LITURGI NATAL SEKTOR I GKPS SAPANGAMBEI

TAHUN 2017

LITURGI I

1. Kesya : (Idodingkon) Megah-megah hape langit ampa bunga-bunga pe. Nin homa do
manuk- manuk Naibata ipuji bei.

2. Vena : (Idodingkon) Ge harangan pakon dolok, sai maratahratah bei, ganup jolma pe
marolop Naibata ipuji bei.

3. Putri : (Idodingkon) Manuk-manuk na tarhurung bai borgoh ni ari in. Gatihan sonin
mamurhung jolma i rumah ni in.

4. Reymond : (Idodingkon) Laho hita rap mardalan hujumatta sabah pe. Pardiatei nasinuan
marmalasni uhur bei.

5. Mak Putri : Aima da, nabotoh janah tongon porsaya do diri natinompa ni Naibata do
ganupan in janah anggo napardiatei ganup natinompani in, patut do namin
lambin mabiar diri dompak Tuhan in halani tongon halongangan do ganupan in.

6. Mak Joko : Tongon Tuhan anggo hukawahkon langitMu, pakon horjani jari-jariMu, bulan
pakon sagala bintang napinauliMu mittor ahama nani jolma in ase pala
ingatonMu ia, anak ni manisia in ase ihargahon Ham ia?

7. Maya : (Mandodingkon Haleluya No. 242: 2)

Talun jenges do, juma pe jenges do, namaratah-ratah in. Jesus tarlobih, bai
hajengeson, sibaen malasni uhur in.

8. Sonang : (Mandodingkon Haleluya No. 242: 3)

Bulan lihar do, bintang pe torang do, ge mataniari in. Jesus tarlobih, bai
haliharon, lobih humbai ganupan in

9. Desri : Ijadihon Ham do jolma in otik toruhan humbani Naibata, anjaha isortalihon
Ham do hubani hamuliaon pakon hatunggungon.

10. Mak Joslian : Ipabangkit Ham do jolma in mamarentah haganupan jadi-jadianni tanganMu
janah tongon ipatunduk Ham do haganupan in hutoruhni naheini jolma in.

11.Mak Fredy : Haganupan biri-biri pakon lombu ampa haganupan binatang harangan, manuk-
manuk na iawang-awang pakon dengke na ilaut pakon haganupan na manjulur i
lokkit-lokkitni laut, haganupan in maningon do irajai jolma in.

12. Leni Purba : (Idodingkon)Hatahononta diateitupa ma. Ai negaratta tanoh na lambut. Laut
bolak dolokni pe ratah, talun jenges appar do haganup. In haganupan pasu
pasuNi Simada kuasa Tuhan Naibata. In haganupan pasu-pasuNi Simada kuasa
Tuhan Naibata

13.Ventina : (Idodingkon) Sanggah poltak mataniari in. Martitialas bai sogotni in. Morum
mangerbang bunga-bunga in. Irandu doding ni bossala in. In haganupan pasu
pasuNi Simada kuasa Tuhan Naibata. In haganupan pasu-pasuNi Simada kuasa
Tuhan Naibata

14. Pak Gokwin : Nasiam Bapa, Inang, sonai age namaposo. Domma dear itompa Naibata ganup
naporlu bantta idunia on. Janah ibere do banta gogoh laho menjaga pakon
melestarihonsi. Dear ase pergunahon hita ma ganup jadi jadianni Naibata in
bahen hasangaponni goranNi. AMEN.

1
 LITURGI II

1. Sri : (Idodinghon) Sadokah ho i tanoh on. Papittor uhurmin. Padingat dingat ma

tongtong nidok ni Tuhanmin.

2. Pak Arini : Mula ni dosa aima sanggah si Adam pakon Hawa manganhon buah ni hayu
namadear na itongahni taman Eden. Lang mampu si Hawa gabe haposan bani
Naibata, tanginan do ia bani sorani ulog, tanginan do ia bani panggorani uhurni
sandiri, dopni ipanganma buah ni hayu na dob ilarang Naibata ase ulang ijamah
janah ulang ipangan.

3. Op. Reza : Sonai do homa age si Adam, paramangonni si Hawa, lang mintor manggila ia
dob ipangan si Hawa buah ni hayu na ilarang Naibata laho panganon ni sidea.
Tapi dihut do homa si Adam manganhon buah ni hayu ai. Sonaha ma dob ni \
jolma in?

4. Mak Gokwin : Sonai do homa age si Kain, lang mampu ia laho padaohkon uhur subil
humbagas uhurni, gabe ihorjahon do hagigi ni Naibata, itundalhon do Naibata
laho manuhuni hauhuronni na milas janah bohini na migar ai. Ibunuh do si
Habel hape sainang sabapa do sidea

5. Meli Purba : Sanggah Sodom pakon Gomora iuhum Tuhan halani habutakon pakon dosa,
ipaluah Naibata do sada keluarga hunjai aima keluarga Lot. Isuruh do sidea
maninggalhon huta ai janah ulang be manorih hupudi, tapi halani maruhur
duniawi do istrini, saying pangahapni bani ganup artani ai, ikawahkon do
hupudi jadi tiang garam ma ia.

