LITURGI

I. HINAJENGES NI TINOMPA NI NAIBATA

L.I
Piga ribu tahun na salpu domma itompa Naibata langit pakon tanoh on, laut ampa sagala pangisini,
Prolog: arian pakon borngin na sai tong pagantih soluk. Marmasam-masam suan-suanan sonai ampa
binatang. Sonai do homa musim na margantih soluk. Itompa homa jolma na gabe wakil ni Naibata
laho manrajai ganup na tinompa-Ni in. Jenges janah dear do ganupan itompa.
LI.1 Peristiwa panompaon domma dokah terjadi, ronsi sonari tinompa ni Naibata totap do ibagas
panramotion-Ni. Siang pakon golap torus pagantih soluk, sonai homa age musim. Haganupan in
patubuh tenger ni uhurta paboa Naibata lang marnasoh mangatur pargoluhan ni jolma i tanoh on.
LI.2 Sintong do hata ai! Ahu sandiri pe domma mangahapkon paboa tongtong do Naibata marmuduhon
ganup na tinompa-Ni, sonai homa goluhku pakon keluargangku, porini pe buei hamaholon na
idompakkon hanami, totap do semangat, halani ibere do hajorgiton anjaha horas-horas, aima halani
na iparmudu-mudu Naibata.

LI.3 Memang anggo na bilang-bilangi, na madear do tong ibahen Naibata janah sidearan do ibere
hubanta sadokah on. Ibere suan-suanan sipanganonta, ibere do bah na gabe inumonta, ibere do
panondang, ibere do mataniari, bulan pakon bintang. Jenges ni in tinompa-Mu in Tuhan. Tarima
kasih ma Bamu.

LI.4 Bulan Desember on aima bulan na parpudi ibagas tahun on. Domma satahun hape iuduti Naibata
goluhta. Na dingat ope panorang na salpu sonaha maholni mansarihon na porlu bani goluh, sonai
homa mamingkirhon na masa pakon haporluan ni niombah. Hape lang ipaturut Naibata magou hita
halani na masa ai, buei do dalan ipatuduh Naibata mangurupi hita.

LI.5 Bani mulani itompa Naibata do langit pakon tanoh on, Naibata manompa sonin jenges anjaha dear
domu hubani harosuhni. Ipapansing, igoki janah ipasu-pasu haganup na tinompaNi na dob dear in.

LI.6 Sonin ma jenges anjaha gok sangapni jolma itompa Naibata, itompa jolma in doskon rupaNi. Dear
do parsaoran ni jolma pakon Naibata. Tapi halani na ituruti jolma in hisap-hisap ni dagingni janah
ra manangar hata ni sibolis laho manlanggar hata ni Tuhan na dob ipadas hubani sidea, gabe
manggila ma Naibata hubani jolma in.

LI.7 Itompa Naibata do langit, laut, tanoh, suan-suanan, mataniari, bulan, bintang ampa binatang. Anggo
mangkawah dompak langit na gijang ai, tubuh ma ibagas pingkiran, aih dear, jenges, jagiahni in
ganupan na tinompa ni Naibata.

LI.8 Sonin ma dear janah jenges ni na tinompa in, iondoskon Naibata do hubani jolma in tugas laho
manjaga ganupan na tinompa in. Hita ma manjaga ganupan na adong i tanoh on laho manjaga ase
ulang maseda. Ase totap atur, banjei, dear, jenges ase taridah pambahenan ni Tuhan na banggal in.

LI.9 Tonggor ma poltak do mataniari bai sogod ni ari. Ganup binatang na manjulur, sonai homa manuk
manuk marmogah-mogah do sidea bai sogod in. Namur matektek bai sogod ni ari. Jagiah ni in jadi
jadianni Naibata.

LI.10 Ampar do hajengeson in. Omei gorsing tokka ma sabion bahen panganon ni jolma. Sonai homa age
bah mardalan, manggoluh buei tumang masam ni ikan bahen panganon ni jolma. Hatahononta do
diatei tupa pasal haganupan in.

