Prolog Liturgi I
Dimulana i nunga adong hatai, jala saor tu Debata do hata I, jala Debata do hata I,
ima na soar tu Debata dimulanai. Saluhutna marhite hata I do umbahen na manjadi.
LITURGI I
1. Ise do jumadihon angka suan – suanan dohot sude angka hau na uli. Binatang –
binatang, Sunge , dolok, laut, alogo, dengke, dohot angka pidong na marragam –
ragam i. tole ro di angka na asing dope na so hagoaran sada – sada
2. Debata do na manompa saluhutna I, marhite hata I, huasoNa, hagogoonNa dohot
hamuliaonNa umbahen na manjadi.
3. Dimulanai Ditompa Debata do Langit, dohot tano Paboahon HamuliaonNa.
4. Ditompa do na tiur laho manondangi sude angka na tonimpaNai.
5. Nunga denggan na tiur I diida Debata, jala dibaen ma parsirangan ni natiur dohot
na holom.
6. Jadi dipauli ma hajanghajang I, asa disirang angka aek na ditoru dohot na
diginjang ni hajanghajangi .
7. Ninna Debata ma : Marpungu ma hamu angka aek na ditoru ni langit I tu sada
inganan, asa tarida na mahiang.
8. Digoari Debata ma na mahiang I Tano, ia parpunguan ni aek I ima Laut.
9. Dipasupasu Debata ma Tano I gabe dipantubuhon tano I ma angka duhutduhut,
suansuanan, hau na marparbuehon bonina tudos tu mansamna, jala nunga denggan
diida Debata.
LITURGI II
Prolog: Ingkon Pujiaonta do Debata ala hasongkalanNa, dohot hagogoonNa, dohot
manompa sian na so adong hian gabe adong. Antong songon dia do hita laho
mangkhatindakhon habalgaon ni jadijadian ni Jahowa?
1. Ditompa Debata do panondang na bolon na gabe pangguruan ni arian dohot
Panondang na metmet ima pangguruan ni borngin ro diangka bintang.
2. Ditompa Debata do angka Dengke na balga, angka na marhosa, dohot angka na
manjirir, ro dinasa pidong na masiboan mansamna be.
3. Dungi Dipasupasu Debata ma nasida asa marpinompari jala torop, gohi hamu ma
angka aek dohot angka langit.
4. Dungi Dipauli Debata angka binatang, dorbia, gulokgulok, angka na manjirir
masiboan mansamna be.
5. Ditompa Debata do jolma I tumiru rupana tudos tu pangalahona, rupana
ditiruhon Debata, jala jolmai I do na tinompa ni Debata na sumurung sian angka na
tinompa na.
6. Ditompa do jolmai sian orbuk jala diullushon hosa hangoluan tu bungbung ni
igungna gabe martondi na mangolu jolmai.
7.Dipasupasu Debata do jolma I, marpinompari ma hamu asa sopar jala gohi hamu
ma sandok tano on, dohot mangarajai sude angka na tinompa ni Debata.
8. Dungi dia ari papituhon I maradian do Debata sian angka ulaonNa, jala
dipasupasu Debata jala diparbadia.
LITURGI III
Prolog: Ingkon Pujiaonta do Debata ala hasongkalanNa, dohot hagogoonNa, dohot
manompa sian na so adong hian gabe adong. Antong songon dia do hita laho
mangkhatindakhon habalgaon ni jadijadian ni Jahowa?
1. Pinuji maTuhan Debata ni Israel, ala ditopot do hita gabe bangsona jala dipatupa
haluaon ni bangsaona. Pinuji ma Tuhan I Debata ni Israel, ai dipatindang do di hita
tanduk haluaon, dibagas ni si Daud naposoNai.
2. Pinuji ma Debata na pasahathon Barita nauli ima barita angka lasniroha na
paluahon hita jolma dohot potibi on hombar tu na hinatahonNa marhoitehite soara
niangka panurirang na badia I sian na robi ni na robi.
3. Pinuji ma Debata Ama, ama ni Tuhan Jesus Kristus, Amsa ni saluhut, na gabe raja
ni angka raja, jala Tuhan ni angka tuan, ai Ibana do prgogo na sohatudosan, na
manompa langit dohot tano dohot nasa na adong di hasiangan on.