6. Roma : (Idodinghon) Sai songon hayu dear ho, ramos parbuei min. Bulungni pe tabun
homa usihi ma sonin.

7. Pak Masdon : Sonai do homa age si Hagar, dob ibere si Sarai bani hatunggungon, gabe pis do
matani mangidah si Sarai, janah ganup ari do ia mangkatahon salig-salig hubani
si Sarai ai.

8. Op. Renhard : Yakub pe homa dihut do manghorjahon dosa. Ioto-otoi do tulangni si Laban ai
Boru pasal biri birini. Ibahen do cara ase bahatan bani pinahan ai marimbang bani
tulangni si Laban. Halani arta, golap do iman ni si Yakub.

9. Op. Andre : Daud aima anak haholongan ni Naibata. Ipilih do ia manaluhkon si Goliat pitah
marhitei batu na etek janah ibere do bani kuasa laho memimpin bangsa Israel.
Tapi halani uhur hajolmaonni, isuruh do puang limani, si Uria laho marporang
ase matei ijai janah boi ia mambuat si Baryseba gabe parinangonni.

10. Pak Clarence : Age raja Salomo pe. Salomo aima raja na termuda memimpin bangsa Israel.
Sanggah iangkat menjadi raja, baru 18 tahun usiani. Marhitei kebijaksanan na
ipindoni humbani Tuhan, boi do ia memimpin bangsa Israel. Tapi halani
hasombongonni, madabuh do ia hubagas dosa. Lupa Raja Salomo marondos
hubani Tuhan jadi tergoda do ia bani habayakon pakon hasangapon nahumbani
jolma.

11. Op. Mika : (Idodinghon) Ambungkon humbai uhur min na so margagan in. Ganup na
Boru humbai Tuhan in ramot ma jaga in.

12. Op. Elman : Sonai ma jolma in madabuh hubani dosa pakon hamagouan. Ganupan ai terjadi
Boru halani hurangni haporsayaon hubani Naibata. Lang sadar jolma in, ai Naibata
do namangatur goluhni ganup naadong i dunia on. Pakkorhon ni uhur
haduniaon, madabuh ma jolma in hubagas dosa.

2
 LITURGI III

1. Fitra : Lang pitah bani cerita Alkitab na i Perjanjian Lama ai jolma in madabuh hubani
dosa, sonai do age das hubatta jolma bani panorang sonari. Gati ope hauhuronta
igoki uhur subil, latei, domdom na mambahen lalap hita boratan bani goluhta i
tanoh on.

2. Mak Desi : (Mandodingkon Haleluya No 384: 1) Anggo sai tong hupikkiri

pambahenankin. Simbei do tong ganup tikki, seng margagan in. HolongMu
Tuhan, pangajamankin. Sai marpangulaki Ham mangidah in.HolongMu Tuhan,
pangarapankin, seng dong parsuhutan pitah Ham do in.

3. Pak Roma : Sebagai bapa itongah tongahni keluarga, gatih do au lupa bani tanggungjawab.
Hurang do au mamparuhurhon parinangonku pakon niombahku. Gatinan do au
hundul i kodei ulang marsahapi pakon sinrumahku pasal keluarga. Hurang do
homa au mangurupi horja i rumah, gati homa au memaksahon kehendakku
ibagas namambahen keputusan bani rumah tangga. Salah do hape au ijai. Idop
ma uhurmu bakku pardosa on Tuhan.

4. Mak Sonang : Age sebagai inang, au pe gatih do mardosa. Lalap do au marepet, hurang do au
mangarusi uhur ampa pikkiran ni Bapa pakon niombah irumah nami.
Ninuhurhu ganupan maningon torsa songon hinarosuhku, hape domma
berlawanan pakon bapa sonai age niombahku. Sipata bueinan do au
menghabiskon waktu marhorja hujuma mansari goluh ari – ari jadi hurang
mampardiateihon niombah. Dobni hurang kasih sayang ma sidea janah au pe
lang hubotoh aha namasa bani sidea. Aih Tuhan, salah do hape au ijai. Idop ma
uhurMu bakku pardosaon.

5. Ance Manik : Hanami pe sebagai anak gatih do manabuh hubani dosa. Sering do hanami
manlawan bani orangtua, memaksahon kehendak nami, janah lupa bani tugas
dan tanggungjawab i rumah. Ra do homa hanami mangoto otoi orangtua age
bani duit pakon panorang. Tuhan Naibata, idop ma uhurmu bannami pardosa
on.

6. Mak Andrean : (Mandodingkon Haleluya No 384: 2) Gijang uhur ampa latei, seng maronti
in. Uhur domdom ganup ari, sai na roh do in. HolongMu Tuhan,
pangajamankin. Sai marpangulaki Ham mangidah in. HolongMu Tuhan,
pangarapankin,seng dong parsuhutan pitah Ham do in.

