SINTUA DI HKBP 1. Patujolo Mauliate ma di Debata na mangalehon tingki di hita boi pajumpang dohot hamu amanami inanami parhalado HKBP Ressort Indrapura di tingki on.
2. Didok hata ni Debata di 1 Timoteus
5:17: “ Silompit do jujuron hasangapon ni sintua na burju mangula hasintuaon, gumodang ma tu angka na mangulahon hata dohot poda. LAPATAN NI HATA “SINTUA” 1. Andorang so hakristenon ia hata ‘sintua” nunga adong di halak batak, ima angka jolma napinatujolo tu angka ulaon, isara ni sintua ni parhobas, sintua ni pande bagas, dohot angka na asing, na dipillit do nasida gabe pangituai ala ni hatauonna, parbinotoanna, parangena, jala haposan di ulaonna.
2. Sintua di huria ima na manjalo tohonan dohot ulaon sian Debata,
alai tutu tong do na ingkon di ida ruas ni huria, hatauonna, parangena dohot haporseaonna asa talup gabe sintua.
3. Di Bibel i, pandohan hata “sintua” ima:
presbyteros=simatamatai, (Luk 22:66, U.Ap. 14:23, 1 Tim.4:14). Dipabangkit angka apostel nasida laho mandongani marhobas di huria i, na gabe simatamatai do nasida di parngoluon ni ruas di ngolu siganup ari tarlumobi ma di ngolu partondion ni ruas ni huria. PAMILLITON NI DEBATA DI ANGKA NAPOSONA 1.Didok Tuhan Jesus di Johannes 15:16:” ndada hamu mamillit Ahu, alai Ahu do mamillit hamu asa laho hamu marparbue jala asa mian parbuemuna i. 2.Pamilliton ni Debata di si Abraham, di 1 Musa 12:1- 3: Dipillit Debata si Musa asa gabe pasu-pasu tu saluhut bangso, ala ni haporseaonna. 3.Dipillit Debata si Musa di 2 Musa 3:1-22: laho paluahon halak Israel sian parhatobanan Misir, tu tano bagabaga ima tano Kanaan. 4.Dipillit Debata do angka panurirang laho patolhashon hata ni Debata tu bangso I, isara ni si Yeremia (Jeremia 1:5) nunga dipillit sian bortian ni inana dope. UDUT NI PAMILLITON NI DEBATA 5. Dipillit Debata si Jesaya (Jesaya 6:8), ima na mandok: “dison do ahu suru ma ahu” 6. Dipillit Tuhan Yesus do angka siseanna laho pasahathon barita nauli paboa naung songgop harajaon ni Debata. 7. Dipillit Debata do sude halak kristen laho mamboan barita nauli ima Jesus naung paluahon jolma sian dosa dohot hamatean (1 Petrus 2:9). 8. Sude angka na pinillit dimulana saluhutna do manjua, ima ala ni borat ni ulaon i. 9. Dang adong na tau gabe naposo ni Debata, ala jolma pardosa do hita, alai adong na dipatau Debata marhite Tondi Porbadia. 10. Hatauon ni angka na pinillit ima, molo tongtong jonok tu Debata, jala tongtong denggan parsaoranna dohot Debata. HADIRION NI SINTUA MANGIHUTHON 1 TIMOTEUS 3:1-7 1. Unang ma adong dapot sisurahan di sintua: harajaan ni sada boruboru ma ibana, marpangontik, marroha, marhapantunon , na las roha martamue, na malo mangajari. 2. Unang ma si sobur tuak, unang pangalinsingi, alai na lambok, pardame jala so impolan di perak. 3. Na malo mangarajai donganna sabagas, paranakhon si oloi ajar mardongan sandok hahormaton. 4. Ai molo so diboto mangarajai isi ni bagasna, tung songon dia ma paturetureonna huria ni Debata? 5. Unang ma halak na imbaru masuk, unang gabe ginjang rohana, jala madabu maon tu bagasan uhum ni si bolis i. 6. Ingkon denggan do baritana di halak na di balian, asa unang ibana madabu tu bagasan panginsahion dohot sambil ni sibolis i. ULAON NI SINTUA DI TINGKI NI MISSIONARIS DI HKBP A. Ulaonna siganup ari 1. Mamareso ganup bagas manang rumatangga paboa na diulahon do partangiangan di bagasna be. 2. Mangapuli jala manogunogu angka na marsahit huhut manosoi asa marubat tu pangubati, jala mangorai asa unang marubat tu datu. 3. Mamparrohahon angka parompuan asa unang adong na mamboan boban na madokdokhu, jala mamareso asa unang adong na mangula di ari minggu. 