LITURGI NATAL RESORT

A. LITURGI UCAPAN SELAMAT HARI NATAL (Sekolah Minggu)

Peralatan : Kertas karton bertuliskan huruf SELAMAT HARI NATAL.
Peserta : 16 Orang.

S ; Saya sangat berbahagia malam ini, sangat…berbahagia!

E; Engkau ya Allah, sangat mengasihi kami umat manusia.
L; Lihatlah kami manusia ciptaan tanganMu!
A; Amat banyak dosa yang kami perbuat sampai saat ini.
M; Mohon, Engkau mengampuni melalui kelahiran Yesus Kristus.
A; Agar kami memperoleh kehidupan yang kekal itu.
T; Tetap tinggal di dalam kebenaranMu.

H; Hari ini adalah hari yang membahagiakan bagi kami umatMu.

A; Anak-anakmu berkumpul di gereja ini.
R; Riuh terdengar nyanyian dan puji-pujian dikumandangkan
I; Itu semua bagiMu, Ya Tuhan Yesus.

N; Natal yang begitu kami nanti-nantikan.

A; Agar semua umat bersukacita karena kelahiran Yesus.
T; Tiap jiwa merindukan kedatanganNya dengan segera.
A; Amat bahagia hati kami sekarang, Ya Tuhan.
L; Lilin-lilin ini bagi kemuliaan namaMu.

Nyanyian pengiring:
Selamat hari Natal…selamat Hari Natal…
Selamat Hari Natal…dan Tahun Baru…
We wish you merry chrismast
We wish you merry chrismast
We wish you merry chrismast…and happy New Year…
 B. LITURGI PANOMPAON (HKI Cinta Damai)
Prolog: Ai pardengganbasa do Jahowa, ro di saleleng ni lelengna do asi ni rohana, jala
marsundutsundut do hasintonganna. Pardengganbasa do Jahowa di saluhutna, jala dilinggomi
asi ni rohana do jadijadianna sudena. Ibana manggulanggulangi di angka aek bilutna
parginjang; huretana do dibahen angka ombun i, mardalandalan do Ibana di atas habong ni
alogo. Ibana mambahen angka alogo surusuruanna, api na marjimburjimbur bahen
parhaladona. Nunga dipaojak Ibana tano on tu angka ojahanna i, asa unang lalolalo
salelenglelengna. Ibana patubuhon duhutduhut di pinahan dohot ingkau rata bahen parulian ni
jolma, laho paruarhon roti sian tano on. Ibana do mambahen haholomon, jadi tubu ma
borngin, disi ma gumamang saluhut binatang harangan; Singa na bajar, angka na patungaor
mangido sisoroonna jala mangalului sian Debata sipanganonnasida. Tole laut i na balga jala
na lambas, disi do rumamang angka gulokgulok na so habilangan, binatang angka na metmet
rap dohot angka na balga. Saluhutna marhite hata I do umbahen na manjadi.

Disada tingki, di botai ni ari rap hundul ma piga-piga halak natua-tua di terras ni bagas,
markombur istilahna si saonarion. Alai luarbiasa do kombur ni nasida on. Digabasan kombur
ni nasida pataridahon longang ni rohana mangida langit dohot portibion dohot angka na masa
na di portibion.
(Adong 3 ama-ama, 4 ina, 3 naposo bulung, jala 1 sintua)

Ama-ama 1, 2, 3: Marende BE. 569:1

“O Debata tung longang do rohangku, molo hubereng na tinompaMi
Saluhut bintang, hilap dohot ronggur, manghatindanghon hasangaponMi
Marende au Tuhan mamuji Ho, o Debata sangap do Ho
Marende au Tuhan mamuji Ho, o Debata sangap do Ho

Naposo Bulung: Amang.... tabo ende ni amang i ate, apalagi marsuara 1,2,3 halak opung
songon angka parende na terkenal i ma.

Ama 1: Ba ido antong nang pe nunga matua hami, anggo suara tetap oke do antong, semakin
tua, semakin menjadi....... menjadi berkat maksudna anakku.

Ama 2: Ido antong da, alai holan lagu ni buku ende do huboto hami, ate dangi lae??

Ama 3: Holan lae do marbuku ende anggo au lagu pop pe huboto do da.

Sintua : Bah songon na marpungu-pungu do hamu amang. Songon na tabo do pangkataion ni

halak amang.

Ama 1: Bah songon na ro amang, hundul ma amang......oma ni ucok buat jo kursi i jo, ro
amang sintua ta on.

Ina 1: Bah.... pahundul amang ma amang......(sambil menyodorkan kursi). Parkopi do amang,

manang tes manis.

Sintua: Kopi ma inang, alai ingkon kopi parjanji matogu i ma baen hamu inang.

Ina 1: Boi amang boi, paima amang ma dah asa hubaen

Sintua: Olo inang

(mangkatai ma naposo bulung)
Naposo bulung 2: Amang..... hea doba didongkon guru nami, “Debata do manompa langit
dohot tano on”.... boha do carana dibaen Debata i Amang???