7. Pernita : Naimada, age hanami pemuda on pe sering do madabuh hubagas godaan setan.
Urah do hanami taruyun hubani jaman sonari on. Facebook, Twitter pakon
Games sering mambahen hanami lupa bani horja i rumah. Gap do hanami
manjama handphone ganup ari, marselfie janah mengupdate status. Terkadang
age i gareja pe lang boi be hanami fokus manangar ambilan halani HP. Aih
Tuhan jangin ni in do pengaruhni jaman on. Holong ma uhurMu bannami
pardosa on.

8. Ario Sitio : Hanami pe gatih do madabuh hubani dosa. Judi pakon minuman keras
mambahen hanami lupa bani Tuhan. Godaan ni narkoba, pergaulan bebas
bahkan balap balapan liar di jalanan seolah mambahen hanami memiliki harga
diri hapeni mangarahkon hubani hamagouan do. Gati do homa hanami
memaksahon kehendak hubani orangtua sanggah manjalo kebutuhan. Oh Tuhan
Naibata, holong ma uhurmu bannami pardosa on.

9. Pak Andri : Sebagai orangtua pe, gatih do hanami lang menjadi contoh bani niombah.
Sipata halani gap bani horja, lupa do diri marminggu. Hape nisuruh do niombah
hu gareja tapi diri pe lang hugareja. Nisuruh do niombah menjaga lingkungan,
hape diri pe sipata ra do mambuang sampah age ija. Eeeeh tene, salah do hape
au ijai. Idopma uhurMu bakku pardosa on Tuhan.

10. Mak Lia : (Idodingkon) Ilobeimu oh Jesus. Talar do hagoluhankin. Mangarap holong
ateiMu, ilobeiMu oh Jesus. HulobeiMu oh Jesus, roh au nasombuh nadoyuk.
Mamorsan dosa na borat, hu lobeiMu oh Jesus..

3
 LITURGI IV

1. Arini : On ma hataNi Tuhan pasal goluh na iharosuhkonNi. Dear ase usih hujon ma
namin goluta ari- ari ase lambin marsangap goranNi Tuhan in.

2. Joslian : Martuah ma na sombuh tonduy, ai bani sidea do harajaon na inagori atas in.

3. Carissa : Martuah ma na pusok uhur, ai si apohan do sidea.

4. Bima : Martuah ma na lamlam maruhur, ai teanon ni sidea do tanoh on.

5. Jordan : Martuah ma na horahan, lohean bani hapintoran, ai sipabosuron do sidea.

6. Farel : Martuah ma golgol bani tonggoni, ai ibalosi Tuhan do sidea.

7. Olive : Martuah ma na idop uhur, ai si idopan do sidea.

8. Riski : Martuah ma na ringgas mambere, ai ibere do bani sidea hagoluhan in.

9. Jani : Martuah ma na sabar bai hamarsikon, ai ilayakkon Naibata do sidea.

10. Septi : Martuah ma paruhur na borsih, ai idahon ni sidea do Naibata.

11. Mario : Martuah ma na pinarburu ni halak halani hapintoran, ai bani sidea do harajaon
nagori atas in.

LITURGI V

1. Op. Putri S : Tongon mardosa do ganup jolma in humbani sapari das bani panorang on. Tapi
Boru marpangulaki do uhurni Jahowa bani jolma in. Ibere do haluahon bani jolma na
ra mansopotkon dosa pakon panlanggaronni hubani Naibata janah ipakei use
gabe sipangidangi bani kuriani Tuhan.

2. Op. Gokwin : Au ma si Musa. Isuruh janah dipilih Naibata do au laho mambobai bangsa
Doli Israel kaluar han parjabolonan Masir. Nini Naibata do dompak si Musa: Ale
Musa, domma huidah, domma hutangar janah domma hubotoh sitarononni
bangsaKu, halani ai, husurh ma ho laho mamboban sidea kaluar hunjai, hutanoh
nasubur, nagokan manisan ni huramah ampa susu.

3. Op. Masdon : Au aima si Josua, panggantih ni si Musa. Nini Naibata do hubangku: Ulang ma
mosor buku ni titah on hun pamanganmu, sai pingkir-pingkiri ma in arian
pakon borngin, ase iramotkon anjaha ihorjahon ho romban hubani natarsurat i
bagas in, jadi marulih ma ho bani sagala dalanmu anjaha mardohar ma ho.

4. Abednego : Au aima si Jesaya. Tangi janah dingat do au bani padan ni Jahowa na

mangkatahon: Das bani hatuaon nima totap do tong Ahu, ronsi na ubanon
hanima, Ahu do tong mangombah hanima, Ahu do na dob mambahen ai, anjaha
Ahu ma namngombah, Ahu ma namangusung, anjaha Ahu ma napaluahkon
hanima humbani ganup sitaronon nima.