4. Pinuji ma Debata mual mual ni hangoluan na diportibion, Ibana do Alfa dohot
Omega, na so marmula dohot na so marujung, Ibana dona patubuhon hangoluan di
hasiangan on, patubuhuon angka suansuanan sisik ni tano on, Pangoluhon ragam ni
pahanpahanan dohot angka pidong na martongatonga langit. Saluhutna I tung
singkop do, jala ndang hahurangan.
5. Puji ma Tuhan I naung manompa jala naung pangoluhon hita jolma maringan
dihasiangan on, huhtut na tongtong mangaramoti hita jala naung jumolo paradehon
saluhutna na ringkot dingolunta, asa tung singkop jala marhasonangan.
6. Puji ma Debata na gabe Tuhanta na marhuaso diatas ni saluhut, na marsangkap
paulihon ngolunta dohot portibion, ai dipatupa haluaonta sian angka musunta, ai
dipalua do hita sian angka dosa dohot sian tangan ni angka na manghosomi hita. I do
sangkap ni Deabata na naeng papatarhon Asi ni rohaNa marningot padanNa na
badia i.
7. Puji ma Debata na tongtong satia ro diujungna di padan na niuarihonna tu jolma
na tinompaNa, jala naung dijou marhite si Abraham ama ni na porsea I, ai saluhut
padanNai lehononNa do tu hita asa oloanta I marhite haunduhonta na gabe pangoloi
di adopanNa.
8. Puji ma Debata naung patubuhon haporseaon, pangkirimon dohot posniroha di
hita, so pola marhabiaran be hita diangka na manggetegete hita, ai dung malua hita
sian tangan ni angka musunta, marhabadiaon jala dibagasan hatigoran ma hita di
adopanNai , saleleng hita mangholu.
Liturgi IV.
Prolog: Nunga singkop ditompa Debata portibion dohot angka isina, jala dipungka
Debata ma sada porlak tungkan Habinsaran bahen inganan ni jolma I, porlak Eden
goarna.
1. Mansai uli do porlak I, gok angka hau na marparbuehon sipanganon na tabo, ro di
hau hangoluan na diparsitongaan ni porlak i.
2. Jala ruar ma sada batang aek sian eden asa dibornohi porlak I, jala manirpang tu 4
batang aek ima : Pison, Gihon, Tigris, dohot Efrat
3 Dungi dipungka Debata Jahowa ma tu jolma I ninn ma : jadi do panganonmu sian
hau dibagasan poprlak on. ma sada patik
4. Alai anggo sian hau na diparsitongaan ni porlak I ima hau parbinotoan na
denggan dohot na roa , tung na so jadi panganonmuna, sadari dipangan ho sian I, sai
na mate do ho.
5. Dungi ninna Debata ma :Ndang jadi punjung jolma I, hubahen di ibana sada
pangurupi bahen donganna, ditompa Debata ma sian rusuk ni baoa I.
6. Ai dung sun dijadihon Debata Jahowa sian tano I nasa binatang diladang rodi
sude pidong angka na martongatonga langit, jadi dibahen ma goarna na marhosa
laos ido goarna.
7. Dungi didok si Adam ma: On do ibana na binuat sian sada holiholingku, jala sibuk
sian sibukku goaron ma ibana jolma ni baoa.
8. Dibahen I tadingkonon ni baoa do amana dohot inana mandongani jolmana jadi
sada sibuk ma nasida.
LITURGI V
Prolog: Ndang jumpang be pangoloion dohot haunduhon di jolma na parjolo I
maradophon Debata, nunga dilaosi be patik I, jala tarela jolma I tu pangela ni sibolis
pangago i.
1. Holong ni roha ni Debata tu jolma I mansai godang do, kebebasan dohot tanggung
jawab dipasahat do tu jolma I .Alai dipakke jolma I do kebebasan na marguru tu
pingkiranna.
2. Nunga gale roha, mago pingkiran, holom parnidaan ni jolma I di pangela ni sibolis
I, ndang diingot be patik napinasahat ni Debata tu nasida.
3. Boha do kejadian ni jolma I gabe manabu tubagasan dosa? Ise do na manmgelaela
jolma I umbaen na lupa tu Debata ?
4. Ro do sibolis manggombarhon ulok mandapothon si Hawa : Ndang na tutu hamu
mate molo dipangan hamu parbue ni hau na diparsitongaan ni porlak I, alai gabe
doshon Debata ma hamu.