LI.11 Jumpah hita do totap ari na baru, bulan na baru, sonai age tahun margantih tahun. Ibotoh hita ma
bahasa lambin magodang do haganup umur ni jolma. Halani ai botoh hita ma tongtong mamilangi
ari-ari ni goluhta.

LI.12 Bah banggal manjaliri sabah, buei tumang ihan, sonai homa harangan namaratah. Alogou
namarombus, borgoh tumang. Sehat angkula. Sonin ma talup hatahononta diatei tupa bai haganupan
tinompa ni Tuhan in.

1
II. PANGKORHON NI DOUSA / PASAL DOUSA
LII.1 Sadar do hita pasal dousa na lambin manrarat ai. Sanggah marsungkun Tuhan hubani si Kain, ija
anggimu? Balos ni si Kain, ”Lang hubotoh, ai ahu manjagasi? Naha anggo nuan on marsungkun
Tuhan hubanta ija do ham nuan on? Aha do na ihorjahon ham? Mase sonin goluhmu? Bapa, Ija
inang sinrumahmu? Bapa, ija do niombahmu mase lang iajari ham sidea pasal hatangKu? Mase lang
boi ham gabe siirikkonon bani inang sinrumahmu pakon gabe siusihan bani niombahmu? Antigan
do ham marubah bapa? Atigan do lambin roh dearni goluhmu pakon goluh ni keluargamu? Aha ma
balosta bani sungkun-sungkun on? Balosi hita ma bani uhurta bei, tarlobih bani na boi riap
martumpu hita panorang on bani pesta natal hadomuan Seksi Bapa pakon Seksi Wanita i kurianta
on.

LII.2 Damei na ibere Tuhan lang be taridah. Bangsa-bangsa puho laho markuasa i tanoh on. Adong uhur
na lang ra puas bani diri ni jolma, hasurakahan domma lambin marajalela ampa manrarat.

LII.3 Hansi pe domma tarbukti salah janah memberontak jolma in bani hata ni Tuhan, hape lambin
marsisalahkonon do jolma in, pasintongkon diri ni sandiri. Mahol do jolma in mangakui
pambahenanni na lepak. Rahanan do mansalahkon halak na legan. Jangin ni in goluhni jolma on.

LII.4 Aha na isuan ham ai do na isabi ham. Aha na ihorjahon ham ningon ijalo ham do konsekuensi ni
buah ni horjanmu ai, atap na madear atap na lang dear pe ai. Jolma na dob manlawan dompak
Naibata, daoh ma humbani hasangapon ni Naibata.

LII.5 Iusir Naibata do jolma in hun taman Eden. Halojaon, hasunsahan, naborit ampa sitaronon na legan,
ai do use gabe ulih ni jolma in sadokah i tanoh on ronsi das ia hubani na mulak gabe orbuk.

LII.6 Lambin roh bueini jolma lambin roh bueini ma dousa. Humbani ginompar ni si Adam aima si Kain
na mangkorjahon bagei dousa. Age das bani panorang on buei do sifat ampa karakter ni dousa ai
bani diri ni jolma in.

LII.7 Anggo iidah hita na masa sonari on, tiap-tiap ari sai adong do jolma na mangkorjahon hajahaton,
marlaku ma horja odoh-odoh janah lang maila be halak mandalankon ai. Halani ai marjuang ma
halak laho maluah humbani odoh-odoh, anggo boi mangodohkon ma use sidea, ganup cara
ihorjahon, rosuh mangoto-otoi, seng jujur asal ma maluah humbani odoh-odoh ai.

LII.8 Uhum lang be ipardiateihon. Dong do use anggapan na mangkatahon “uhum adong laho ilanggar”.
Lang adong be moral! Hakuasaon, surakah, lang parduli bani pargoluhan.

LII.9 Tapi Bai pargoluhan nami siganup ari. Gati do hanami manlembang humbani dalan-Mu in, hisap
hisap ni daging nami sandiri isuhuni hanami. Marsahap do Ham bai panggora ni uhurnami tapi gati
lang itangar hanami. Dob ni goluh nami lang songon naisura hon Ham Tuhan.