5. Erik : Au Aima si Jeremia. Nini Naibata do dompak bangsani: Tangihon hanima ma

sorangku, ase Ahu gabe Naibata nima, anjaha hanima gabe bangsaKu, anjaha
marparlahou ma hanima bani sagala dalanku, na hutonahkon bannima, ase
marsonang-sonang hanima.

6. Mak Devi : Au aima si Hesekiel. Nini Jahowa do hubangku: Jadi berehononku ma bani
sidea uhur na sada, anjaha nahkononku do Tonduy nabayu hubagas sidea,
padaohonKu do uhur batu humbani daging ni sidea, anjaha berehononku do
bani sidea uhur namarpangahapan.

4
7. Op. Irma : Au namargoran si Daniel. Janah adong do tolu nari hasomanku, dob ihubu
hutanami Jerusalem, iboban ma hanami hu Babel, huhutani halak na lang
mananda Naibata, dob ijai igantih sidea ma goran nami, au si Daniel gabe si
Beltsasar, si Hanaya gabe si Sadrakh, si Misael gabe si Mesak, anjaha si Asarya
gabe si Abednego. Age pe sonai hanami totap do porsaya bani Tuhan Naibata,
jaga do hanami bani sipanganon, lang ra hanami mabuk-mabukan pakon
mangkorjahon horja na lang suman. Dob ni hape, ibahen Naibata ma hanami 10
hali pintaran humbani haganupan garama na dong i Babel.

8. Pak Devi : Au ma namorgoran si Hosea. Nini Naibata do hubangku: Barang ise

namaruhur, iparuhurhon ma ia, barang ise namarpangidah, iidah ma in. Tongon,
pintor do dalan ni Jahowa anjaha halak parpintor mardalan ijai, tapi anggo
halak parjahat tompas do ijai.

9. Op. Elman : Au ma namargoran si Mika. Nini Naibata do hubangku: Domma ipabotohkon

Doli bam ale jolma, barang aha na madear ampa aha napinindahan ni Jahowa
humbam, aima na mangkorjahon hasintongan ampa na mandalankon halayakon
ampa mamparlahou ibagas toruhni iuhur ilobeini Naibatamu.

10. Op. Mika : Au aima si Johannes pandidi. Au aima sora na dilo-dilo i halimisan na
Doli mangkatahon: Papintor ma dalan ni Tuhan in, janah paubah nasiam ma uhur
nasiam, ai domma dohor harajaon nagori atas in. Pasirsir nasiam ma dalan bani
Tuhan in, janah paubah nasiam ma uhur nasiam, paubah nasiam ma uhur
nasiam.

LITURGI VI

1. Pak Carisa : Mika 5: 1. Tapi anggo ho ale Betlehem Efrata, agepe etek ho itongah-tongahni
marga Juda, humbam do roh bangku na gabe panggomgomi Israel, anjaha
harorohanni humbani na hinan, humbani ari na basa ia.

2. Op. Kasih : Sakaria 9: 9. Marmalas ni uhur tumang ma ho ale boru Sion, marolob-olob ma
Boru ho ale boru Jerusalem. Tonggor ma, na roh do Rajamin marayak ho, anjaha
siparmonang do Ia, toruh do uhurni anjaha mangajak halodei, anak ni halodei
boru-boru.

3. Rico Sipayung: Roh do homa bani panorang ai paruhur na hun hapoltakan, imasuki sidea ma
rumah ai, gabe iidah sidea ma dakdanak ai rap pakon si Maria inangni ai. Dob
ai manrogop ma sidea marsombah hu Bani, ibuka sidea ma artani anjaha
isombahkon ma Bani sibere- bere ni sidea; omas, dahupa ampa mir.

4. Bintaro : Jadi ihatahon si Maria ma: Tonggor ma, jabolon ni Tuahn in do au. Sai
saut ma
hubangku songon na hinatahonMu in. Maria marhasirsiron do laho
mandompakkon haganupan sitaronon ai, halani rap pakon Naibata do ia
mandompakkon ai.

5. Leo Sinaga : Ulang mabiar hanima. Tonggor ma, ai ambilan malas ni uhur banggal do na
huboban on bannima, parulihan ni ganup jolma.

6. Petra : Gabe daging ma hata in, anjaha marianan itongah-tongah ta, jadi iidah hanami
ma hasangaponni Anak sasada na humbani Bapa in, gok idop ni uhur ampa
hasintongan.

7. Op. Grace : Ai sonon do holong ni uhur ni Naibata bani dunia on. Pala do AnakNi na
sasada in iberehon ase ulang magou ganup halak na porsaya Bani tapi ase
hagoluhan na sadokahni -dokahni bani.

8. Mak Masdon : Tonduy do Naibata, ase sagala namartonggo huBani, maningon do martonggo
ibagas tonduy ampa hasintongan.
5
9. Op. Tika : Tonggor ma, na roh ma panorangni nini Jahowa, pajongjongonku ma bani si
Doli Daud sada tumbor na pintor, manggomgomi do Ia songon raja marhasoman
hapentaran, anjaha dalankononni do hasintongan ampa hapintoron i nagori in.