5. Dungi dipangan si Hawa ma jala dilehon tu si Adam parbue ni hau I gabe
dipangan. Dungi tonggor ma matya nasida diboto ma na marsaimara do nasida.
6. Dungi ro soara ni Debata Jahowa, dijou ma si Adam ninna ma : Adam didia do
Ho?
7. Dungi ninna si Adam ma : Hubege do nian soaram, alai mabiar ahu, ai marsaimara
do ahu
8. Ise na paboahon tu ho na marsaimara I ho? Naung dipangan ho do parbue ni hau
na hupatikhon I ?
LITURGI VII B
1. Jadi hatop ma nasida lao tusi, gabe jumpangsa si Maria dohot si Josep dohot
posoposo I na peak dipanggagatan i.
2. Asa dung diida, dibaritahon nasida ma boaboa, naung dihatahon tu nasida
taringot tu dakdanak i.
3. Jadi sude na umbegesa, longang be do diala na hinatahon ni angka parmahan I tu
nasida.
4. Ia si Maria dipeop do hata I sudena jala diparhusorhusor dibagasan rohana.
5. Mulak do angka parmahan I, dipasangap jala dipapujipuji do Debata ala ni sude na
binege jala naniida nasida, songon naung dihatahon I sudena.
6. Jadi dung dapot ari paualuhon I, asa tarsunat ibana, gabe dibahen ma goarna
Jesus, naung digoar parsdisurgo hian andorang so dibortian dope.
7. Songon na tarsurat dibagasan patik ni Tuhan I;” Nasa baoa buhabaju ni inana,
hadohoan ni Tuhan I do goaran”.
8. Dung pajumpang ma si Simeon dohot posoposo I songon naung nihatahonnai,
dipuji ibana ma mandok:
9. Paluaonmu ma nuaeng ale Raja, naposomon dibagasan dame, songon na nidokmi
10. Ai nung diida matangku haluaon na sian Ho i.
LITURGI VIII
Prolog: Nunga Saut Bagabaga I marhitehite Hatutubu ni Tuhan Jesus di Bara ni
Pinahan Betlehem Efrata, Antong hamu ale angka dongan dohot ma hita marsomba
tu ibana, tapuji ma Debata na mangalehon anakna gabe haluaon dohot hangoluon di
hita. Tajangkon ma ibana Raja sipalua i.
1. Alai manang piga, namanjangkon ibana , tu si do di lehon huaso asa gabe anak ni
Debata nasida angka naporsea
2. Sangap ma di Tuhan I na mamboan dame I na mambahen manisia lomo ni Tuhan
Jahowa Borngin na badia ido na binoanmi
3. Sai ro ma hamu angka na porsea, sai roma tu Betlehem ida dakdanak sipalua hita.
Somba , tasomba , tasomba ma ibana Rajanta i.
4. Somba nami ma di ho ale Tuhan ho siboan dame tu portibion.Sai pasaorhon ma tu
roha nami on dame mi O Jesus
5. Raja na sangap, na bolon huhut marmulia, na gabe jolma manghophop sude
jolma. Ho ihuthononku Tuhan, saleleng au mangolu.
6. Ale Immanuel tubu ma ho di rohangku jala tongtong ingananmu, baen ma au
sonang jala sai gohi rohangku
7. Sai sondangi ma rohangku ale Tuhan Jesus asa dohot au maruli di hatutubu mi
8. Pinuji ma ho ale Jahowa ala dibahen ho anak mu na gabe hangoluan, alani girgir
ma hita mamuji Debata.
LITURGI IX
Prolog: Nungnga tubu Jesus tu portibion dohot tu rohanta. Aha ma nanaeng
patupaonta tanda naung tajangkon Jesus I marhite hatutubu na.
1. Asa dung diida Jesus halak na torop I, nangkok ma Ibana tu nada tor jadi hundul
ma disi; dungi didapothon angka siseanna ma Ibana.
2. Dungi marsuara ma Ibana mangajari nasida ninna ma: Martua ma na pogos tondi,
ai dinasida do harajaon banuaginjang i.