Ama 2: Bah..... sungkun-sungkun mu hera pertanyaan.... alai jago do sungkun-sungkun mon,

singkola pandita ma ho haduan di Abdi Sabda Medan. Ndang i amang sintua?.

Sintua: Toho do i amang.... alai boasa ma disungkun ho songon i anggi?.

Naposo 2: ido opung sipata olo do bingung hami amang. Di 1 Musa 1:1 didok “Dimula-
dimulana ditompa Debata ma langit dohot tano on”. Baru holan mangkuling Debata gabe
manjadi ma sude, adong ma suan-suanan, dengke dohot angka lan na asing.

Naposo 3: Toho do na nidok ni lae on amang sipata bingung ma iba...

Naposo 1: Olo bah amang, na balga hian do Tuhan i makana boi dibaen portibi on?

Naposo 3: Imadah, haru pature jabu dang boi sae sadari, olo marbulan-bulan, on mambaen
portibion bahhhhhhhh dang binoto be leleng ni i da!! Ahhhh bingung do au di si bahhhh.
Antong bohado dibahen Debata manompa portibion??????

Ama 3: Ido memang molo ni pingkiran sipata, boha do naeng parjadi ni i. Olo dang porsea
iba, gabe songon tukang sulap.

(ro ma inang ni si ucok i manaruhon kopi ni amang Sintua i)

Ina 1: Nion kopi muna on da amang

Sintua: Olo inang bah, mauliate inang

Ina 1: Olo amang. Ai aha do di sungkun angka naposo on amang? Songon na serius huida
nakkin pembahasan muna amang

Sintua: Ido inang, disungkun imana nakkin tu lae on boha do dibaen Debata manompa angka
na di portibion.

Ama 1: ido inang, au pe tarsonggot tompu songoni di sungkun.

Ina 1: Bah denggan do sungkun-sungkun nai amang, patorang amang ma antong.

(tompu ro ma dua ina-ina tu inganan i, gabe dohot ma nasida makombur)

Ina 2, 3: Horas amang,

Ama 1: Bah horas inang, buat jo kursi i dua oma ni si uncok, nga ro angka eda mon.

Ina 1: Olo amang, hubuat ma jo dah

(Dung dibuat kursi i, disuru ma hundul nasida nadua)

Ina 2: ai songon na serius hamu na marcerita i amang, dohot muse nei angka na poso, aha
puang na dihatai hamu?
Ina 3: Imadah, dang biasana mangkatahatai serius songon on hamu amang, apalagi dohot
angka naposo.

Ama 3, Ido inang, ro angka naposo on tuson ala dibereng ra nakkin marende hami. Jei singkat
cerita, disungkun halaki tu hami boha do cara ni Debata manompa potibi on dohot angka na
adong diportibi on.

Ina 3: bah tutu, antong patorang amang ma antong, asa diboto angka naposo on.

Ama 3: Amanta si ucok on ma jo patorang hon inang, ate lae??

Ama 1: Oh boi lae, hu patorang ma jo saotik ate, alai nungnga um malo sintua on
patorangkon i annon. Molo Ari parjolo: ditompa ma natiur, jadi tiur ma tutu, paduahon:
ditompa ma hajangkajang parsirangan ni aek tu aek. Pas doi kan amang sintua?

Sintua: Pas doi amang

Ama 1: Lae on majo muse mangalanjuthon ate?

Ama 2: Boi lae Au pe huboto do i lae bege ma da, molo ari patoluhon ditompa Debata ma
duhut-duhut dohot suan-suanan. Dung i ari paopathon ima panondang ni hajangkajang;
mataniari, bulan dohot bintang.

Ama 3: Holan hamu ate, nang pe so huboto surat, alai huboto do patorangkon i alana rajin do
iba marminggu, ate amang sintua nami, nang pe holan ari natal iba ro. Bege ma da ari
palimahon ditompa Debata ma gulok-gulok, angka pidong na martonga-tonga ni langit,
dengke na balga. Dangi amang sintu?

Sintua: Pas amang pas

Ina 2: Bah hami pe diboto hami do bah, hami majo mangalanjuthon, ia ari paonomphon
dijadihon Debata ma bintang marsiboan massamna, dungkon i ditompa ma jolma na tumiru
rupa-Na, bawa dohot boru-boru nasida ditompa jala diullushon tu bagasan bungbung ni
igungna hosa hangoluan i, gabe martondi na mangolu jolma i.
Imaaaaaa,,, asa diboto hamu, apalagi hamu angka naposo i ingkon boto on muna do i.

Sintua: Ido, sintong do nanidok ni oppungmuna on anggi, jala dungkon i dipungka Debata
Jahowa ma sada porlak di Eden tartungkan habinsaran, jadi tusi ma dibahen jolma na
jinadihonna i.

