LITURGI I

Prolog : Dimulana i nunga adong hatai, jala saor tu Debata do hata I, jala Debata do hata I, ima na soar tu
Debata dimulanai. Saluhutna marhite hata I do umbahen na manjadi.

1. Ise do jumadihon angka suan – suanan dohot sude angka hau na uli. Binatang – binatang, Sunge ,
dolok, laut, alogo, dengke, dohot angka pidong na marragam – ragam i. tole ro di angka na asing dope
na so hagoaran sada – sada

2. Debata do na manompa saluhutna I, marhite hata I, huasoNa, hagogoonNa dohot hamuliaonNa

umbahen na manjadi.

3. Dimulanai Ditompa Debata do Langit, dohot tano Paboahon HamuliaonNa.

4. Ditompa do na tiur laho manondangi sude angka na tonimpaNai.

5. Nunga denggan na tiur I diida Debata, jala dibaen ma parsirangan ni natiur dohot na holom.

6. Jadi dipauli ma hajanghajang I, asa disirang angka aek na ditoru dohot na diginjang ni hajanghajangi .

7. Ninna Debata ma : Marpungu ma hamu angka aek na ditoru ni langit I tu sada inganan, asa tarida na
mahiang.

8. Digoari Debata ma na mahiang I Tano, ia parpunguan ni aek I ima Laut.

9. Dipasupasu Debata ma Tano I gabe dipantubuhon tano I ma angka duhutduhut, suansuanan, hau na
marparbuehon bonina tudos tu mansamna, jala nunga denggan diida Debata.

LITURGI II

Prolog: Ingkon Pujiaonta do Debata ala hasongkalanNa, dohot hagogoonNa, dohot manompa sian na so
adong hian gabe adong. Antong songon dia do hita laho mangkhatindakhon habalgaon ni jadijadian ni
Jahowa?

1. Ditompa Debata do panondang na bolon na gabe pangguruan ni arian dohot Panondang na metmet
ima pangguruan ni borngin ro diangka bintang.

2. Ditompa Debata do angka Dengke na balga, angka na marhosa, dohot angka na manjirir, ro dinasa
pidong na masiboan mansamna be.

3. Dungi Dipasupasu Debata ma nasida asa marpinompari jala torop, gohi hamu ma angka aek dohot
angka langit.

4. Dungi Dipauli Debata angka binatang, dorbia, gulokgulok, angka na manjirir masiboan mansamna be.
5. Ditompa Debata do jolma I tumiru rupana tudos tu pangalahona, rupana ditiruhon Debata, jala jolmai
I do na tinompa ni Debata na sumurung sian angka na tinompa na.

6. Ditompa do jolmai sian orbuk jala diullushon hosa hangoluan tu bungbung ni igungna gabe martondi
na mangolu jolmai.

7.Dipasupasu Debata do jolma I, marpinompari ma hamu asa sopar jala gohi hamu ma sandok tano on,
dohot mangarajai sude angka na tinompa ni Debata.

8. Dungi dia ari papituhon I maradian do Debata sian angka ulaonNa, jala dipasupasu Debata jala
diparbadia.

LITURGI III

Prolog: Ingkon Pujiaonta do Debata ala hasongkalanNa, dohot hagogoonNa, dohot manompa sian na so
adong hian gabe adong. Antong songon dia do hita laho mangkhatindakhon habalgaon ni jadijadian ni
Jahowa?

1. Pinuji maTuhan Debata ni Israel, ala ditopot do hita gabe bangsona jala dipatupa haluaon ni
bangsaona. Pinuji ma Tuhan I Debata ni Israel, ai dipatindang do di hita tanduk haluaon, dibagas ni si
Daud naposoNai.

2. Pinuji ma Debata na pasahathon Barita nauli ima barita angka lasniroha na paluahon hita jolma dohot
potibi on hombar tu na hinatahonNa marhoitehite soara niangka panurirang na badia I sian na robi ni na
robi.

3. Pinuji ma Debata Ama, ama ni Tuhan Jesus Kristus, Amsa ni saluhut, na gabe raja ni angka raja, jala
Tuhan ni angka tuan, ai Ibana do prgogo na sohatudosan, na manompa langit dohot tano dohot nasa na
adong di hasiangan on.

4. Pinuji ma Debata mual mual ni hangoluan na diportibion, Ibana do Alfa dohot Omega, na so marmula
dohot na so marujung, Ibana dona patubuhon hangoluan di hasiangan on, patubuhuon angka
suansuanan sisik ni tano on, Pangoluhon ragam ni pahanpahanan dohot angka pidong na
martongatonga langit. Saluhutna I tung singkop do, jala ndang hahurangan.

5. Puji ma Tuhan I naung manompa jala naung pangoluhon hita jolma maringan dihasiangan on, huhtut
na tongtong mangaramoti hita jala naung jumolo paradehon saluhutna na ringkot dingolunta, asa tung
singkop jala marhasonangan.

6. Puji ma Debata na gabe Tuhanta na marhuaso diatas ni saluhut, na marsangkap paulihon ngolunta
dohot portibion, ai dipatupa haluaonta sian angka musunta, ai dipalua do hita sian angka dosa dohot
sian tangan ni angka na manghosomi hita. I do sangkap ni Deabata na naeng papatarhon Asi ni rohaNa
marningot padanNa na badia i.
7. Puji ma Debata na tongtong satia ro diujungna di padan na niuarihonna tu jolma na tinompaNa, jala
naung dijou marhite si Abraham ama ni na porsea I, ai saluhut padanNai lehononNa do tu hita asa
oloanta I marhite haunduhonta na gabe pangoloi di adopanNa.

8. Puji ma Debata naung patubuhon haporseaon, pangkirimon dohot posniroha di hita, so pola
marhabiaran be hita diangka na manggetegete hita, ai dung malua hita sian tangan ni angka musunta,
marhabadiaon jala dibagasan hatigoran ma hita di adopanNai , saleleng hita mangholu.