3. Martua ma na marsak roha, ai siapulon do nasida
4. Martua ma na lambok roha, ai teanon nasida do tanoon.
5. Martua ma na mauas male mida hatigoran, ai sipabosuron do nasida.
6. Martua ma na asiroha, ai siasian do nasida.
7. Martua ma parroha na ias , ai idaon nasida do Debata.
8. Martua ma sibahen Dame ai goaron nasida anak ni Debata.
9. Martua ma na pinaburuburu ni halak ala ni hatigoran, ai dinasida do harajaon
banuaginjangi.
10. Martua ma hamu molo diinsahi halak hamu manang dipaburuburu, manang
dipatubutubu ragam nihata na roa, na so tutu, dompak hamu ala ni ahu.
LITURGI XI
Prolog: Nunga salpu barita hatutubu ni Jesus ima na tuat tu portibion laho manopot
jolma pardosa. HAroro ni Kristus mampangkorhjon do dingolunta sahat tu
partingkian nuaeng, antong songon dia do hita mangkangoluhon haroro ni Kristus
dibagasan ngolunta siganup ari? Ingkon do marhite haporseaon, pangkirimon, dohot
mangolu dibagasan holong.
10 Dame diganup jabu, luat, huta, singkola, punguan, nang hurianta. Asa marsangap
Debata jala marlasniroha hita huhut gabe lomo ni roha ni Debata ma hita.
11 Alanii, tabaritahon ma Sipaluai tu saluhut jolma, marhite parange, hata
dohot pambahenanta.Asa marsangap Debata jala gok dame ngolunta.
12 Tapangido ma tu Debata asa di tompa gabe habaorang ni pasupasu dohot dame
dibagsan ngolunta siganup ari, marhite na mangkangoluhon holong na sian Debata.
13. Disude angka sangkap na tasangkapi dohot na pinbarsinta ni rohanta, naeng
dibagasan haporseaon dohot pangulaon na sintong hita mangkirim di saluhutnai.
14. Jala tongtongma tahangoluhon Kristus I, Ai Jahowa do mandok; Antong Lului
hamuma Ahu asa mangolu hamu. Amen.
LITURGI XI A
Prolog: Tapuji ma Debata disaluhut na angka pambahenanNa tu portibion na
mangalehon Jesus Kristus anakNai mamboan lasniroha, dame, haluaon, dohot
posnirohanta. Antong tapasahat ma pujianta marhite liturgi.
1. Pinuji ma Tuhan Debata ni Israel, ala ditopot do hita gabe bangsoNa, jala dipatupa
haluaon dibangsoNa.
2. Pinuji ma Tuhan Debata ni Israel ai dipatindang dodi hita tanduk haluaon,
dibagas ni si Daud naposoNai.
3. Pinuji ma Debata na pasahathon barita nauli ima barita angka lasniroha na
paluahon hita jolma dohot portibion hombar tu na hinatahonNa marhitehite soara ni
angka panurirang na badiai sian na robi ni na robi.
4. Pinuji ma Debata Ama, Ama I Tuhan Jesus Kristus, ama ni saluhut na gabe Raja ni
angka raja, jala Tuhan ni angka tuan.
5 Ai Ibana do pargogo na so hatudosan, na manompa langit dohot tano, dohot nasa
na adong dihasiangan on.
6. Pinuji ma Debata mual ni hangoluan na diportibion, Ibana do Alfa dohot Omega,
na so marmula dohot na so marujung, Ibana do na patubuhon hangoluan
dihasangapon on, patubuhon angka suansuanan ni sisik tano on.
7 Ibana do pangoluhon ragam ni pahan-pahanan, dohot angka pidong na
martongatonga langit. Saluhutnai tung singkop do jala ndang hahurangan.
8. Puji ma Tuhan naung manompa jala naung pangoluhon hita jolma maringan di
hasiangan on, huhut na tongtong mangaramoti hita jala naung jumolo paradehon
saluhutna na ringkot dingolunta, asa tung singkop jala marhasonangan.
9. Puji ma Debata na gabe Tuhanta na marhuaso diatas ni saluhut, na marsangkap
paulihon ngolunta dohot portibion, ai dipatupa haluaonta sian angka musunta.
10. Ai dipalua do hita sian angka dosa dohot sian angka tangan ni angka na
mangkosomi hita. Ido sangkap ni Debata na naeng papatarhon asinirohaNa
marningot padanna na badia i.