LII.10 Bapa, sasap Ham ma dousa dousanami. Sihol do uhur nami ase Ham ma na manopa hanami domu
hubani harosuh ni uhur-Mu. Tapi Tuhan, mahol do dalanon nami in. Lang marhasabaron hanami
borit do pangahap nami sipata anggo mandalankon namadear halani bahat do tantangan
mandalankon in. Ajari Ham ma hanami Tuhan, ase songon hata-Mu namangkatahon: Martuah ma
halak namanangar hata ni Naibata anjaha Namamparimbagashonsi.Dapotan malas ni uhur ma
tongon hanami Tuhan. Bai namandalankon rosuh ni uhur-Mu.

LII.11 Songon panopa pisou, Dob honsi itutung bosi ai, ipog pog. Dob ai itutung use, dob ai ipogpogi ase
gabe pisou sipakeion. Sonai ma hasabaron nami Tuhan mandompakhon goluh on marhasabaron
bahen lambin roh dear ni pargoluhan nami. Janah marguna gabe namaharga ilobei lobeiMU

LII.12 Bapa, tolong Ham ma hanami Tuhan ase anggo adong pe nakoras paruhuran nami, marondos
hanami Bamu Tuhan, ase Ham ma namanopa hanami ase songon nahinarosuhkon Mu pargoluhan
nami.
LII.13 Bapa, Tuhan nami Bahen Ham ma hanami si pambalosi bani hataMU Janah tarbuka pikkiran nami
age haporsayaon nami pitah mambalosi Ham.

LII.14 Ajari Hamma hanami ase ra martoruh ni uhur huBamu na ra marlajar, na ra manangihon ronsi
mangkorjahon hataMU, anggo pe domma sompat maseda Tuhan, ra do hanami topaon-Mu use.

2
III. BIAK-BIAK BANI DIRI NI JOLMA (Ifragmenkon domu hubani sifat parlahouni: tiap biak ibahen
selempang bani peserta)

LIII.1 (Magigi) Magigi, magigi…. Magigi tumang au sonarion. Magigi au mangidah ia, mangidah sidea,
magigi tumang au. On ma biak ni jolma gati tubuh bani uhur ni jolma in, otik-otik magigi.
Mangidah halak jenges magigi, mangidah halak sukses magigi, mangidah halak maju magigi. Tapi
malas tumang do uhurhu halani bahat ibagas uhur ni jolma in au, hahahaha

LIII.2 (Marah) Ehh magigi…..sip ma ham. Seng ham sibahatan iharosuhkon buei halak. Salah do ham ai,
au do sihebatan. Au do sibahatan na iharosuhkon jolma. Anggo ham pitah bani halak na dob
dewasa do marosuh bam. Tapi anggo biak marah, ganup halak ongga do marah: humbani
dakdanak, das hubani na matua. Halani ai humbani haetekon nari domma dong marah ibagas uhur
ni jolma in, dakdanak anggo lang ibere sipangindoanni marah. Apalagi ma halak na dewasa urah-
urah ma marah. Tarlobih bani dirini bapa-bapa, urah-urah do marah, sanggah ipardalanan marah,
sanggah i kodei marah, sanggah i parhorjaon marah, apalagi sanggah i rumah marah ma torus
horjani hubani inang age hubani niombah. Jadi hebat do au, boi halani marah lang dear be
parsaoran ni jolma in. Halani ai au do sibahatan ibagas uhur ni jolma.

LIII.3 (Malas ni uhur) Lalalala… (mandoding marsiul-siul) Hah?? Aih jenges ni ianan on. Adong pohon
natal na jenges, lampu ni kerlap-kerlip, buei homa ibahen bunga-bunga i lambungni. Boi ope homa
marhosah, manghirup oksigen gratis lang mamboli, bebas hmhmhmm (paluarhon sora marhosah).
Ahu aima malas ni uhur. Dunia on dear janah jenges tumang anggo ganup halak boi marmalas ni
uhur. Tapi sayang tumang, halani buei halak lupa marmalas ni uhur halani keadaan. Halani situasi
on lang boi marmalas ni uhur, bani panorang Natal on buei sibolion, arga ni pe mahal-mahal hape
pandapotan lang tambah. Mahol ma marmalas ni uhur anjaha bohi pe kurleh ma, lang semangat
songon hulitni jeruk purut. Tapi anggo marianan malas ni uhur bani uhur ni jolma in, hadapi semua
dengan senyum. Halani adong do Tuhan na manramotkon pakon pasirsirhon na porlu banta.