Ama 1,2,3: Ido daba anakku alus ni sungkun2mi, porsea ma hita, anggo Debata Pargogo na
sohatudosan do, antong unduk jala somba ma hita tu Debata. Ingkon Pujiaonta do Debata ala
hasongkalanNa, dohot hagogoonNa, na manompa sian na so adong hian gabe adong.

Ina 2, 3: Pas amang, au pe ido na huhaporseai amang.

Ama 3: Nga lam golap ai bah, mulak ma hami jo da amang?

Ama 1: Oh olo amang bah

Ama 2: Hami pe mulak majo da amang

Ina 2,3 : Ido bah, hami pe mulak majo, asa dipareso jo angka dakdanak an di jabu.

Sintua: Olo bah, au pe mulak ma jo dah amang, inang

Ama 1, Ina 1: Olo amang

Sintua: Toe ma, beta ma hita.

 C. LITURGI II (HKI Merlung)
Prolog: Jadi dung mamungka lam torop jolma i, jala tubuan boru ma nasida. Lam deak
ma nang hajahaton ni jolma di tano on. Tabege ma barita taringot tu udut ni pardosaon ni
jolma i.
1. Sasintongna mansai uli do portibi on ditompa Debata. Dang adong na hurang. Alai
molo tabereng nuaeng, hira na mago do hinauli ni jadijadian ni Debata i. Aha do
ulaning mambahen i?

2. Hamu angka dongan, memang mansai uli jala singkop situtu do sude angka na
dijadihon Jahowa, jala naeng ma angka na nitompana mian di hasonangan rap
marparsaoran dohot Debata. Alai dia ma tahe, sai busisaon do sibolis molo
marhasonangan hita jala tonggi parsaoranta dohot Debata. Dibahen sibolis do ragam
dalan boha ma asa sega parsaoran na denggan i di jolma dohot Debata na Manompa i.
Antong sian dia do mula ni sibolis,

3. Sibolis i, ima surusuran na maralo dompak Debata. Surusuruan na tinompa ni Jahowa

alai ndang olo unduk di aturan na masa hombar tu na pinatikhon Debata. Diuhum
Debata do surusuruan i, jala dang dapot hasonangan be sibolis i ala mansai susa do
hadirionna nang pe sonang di hapataronna. Boto ma angka dongan, portibi on ima
ampuna ni Debata jala saluhut angka na tinompa ni Jahowa, Debatanta ingkon do
marguru tu Ibana saluhutna. Sude nunga diaturhon asa atur saluhutna. Alai molo na so
olo diatur jala mian di aturan i, nda tung dapot hasonangan disi.

4. Ninna sibolis I do tahe, ndang sihabiaran Debata, jala boi do jolma gabe sarupa dohot
Ibana. Na lam tarela do jolma I, alai lam marsigogo do ianggo sibolis lao pasauthon
lomona. Lam dao jolma sian Debata lam jonok ma tingki naso Manahan di angka
ruparupa ni haportibion.

5. Dirimpu parhunihan hape pargadongan, dirimpu parsaulian hape hamagoan. Ido na

masa tu jolma na parjolo i. Mansai tonggi angka elaela ni sibolis pangagoi i boha ma
asa diulahon jolma angka na maralo tu naung pinatikhon Jahowa tu nasida.
Dibagabahon Jahowa do hangoluan tu jolma i, alai hasonangan parsatongkinan na
dibagabagahon sibolis i do dihalomohon jolma i. Dangol nai ngolum i ale jolma.
Tumagon do hape hasonangan parsatongkinan na marhapatean tu hamagoan dohot
hamatean do dipillit ho sian hangoluan na sian Jahowa.

6. Oe……Mago ma tutu hinauli ni jadijadian ni Debata i ala gok dosa do jolma i. Dao
sian holong, holan hosom, late, pangiburuon, parbadaan, i do dipaulaula.

7. Di tongatonga ni na markeluarga pe jorbut do dosai. Ianakkon tu natuatua na

marbadai, na marhahamaranggi, mariboto tong marbadai, dang boi pajumpang. Didia
nama damei?

8. So holan i amang, bangso pe marporang maralohon bangso na asing, bahkan di

negaranta sandiri masibunuan do sama-sama hita, mambaen bom dohot teror, dohot
angka na asing.
9. Na jumorbut dope angka dongan, di huria pe tong tubu parsalisian. Nda sasintongan
huria do mamboan dame? Hape sama-sama ruasna pe olo marsoal. Aha ma
sidohononta?

10. Mate do jolma i dung dipangan parbue na dipatikhon Jahowa asa unang dipangan i?
Ido. Tutu do mate jolma i. Mate di partondion, mate di parsaoran na denggan i.
Dipalao do jolma i sian porlak na gok las ni roha, porlak na jumpang hadameon dohot
angka na denggan, so jo jadi masa disi angka iluilu; porlak na gok haulion na sian
Jahowa. Masuk ma jolma i tu porlak na gok hasusaan, gok iluilu dohot arsak; porlak
na masa parmusuon dohot parbadaan; porang, porlak na na di bagasna dang dapot
hasonangan ni roha dohot tondi. Godang elaela mangalehon hasonangan ni daging
alai hamagoan tu tondi.