10. Op. Joni : Hosianna ma bani Anak ni si Daud. Pinasu-pasu ma na roh ibagas goranNi
Tuhan, Hosianna ma homa itanoh on das hu nagori atas.

11. Pak Desi : Dihut do ahu parsimada bani malas ni uhur halani partubuh ni Jesus, tubuh ma
tongon Ia ibagas pargoluhanku. Janah totap ma kesetiaanku hu Bani ronsi
ujungni goluhku.

12. Pak Lia : Songon bintang bani golap ni ari, sondang haliharon humbani Jesus na dob
tubuh in, sai in ma manondangi ganup goluhku, pangarapanku talar janah
siarapkononku pe totap, inma gogoh bangku mangisi goluh ari ari.

LITURGI VII

1. Mak Joel : Barita partubuh ni Jesus lang tararusi pikiran ni hajolmaon, mase maningon
tubuh i harang ni pinahan ? anggo raja janah sipaluah dunia on do, mase lang
isambut dunia on? Gok ibagas kesibukan, gok ibagas rutinitas, sonang jolma
ibagas pardousaonni. Anggo roh ia sonari jaloommu do ? bukaonmu do
rumahmu ? dingat hitama tokin sonaha si Josef pakon si Maria ijia! (masuk
Yusuf dan Maria dalam fragmen)

Yose (Yusuf) : Bapa, boi do hanami irumah on borngin on? Daoh nari ope pardalanan nami,
janah parinangonku domma loja, sanggah boratan rumah homa ia !

Pak Renhard : Santabi bapa, seng dong be inan nalumei i rumah nami, bani rumah nalegan ma
lajou nasiam!

Yose (Yusuf) : Dear anggo nai, (berjalan perlahan, menemui satu rumah) Bapa, Inang, Boi do
hanami irumah nasiam on borngin on? Daoh ope pardalanan nami, loja ma
parinangonkon, ai boratan rumah ia!

Otto Manik : Ee…lahoma nasiam hunjon, ai seng dong ianan bei, lang sompat be hanami
mangidangi nasiam!

Yose (Yusuf) : Eak bapa, (berjalan perlahan, menemui satu rumah) Bapa, Inang, Boi do
hanami irumah nasiam on borngin on? Loja ma parinangonkon, ai boratan
rumah ia!

Martin : Eh lang boi Bapa. Hanami pe ma soppitan irumah on, tambah use nasiam.
Nalegan ma torih nasiam lobei da..

Yose (Yusuf) : Dear bapa, (berjalan perlahan, menemui satu rumah yg lain) santabi bapa ! boi
do hanami irumahmu apala saborngin on gelah, lojama parinangonkon, hape
domma borit pangahapni !

Pak Joslian : Santabi Bapa, lang dong kamar nalumei, ai pe adong do bannami harang ni
pinahan, anggo ra nasiam boi ijai nasiam borngin on!

Yose (Yusuf) : Dear Bapa anggo ai mando adong ianan, ijai pe ra do hanami. Tarimakasihma.
(kemudian diantarlah Yusuf dan Maria yang hendak akan melahirkan)

6
 Jemaat Mandoding Haleluya No 39 ; 1 – 3 Penyalaan lilin kecil jemaat (jongjong kuria)

Op Tika : Nini parmahan ai, malas uhur nami manjalo barita hun bani Malekat, tubuh
Boru Sipaluah bani jolma. Dihut do hanami manjalo barita in, age pe hanami jolma
nahotop lang masuk bilangan, ipandang rendah, bani Tuhan in maharga do
hanami, halani ai saksihonon nami ma holong ni Tuhan in.

Angel Sitio : Nini Majus, marhitei hapentaran nami, iarusi hanami nadob tubuh sada raja
siparkuasa. Isungkunhon hanami do Raja Harodes, tapi balos ni mase lang
hubotoh, pindahi hanima ma ase dihut au marsombah. Mangidah bintang ai
malas do uhur nami, i rikhon hanami ma bintang ai, jumpah ma tongon Raja
Sipaluah. Seng patugahon nami bani Herodes halani najahat do uhurni. Sai
ulang ma songon Harodes hita, lang marosuh mangidah hasurungan ni halak
nalegan.

Shelia : Nini si Maria, haganup namasa ai hupahusor husor do ibagas uhurhu,

huhaporsayai do sidearan pakon pamalas uhurhu do ibere Naibata, pori suhar
pe naroh, pargogohonNi do ahu ase tahan janah boi hupasud sura-surani ibagas
goluhku.

Op. Carisa Doli : Dob das barita pasal partubuh ni Jesus ai, podas do misir parmahan ai laho
manaksihon Jesus sipaluah na dob tubuh. Isaksihon sidea do ganup naipatugah
ni Malekat bani sidea, mambahen longang ganup mangidah namasa ai. Ai lang
patut longang do hita mangidah pambahenan ni Naibata ibagas Jesus? Ai lang
patut longang do hita bani holong ni Naibata banta hun haetek-etekon nari das
bani ombas on boi hita mamestahon natal sonon ? tubuh ma totap Jesus ibagas
goluhta !