Liturgi IV.

Prolog: Nunga singkop ditompa Debata portibion dohot angka isina, jala dipungka Debata ma sada
porlak tungkan Habinsaran bahen inganan ni jolma I, porlak Eden goarna.

1. Mansai uli do porlak I, gok angka hau na marparbuehon sipanganon na tabo, ro di hau hangoluan na
diparsitongaan ni porlak i.

2. Jala ruar ma sada batang aek sian eden asa dibornohi porlak I, jala manirpang tu 4 batang aek ima :
Pison, Gihon, Tigris, dohot Efrat

3 Dungi dipungka Debata Jahowa ma tu jolma I ninn ma : jadi do panganonmu sian hau dibagasan
poprlak on. ma sada patik

4. Alai anggo sian hau na diparsitongaan ni porlak I ima hau parbinotoan na denggan dohot na roa , tung
na so jadi panganonmuna, sadari dipangan ho sian I, sai na mate do ho.

5. Dungi ninna Debata ma :Ndang jadi punjung jolma I, hubahen di ibana sada pangurupi bahen
donganna, ditompa Debata ma sian rusuk ni baoa I.

6. Ai dung sun dijadihon Debata Jahowa sian tano I nasa binatang diladang rodi sude pidong angka na
martongatonga langit, jadi dibahen ma goarna na marhosa laos ido goarna.

7. Dungi didok si Adam ma: On do ibana na binuat sian sada holiholingku, jala sibuk sian sibukku goaron
ma ibana jolma ni baoa.

8. Dibahen I tadingkonon ni baoa do amana dohot inana mandongani jolmana jadi sada sibuk ma nasida.

LITURGI V
Prolog: Ndang jumpang be pangoloion dohot haunduhon di jolma na parjolo I maradophon Debata,
nunga dilaosi be patik I, jala tarela jolma I tu pangela ni sibolis pangago i.

1. Holong ni roha ni Debata tu jolma I mansai godang do, kebebasan dohot tanggung jawab dipasahat do
tu jolma I .Alai dipakke jolma I do kebebasan na marguru tu pingkiranna.

2. Nunga gale roha, mago pingkiran, holom parnidaan ni jolma I di pangela ni sibolis I, ndang diingot be
patik napinasahat ni Debata tu nasida.

3. Boha do kejadian ni jolma I gabe manabu tubagasan dosa? Ise do na manmgelaela jolma I umbaen na
lupa tu Debata ?

4. Ro do sibolis manggombarhon ulok mandapothon si Hawa : Ndang na tutu hamu mate molo dipangan
hamu parbue ni hau na diparsitongaan ni porlak I, alai gabe doshon Debata ma hamu.

5. Dungi dipangan si Hawa ma jala dilehon tu si Adam parbue ni hau I gabe dipangan. Dungi tonggor ma
matya nasida diboto ma na marsaimara do nasida.

6. Dungi ro soara ni Debata Jahowa, dijou ma si Adam ninna ma : Adam didia do Ho?

7. Dungi ninna si Adam ma : Hubege do nian soaram, alai mabiar ahu, ai marsaimara do ahu

8. Ise na paboahon tu ho na marsaimara I ho? Naung dipangan ho do parbue ni hau na hupatikhon I ?

9. Boruboru na nilehonmi bahen donganku, ido na mangalehon tu ahu sian hau I gabe hupangan

10. Boasa songoni bahenmu Hawa?Ise do na mangelaela ho umbahen na targoda jala dipangan ho
parbue ni hau na hupatikhon I ?

11. Ai ulok I do na paotooto au, gabe hupangan parbue ni hau na pinatikhon mi.

12. Ninna debata ma tu Ulok I : Ala dibahen ho songoni, gumodang ma torungku tu ho sian nasa
pahanpahan dohot nasa na manggulmit diladang, butuham na ma jururhononmu jala orbuk ma
panganonmu saleleng ngolum.

13. Jala bahenongku ma parbadaanmu sohot hboruboru I, ro di pinomparmu tu pinomparna.Ibana

mangalisathon ulum, gabe pargutonmu tambihulna.

13. Didok Debata ma Uhum tu Boruboru i: Ingkon parir parniahapanmu saleleng gabegabean ho, bernit
taononmu laho manubuhon anakhonmu, sinondukmu ma ihuthononmu

14. Jadi didok ma tu si Adam: Ingkon hir hodokmu mangalului sipanganonmu paima mulak ho gabe tano,
ai sian tano do ho jala mulak ho gabe tano.

15 Dungi dipabali Debata ma si ibana sian porlak Eden, asa diula tano pambuatannai.

16 Jadi dilele ma si Adam I, jala dipaipahon angka kerubim tungkan Habinsaran ni porlak Eden I,
marpodang sidua baba marjimburjimbur, asa dijaga dalan tu hau hangoluan
Liturgi VI

Nunga mardosa jolma I ala ni tarela tu sibolis, jala nunga didabu Debata uhum tu jolma na parjolo I
dohot tu ulok i. Alai marpamuati do roha ni Debata marhite bagabaga haluaon dibagasan diri ni Tuhan
Jesus sipalua naeng rot u Portibion.

1. Ida ma gabegabean ma sada na marbaju, jala tubuan anak, jala bahenonna goarna Immanuel.

2. Mariaia situtu ma ho ale boru Sion, marolopolop ma ho ale boru Jerusalem1 Ida ma, na ro ma rajam
tumopot ho, partigor ibana jala siparmonang; na serep do rohana jala marsihundul di halode dohot di
anak ni halode inaina.

3. Endehon hamu ma Debata, puji hamu ma goarNa, palendes hamu ma dalan di Ibana, na marhureta
dihalongonan, Jahowa do goarna, jala marolopolop ma hamu di joloNa.