11. Sai manumpak Ho ale Tuhan Jahowa, ai nunga manimbil sian dalanMu jolma na
diasianMi, angka jadi Jadianmu napinasahatMu tu jolmai, dang be diradoti. Marpatik
nadenggan do nian Ho ale Jahowa, alai Sumurut do pangalaho nasida.

12. Tung sange jala marroha mago do si Adam dohot si Hawa, ima jolma na tinompaMi.
Ndang adong sibahen na denggan nanggo sahalak sian nasida, marsidalian jala huhut
masipatudu hasintonganna be jala padao angka hasalaanna be.

13. Hata-hata marpangansi, dohot na mangalaosi patikMu, ale Jahowa, ima gabe mula ni
saluhut dosa. Humurang ma biar ni jolma I maradophon Debata, diela-ela sibolis ma
simalolong na, jala diaithon sahat tu na mangulahon, ima angka na hinasogohon ni
Debata.

14. Inganan hasonangan naung pinasahat ni Jahowa tu jolma, ima Porlak Eden na uli, na
gabe parmianan halambohon dohot hinatabo ni pardagingon. Alai mansadi do di
angka hinadenggan ni Debata. Hata getegete ma naro, ditondongma dalan naso ture
jala gabe madabu tu paruhuman ni Jahowa.

15. Ndang tarbahen be turak, ai nunga sorgok tagan ndang tarbahen be mulak, ai nunga
gok dosa mardalan. Nunga dibagasan dosa be jolma, alani naung tarlalap di angka
pingkiran dohot ulaon naso dihalomohon ni Debata, hinorhon nii, segama parsaoran
ni manisia dohot Tuhan Jahowa.

16. Parrimas do Debata, namangaluluhon hajahaton ni amana tu angka anakna, ro di sudut

patoluhon dohot paopathon angka namarsogo ni roha di Debata. Songoni do nang hata
na mandok: “Dakka ni hau tada-tada, manjomba tu bonana, hasalaan ni amana
mangonai tu anakna.

17. “Landit porhot, songon gota ni hapea, hansit ngot-ngot naung sangap gabe
marlea”Songoni do nang jolmai, nunga ditompa Debata hita tumiru rupaNa, jala
rupaNai ditiruhon tu jolma. Alai gabe marlea do jolamai, ala namangulahon dosa. Jala
sega ma bohi ni Debata naadong hian di jolmai.
 D. Liturgi III: Pardalananni dosa ni jolma (Pos PI Bukit Lago)
Prolog : Bibel, buku nabadia patoranghon tu saluhut halak na manjaha Bibel i. Lam marlaok
dosa do hape jolma i sahat tu tingkion.
1. Abraham, ompuni saluhut na porsea, dijou Debata ruar sian Ur-Kasdim, tano
hatubuanna i, manadinghon angka anggi ibotona, borhat tu tano nabinaga-bagahon
ni Debata tu ibana, ima sada tano na gok susu dohot situakni loba, alai dang di
boto ibana didia do anggo inganan ni i.

2. Alai alani haporseaon ni si Abraham na manottong tu Debata sitompa langit dohot

tano i, na manuru ibana ingkon laho, ndang manjua ibana disi. Laho do ibana
dohot dongan sajabuna mangoloi jou-jou ni Debata tu tano na dibaga-bagahon ni
Debata tu ibana. Mardongan haporseaon na polin do si Abraham dohot sude
donganna sa jabu mangadopi angka aha na naeng mangarongom ngolu ni nasida
dipardalananna saleleng ngoluna.

3. Dohot sude parsorion na mansai tung borat na diadopi ibana, na ingkon do ibana
mangoloi sasude pangidoan ni Debata, di lehon ibana do ianakkonna na sasada i si
Isak ima songon pelean si tutungon na hussus tu Debata. Ndang olo ibana manjua
aha na pinangido ni Debata tu ibana. Alai na di ida Debata do haiason niroha ni si
Abraham laho mamelehon ianakkonna na sasadai gabe dilehon Debata do sada
biru-biru na gabe songon singkat ni anakkonna i.

4. Abraham, Ishak, Jakob ima sundut pinompar ni Israel na sahat tu tano Misir,
habuangan i. Dipapungu do bangso Israel, ima bangso na pinillit ni Debata gabe
bangso niasianNa di liat portibion, ima di Misir, paima ro hagogogoon ni Debata
laho mamboan bangso i tu tano Kanaan nabinagabagahon ni Debata. Gabe
hatoban do bangso i, jala susa situtu do ngolu nasida. Alai taingotma na adong do
sangkap ni Debata saluhut angka namasa i.