LIII.4 (Toruh ni uhur) Sintong do ham malas ni uhur. Anggo boi jolma in martarimakasih bani ganup na
jinaloni ampa bagei ni pasu-pasu na humbani Tuhan, pasti urah do jolma in martarimakasih anjaha
mamuji Tuhan. Sintong do ai, marlegan-legan halak legan do panjaloni, tapi bani Tuhan sarupa do
ganupan hita aima halak niidopanNi. Bani Tuhan lang adong na gijang lang adong na toruh, lang
adong na sangap lang adong na musil, ihargahon do ganup na tinompa anjaha na pinaluahNi. Dos
do ganupan jolma in mangarapkon idop ni uhur ampa pasu-pasu humbani Tuhan. Halani ai lang
adong na boi enjengkonon ni jolma in. Halani ai totap malas uhur, anjaha lambin tambah ari,
tambah pasu-pasu ni Tuhan, anjaha lambin tambah ma toruh ni uhur.

LIII.5 Munafik) Aaah lang pala buei tu sahapmu ambia, halani i dunia on jarang do songon ho ai, porini
adong pe lang bahat atap ra pitah pura-pura do hansa ai songon au. Au do na gati ibaen halak
songon pajangan, ipalemes-lemes bani pardarat, au ma munafik alias muka nabi pikkiran legan-
legan. Rugi ma ge anggo dong duit lang ipadear-dear pardarat, pamakei diri kan porlu ipamerkon
ai halani uhur ibagas lang adong na mambotoh ai. Jadi anggo i tanoh on gatinan pe halak pura-pura
bujur, ase ipuji, isanjung. Jadi au aima si munafik na buei ipakei jolma.

LIII.6 (Parladung) Eak, sintong do ham ai munafik, jolma sonari bahat do na munafik tarlobih ma laho
pasintong dirini. Tapi ningon ibotoh ham do paboa pura ampa kemunafikan ai roh humbangku do,
aima parladung. Namatoras pe ra do marladung apalagi ma niombah. Pokokni ladung bahat
tumang ipakei jolma in, janah rosuh do jolma in marladung. Jadi ahu do na bahat iharosuhkon
jolma in.

LIII.7 (Hasabaron) Ah, lang homa. Anggo ipardiatei ham buei ope halak na adong ibagas uhurni
hasabaron, ai ma au. Songon orangtua na sabar mangajari ampa mansarihon na porlu bani
niombahni humbani haetek-etekonnari ase ulang tubuh sifat marah, munafik, ladung ibagas dirini.
Bahat do orangtua, bapa age inang na lang tarpodom laho mamingkirkon niombahni. Sonai do
homa age guru sikolah minggu, ibagas hasabaron do sidea laho mangajari dakdanak in bani hata ni
Tuhan hansi pe adong na ribut, nakal janah jungkat sipata seng tarajari. Jadi ulang marladung ham
parladung, dong pe au na ibagas hasabaron.

3
LIII.8 (Panrisai) Aha nimu? Ai ma anggo sabar goranmu da. Husungkun ma lobei ham, piga halak ma
gatni na sabar bani nuan on? Paling boi ietong jajari. Age sonaha sabar ni halak anggo ibagas
uhurni manrisai do tong. Sintong do ai adong pe orangtua ampa guru sikolah minggu na lang
manrisai ibagas uhurni? Ulang salah ham ge, dakdanak na etek-etek pe doma ibotoh manrisai. Jadi
ahu do si sintongan panrisai.

LIII.9 Domdom) Stop, stop lang ibotoh nasiam na maila, ganup nasiam mangahap sihebatan. Iidah
nasiam janah sungkun nasiam lobei halak na dob mardamei pe tong do adong ope domdom ibagas
uhurni. Nini do mangkatahon, “memang domma marsimaafan hanami tapi dong pe tading domdom
ai ibagas uhurhu, atigan lang hubalas ai”. Jadi gara ope domdom ai bani uhurhu. Jadi sifat
mardomdom bahat ope i dunia on.