Op. Devi Boru : Kritus na dob tubuh ai mamboban damei, aima malas ni uhurhu borngin on,
Damei ma uhurhu nasikolah on, posma uhurhu bani Tuhan pasal masa depanhu,
porlu sonari hupongkutkon sikolah janah huhabujurhon mambalosi orang tua
janah marhabiaran bani Tuhan.
Op. Nike Doli : Mulak ma parmahan ai ibagas malas ni uhur irik mamuji pakon pasangapkon
Naibata. Totu hita namartumpu ibagas panorang on sai andohar ibagas malas ni
uhur mulak janah manoruskon mambaritahon barita malas ni uhur ai bani
hasoman nalegan, tangkas patugahonta, ia pangarapanta pasti do janah
haluahon na ibagahkon sintong do. Hu saksihon ma ai marhitei parsahap pakon
pambahenanku.

Samuel : Natal, malas ni uhur on sai iahapkon ganup pemuda ma, marmalas ni uhur bani
ganup pangarapanni, halani Naibata totap sari bani jolma. Janah marhitei
pemuda dihutma ganup dunia on pakon pangisini marmalas ni uhur halani
pemuda siboan pasu-pasu ampa na sari.

Pak Devi Purba : Nini par Psalmen mangkatahon, Puji nasiam ma Jahowa, dilo ma goranni,
pabotohkon nasiam ma pambahenanni itongah-tongah ni bangsa-bangsa,
Dodingkon nasim ma Ia, dodingkon ma puji-pujian Bani, sahapkon nasiam ma
ganup horja halongangan nabinahenni

Op. Kasih Doli : Sai baritahononkon ni pamanganku do hapintoranni Tuhan, sonai haluahon na
humbaNi ganup ari, aima tekat nami selaku namaposo, ase dilo-dilo “hita do
saksi ni Kristus” tongon aima ipataridahkon hanami bani goluh siganup ari, i
parsikolahan, iparhorjaan atap ijahanin pe hanami marianan.

7
 LITURGI VIII

1. Prolog : Domma tubuh Jesus sipaluah in, domma sasap ganup dosa in. Tapi jolma in
lang ongga sadar. Totap do marungut- ungut songon bangsa Israel ondi na dob
ipaluah humbani parbudakan I tanoh Masir. Lang ongga bersyukur, lalap jajat
na hurang ibagas goluhni.

2. Op. Gokwin : Au aima sahalak guru. Memang bujur do Tuhan ai, ibere do diri gajian tiap
Boru bulan. Tapi sipata ninuhur lang pas be gaji ai anggo ibandinghon pakon volume
horja diri. Ai bahat dassa horja isikkolah. Maningon mangajar, mangurusi
administrasi homa, bandal ni siswa pe nuan on kelewat. Anggo hona tangan,
mittor do diri iaduhon hu KPAI. Ah, ngeri dassa na jadi guru on.

3. Mak Arini : Eheh amboru. Sodap dope ham nagabe guru in. Naha ma anggo songon hanami
parpasarpagi on. Maningon girah do diri puho tiap pagi, age udah pe itaron do
asalma jualan. Anggo mittor habis jualan ganupan lumayan, sipata lalap ma
sampe siang bahat pe barang sijualon. Dong homa do use pembeli na lang
berperasaan manawar itoruhni harga, aih sedih pangahap..

4. Mak Renhat : Hanami parjuma on pe susah do. Biasani boi do dapot 20 kaleng per rante
anggo nasuan ma omei. Tapi musim on, satongah dassa dapot. Bueinan do
habis ipangan mossi Lang pitah ai, turun homa do use harga ni omei. Modal pe
lang balik, mambayar sewa ni juma use. Aih, sajaa….. dassa pangahap.

5. Mak Roma : (Idodingkon) Anggo sai holsohan ham bai goluh on. Pala ham mandolei lang
tuk gogohmu Ingat pasu- pasu ni Tuhanta in. Janah paruhurhon pambahenan Ni
in. Ulang lupa ham bai layakNi in. Ganup ari sai bilangi in. Sai bilangi
pambahenanNi in. In ma pasu-pasu ni Tuhanta in.

6. Mak Carisa : Jadi ibu rumah tangga pe hape loja do. Pagi maningon girah do diri puho,
mambereshon sipanganon, dakdanak, rumah, lang terasa domma sore. Loja
tumang pangahap tiap ari lang ongga soh mamberesi rumah. Maningon boi do
homa diri mengatur keuangan irumah ase boi torsa mardalan ganupan.

7. Anto : Hanami pe supir on maruttol do sonari. Sewa pe ma susah buaton. Bahatanma

nuan namarkareta sandiri, ase lebih hemat nini. Anak sikolah pe sipata ra do
mamilih milih angkot. Maningon espass, baru, musikni pe maningon gaul.
Tambah use halani dong Gojek sonari, lambin ma hurang pendapatan diri.
sipata pitah setoran dassa nadapot.