4. Pasahathon apul-apul dohot pangurupion tu angka na so dapot gotilon dohot na mangadopi angka parungkilon. UDUT NI ULAON NI SINTUA DI TINGKI MISSIONARIS B. Ulaonna di Parmingguan. 1. Deba sintua hundul di jolo mandompakhon ruas ni huria asa diboto nasida angka ise ruas na so marminggu. 2. Na deba hundul di tonga-tonga ni natorop laho manjamothon hahomion ni parmingguon jala mangaramoti harentaon ni parminggu asa unang adong na guntur. 3. Deba nasida mangaramoti angka dakdanak asa unang adong na tangis manang mardalani. 4. Deba hundul jonok di pintu jolo gareja manjamothon harentaon asa unang adong na haruar masuk di tingki martangiang. 5. Deba sian nasida mangajari angka dakdanak di hata ni Debata, marende dohot martangiang. 6. Sude sintua mandasdas ruas ni huria asa ringgas marminggu, huhut mandok mauliate tu Debata di angka psupasu na jinalona. Pasahathon angka barita masa tu guru huria ima na tubu na marsahit na monding asa di tingtingkon 7. Mangurupi pandita paradehon angka na ringkot sihobasan ni angka nanaeng mandohoti pandidion nabadia dohot ulaon nabadia. UDUT NI ULAON NI SINTUA DI TINGKI MISSIONARIS C.Ulaonna Di tonga-tonga ni Masyarakat 1. Manopot hampung, raja huta, ulu bius dohot raja-raja adat na so mangulahon ruhut-ruhut parhuriaon. 2. Manopot angka ina dohot parompuan na so marminggu ala ni ulaon di balian. 3. Manumpangi angka dolidoli naposobulung na so olo mulaulaon, maminsang angka parmabuk dohot parjuji. 4. Manosoi angka anakboru asa olo marminggu dohot marguru ende, mandasdas angka dakdanak asa ro tu parsingkolaan. 5. Manopot angka partiga-tiga jala paingothon nasida asa unang matorbanghu arga ni boniaga na ginadisna, asa unang marboniaga di ari minggu. 6. Manopot dohot paingothon angka ambtenar pegawai pemerintah asa sintong ulaonna dohot uhum di dalanhon. ULAON NI SINTUA MANGIHUTHON AGENDA HKBP 1. Pangula ni Huria do nasida mamatamatahon dongan angka na pinasahat tu nasida dohot mangaramoti parange nasida. Molo diboto nasida, na hurang ture parange ni manang ise, ingkon pinsangon nasida I, manang paboanna tu guru manang tu pandita asa di pature 2. Mandasdas donganta tu parmingguon dohot manangkasi alana umbahen na so ro. 3. Mandasdas anak boru singkola asa ondop ro. 4. Maningkir angka na marsahit jala paturehon na ringkot tu nasida dohot nasa natarpatupasa, alai na rumingkot, pasingothon hata ni Debata tu nasida dohot tumangiangkonsa 5. Mangapuli angka na marsak, paturehon angka na dangon dohot angka na pogos 6. Mangapuli angka sipelebegu angka parugamo na asing dohot angka na lilu asa dohot marsaulihon hangoluan napinatupa ni tuhan Yesus. 7. Mangurupi paturehon angka guguan dohot ulaon na ringkot tu harajaon ni Debata. SYARAT GABE SINTUA MANGIHUTHON ATURAN PARATURAN NI HKBP 1. Ruas na mamelehon dirina gabe sintua di huria 2. Na ringgas marminggu dohot na mandohoti ulaon nabadia. 3. Na so hasurahan pangalahona. 4. Na ummotikna marumur 25 taon 5. Hipas roha dohot pamatangna 6. Mamolus pendidikan na ummotikna SMP 7. Na pinillit ni ruas sian tonga- tonga nasida tinotophon ni rapot parhalado partohonan. ULAON NI SINTUA MANGIHUTHON ATURAN PERATURAN NI HKBP 1. Songon na tarsurat di agenda HKBP ima na pitu nangkin 2. Patupahon pandidion na hinipu 3. Patupahon statistik ni ruas di lungguna be 4. Mandohoti sermon dohot rapot ni sintua 5. Pasahathon pasu-pasu so pola mangampehon tangan. Marnida hinaborat ni angka ulaon ni sintua i, dohonon ma hira so tarulahon hita doi sude. Alani ido dalan laho mangulahon i ingkon jumolo angka sintua manang parhalado pasahathon dirina tu Debata asa margogo ibana mangulahon ulaon i. ingkon parjolo parhalado i pahehehon ngolu partondionna sandiri ido dalanna asa tartogutogu nasida ruas ni huria ni Debata. ANGKA HAMAOLON DI ULAON NI SINTUA 1. Penatua bagaikan orang berumah di rumah kaca. Sude halak marnida, jala gabe ditiruanhon tu sintua, ianakhonna, porlak ni sintua, pinahan ni sintua, panangga ni sintua 2. Terjadinya pergeseran bahwa sintua seharusnya menjadi teladan, sitiruon di sude inganan dohot di sude ulaon 3. Lam godang persoalan hidup na niadopan ni ruas termasuk angka sintua, ima angka masyarakat na lam so peduli, na mura marungut-ungut dohot manarita. 