LIII.10 (Putus asa) Aiih, aih, nasiam on buei tu sahap dassa nasiam. Au boi mambahen jolma hancur,
maropuk bahkan boi gabe bunuh diri. Kan ibotoh hita do, paboa jolma in lang adong na siap gagal,
padahal kegagalan aima bagian ni pargoluhan ni jolma. Bahat halak anggo roh paruntolon mintor
putus asa. Gagal dapot horja, gagal bani cinta tor putus asa, otik-otik putus asa. Age lang pala ahu
na gabe sibahatan bani diri jolma in. Tapi au do sihebatan, halani anggo lang ijaga jolma in uhur
ampa haporsayaonni urah-urah ma putus asa.

LIII.11 (Holong: roh nanget-nanget tenang). Lang dong na porlu hupamerkon kawan. Huahap gagal do ahu
laho mamparjuangkon ampa pabueihon holong. Age torih hita sonari on buei ma halak Kristen na
maila mandalankon holong. Hape ajaran na tang sibanggalan aima holong. Tapi buei do halak
Kristen maila, mabiar ihata halak, iagan halak holi na marpura-pura gabe munafik. Hape ia pe
sangsi ope bani na idalankonni halani lang humbani borsih ni uhurni mandalankon holong ai, hape
parlobei do hita manjalo holong na banggal humbani Tuhan in marhitei Natal na ipestahon hita
bani nuan on. Hape anggo lambin tambah na mandalankon holong, lang adong be halak na tangis
tariluh, lang adong parsalisihan, partinggilan, parmunsuhan ampa porang. Tuhan Jesus roh hu
dunia on pitah halani holong ni hubani jolma in do, andohar ma lambin bueini halak na
mangahapkon holong anjaha mandalankon holong bani goluhni.

4
IV. PAUBAH UHUR GABE PARHOLONG

LIV.1 Memang mahol do jolma in manlawan na jahat in, tapi halani holong ni Tuhan na banggal in
maluah ma jolma in humbani sagala hajahaton. Halani ai sihol ma namin ase gabe parholong hita
songon Tuhan parholong in. Sirsir do hita gabe parholong ni uhur?

LIV.2 Naha tongon bapa inang hita ganup na martumpu panorang on. Ra do ham manjalo Sipaluah in? Ra
do hita mangauhon holong ni Tuhan in ibagas goluhta, uhurta, rumahta pakon tumpuanta?

LIV.3 Anggo ra do hita manjalo holong ni uhur ni Tuhan marhitei Pesta Natal on, ambungkon hita ma
ganup uhur na lang madear, parsimburuon, marah, munafik, domdom humbani pargoluhanta.

LIV.4 Ulang be adong hun tongah-tongah ni kuria in na marsihata-hataan, paetekkon hasoman ase
banggal dirini, gabe soya do ganup na dear na idalankon hita anggo lang adong holong bani goluhta
on.

LIV.5 Sarupa na mamunuh halak do anggo idomdomi hita hasomanta, janah botoh hita ma paboa lang
anjai parsimada bani harajaon na sadokah ni dokahni in halak na mamunuh hasomanni.

LIV.6 Hunjon do taridah holong ni uhur in: Aima humbani Ia na mangondoskon hosahNi mangkopkop
hita. Hita pe bere hita ma goluhta on laho mangkopkop hasomanta.

LIV.7 Nasiam hasoman, ulang ma hatanta pakon dilahta mangkaholongi, sihol ma marhitei-hitei
pambahenanta pakon hasintongan.

LIV.8 TUHAN, Naibata Nami, buei do sibere bereMu bani jolma manisia. Tapi, adong do Natang
pambereMU hubannami, ibere Ham do AnakMU. Ham do na dob mambere AnakMU hubannami,
halani na ihaholongi HAM do hanami haganupan Jolma.

LIV.9 Ibere Ham do AnakMu Jesus Kristus nagabe sipaluah bannami, ase porsaya hanami hu-Bani
AnakMU ase dapotan hagoluhan hanami, janah manggoluh ibagas nasasintongnisSongon na dob
goluhni Kristus Jesus i Dunia on

LIV.10 TUHAN,Diatei tupama ma bani sibere bere Mu in Sibere bere napagoluhkon hanami, Namambahen
lambin iarusi hanami pasal goluh nasintong.