11. Puji ma Debata na tongtong satia ro di ujungna di padan na niuarihonna tu jola
na tinompaNa, jala naung dijou marhite si Abraham ama ni na porsea I, ai saluhut
padanNi lehononna do dihita asa oloanta I marhite haunduhonta na gabe pangoloi
diadopanNa.
12. Puji ma Debata naung patubuhon haporseaon, pangkirimon dohot posniroha
dihita so pola marhabiaran be hita diangka na manggetegete hita.
13. Ai dung malua hita sian tangan niangka musunta, marhabadiaon jala dibagasan
hatigoran ma hita diadopanNai, saleleng hita mangolu.
LITURGI XIB
LITURGI II
Prolog: Ingkon Pujiaonta do Debata ala hasongkalanNa, dohot hagogoonNa, na manompa
sian na so adong hian gabe adong tanda ni haunduhonta ingkon ulahononta ma
patikna. Didok Debata do tu jolmai “ Dung i dipatik Debata Jahowa ma jolma i, ninna
ma: Jadi do panganonmu sian nasa hau di bagasan porlak on.
Alai anggo sian hau parbinotoan ni na denggan dohot na roa, ndang jadi panganonmu; ai
sadari dipangan ho sian i, sai na mate do ho.
LITURGI III
Prolog : Dang unduk si hawa tu patik ni jahowa, Buni do dosa nasidai sian adopan ni
Debata?????????
Suara Allah : (setelah didahului langkah kaki) Adam Didia Do ho?????
(A)Adam : Dison do au Tuhan!!( tampak takut)Hubege nian suaram di porlak i, gabe mabiar
ahu, ai marsaemara do ahu, umbahen na martabuni ahu.
Suara Allah : Ise na paboahon tu ho, na marsaemara i ho? Nda tung
dipangan ho sian hau na hupatikkon i mangorai
panganonmu?
(A)Adam : Na hupangan do…alai….. Boruboru na nilehonmu bahen donganku, i do na
mangalehon tu ahu sian hau i, gabe hupangan.
Suara Allah :Boasa songon i bahenonmu hawa!!!?
(B)Hawa :Uuuuuuloki do napaotootohon au!!!
—————layar di tutup—————–
————masuk parliturgi 6 halak————
Narator : songoni ma jolma…sai marsipabalibalian….sai naneg manhaisson gara
siantanggurungna…alai dang adong na holip sian adopan ni Jahowa, hinorhon ni
pangalaosion ni Jolmai tu Debata, gabe di uhum Debata do jolma I suang songoni nang
ulok pangotootoi i, tabege ma uhum napinasahat ni Debata :
2. Ale Amanami jala Debata nami, Sai marpamuati ma rohaM di hajahaton nami, jala unang
be ingot angka dosa nami, sai urupi ma hami, palua mahami, jala sesa ma dosanami, sai jalo
ma somba nang pelean nami!!!
3. Ale Tuhan Debata!!! Ho do Debata pargogo naso hatudosan, sitompa nasa na adong,
paruhumna tigor namanguhumi sandok jolma manisia!!!!Na tama situtu do hami hona uhum
ala ni dosa nami, alai natarsolsol bagi do hami nuaeng, ala ni I asi ma roham dihami, sai jalo
ma somba nang pelean nami!!!
4. Pos ma roham, nungnga sesa dosam “ munsat pe angka dolok, jala humuntal angka robean,
alai…. anggo asiasingku na so tupa munsat sian ho, jala padan ni hadameonku na so tupa
humordit.
5. Songon sintongna mangolu ahu, tung na so lomo do rohangku mida hamatean ni halak
parjahat , alai…. mida hamumulak ni parjahat i tumadingkon dalanna i nian, asa mangolu
ibana. Antong sai mulak ma hamu tumadingkon dalanmuna angka na jahat i!
6. Nunga pola hupasisi songon ombun angka pangalaosim, jala songon ombun manorop
angka dosam. Sai mulak ma ho tu ahu, ai ahu do sipalua ho.
7. Sai mulak ma hamu tu Ahu sian nasa roha muna; ndang be parupionKu bohingku mida
hamu, ai pardenggan basa do Ahu, ndang majujur ahu salelenglelengna, asal ma di tanda ho
hajahatonmu, na tinundalanmu jahowa Debatam.