4. Patuginjang ma tohangmuna, hamu ale angka harbangan, patuginjang ma hamu ale angka pintu sian
na robi, asa bongot raja ni hamuliaon i.

5. Ise Ulaning Raja ni Hamuliaon i? ima Jahowa, na gogo jala Ulubalang, Jahowa Ulubalang di hamusuon.

6. Patuginjang ma tohangmuna, hamu ale angka harbangan, jala patuginjang ma hamu ale angka pintu
sian na robi, asa bongot raja ni hamuliaon i.

7. Ise Ulaning Ibana Raja ni hamuliaon i? ima Jahowa Zebaot, Ibana do Raja ni Hamuliaon I Sela.,

LITURGI VII A

Prolog: Nunga tangkas bagabaga ni Debata taringot tu haroro ni Sipalua I tu Portibion, tabege ma barita
ni Hatutubu ni Jesus marhite Liturgi on.

1. Dungi ro ma uju I parenta sian Kesar Agustus, ingkon suraton nasa jolma di gomgomanna.Pamilangan
parjolo ma I,uju digomgomi si Kireneus tano Siria.

2. Jadi borhat ma sasudena, asa disurat ganup tu bona ni pinasana. Borhat ma nang si Josep na sian
Galilea sian nazaret, nangkok tu luat Judea, tu huta ni si Daud na margoar Betlehem, alasian pomparan
jala marga ni si Daud ibana.

3. Pasurathon dirina rap dohot si Maria, oroannai naung gabegabean. Jadi dinadisini nasida gok ma ari ni
hangoluanna.

4. Ditubuhon ma anak buhabajuna, diborhos ma, dipeakhon ma tu bagasan panggagatan , ala soadong
inganan na asing di parmianannasida.

5. Jadi adong ma marborngin di ladang na disini angka parmahan, mangingani pinahannasida.

6. Jadi didapothon sada Surusuruan ma nasida, jala marsinondang ma sangap ni Tuhan I humaliang
nasida, gabe mabiar situtu ma.

7. Alai didok Surusuruan I ma tu nasida: Unang mabiar hamu , ai barita halalas ni roha godang do
huboan tu hamu, Parsaulian ni sandok bangso i.

8. Ai naung tubu do dihamu saborngin on, dihuta ni si daud Sipalua I ima Kristus Jesus Tuhan i. On ma

partinandaan dihamu; posoposo do dapotonmuna, na binorhos peak dipanggagatan i.

9. Jala tompu ma adong dongan ni surusuruan I torop angka parangan parbanuaginjang, dipuji nasida do
Debata Mandok :

10. Hasangapon ma di Debata diginjang Dame ma ditano on diangka jolma halomoan i.

11. Jai dinalaho I angka Surusuruan I sian nasida dompak ginjang ma sipandohan ma angka parmahan I
mandok:

12. Beta ma hita tu Betlehem, taida ma na masa on, na pinabotohon ni Tuhan I tu hita.

LITURGI VII B

1. Jadi hatop ma nasida lao tusi, gabe jumpangsa si Maria dohot si Josep dohot posoposo I na peak
dipanggagatan i.

2. Asa dung diida, dibaritahon nasida ma boaboa, naung dihatahon tu nasida taringot tu dakdanak i.

3. Jadi sude na umbegesa, longang be do diala na hinatahon ni angka parmahan I tu nasida.

4. Ia si Maria dipeop do hata I sudena jala diparhusorhusor dibagasan rohana.

5. Mulak do angka parmahan I, dipasangap jala dipapujipuji do Debata ala ni sude na binege jala naniida
nasida, songon naung dihatahon I sudena.

6. Jadi dung dapot ari paualuhon I, asa tarsunat ibana, gabe dibahen ma goarna Jesus, naung digoar
parsdisurgo hian andorang so dibortian dope.

7. Songon na tarsurat dibagasan patik ni Tuhan I;” Nasa baoa buhabaju ni inana, hadohoan ni Tuhan I do
goaran”.

8. Dung pajumpang ma si Simeon dohot posoposo I songon naung nihatahonnai, dipuji ibana ma
mandok:

9. Paluaonmu ma nuaeng ale Raja, naposomon dibagasan dame, songon na nidokmi

10. Ai nung diida matangku haluaon na sian Ho i.

LITURGI VIII

Prolog: Nunga Saut Bagabaga I marhitehite Hatutubu ni Tuhan Jesus di Bara ni Pinahan Betlehem Efrata,
Antong hamu ale angka dongan dohot ma hita marsomba tu ibana, tapuji ma Debata na mangalehon
anakna gabe haluaon dohot hangoluon di hita. Tajangkon ma ibana Raja sipalua i.

1. Alai manang piga, namanjangkon ibana , tu si do di lehon huaso asa gabe anak ni Debata nasida angka
naporsea

2. Sangap ma di Tuhan I na mamboan dame I na mambahen manisia lomo ni Tuhan Jahowa Borngin na
badia ido na binoanmi

3. Sai ro ma hamu angka na porsea, sai roma tu Betlehem ida dakdanak sipalua hita. Somba , tasomba ,
tasomba ma ibana Rajanta i.

4. Somba nami ma di ho ale Tuhan ho siboan dame tu portibion. Sai pasaorhon ma tu roha nami on
dame mi O Jesus

5. Raja na sangap, na bolon huhut marmulia, na gabe jolma manghophop sude jolma. Ho ihuthononku
Tuhan, saleleng au mangolu.

6. Ale Immanuel tubu ma ho di rohangku jala tongtong ingananmu, baen ma au sonang jala sai gohi
rohangku

7. Sai sondangi ma rohangku ale Tuhan Jesus asa dohot au maruli di hatutubu mi

8. Pinuji ma ho ale Jahowa ala dibahen ho anak mu na gabe hangoluan, alani girgir ma hita mamuji
Debata.

LITURGI IX

Prolog: Nungnga tubu Jesus tu portibion dohot tu rohanta. Aha ma nanaeng patupaonta tanda naung
tajangkon Jesus I marhite hatutubu na.