LIV.11 TUHAN, Naibata Nami, Na daoh tumang i nagori atas Nalang mahol tumang itandai hanami. Tapi
nuan domma ipatandahon Ham diriMu Marhitei Jesus Kristus Tuhan nami. Ia do na dob manobus
hanami Namabere goluh Nabayu, Ase adong nagabe sijolomon nami siganup ari Tuhan tarimakasih
ma Bamu. Amin.

5
V. MAKNA NATAL

LV.1 Malas tumang do uhurhu bani pesta Natal Seksi Bapa sadari on. Lang pitah hanami bapa hansa na
marnatal bani panorang on, tapi dihut nasiam keluarga na hinaholongannami inang pakon ganup
niombahnami. Ase on ma tekadku selaku bapa: Sai ra ma ahu pataridahkon tanggung jawabku
selaku bapa na bujur.

LV.2 Bani Natal na parlobei ondi pe seng pitah si Maria hansa na sirsir mambere uhur pakon panorangni,
tapi dihut do homa age si Josep manghamalaskon partubuh ni Tuhan in. On ma homa
pangarapannami, andohar ma lang pitah singgan Natal on hansa semangat hanami, tapi dihut ma
homa bani haganup horja siganup ari pakon mendukung horja pangidangion bani kuria.

LV.3 Porlu tumang do panorang banta marsahap-sahap, diskusi, saling terbuka dompak niombah, menjalin
hubungan na akrab, ase ulang terjerumus niombahta in hubani pengaruh hamajuan ni zaman na lang
iharosuhkon Tuhan. Halani ai gabe siusihan ma ahu selaku orangtua bani keluargangku.

LV.4 Tongon tanda ni na dob ipilih ahu gabe sada bapa bani keluargangku, hata ni Tuhan in ma onjolan
bangku laho mangajari, mamodahi, mambobai janah patotaphon uhurhu bani na mandalankon horja
ampa tanggung jawab bani kuria, keluarga ampa masyarakat.

LV.5 Poltik ma jolom hita pangarapan na dob niakuhonta in ai hatengeran ni uhur do na Mambagahkonsi.
Ai humbani idop ni uhur do ase maluah hita marhitei haporsayaon, sedo binahenta, tapi sibere-bere
ni Naibata do.

LV.6 Tongon tanda ni na dob ipilih Tuhan in ahu, sai ra ma ahu pauli-ulion ni Tuhan in laho mamboban
keluargangku gabe sada galangan na misbou hubani Naibata.

LV.7 Au pe songon pengakuanmu ai do homa. Lang adong tongon onjolan atap panotap na legan, pitah
sondang na humbani Jesus in ma manorangi pingkiran pakon uhurhu bani na mandompakkon
goluhku siganup ari.

LV.8 Tuhan, sai ipindahi hanami do panondang in. Tapi hotop do hagolapan in monang bai hadirion nami.
Sasap Ham ma dousa dousa nami

LV.9 Tuhan, dihut do hanami tarhinjat bai barita ni malekat in, tapi ra do sipata pikkiran ge panlangkah
nami bai najahat. Sasap Ham ma dousa dousa nami.

LV.10 Iakui hanami do damei bai panorang on, in ma halani Natal… .Tapi gati do hanami lang mangindahi
dalan hadameion na hunBamu. Sasap hamm ma dousa dousa nami.

LV.11 Tuhan, holong ma uhur mu bani hasomannami Na ijaha ni in dihut do nian hanami Riap mar Natal,
tapi halani naborit, mambahen tibal sidea ipodoman. Bere Hamma malas ni uhur ronsi hasabaron
sonai ge hamalumon bani sidea

LV.12 Tuhan bani ari Natal on mardingat do hanami bani hasoman nami na hona musibah, i Donggala, palu
pakon Sigi. magouan keluarga sidea, magouan bapa,magouan inang sonai homa magouan niombah.
Urupi Hamma sidea, bere Ham ma pangarapan age apoh apoh hubani sidea.