8. Pak Farel : Age hanami pengusaha pinahan on pe sipata susah do. Ma loja diri mangurus
dayok, mambere pakan ni pakon vitaminni, roh ma musim peokon, matei ma
ganupan. Modal aipe sipata lang mulak, hape ma bois homa tenaga
manghorjahon hasilni pe lang memuaskan.

9. Mak Andri : Sarupa ma hita. Au pe namarjuma manuan cokelat on pe ma susah sonari.

Anggo sapari boi do bahat dapot diri buah ni cokelat, ramos parbueini. Anggo
sonari busuk ma ganupan, matah pe ma busuk. Hape ma rutin isemprot tong do
sonai. Eheh, aha nari mando suanon tene..

10. Mak Farel : Ai iagakkon nasiam do gatni ma sodap namarkodei on. Sepi, semakin sepi do
pamboli nuan on. Biasani dua hali saminggu ma balanja diri halani habis
barang, sonari lang be. Sipata ma sahali dua minggu diri balanja. Ai hurang ma
nuang dakdanak marjajan pakkorhonni lang dong duit ni orangtua. Pusing dassa
diri mamikkiri goluh on.

11. Op. Carisa : (Idodingkon) Mase ma tong tong marpusok uhur ham. Bai boratni silang na iporsan
Boru ham. Sabar ma ham bai pusokni uhur in. Roh ma pasu-pasu dob salosei in. Ulang lupa
bai layakNi in. Ganup ari sai bilangi in, Sai bilangi pambahenanNi in. In ma pasu-
pasuni Tuhanta in.
8
12. Selvi Sinaga : Age hanami pe na marusaha salon on pe lambin ari hurang dassa pasien. Lang pitah au,
ganupan do hasomanku mengeluh pasal on. Biasani bahat dassa na creambath, masker,
luluran atap nalegan tapi akhir2 on sepi dassa. Marhua nari ma diri anggo ma sonon?

13. Op. Renhard : Aih, hanami namatua on pe gatinan ma borit boritan. Milas pe ari boritan do diri, roh
Doli pe udan boritan do diri. Sipata homa, ra do perasaan diri lang iperdulihon niombah.
Merasa diri kesepian, lang dong namangarusi. Sihol marbuali pakon hasoman naondi
ai, malaho parlobei bani Tuhan. Sipata ra do lungun pangahap hassipe pitah logou
marombus. Tangis diri siholan tapi lang nabotoh bani ise. Non ma ra goluh anggo
domma matua tene..

14. Pak Sonang : Sonai do homa namarniombah on. Bandal bandal dassa. Isuruh sikolah, cabut.
Ibere uang sikolah hun rumah, lang ibayar. Bois ibaen mardalani atak huja
deba. Anggo nipodahi i rumah, manlawan. Ihatahon ma diri orangtua
ketinggalan jaman, lang perhatian bani anak. Naha ma carani tene ase boi
mendidik anak bani jaman sonari on?

15. Pak Angel : Anggo hudidah humbai nokkan ai keluh kesah nasiam, rup do hape hita dong
masalah masing- masing tene. Huahap do pitah dirikku dassa nasusah, nalang
marduit. Hape bahat pe hape hasoman diri. Niagakkon ma naban diri on
siporsukan, hape dong pe na lobih hunjai. Memang namanggoluh on tene bahat
dassa paruttolon.

16. Pak Joel : Nasiam hasoman sahaporsayaon. Mase ma marsungut sungut nasiam pasal
goluh on. Mase ma lang bersyukur nasiam bani goluh na dob ibere Tuhan bani
nasiam. Ulang ma ipadingat dingat nasiam sanggah susah pitah nasiam, tapi
coba nasiam lobei mengingat ganupan berkat nadop iondoskon Tuhan bani
goluhmu. Boi do sehat hita, boi do mangan tolu hali sadari, boi do sinok modom
irumah ta bei, ibere homa niombah. Dong do dah hasomanta nadob dokah
marumah tangga tapi lape dapotan tuah. Ongga do ididah nasiam para pengungsi
korban perang ai, tiap hari tarottokon sadihari hona peluru sidea. Atap hasomanta
na i tanah Karo na dob martahun tahun mengungsi halani letusan ni gunung
Sinabung. Hasomanta na boritan i rumah sakit, namaningon martabung oksigen
ase boi marhosah. Para pemulung na ikota besar ai, maningon modom itoruhni
jembatan. Hurang enak aha use goluhmu ibahen Tuhan? Ai lang domma ipaluah
Naibata do hita humbani dosa marhitei nalahir Tuhan Jesus itongah-tongahta.
Aha nari be nahurang? Marmegah- megah ma ho Ale boru Sion, ai domma roh
Rajamu, nini ambilan ai. Nini doding ai homa “Pasoh ungut ungut min pasoh.
Pasoh, ungut ungut min pasoh”. Marmalasni uhur ma hita, dingat ma pasu-
pasuni Tuhan ase sonang tongon uhurta. Ulang ma nasiam gobir, ai ihasomani
Tuhan do hita sadokahni dokahni, das bani ujungni goluhta. Amin.