1. Ngolu hasadaon ido na dihalomohon Tuhan I jumpang dingolunta. Asa sahata saluhutna, unang adong
parbolatan alai hot ma binahen ni sada ni roha
2. Ida ma denggan nai dohot sonang nai molo tung pungu sahundulan angka na marhaha maranggi
songon miak na hushus di ulu. Pola mabaor tu mise, ai disi do diparbaga Debata Pasupasu hangoluan
sahat ro di saleleng ni lelengna

3. Tasolukhon ma parasinirohaon situtu, habasaron, haserepon, lambok, lambas ni roha jumpa adong
pangkurangi na sada dompak na sada

4. Taeahi ma haholongon I, ai ido rahut – rahut ni nasa harimpason jala dame ni Debata ima mangarajai
roha muna

5. Paimbaru hamu ma roha muna. Solukhon hamu ma jolma na imbaru dibagasan hatigoran dohot
hapolinon. Bolonghon hamu ma gabus hatahon ma na sintong

6. Oloi hamu ma Debata, alo hamu ma sibolis, dungi maporus ma ibana sian hamu, pajonok hamu tu
Debata dungi pajonohonna ma tu hamu

7. Pangke ma tingkim saonari dapothon ma Tuhan I, unang godang sidalian ingot jempek ngolumi.
Nunga rade hasonangan disurgoi, unang adong nanggo sada na so parjambar disi.

8. Molo taida donganta na sai marungkil tongtong, unang pasombu sai susa, togu urupi antong

9. Antong, binsan sadihari dope taulahon ma na denggan disaluhut halak, alai gumodang ma tu
donganta sahaporseaon.

10. Haporseai ma Tuhan Jesus Naung Tubu, jala Hangoluhon ma hataNa, ai I do hangoluanmu.

11 Jala asa rimpas halak ni Debata ringgas, hobas tu angka ulaon na denggan.

12 Antong patutoru hamu ma dirimuna tutoru tangan ni Debata na gogo I, asa dipatimbo di tingkina.

13 Ai roha I do persea asa tu hatigoran, Pamangan I do mangkatindakhon asa tu haluaon

14. Martua ma angka na tumangihon hata ni Debata , na mangulahon jala na umpeopsa. Amen

LITURGI X

Prolog: Nunga ro Sipalua na mamboan sinondang na tiur dohot siboan Dame, jala dibagabagahon Jesus
do tu na porsea, ingkon martua do jolma na mangkaporseai Tuhan I, Dipasahat ,marhitehite Jamita di
dolok.

1. Asa dung diida Jesus halak na torop I, nangkok ma Ibana tu nada tor jadi hundul ma disi; dungi
didapothon angka siseanna ma Ibana.
2. Dungi marsuara ma Ibana mangajari nasida ninna ma: Martua ma na pogos tondi, ai dinasida do
harajaon banuaginjang i.

3. Martua ma na marsak roha, ai siapulon do nasida

4. Martua ma na lambok roha, ai teanon nasida do tanoon.

5. Martua ma na mauas male mida hatigoran, ai sipabosuron do nasida.

6. Martua ma na asiroha, ai siasian do nasida.

7. Martua ma parroha na ias , ai idaon nasida do Debata.

8. Martua ma sibahen Dame ai goaron nasida anak ni Debata.

9. Martua ma na pinaburuburu ni halak ala ni hatigoran, ai dinasida do harajaon banuaginjangi.

10. Martua ma hamu molo diinsahi halak hamu manang dipaburuburu, manang dipatubutubu ragam
nihata na roa, na so tutu, dompak hamu ala ni ahu.

LITURGI XI

Prolog: Nunga salpu barita hatutubu ni Jesus ima na tuat tu portibion laho manopot jolma pardosa.
HAroro ni Kristus mampangkorhjon do dingolunta sahat tu partingkian nuaeng, antong songon dia do
hita mangkangoluhon haroro ni Kristus dibagasan ngolunta siganup ari? Ingkon do marhite haporseaon,
pangkirimon, dohot mangolu dibagasan holong.

1. Ditongatonga ni portibion na lam maju on, marsiadu jolma mangalului hamoraon, huaso, harajaon,
hasangapon, laos songoni do nang pinarsinta nihalak batak ima hagabeon, hamoraon, dohot
hasangapon.

2 Ai dipajongjong portibion do huaso hasangaponna diatas ni sitaonon ni angka na lea dohot na dangol

3.Disituasi ni zaman na lam berkembang on,lam tubu jala berkembang do angka tonditondi ni zaman na
maralo tu ulaon ni Tondi Parbadia.

4 Ima tondi na ahut tu diri mangarajai torop jolma. Alai saborngin on nunga tubu sipaluai, na ginohan ni
Tondi ni Jahowa, ima Kristus Jesus Tuhanta i..

5 Hasangapon di Debata ninna do, alai dirina do dipaburnang-burnang, Dame ninna alai ndang adong
ninna Dame i.

6 Torop do halak na mambuat hasangapon tu dirina huhut pasiding pardamean tu dongannna jolma.

7 Hape ianggo Jahowa dipatutoru do hasangaponNa naung gabe jolma Ibana, na tubu diinganan na lea
lao manesa dosanta.
8 Asa malua hita sian dosa dohot hamatean. Alani I, tama do ta paimbaru haporseaonnta marhite
hatutubu ni Jesus na ta pestahon dibagasan borngin on.

9 Dame, ido mual ni haluaon dohot lasniroha na pinarbaga ni Debata jala ido jambarta dilehon
Debata.Antong tama ma hita mardame dohot Debata, nang mardame sama hita.

10 Dame diganup jabu, luat, huta, singkola, punguan, nang hurianta. Asa marsangap Debata jala
marlasniroha hita huhut gabe lomo ni roha ni Debata ma hita.