5. Dang hohom Debata marnida bangsoNa i. Dibege Ibana do joujou ni bangso i jala
dipillit do si Musa gabe sada dalan ni Debata mamanghulingi bangso i. Si Musa
do manggomgomi bangso i jala mamboan bangso i haruar sian Misir.

6. Monang do tutu bangso i dibahen Debata ai nunga monang maralohon Misir.

Diparmudumudu Debata do bangso i diparhonsian i marhite sian Manna,
dihukhupi Debata do ombun di arian i jala dilehon panondang dibornginnai.

7. Goarna pe tahe jolma dang olo mandok nunga sae be i, sai holan namarungutungut
do laho mangalo Debata. Tarrimas Debata jala dipasusaehon do bangso na haruar
sian Misir i. Dipardalanan nasida dilehon Debata do Patik nasampulu i, ima patik
na so boi siosehononhon.

8. Dipataru Debata do bangso i tolhas tu tano Kanaan, ima tano napinarbaga ni

Debata sian mulana. Marporang do Debata Zebaoth maralohon angka musuNa
laho mambuat tano Kanaan sian angka bangso parbegu naung parjolo maringanan
di luat i.
9. Josua, naposoni Debata i do na mangalehon tano i tu pinompar ni Israel na
sampulu dua i hombar tu tona na pinasahat ni Debata tu ibana. Asa ganup bangso
ingkon maringanan di ganup tano na be.
 E. Liturgi IV: Drama Natal Kelahiran Tuhan Yesus Kristus
(Lukas 1 :26-38, Lukas 2 : 1-18, Matius 1 : 18-2 : 1-23)

Narator :
Prolog: Saut do napinarbaga ni Jahowa, Gabe daging ma Hata i jala maringan di tongatonga
ni hita on, ima Anak sasada na sian Ama i, gok asi ni roha dohot hasintongan. Alai dung
dapot gok ni tingkina, disuru Debata ma Anakna, tubu sian boruboru, ginomgoman ni patik i;
Ianggo hatutubu ni Jesus Kristus songon on do: Uju oroan ni si Josep i dope inana, si Maria i,
gabegabean do ibana sian Tondi Parbadia, andorang so masipadonohan dope nasida. Dung i
ro ma uju i parenta sian Kesar Augustus, ingkon suratan nasa jolma di gomgomanna.
Pamilangon parjolo ma i, uju digomgomi si Kirenius tano Siria. Jadi borhat ma sasude, asa
disurati, ganup tu bona ni pinasana.
Borhat ma nang si Josep, na sian Galilea, sian Nasaret, nangkok tu luat Judea, tu huta
ni si Daud, na margoar Betlehem, ala sian pomparan jala marga ni si Daud ibana, pasurathon
dirina rap dohot si Maria, oroanna i, naung gabegabean. Jadi di na disini nasida, gok ma ari ni
hangoluanna. Ditubuhon ma anak buhabajuna, diborhos ma, dipeakkon ma tu bagasan
panggagatan, ala so adong inganan na asing di parmianannasida.
Jadi adong ma marborngin di ladang na disini angka parmahan, mangingani
pinahannasida. Didapothon sada surusuruan ma nasida, jala marsinondang ma sangap ni
Tuhan i humaliang nasida, gabe mabiar situtu ma. Alai didok surusuruan i ma tu nasida:
Unang mabiar hamu; Ai barita halalas ni roha godang do huboan tu hamuna, parsaulian ni
sandok bangso i. Ai naung tubu do di hamu saborngin on, di huta ni si Daud, Sipalua i, i ma
Kristus, Tuhan i!

…………… PEMERAN “ MARIA” Masuk ke panggung

Narator :
Salpu onom bulan disuru Debata ma pardisurgo Gabriel tu Nasaret, i ma sada huta di luat
Galilea, manopot sada anak boru, oroan ni sada baoa na margoar Josep, na sian pomparan ni
si Daud; si Maria do goarna.

………. PEMERAN “ MALAIKAT “ Masuk Ke panggung ………

Narator ( pengisi suara Malaikat ) berkata :

Tabi di ho, na niasian! Didongani Tuhan i ma ho!

Narator :
Alai tarsongot do nasida umbege hata i, ninna rohana do, parsantabian dia do i ulaning?

Narator ( pengisi Suara Malaikat ) berkata :

Unang ho mabiar, ale Maria; ai dapotan asi ni roha do ho di Debata! Gabegabean ma ho,
tubuan anak ma ho; Jesus ma bahenonmu Goarna! Balga ma Ibana muse, goaron do Ibana
Anak ni Natumimbul i; lehonon ni Tuhan Debata do tu Ibana habangsa ni si Daud, amana i.
Rajaanna do pomparan ni si Jakkob salelenglelengna, jala ndang marhaujungan harajaonna i.
Asa saut ma angka na nidokkon ni Debata marhite angka panurirangNa.