8. Alai anggo ho ale jolma, nungnga di arsahi ho Ahu marhite sian angka dosam, jala nunga
dilojai ho ahu marhite sian angka hajahaton, alai…. Ahu tutu; ahu sandiri manalesei angka
pangalaosim.
LITURGI V
Prolog : Didok Jahowa “ahu sandiri manalesei angka pangalaosim, ahu sandiri manesa
dosam!!!” Aha do dipatupa Jahowa lao manesa dosanta?????
1. Ida ma, na ro do angka ari sogot, ninna Jahowa, patindangonku ma di si Daud sada tumbur
na tigor, na bangkit raja jala na pistar, jala hajongjongkononna ma uhum dohot hatigoran di
tano i.
2. Ida ma, suruanku ma suruanku, asa dipadiri dalan di jolongku. Dung i tompu ma ro
tumopot jorona Tuhan, na niluluanmuna dohot suruan ni parpadanan na hinalungunhonmuna.
Ida ma, na ro ma ibana, ninna Jahowa Zebaot.
3. Ida ma, na ro do angka ari sogot, ninna Jahowa, patindangonku ma di si Daud sada tumbur
na tigor, na bangkit raja jala na pistar, jala hajongjongkononna ma uhum dohot hatigoran di
tano i.
4. Jala ahu patindang di nasida sada parmahan, asa ibana marmahan nasida, i ma
naposongKu . Ibana ma marmahan nasida, jala ibana gabe parmahan di nasida.
5. Di angka arina dapotan tua ma Juda, jala Israel marsonangsonang di ingananna; jala on do
goarna dohonon ni halak: Jahowa parpintoranta.
6. Ida ma, gabegabean ma sada namarbaju, jala tumubuhon sada anak, jala bahenonna ma
goarna: Immanuel.
7. Jadi songgop ma tu ibana Tondi ni Jahowa, Tondi ni habisuhon dohot hapistaran, Tondi ni
panuturion dohot hagogoon, Tondi ni parbinotoan dohot biar maradophon Jahowa.
8. jala saluhut bangso, houm dohot halak parpangkuling marragamragam marsomba tu ibana.
Ro di salelenglelengna do pamarentaonna, na so tupa munsat sian ibana, harajaonna pe na so
tupa pesan do.
9. Mariaia situtu ma ho, ale boru Sion, marolopolop ma ho ale boru Jerusalem! Ida ma, na ro
ma rajam tumopot ho, partigor ibana jala siparmonang; na serep do rohana jala marsihundul
di halode dohot di anak ni halode inaina.
10. Patuginjang ma tohangmuna, hamu ale angka harbangan, jala patuginjang ma hamu, ale
angka pintu sian na robi, asa bongot Raja ni hamuliaon i! Ise ulaning Ibana, Raja ni
hamuliaon i? I ma Jahowa Zebaot, Ibana do Raja ni hamuliaon i.
1. Dungi ro ma uju I parenta sian Kesar Agustus, ingkon suraton nasa jolma di
gomgomanna.Pamilangan parjolo ma I,uju digomgomi si Kireneus tano Siria.Jadi borhat ma
sasudena, asa disurat ganup tu bona ni pinasana. Borhat ma nang si Josep na sian Galilea sian
nazaret, nangkok tu luat Judea, tu huta ni si Daud na margoar Betlehem, ala sian pomparan
jala marga ni si Daud ibana.Pasurathon dirina rap dohot si Maria, oroannai naung
gabegabean. Jadi dinadisini nasida gok ma ari ni hangoluanna.
2. Ditubuhon ma anak buhabajuna, diborhos ma, dipeakhon ma tu bagasan panggagatan , ala
soadong inganan na asing di parmianannasida.Jadi adong ma marborngin di ladang na disini
angka parmahan, mangingani pinahannasida.Jadi didapothon sada Surusuruan ma nasida,
jala marsinondang ma sangap ni Tuhan I humaliang nasida, gabe mabiar situtu ma.
3. Alai didok Surusuruan I ma tu nasida: Unang mabiar hamu , ai barita halalas ni roha
godang do huboan tu hamu, Parsaulian ni sandok bangso i. Ai naung tubu do dihamu
saborngin on, dihuta ni si daud Sipalua I ima Kristus Jesus Tuhan i. On ma partinandaan
dihamu; posoposo do dapotonmuna, na binorhos peak dipanggagatan i.