11 Alanii, tabaritahon ma Sipaluai tu saluhut jolma, marhite parange, hata dohot pambahenanta.Asa
marsangap Debata jala gok dame ngolunta.

12 Tapangido ma tu Debata asa di tompa gabe habaorang ni pasupasu dohot dame dibagsan ngolunta
siganup ari, marhite na mangkangoluhon holong na sian Debata.

13. Disude angka sangkap na tasangkapi dohot na pinbarsinta ni rohanta, naeng dibagasan haporseaon
dohot pangulaon na sintong hita mangkirim di saluhutnai.

14. Jala tongtongma tahangoluhon Kristus I, Ai Jahowa do mandok; Antong Lului hamuma Ahu asa
mangolu hamu. Amen.

LITURGI XI A

Prolog: Tapuji ma Debata disaluhut na angka pambahenanNa tu portibion na mangalehon Jesus Kristus
anakNai mamboan lasniroha, dame, haluaon, dohot posnirohanta. Antong tapasahat ma pujianta
marhite liturgi.

1. Pinuji ma Tuhan Debata ni Israel, ala ditopot do hita gabe bangsoNa, jala dipatupa haluaon
dibangsoNa.

2. Pinuji ma Tuhan Debata ni Israel ai dipatindang dodi hita tanduk haluaon, dibagas ni si Daud
naposoNai.

3. Pinuji ma Debata na pasahathon barita nauli ima barita angka lasniroha na paluahon hita jolma dohot
portibion hombar tu na hinatahonNa marhitehite soara ni angka panurirang na badiai sian na robi ni na
robi.

4. Pinuji ma Debata Ama, Ama I Tuhan Jesus Kristus, ama ni saluhut na gabe Raja ni angka raja, jala
Tuhan ni angka tuan.

5 Ai Ibana do pargogo na so hatudosan, na manompa langit dohot tano, dohot nasa na adong
dihasiangan on.
6. Pinuji ma Debata mual ni hangoluan na diportibion, Ibana do Alfa dohot Omega, na so marmula dohot
na so marujung, Ibana do na patubuhon hangoluan dihasangapon on, patubuhon angka suansuanan ni
sisik tano on.

7 Ibana do pangoluhon ragam ni pahan-pahanan, dohot angka pidong na martongatonga langit.

Saluhutnai tung singkop do jala ndang hahurangan.

8. Puji ma Tuhan naung manompa jala naung pangoluhon hita jolma maringan di hasiangan on, huhut na
tongtong mangaramoti hita jala naung jumolo paradehon saluhutna na ringkot dingolunta, asa tung
singkop jala marhasonangan.

9. Puji ma Debata na gabe Tuhanta na marhuaso diatas ni saluhut, na marsangkap paulihon ngolunta
dohot portibion, ai dipatupa haluaonta sian angka musunta.

10. Ai dipalua do hita sian angka dosa dohot sian angka tangan ni angka na mangkosomi hita. Ido
sangkap ni Debata na naeng papatarhon asinirohaNa marningot padanna na badia i.

11. Puji ma Debata na tongtong satia ro di ujungna di padan na niuarihonna tu jola na tinompaNa, jala
naung dijou marhite si Abraham ama ni na porsea I, ai saluhut padanNi lehononna do dihita asa oloanta
I marhite haunduhonta na gabe pangoloi diadopanNa.

12. Puji ma Debata naung patubuhon haporseaon, pangkirimon dohot posniroha dihita so pola
marhabiaran be hita diangka na manggetegete hita.

13. Ai dung malua hita sian tangan niangka musunta, marhabadiaon jala dibagasan hatigoran ma hita
diadopanNai, saleleng hita mangolu.

LITURGI XIB

1. Halleluya! Puji hamu Debata dibagasan habadiaonna I, puji hamu ma Ibana dihajanghajang ni
hgogoonNai.

2. Puji Hamu ma Ibana ala hagogoonna, angka na sumurung I, puji hamu ma Ibana, hombar tu
hinagodang ni hatimbulonna.

3. Puji hamu ma Ibana mardongan soara ni sarune, puji hamu ma Ibana mardongan arbab dohot
sordam.

4. Puji hamu ma Ibana mardongan tali sajak dohot panontoron na marliat, puji hamu ma Ibana
mardongan hasapi dohot tulila.

5. Puji hamu ma Ibana mardongan ogung panggora, puji hamu ma Ibana mardongan ogung panonggahi.

6. Sude na marhosa ingkon mamuji Jahowa, Halleluya!.

Prolog liturgi III : Ragam cara dibahen sibolis i laho mangago jolma i, alai ndang dipasombu Debata
songon imasa sahat tu ujungna, ai Parasiroha godang do Ibana, alani i diparbagabaga do laho paluahon
jolma i siandosa.

1 Anggo ninna rohanta nian pintor diuhum Debata ma jolma i saleleng ni lelengna ala nunga mardosa;
alai ndang songon i sangkapni rohaNa, ai so tardodo holong dohot asi ni rohaNa i. dilehon dope tingki
parasian laho paubahon roha.

2 Songon sintong na mangolu Ahu, ninna Jahowa; tung so lomo do rohangKu mida hamatean ni
parjahat, na lomo do rohangKumida hamumulak ni parjahat i tumadinghon dalanna, asa mangolu ibana.

3 Parasiroha jala Pardenggan basa do Jahowa,lambat tarrimas jala parasiroha godang. Ndang dibahen tu
hita hombar tu angkadosanta, jala ndang dibaloshon tu hita hombar tu angka hajahatonta. Songon asi
mi roha ni amaama mida angka anakna, asi niroha ni Debata di angka na manghabiari Ibana.

4 Ro ma hamu tu Ahu, asa mangolu tondimuna, ninna Jahowa. Tung sura rara dosamuna songon abit
bunga dapdap, bontar dobahenonKu songon itak, nang pe rara songon abit hasumba gabe songon hapas
do muse.