4. Ala ni hamajuon ni zaman mambahen lam pistar jolma, jala gabe ummalo ruas sian sintua, ujungna gabe hurang di argai sintuana. 5. Persoalan hapogoson, ekonomi dohot dalan ni parngoluon na mambahen hira na merasa minder angka sintua tu ruas ni huria. AHA MA SIPATUPAONTA TINGKI ON 1. Mangaradoti ngolu ni partondionta jumolo, asa unang halak tajamitai hape hita gabe ambolong, songon nidok ni si paulus di 1 Korintus 9:27 2. Gok Tondi Ma Hamu ninna di Efesus 5:18: ingkon tau ma hita marparbuehon parbue ni Tondi na di galatia 5:22 I, songon angka naung pinillit dohot na ginohan ni Tondi Porbadia hita. 3. Mangharinggashon manjaha dohot manghangoluhon hata ni Debata. MABIGA 4. Mangharinggashon ngolu partangiangon secara pribadi dohot keluarga, marende dohot martangiang di jabu rap dohot angka ianakhonta manang keluarganta. 5. Ingkon torus do hita ringgas marsermon na songon dalanta manambai parbinotoan dohot pahehehon panghobasionta di tonga-tonga ni ruas ni huria. PERAN KELUARGA MANUNGKOL ULAON NI SINTUA 1. Didok halak batak:” dang Raja amanta i molo so pinaraja ni inanta, jala dang ina soripana na burju inantai ia so na pinajongjong ni amanta. 2. Dang tarula parhalado ulaonna molo so gabe panungkoli keluarga di parhalado i. 3. Dang tarula si Musa ulaon i, molo holan ibana do, na adong do manungkol tanganna, saleleng di tungkol donganna tangan ni si Musa monang do bangso i, alai uju dipalenduk tanganna ala so adong manungkol talu do bangso I, ima hinaarga ni dongan, keluarga manungkoli ulaon ni sintua. 4. Ai molo dang gabe panungkoli keluarga di ulaon ni sintua, ima na gabe madabu tu pargasipan dohot partuktuhan tu sambil ni sibolis gabe torop ruas na targasip jala mardosa. 5. Asa unang songon si Isebel na manegai ulaon ni amantana Raja Ahab manolopi manggomak tano ni si Nabot. (1 Raja 21:1-26). 6. Asa unang songon si Ananias dohot si Sapira na rap martahitahi manggabusi Tondi Porbadia ujungna gabe mate runggang. (Ul.Apostel 5:1-11). PANUTUP Unang ma sumurut ringgas ni rohamuna, partondi na girgir ma hamu, oloi hamu ma Tuhan i Rom 12:11 PROFIL PDT DEMAK SIMANJUNTAK, MTH DATA PRIBADI Nama: Pdt Demak Simanjuntak, MTh Isteri: Marice Ratnawaty Sinaga Pendidikan: 1. SD Negeri Sihatandohan, Thn. 1976 2. SMP Neg.1. Siborongborong, 1981 3. SGH HKBP Seminarium Thn.1985 4. STT HKBP, P.Siantar, GelarSTh Thn. 2000, 5. Tugas Belajar Prog.S2, STT HKBP, gelar MTh.2005, 6. Kuliah Program S3,STT HKBP, Februari 2015 II. Pekerjaan 7. Guru Huria HKBP, 1985-1995 8. Tugas Belajar, prog S1 STT HKBP, 1995-2000 9. Staf Sekjend HKBP,2000 10. Pendeta ressort, P.Siursa Tanah Jawa 2000-2005 11. Dosen Sek.Bibelvrouw, Lagboti, 2005-2009 12. Pendeta Ress. H.Jaya Bekasi , 2009-2013 13. Wadir STGH, 2013-2017 14. Ketua STGH , 2017- sekarang 15. Ketua Komisi Teologi HKBP: 2016-2020 III. Jabatan Lain: 16. Pendiri, Ketua, Penasihat LSM Komunitas Hamba Tuhan Dan Masyarakat Peduli Bona Pasogit (Tambaulina) . 2008-sekarang 17. Sekretaris Tim Seleksi KPU Tobasa,2008-2013 18. Dosen partimer, Diakones, 2007-2009, 2014 19. Dosen Partimer, Sek .Pendeta 2008 20. Dosen UNITA, S.XII.2013-sekarang