Narator ( pengisi suara Maria ), berkata :

Songon dia ma pangalaho ni i, ai so adong hutanda baoa?.
Narator ( pengisi suara Malaikat), berkata :
Songgopan ni Tondi Parbadia ma ho jala linggoman ni hagogoon ni Natumimbul i do
ho; ala ni i na badia do dohonon na tubu i, Anak ni Debata. Ai ndang adong na so
tarpatupa Debata.

Narator ( pengisi suara Maria ), berkata :

Naposo ni Tuhan i do ahu. Sai saut ma tu ahu songon na nidokmi!

……………….Lalu MALAIKAT KELUAR DARI PANGGUNG .

……………… TAK LAMA MALAIKAT KELUAR PANGGUNG, Maria menyusul

keluar dari panggung

…………………YUSUF Masuk panggung Sendirian………..

(Yusuf berjalan masuk panggung sedih, merenung, bingung )

Narator :
Dung diboto si Jusus si Maria nunga gabegabean, Uju oroan ni si Josep i dope inana, si Maria
i, gabegabean do ibana sian Tondi Parbadia, andorang so masipadonohan dope nasida. Ala
parroha na bonar si Josep, na mangoro si Maria, ndang adong rohana paurakkon nasida, gabe
ditahi rohana nama, naeng sirangkononna songon i. Alai di na songon i dope tahi ni rohana,
diida ma di nipina surusuruan ni Tuhan i, na mandok tu ibana ….

PEMERAN MALAIKAT ………… Memasuki panggung lagi, lalu menjumpai Yusuf.

Narator ( pengisi suara Malaikat ), berkata :

O Josep, anak ni si Daud, unang alang roham mangalap si Maria, gabe donganmu saripe
muse, ai na sian Tondi Parbadia do na naeng tubu di ibana.Tumubuhon Anak ma ibana; Jesus
do Goarna, bahenonmu, ai paluaonna do bangsona sian angka dosanasida be. Masa pe sudena
i, asa jumpang na hinatahon ni Tuhan i marhite sian panurirangNa.

Narator :
Jadi dung tarsunggul si Josep, dioloi ma hata ni surusuruan ni Tuhan i: Saut ma dialap na
niolina i.

…………PEMERAN YUSUF …. Keluar dari panggung.

…………PEMERAN YUSUF DAN MARIA…. Berjalan memasuki panggung berdua,

terlihat hubungan mereka terlihat sangat rukun.

Narator :
Nuaeng diboto si Maria dohot si Josepma ia poso-poso nadibortian ni si Maria i sian Tondi
Porbadia do, ima poso-poso i na gabe Sipalua.
Dijaga nasida ma poso-poso na dibortian ni si Maria i, jala dioli si Josep ma si Maria.

Narator :
Dung i ro ma uju i parenta sian Kesar Augustus, ingkon suratan nasa jolma di gomgomanna.
Pamilangon parjolo ma i, uju digomgomi si Kirenius tano Siria. Jadi borhat ma sasude, asa
disurati, ganup tu bona ni pinasana. Borhat ma nang si Josep, na sian Galilea, sian Nasaret,
nangkok tu luat Judea, tu huta ni si Daud, na margoar Betlehem, ala sian pomparan jala
marga ni si Daud ibana, pasurathon dirina rap dohot si Maria, oroanna i, naung gabegabean.
Jadi di na disini nasida, gok ma ari ni hangoluanna.

Pemeran MARIA & YUSUF memasuki panggung berjalan.

……. MARIA & YUSUF ….. tetap berjalan di panggung …………

Narator :
Sahat ma si Maria dohot si Josep di Betlehem, Alai nga tarlambat nasida. Nga golap ari, jala
nga lam loja nasida, hinorhon muse nunga 9 bulan be si Maria mengandung. Dilului nasida
ma inganan laho marborngin. Ditopoti nasida ma angka penginapan i sada par sada.

Di ketok si Jusuf ma angka tempat penginapan si sada sada atik adong dope inganan laho
modom.

Alai nga gok be sude angka inganan nasida laho maradi ala di ari i nga gok halak na ro sian
penjuru Roma tu Betlehem laho dohot di surati. Alai ndang gabe putus asa nasida mangaluli
inganan laho marborngin nang pe ujungna ndang adong dapot nasida age sada kamar na
kosong. Nunga sude be kamar marisi, holan handang ni biru-biru na kosong do na adong.
Alana nunga loja hian, gabe dihandang i ma nasida modom, nangpe sasintongna ndang layak.

PEMERAN …MARIA & YUSUF menuju ke kamdang domba dan beristirahat …..,
Yusuf tetap terjaga dan memperhatikan Maria

Narator :
Di tonga ni hahomion ni borngin i, di sada handang ni birubiru ingan ni si Maria dohot si
Jusuf maradi, gok ma tingkina asa sorang Jesus sian bortian ni Si Maria jala tarbegema soara
ni posoposo na baru tubu tangis … “Oek….. Oek…..Oek,…...