5 Songon on do Hata ni Jahowa : nunga pola hupasisi angka pangalaosim songon ombun, jala songon
ombun manorop angkadosam. Sai mulak ma ho tu ahu, ai Ho do sipalua ahu.

6 Ai songon on do holong ni rohaNa mida portibi on, pola do AnakNa na sasada I dilehon, asa unang
mago ganup na porsea diIbana asa hangoluan na hot ro di saleleng ni lelengna di Ibana.

7 Molo tongtong do hita mangolu di bagasan Hata ni Debata, pos ma rohanta, sai na donganan ni
Debata do hita laho mangalohisaphisap ni daging dohot maninggalhon dosanta.

8 Antong rap ma hita manjanghon Sipalua i, taungkap ma rohanta asa bongot Raja i di rohanta. Lam
marsihohot ma hita umbege,mangguruhon dohot mangulahon hataNa jala dapotan upa ma hita di
haroroNa i. Amen

Prolog liturgi IV : Lam dipatuduhon Debata do tu jolma i, holong dohot asi ni rohaNa, diparbagado
haroro ni Sipalua laho paluahon jolma I sian ihotihot ni sibolis i.

1 Nunga mandate roha ni bangso paimahon haluaon sian Debata, ai tarbuang do bangso Israel ala ni
dosana, masihol bangso Israelmulak tu bona pasogitna tu huta Jerusalem, asa sumuang muse marsaor
nasida di Bagasjoro. Sai hira na ditadinghon Debata dopanghilalaan nasida, alanii maimaima do bangso i
di haroro ni Mesias Sipalua i.

2 Ro do Hata mi Debata tu Panurirang Jesaya mandok ; apuli, apuli hamu ma bangsoKi, ninna
Debatamuna. Hata apulapul ma dokhamu tu roha ni isi ni Jerusalem, jala jouhon hamu ma tu nasida
Nunga marujung parungkilonna, ai nunga salose dosana i, ainunga dijalo sian tangan ni Jahowa silompit
dua singkat ni saluhut dosana.

3 Ro do Hata ni Debata tu panurirang Jesaya mandok : tung sura rara dosamuna songon abit bunga
dapdap, bontar do bahenonkusongon itak; nangpe rara songon abit hasumba, gabe songon hapas do
muse. Di ari na sasada i sogot, uli jala marmulia tunas niJahowa, gabe huhut uli parbue ni tano i di angka
na malua sian Israel.

4 Ai ndada pingkiranKu, pingkiranmuna i, jala ndada dalanmuna angka dalanKu, ninna Jahowa. Tagan
diparpiar ni murukKuHutabunihon do bohingKu satongkin maradophon ho, alai marhitehite denggan
basa salelenglelengna asianKu ho, ninna Jahowasipalua ho.

5 Alai anggo ho huta Betlehem Eprata, mametmethu do ho nian anggo tung pola jujuron tu angka huta
marriburibu di Juda, hapesian ho do haroroan ni na gabe panggomgomi ni Israel, jala angka haroroanna
sian na hinan, sian angka ari na robisalelenglelengna.

6 Ida ma, gabegabean ma sada na marbaju jala tumubuhon sada anak, jala bahenonna goarna :
Immanuel. Hehe ma ho,marsinondang ma ho, ai na ro ma panondangmu, jala hamuliaon ni Jahowa
binsar di atasmu. Alani pauli hamu dalan ni Jahowa,patigor hamu di adaran dalan balobung ni Debata.
Ingkon gohan do nasa rura, jala parejeton nasa dolokdolok dohot buntulbuntul, jala gabe na hornop do
na marnangkok tuat, jala gabe rura tanggurung ni dolok.

7 Ai nunga tubu di hita sada posoposo, dilehon tu hita sada Anak, pamper tu abaraNado sogot harajaon,
jala bahenonna goarNa :Sipartahi halongangan, siulubalang ni Debata, Ama saleleng ni lelengna, Raja
Hadameon.

8 Alai jongjong anggo Ibana, jala marmahan mangasahon gogo ni Jahowa, marhitehite hamuliaon ni goar
ni Jahowa Debatana; jadimaringan ma nasida, ai timbul ma ibana disi ro di angka ujung ni tano on.
Amen.

Prolog liturgi V : Nunga jumpang tingkina hombar tu bagabaga ni Debata taringot Sipalua, natinubuhon
ni siMaria, na gabegabean sian Tondi Porbadia di huta Betlehem.

1 Dungi ro ma uju i parenta sian Kesar Agustus, ingkon suraton nasa jolma di gomgomanna. Pamilangan
parjolo ma i, ujudigomgomi si Kirenius tano Siria.

2 Jadi borhat ma sasude, asa disurati, ganup tu bona ni pinasana. Borhat ma nang si Josep dohot si
Maria, na sian Galilea, sianNazareth, nangkok tu luat Judea tu huta ni si Daud na margoar Betlehem, ala
sian pomparan jala marga ni si Daud ibana.Pasurathon dirina rap dohot si Maria, oroanna i naung
gabegabean. Jadi din a disini nasida, gok ma ari ni hangoluanna.
 3 Ditubuhon ma anak buhabajuna, diborhos ma, dipeakhon ma tu bagasan panggagatan, ala so adong
inganan na asing diparmianannasida. Jadi adong ma marborngin di lading na disini angka parmahan,
mangingani pinahan nasida. Jadi didapothonsada Surusuruan ma nasida, jala marsinondang ma sangap
ni Tuhan i humaliang nasida, gabe mabiar situtu ma.

4 Alai didok Surusuruan i ma tu nasida ; unang mabiar hamu, ai barita halalas ni roha godang do huboan
tu hamuna, parsaulian nisandok bangso i. ai naung tubu do di hamu saborngin on, di huta ni si Daud,
Sipalua i, i ma Kristus Tuhan i. on ma partinandaan dihamu: posoposo do dapotonmuna, na binorhos
peak di panggagatan.