17. Mak Angel : (Idodingkon) Bai ganupan sidalananmu in. Jesus ma baen hasomanmu. Iparorot do
ham
tongtong ijin. Ronsi ondos bai tujuanmu. Ge daoh mahol sidalananmin ulang ham
mandolei ijin. Seng boi sottoh ham bahenonni in, asal Jesus baen hasomanmin.
Sanggah loja ham mamikkiri in. Bani Jesus patugah in. Na ngayotan ham bani
dalanmin, ai ibotoh do ganupan in. Ge daoh mahol sidalananmin, ulang ham mandolei
ijin. Seng boi sottoh ham bahenonni in asal Jesus baen hasomanmin…

9
 Vocal Grup ASM Kelas Kecil

Malam Natal sungguh senang

Fla…la… la… la… la… la… la… la…
Mari kita bergembira
Fla... la… la… la… la… la… la… la…
Musik indah, nyanyian merdu
Fla… la… la… la… la… la… la… la…
Memb’ritakan kabar Natal
Fla… la… la… la… la… la… la… la…

Malam Natal sungguh senang

Fla…la… la… la… la… la… la… la…
Mari kita bergembira
Fla... la… la… la… la… la… la… la…
Music indah, nyanyian merdu
Fla… la… la… la… la… la… la… la…
Memb’ritakan kabar Natal
Fla… la… la… la… la… la… la… la…

Malam Natal sungguh senang

Fla…la… la… la… la… la… la… la…
Mari kita bergembira
Fla... la… la… la… la… la… la… la…
Music indah, nyanyian merdu
Fla… la… la… la… la… la… la… la…
Memb’ritakan kabar Natal
Fla… la… la… la… la… la… la… la…

Malam Natal sungguh senang

Fla…la… la… la… la… la… la… la…
Mari kita bergembira
Fla... la… la… la… la… la… la… la…
Music indah, nyanyian merdu
Fla… la… la… la… la… la… la… la…
Memb’ritakan kabar Natal
Fla… la… la… la… la… la… la… la…

10
 PUISI ASM

Lonceng Natal

Aku mendengar lonceng berdentang pada hari Natal

Lagu-lagu Natal yang sudah dikenal,
Betapa nyaring dan merdunya kata-kata yang terdengar lagi
Damai sejahtera di bumi,
Di antara manusia yang berkenan kepada-Nya!

Aku berpikir, seandainya pada hari Natal,

semua lonceng yang tergantung di menara gereja
Memainkan lagu tanpa hentinya
Damai sejahtera di bumi,
Di antara manusia yang berkenan kepada-Nya!

Dan dalam keputusasaan aku menundukkan kepala;

“Tidak ada damai di bumi,” kataku;
“Karena kebencian ada di mana-mana, dan mengejek lagu
tentang
Damai sejahtera di bumi,
Di antara manusia yang berkenan kepada-Nya!”

Tetapi suara lonceng yang berdentang bergema semakin kuat:

“Tuhan tidak mati atau tertidur!
Yang jahat akan jatuh, yang benar akan menang,
Damai sejahtera di bumi,
Di antara manusia yang berkenan kepada-Nya!”

Lonceng terus berbunyi, berdentang,

Bumi berputar dari malam hingga pagi,
Suara, lonceng, nyanyian agung, terdengar merdu,
Damai sejahtera di bumi,
Di antara manusia yang berkenan kepada-Nya!

Asalkan Yesus Bersama Kita

Tidak apa-apa Papa

Bila Natal kali ini aku memakai baju yang lama
Aku akan tetap lebih gemerlap daripada pohon terang itu
Karena sukacita berpendar dihatiku

Tidak apa-apa Mama

Sepatuku yang lama masih indah dipandang
Bintang pengharapan menuntunku tetap
Membawaku percaya dengan hati mantap

Tidak ada kue lezat dan kado berpita

Sungguh tidak mengapa Papa Mama tercinta
Asalkan Yesus bersama kita
O alangkah indahnya hidup kita

11
 VOCAL GRUP SEKSI WANITA

Roh do au Tuhan mangindo pangurupionMu

Pusok uhurhin halani buei ni sitarononkin
Jalo Ham ma au halani holongMu
Se maluah au humbani dosakkin
Jesuskin Tuhankin urupi au oh Tuhan

Pitah Ham Tuhan hubaen naboi pangaduankin

Pitah Ham tumang hubaen naboi gabe batar- batarhin
Jalo Ham ma au halani holongMu
Se maluah au humbani dosakkin
Jesuskin Tuhankin urupi au oh Tuhan

Tarimakasih ma Bamu Ham Naibatakku

Sai pujionku ma goranMu namapassing in
Jesuskin Tuhankin Haleluya Amen…

12