4. Jala tompu ma adong dongan ni surusuruan I torop angka parangan parbanuaginjang,
dipuji nasida do Debata Mandok :Hasangapon ma di Debata diginjang Dame ma ditano on
diangka jolma halomoan i.Jai dinalaho I angka Surusuruan I sian nasida dompak ginjang ma
sipandohan ma angka parmahan I mandok:Beta ma hita tu Betlehem, taida ma na masa on, na
pinabotohon ni Tuhan I tu hita.
5. Jadi hatop ma nasida lao tusi, gabe jumpangsa si Maria dohot si Josep dohot posoposo I na
peak dipanggagatan i.
Asa dung diida, dibaritahon nasida ma boaboa, naung dihatahon tu nasida taringot tu
dakdanak i.Jadi sude na umbegesa, longang be do diala na hinatahon ni angka parmahan I tu
nasida.Ia si Maria dipeop do hata I sudena jala diparhusorhusor dibagasan rohana.
6. Mulak do angka parmahan I, dipasangap jala dipapujipuji do Debata ala ni sude na binege jala
naniida nasida, songon naung dihatahon I sudena.Jadi dung dapot ari paualuhon I, asa
tarsunat ibana, gabe dibahen ma goarna Jesus, naung digoar parsdisurgo hian andorang so
dibortian dope.
Songon na tarsurat dibagasan patik ni Tuhan I;” Nasa baoa buhabaju ni inana, hadohoan ni
Tuhan I do goaran”.
7. Dung i pajumpang ma si Simeon dohot posoposo I songon naung nihatahonnai, dipuji ibana
ma mandok:Paluaonmu ma nuaeng ale Raja, naposomon dibagasan dame, songon na
nidokmiAi nung diida matangku haluaon na sian Ho i.
2. Bahasa Karo
“Sabap bege pengkelengi Dibata doni enda, maka ibereikenna Anakna si
tonggal, gelah ola bene ise pe si tek ibas ia, tapi dat kegeluhen si rasa
lalap.”
3. Bahasa Pakpak
“Ai bagèen ngo ngkelleng atè Dèbata midah dunia èn, Iberrèken ngo
AnakNa sada-sada i, asa ulang mago gennep sipercaya bai Anak idi, tapi
asa kenggelluhen siamman sumendah bana.”
4. Bahasa Simalungun
“Ai sonon do holong ni uhur ni Naibata bani dunia on, pala do Anakni na
sasada in iberehon, ase ulang magou ganup na porsaya Bani, tapi ase
hagoluhan na sadokah ni dokahni bani.”
5. Bahasa Toba
“Ai songon on do holong ni roha ni Debata di portibi on, pola do AnakNa
na sasada i dilehon, asa unang mago ganup angka na porsea di Ibana,
asa hangoluan na salelenglelengna di ibana.”
6. Bahasa Angkola
“Angke songon i ma holong ni roha ni Debata di portibi on jabat dilehen Ia
AnakNia na sasada i anso sude halak na porsaya tu Sia nada mago, tapi
maruli di ngolu na manongtong.”
7. Bahasa Nias
“Si manõ sa wa'omasi Lawalangi nõsi guli danõ, no ibe'e Nononia andrõ,
si ha sambua, ena'õ lo tekiko dozi samati chõnia, ena'õ so chõra wa'auri
si lõ aetu.”
8. Bahasa Minangkabau
“Karano baitu gadang kasiah Allah pado dunia-ko, sahinggo Tuhan Allah
mangaruniakan AnakNya nan tungga itu, supayo satiok urang nan picayo
kapadoNyo indak binaso, malainkan baroleh iduik nan kaka.”
9. Bahasa Palembang
“Kerno besak nian kasih-Nyo pado dunio, laju dienjukke-Nyo budak
lanang sikok-sikok-Nyo, sehinggo siapo baé yang pecayo pada-Nyo indak
binaso,tapi idup sepanjangan.”
54. Hmanggona
"Al Imik Neyung adya nimi soko nim ek, hyak wana' ulusuukanya, alja me
hyak hnonok bok, nimi soko nim amba bokol yeilisuk. Nimi nidya' hnonok-
hnonok alak dib senewoka dobnamak dara, somoganggunumak bok,
embenga' una' diba' dorowanamak aboka, alja me bokol yeilisuk.