5 Hansitna i tutu na tinaon ni si Josep i, tarlumobi ma si Maria naung gabegabean, alai ingkon oloan
nasida ma parenta ni Kesar, jala mardalan mansai dao jala maol situtu sidalanan i. Boasa ingkon songon
i?

6 Ai toho do i hansit, alai unang alo tu haporseaonta, molo ingkon songon i sitaonon ni si Josep dohot si
Maria. Ai laos disi dosangkap hatuaon ni Debata. Dipardalanan na tu Betlehem i do masa hasasaut ni
bagabagaNa marhite hatutubu ni Jesus, TuhanSipalua hita.

7 Sasintongna mansai maol do siat tu pingkiran jala ndang tarjalo roha. Hape laos songon i do dibahen
Debata dalanNa jala hurangtarjalo roha do, boasa diinganan na lea hatutubu ni Sipalua i, di bara ni
pinahan.

8 Ai songon timbo ni angka langit sian tano on, songon ido tumimbo angka dalanKu sian dalanmuna i,
jala angka pingkiranKu sianpingkiranmuna i, ninna Jahowa. Alani unang manigor maralo tu rohanta,
molo pe songon i dalan dibahen Debata. Nang dipardalanan ngolunta on pe, molo masa pangunjunan
dohot parungkilon, unang pintor mandele, atik dalan ni Debata doi lahomambahen hasonangan di hita.
Tapuji ma goarNa na marmulia i. Amen

Prolog liturgi VI : Nunga ro rajanta Sipalua I, ndada holan hita dipalua, alai dohot do nang portibi on.
Sude mana san a manggulmit, nasa ulu ni tot marsomba tu Ibana, Raja Hadameon i.

1 Puji ma Jahowa ale todingku, jala nasa rohangku dibagasan mamuji goarNa na badia i. Ibana manesa
dosam sudena. Ibanapamalum angka sahitmu sudena, Ibana paluahon ngolum sian hamagoan, Ibana
martumpalhon denggan basa dohot asi ni roha.

2 Puji ma Jahowa ale tondingku, dipamahap do rohangku marhitehite denggan basa, Ibana do
patupahon angka pambahenanhatigoran, Ibana do pabotohonb angka dalanNa.
3 Puji ma Jahowa, hamu angka parrangan parbanuaginjang, na mangoloi angka parentaNa, na sai
tongtong tangi tu angka hataNa.Hamu angka naposoNa na mangulahon lomo ni rohaNa.

4 Puji ma Jahowa, hamu ale angka na tinompaNa, di sude inganan ma hinarajaanNa. Puji ma Jahowa, ale
tondingku. Jahowa donampuna sude portibi on dohot nasa isina.

5 Ibana do nampuna portibi on dohot nasa na mangolu di bagasanna. Ai Ibana do paojakhon i di

bagasanni aek na bagas di toru nitano on, jala pahothon i di atas ni laut angka na bagas i.

6 Puji ma tuhan i, Debata ni Israel, ala ditopot bangsoNa jala dipatupa haluaonna. Dipatindang do di hita
tanduk hluaon, di bagas nisi Daud naposoNa i. Hombar tu na hinatahonNa marhite soara ni angka
panurirangNa na badia i sian na robi.

7 Ari on do najinadihon ni Jahowa, marolopolop jala marlas ni roha ma hita disi. Iale Jahowa sai
manumpak ma Ho! Iale Jahowa saiHo ma mambahen manjadi! Pinasupasu ma na ro marhitehite goar ni
Tuhan i.

8 Beta ma hita saluhutna mamuji Goar ni Jahowa na marmulia I, ai Parasiroha bolon jala Pardenggan
basa, hamoraon dohothasangapon dohot hagabeon na salelenglelengna dilehon tu hita. Amen

Prolog liturgi VII : Nuaeng begeonta ma hatorangan na dumasip taringot tu Jesus Sipalua i. Ibana do
Sipaluanaung rot u Portibi on manaluhon dosa dohot hamatean, asa malua jala mamora saluhut angka
na porsea diIbana.

1 Dung i toropan do nasida na gabe porsea ala ni Hata ni Jesus. Gabe didok nasida ma tu boruboru i;
ndang be ala ni pandokmi,umbahen na porsea hami; ai nunga hubege jala hutanda hami sandiri, Ibana
do tutu Sipalua portibi on.

2.Dung i ninna si Petrus dohot angka apostel i ma mangalusi : Ingkon oloan do iba di Debata asa di jolma.
Dipahehe Debata niangka amanta do Jesus, napinusamuna, uju digantung hamu Ibana tu hau. Tu
siamunNa do dipabankit Debata Ibana gabe Partogi jala Sipalua, laho mangalehon tu halak Israel
hamubaon ni roha dohot hasesaan ni dosa.

3 Mandok mauliate ma hamu di Ama i, naung patauhon hamu, manjalo tohap na di bagasan hatiuron i,
siteanon ni angka na badia i. Ai nunga diroro hita sian gomgoman haholoman i, jala dipaunsat hita tu
bagasan harajaon ni Anak, haholongan ni rohaNa.

4 Di bagasan Ibana do adong di hita haluaon i, i ma hasesaan ni angkla dosanta. Ibana do suman ni
Debata na so tarida i ; naparjolo tubu sian nasa na tinompa dohot andorang so haoojak ni tano on.

5 Ai marhite sian ibana do ditompa saluhutna, na di banuaginjang dohot na di banua tonga on, na tarida
dohot na so tarida i, angkahabangsa, angka harajaon, angka gomgoman, angka parhuasoon, saluhutna i
do ditompa marhitehite Ibana, jala marhapatean tuIbana.
6 Jala di jolo ni saluhutna do Ibana, jala saluhutna Ii do hot di bagasan Ibana. Ibana do ulu ni pamatang i,
i ma huria i. Ibana doparmulaan, naung parjolo tubu sian angka na mate, asa Ibana parjolo din a
saluhutna. Ai ditontuhon Debata do naeng maringanandi bagasan Ibana sandok hagogokna i.