Ibana ma Jesus Sipalua i na pinaimaima i, nunga be tubu tu portibion. diborhos ma,

dipeakkon ma tu bagasan panggagatan, ala so adong inganan na asing di parmianannasida.
Mansai las ma roha nasida jala laos di somba ma Ibana.

…………… PARA GEMBALA ………….. mendekat Panggung, naik di pinggir

panggung…

Narator :
Jadi adong ma marborngin di ladang na disini angka parmahan, mangingani pinahannasida.
Jadi didapothon sada surusuruan ma nasida, jala marsinondang ma sangap ni Tuhan i
humaliang nasida, gabe mabiar situtu ma.

…………… MALAIKAT … Masuk panggung, ….

Narator ( pengisi suara MALAIKAT ), Berkata :

Unang mabiar hamu; ai barita halalas ni roha godang do huboan tu hamuna, parsaulian ni
sandok bangso i. Ai naung tubu do di hamu saborngin on, di huta ni si Daud, Sipalua i, i ma
Kristus, Tuhan i! On ma partinandaan di hamu: Posoposo do dapotonmuna, na binorhos peak
di panggagatan.
Narator ( pengisi suara GEMBALA ) : “Hasangapon ma di Debata di ginjang, dame ma
di tano on, di angka jolma halomoan i.”

……. Salah satu gembala berkata : Beta ma hita tu Betlehem, taida ma na masa on, na
pinabotohon ni Tuhan i tu hita!

……(PARA GEMBALA PUN PERGI mencari sang Juru Selamat) , …..

….setelah naik ke panggung berputar, pemeran Gembala melihat bayi Yesus di

palungan
…..lalu berkata:

Narator ( pengisi suara GEMBALA ) :

“Hasangapon ma di Debata di ginjang, Hasangapon ma di Jesus, Sipalua hami”

“Tabi ma di hamu Maria dohot Josep, mansai las do rohanami nunga ro Debata dibagasan
Jesus, na lao Paluahon hita saluhutna sian dosa. “Tung las do roha nami marnida Mesias
Sipalua i”
“Mauliate ma di hamu, uduton nami ma muse ulaon nami. Hasangapon ma di Debata. Dame
ma di hita.

GEMBALA …. Meninggalkan panggung, sambil berteriak memberitakan kabar

kesukaan: “Puji Tuhan , Kristus telah datang, sang Juru selamt telah lahir ke bumi,
terpujilah namaNya kekal selamanya !”

Narator :
Asa dung tubu Jesus di huta Betlehem, di luat Judea, uju hinarajahon ni si Herodes, ro ma
angka parhapistaran sian purba tu huta Jerusalem, angka ninna ma: Didia do Raja na imbaru
tubu i? Naung huida hami do bintangna di tano habinsaran; ala ni i ro do hami sumomba
Ibana! Alai disi dibege raja Herodes hata i, tarsonggot ma ibana ro di sude pangisi ni huta
Jerusalem. Jadi dipapungu ma angka sintua ni malim ro di sibotosurat ni bangso i, dipamanat
ma tu nasida huta hatubuan ni Kristus i. Jadi didok nasida ma tu ibana: Huta Betlehem na di
luat Judea do, ai songon on do pandok ni panurirang i: “Ia ho, huta Betlehem, apala tung na
ummetmet ho di tongatonga ni angka huta na di luat Judea, ai ho do huta haroroan ni Raja i,
na marmahan Israel, bangsongki!” Dung i marhusip ma si Herodes manjou angka
parhapistaran i tu jolona disihirsihiri ma tu nasida lelengna, dung tarida bintang i.
Dung i disuru ma nasida tu huta Betlehem, ninna ma: Laho ma hamu, tangkas ma diori hamu
Dakdanak i! Ia dung jumpang, paboa hamu ma tu ahu, asa dohot ahu ro marsomba tu Ibana.
Asa dung dibege nasida hata ni raja i, laho ma nasida. Anggo bintang i, naung niidanasida
hian di tano habinsaran i, sai di ginjangnasida do muse, rasirasa sahat tingkos di ginjang ni
inganan ni Dakdanak i. Marnida bintang i, mansai las situtu ma rohanasida.

Akhirnya Orang majus menemukan bayi Yesus, …

Narator ( Pengisi Suara Orang Majus ) :

Hasangapon ma di Tuhan Jesus
“Tabi ma dihamu ale Maria doho ho Josep. Mariaia do roha nami dung di ida hami
Jesus Sipalua hita sian dosa.
….. Beberapa saat kemudian orang MAJUS memberikan persembahan bagi Sang Juru
Selamat, yaitu : Mas, Mur dan Kemenyan “

Narator :
Dung i ro ma tona ni Debata marhite sian nipinasida, unang pola mulak be tumopot si
Herodes; jadi sian dalan na asing nama nasida mulak tu luatnasida. Asa dung laho nasida, ro
ma surusuruan ni Tuhan i, diida si Josep di nipina, na mandok tu ibana: Hehe ma ho, boan ma
Dakdanak i rap dohot inana i, maporus ma hamu tu tano Misir; disi ma hamu jolo, paima ro
muse hatangku, ai na naeng luluan ni si Herodes do Dakdanak i, asa bunuonna.

