Dipasada HolongNa i”
Dipasada holongNa i, saluhut na porsea i. Natarjou tu sada
panghirimon i, songon daging ni Kristus i.
8. Tangiang Sian sahalak na ro
10. Marende No. 574:1 “Puji Ma Debata"
 Pujima, pujima Debata, naniainNa do umpuji Debata.
Nunga sesa dosami, malum dohot rohami. Pujima, Pujima
Debata, naniainNa do umpuji Debata
11. Tangiang Sian Nampuna bagas
12. Marende No. 557:1… “Dao Dumenggan”(HUHUT PAPUNGU PELEAN)
 Dao dumenggan, asi ni rohaM, dao umarga sian ngolungkon.
Sai pujionku ma Ho Tuhan hu, dao umarga asiNi rohaM
 Ala goarMu ro do au tu Ho, herbang tanganhu lao mauji Ho.
Dao umarga sian ngolungku, dao dumenggan asi ni rohaM
 Dao dumenggan holong ni rohaM, dao umarga sian
ngolungkon. Sai pujionhu ma Ho Tuhanhu, sandok
ngolungku do mamuji Ho

bygrsusetiolumbantoruanSth
13. Tangiang Panutup, Ale Amanami, Mangendehon Amen…
Amen..Amen
II. MARGURU ENDE/ KOOR

PARTANGIANGAN AMA
HKBP PERANGINAN RESSORT
KUTACANE

bygrsusetiolumbantoruanSth
 DIBAGASNI
KELUARGA AMA HELGA SIREGAR
PERANGINAN/PASAR BENGKOK
JUMAT, 25 AGUSTUS 2017

bygrsusetiolumbantoruanSth