7 Nang sian Jesus Kristus, sitindangi haposan i, na parjolo tubu sian angka na mate sigomgom angka raja
ni tano on! Ibana domanghaholongi hita jala dipalua hita sian angka dosanta marhitehite mudarNa na
badia i.

8 Dijadihon do hita gabe harajaon hamalimon ni Debata, AmaNa i. Di Ibana ma hasangapon dohot
hagogoon ro di salelenglelengna.Ida ma, na ro ma Ibana di bagasan ombun! Idaon ni nasa mata do
Ibana, nang angka naung manullang Ibana, gabemangangguhi be ma saluhut bangso ni tano on mida
Ibana. I ma tutu. Amen.

Prolog liturgi VIII : Parbuehon ma haporseaon dohot pamujianmi tu Debata di bagasan ngolum
marhitehiteparange na tama, daulat, burju mangula jala masihaholongan.

1 Diungkap Sipalua i do pintu harajaon ni Banuaginjang laho mangarahon angka naniasianNa, asa malua
nasida sian gomgomandosa jala maringan di huta na pinauli ni Debata.

2 Didok Jesus, Sipalua i do; Ahu do pintu i, paluaon do ganup na bongot sian Ahu, na laho bongot jala
laho ruar ma ibana, dapotan jampalan, asa adong hangoluan di nasida.

3 Nunga taboto jala nunga diungkap pintu i tu hita, alai mansai dao do i sian portibi on, sian roha ni na so
tumanda Ibana. Hita pesoratan jala loja digosagosa portibi on dipardalananta laho manjumpangi pintu i,
antong boha na ma?

4 Didok do muse : Ro ma hamu tu Ahu, hamu angka na loja jala na sorat asa hupasonang hamu Ahu do
panondang ni portibi on,naso tupa mardalan di naholom na mangihuthon Ahu.

5 Haporseai ma na tutu do Ibana pangapul na sumurung dohot pandaoni bolon di angka na marsak
dohot na marsahit, dilehon do tuhita aek dohot roti hangoluan asa ndada be mauas dohot male angka
na manganhon sian i.

6 Dung i dipaborhat do hita tu portibi on laho mangarahon angka donganta, ai ddidok do : Ahu do
mamillit hamujala Hupadiri hamu,asa laho hamu marparbue, jala as mian parbuemuna i. Alani i dungo
jala hobas ma hita mangulahon tona parsuruonNa i, hohosima gontingmu jala pagalak ma palito di
tanganmu.

7 Beta hamu dongan laho mangula di porlak ni Tuhan i, asa dapotan na tama hita, jala parangehon ma
na tama jala marroha nadaulat ma hita asa masihaholongan sama hita songon Kristus i manghaholongi
hita.
8 Antong solukhon hamu ma holong na sian Kristus Jesus, Tuhanta i. Ai i do patukhon hita laho
manghaholongi dongan jolma. Amen

Prolog liturgi X : Dibagabagahon Debata do haluaon diangka jolma na manghabiari Ibana jala na
mangulahon na ni dokNa antong boha do panghorhonna molo saiburju hita mangihuthon Ibana dohot
mangulahon lomo ni rohaNa? Tangkas ma tapaihutihutliturgi on.

1 Munsat pe angka dolok jala humuntal angka robean, alai anggo parairohaonku na so tupa munsat sian
ho, jala padan nihadameonKu na so tupa humordit, ninna Jahowa si asii ho.

2 Songon sintong na mangolu ahu ninna Tuhan Jahowa, tung na so lomo do rohangku mida hamatean ni
angka parjahat, na lomodo rohangKu mida hamumulak ni angka parjahat i, tumadingkon dalanna, asa
mangolu ibana.

3 Parasi roha jala pardenggan basa do Jahowa, lambat tarrimas jala parasiroha godang. Ndang
dibaloshon tu hita hombar tu angkahajahatonta. Songon asi ni roha ni amana mida angka anakna, asi ni
roha ni Jahowa di angka na manghabiari Ibana.

4 Songon on do hata ni Jahowa: nunga diarsahi ho Ahu marhite sian angka dosam, jala nunga dilojai ho
Ahu marhite sian angkahajahatonmu. Ahu tutu Ahu sandiri manelesei angka panagalaosim ala ni
hadirionKu, jala ndang be Hupaingotingot angka dosam.

5 Roma hamu tu Ahu asa mangolu tondimuna ninna Tuhan Jahowa. Tung sura rara dosamuna songon
abit bunga dapadap, bontardo bahenonKu songon itak, gabe songon hapas do muse

6 Songonon on do panghaholongion ni Debata: Nunga pola hupasisi angka pangalaosim songon ombun,
jala songon ombunmanorop angka dosam. Sai mulak ma hamu tu Ahu, ai Ahu do sipalua ho.

7 Songon on do hata ni Jahowa: unang ho mabiar, ai Ahu do siluluhon ho; nunga pola hujou goarmu Ahu
siluluhon ho, asa mangoluho dohot pinomparmu sogot.

8 Satongkin do hutadingkon ho, alai papunguonKu ma ho muse marhitehite angka asi ni roha godang!
Tagan di parpiar ni murukHuhutabunihon bohingKu satongkin maradophon ho, alai marhitehite denggan
basa saleleng ni lelengna asianKu ho, ninna Jahowasipalua ho.

9 Humongkop hita, gabe dosa do ibana na so tumanda dosa hian dibahen Debata, asa gabe hatigoran ni
Debata hita, marhitehiteibana. Jala asa malua hita sian dosa gabe tu hangoluan na so ra suda.