Narator ( Pengisi Suara Orang Majus ) :

Paloas ma hami lao, jala hamu pe boan hamu ma Jesus i sian on.

(… Orang Majus pun pergi …. )

Narator :
Jadi hehe ma ibana, diboan ma Dakdanak i rap dohot inana borngin i, maporus tu tano Misir.
Laos disi ma nasida, paima mate si Herodes, asa jumpang na nidok ni Tuhan i marhite sian
panurirangna na mandok: “Sian Misir do hujou Anakki!”.

………………selesai ………………….

Keterangan :

Jumlah Pemain : ………………………………………………

1. Pembaca Narator : ……………………………………………..

2. Pemeran Maria
3. Pemeran Yusuf
4. Pemeran Malaikat
5. Pemeran Gembala (3 orang)
6. Pemeran Orang Majus (3 orang)
: …………………………………………….
: …………………………………………….
: ……………………………………………
: ……………………………………………
: ……………………………………………
F. Liturgi V: Joujou asa marhamubaon ni roha tu Debata (HKI Sp. Rambutan)

1. Nunga rap hita mambege angka dongan taringot haroro ni Sipalua i, ima Immanuel.
Alai boha do partording ni masa angka dongan? Na tubu do Sipalua i di bagas ni na
gok hamoraon manang sian ripe na gok arta?

2. Nda tung di bagasan parripeon na mora manang sian keluarga na harajaon ibana tubu
angka dongan. Alai ro do ibana dibagasan haserepon. Tubu sian sada na marbaju na
margoar si Maria, naung gabegabean sian Tondi Parbadia.

3. Di joloM ale Tuhan, ngolunami on songon alogo namangullus do. Alai nunga arga
hami ditobus Ho. Ai ndang huharingkothon hami mamangke pasupasu na nilehonMu
laho mambahen hadameon di portibion. Olo do hami ndang parduli laho mamaritahon
hataM. Asi ma roham di hami, ale Tuhan!

4. Di tingki masa hasusaan tu dongan, ndang ro hami mangalehon pangurupion. Di

tingki adong dongan na digosagosa, ndang di si hami mangalehon hatoguon. Olo do
hami marsombusombu marnida hasusaan ni angka dongan. Alai sai di asi i Tuhan do
pe hami, asi ma roham di hami

5. Natarsolsol bagi do hami Tuhan..! Nunga jotjot hape hami ndang marnida aha na
porlu di dongannami. Holan manghatahon do diboto hami alai ndang diulahon hami
angka nadumenggan tu angka dongan. Lehonma gogo tu hami Tuhan asa unang
madabu muse hami tu hadosaon nasailaon.

6. Lam martumbur do tahe hosom ni roha di hami, ndang boi be hami patuduhon holong
i. Tung mansai maol situtu do roha laho manjalo angka hata na denggan sian dongan.
Sai jumotjotan do hami mamereng hahurangan ni dongan sian halobianna.

7. Toho do tutu ale Tuhan.., nunga marlaok dosa hami!Nunga lonong be hami di sinamot
na adong di hami, gabe ndang huharingkothon hami be panjouonMu di hami. Sai
jotjot do hami mangajari sian na pataridahon pangajarion na sian Ho.

8. Oe manisia…, bege hamuma barita las ni roha on. Debata do na manangihon sandok
angka tangiang. Ibana do na mangurupi jala na pasauthon aha na tapangido marhite
tangiangta na marsitutu. Debata do na manangihon joujou ni angka na porsea, na sai
tongtong mapangkirimon tu Debata.

9. Dungo ma ho! Pagalak ma palito ni Kristus i di bagasan roham, ai nunga ro be

sinondang ni Kristus i. Jala hamuliaon ni Debata binsar di atasmu. Doras ma ho
marlojong…, pajonok ma tu Ibana naung manuktuk roham.

10. Marhite haroroni Sipalua, ndang adong be di hita pamilliton na asing. Ingkon mulak
do hita, tapauba rohanta, tatadingkon ma pangalahonta na so ture nasailaon, jala rade
mangihuthon parngoluon na imbaru na pinatuduhon ni Kristus.
11. Ima ingkon masihaholongan, masiurupan, gabe angka pangula Hata ni Debata, ndada
holan pananginangi. Ulahonma sian nasa roham dohot gogom. Ai tung mansai godang
do angka donganta sahaporseaon na mangido pangurupion sian hita. Tibuma ulahon!