TERTIB ACARA PARTANGIANGAN SEKTOR (KEBAKTIAN KELUARGA)

DI HKBP CIBINONG RESSORT CIBINONG

RABU, 8 Juli 2020
1. ENDE HURIA NO.4:1-2 BL.148
1. Sai puji Debata dibaen asi rohaNa,
Huhut tongtong basa di nasa tinompaNa.
Ria ma hita be mamuji Debata;
Ai sesa do nuaeng dosanta i dibaen.
2. Disuru Debata AnakNa Jesus Kristus,
Jadi mansai arga do hitaon ditobus.
Diporsan Jesus i dosanta sasude
asa mudarNa i paias hita be.

2. VOTUM – INTROITUS
Marhitehite goar ni Debata Ama, dohot goar ni anakNa Tuhan Jesus Kristus, dohot goar ni Tondi
Porbadia, na tumompa langit dohot tano on. Amen’
Nunga dipabotohon Tuhan i tu ho ale jolma, manang aha na denggan jala manang aha na niluluan ni
Jahowa sian ho, ima na mangulahon uhum sambing dohot holong ni roha di habasaon jala
marpangalaho haserepon maradophon Debatam. Haleluya
Martangiang ma hita: Ale Tuhan Debata, amanami na di Banua Ginjang. Sai lehon ma tuhami roha na
togu, na badia, pingkiran na denggandohot roha na ringgas pasauthon ulaon na denggan. Sai lehon
dame tu hami asa sonang hami mangolu di bagasan pangondingiM, sai marsigantung tu hataM ma hami
maradophon saluhut musunami. Sai ramoti jala pargogoi ma hami marhitehite Tuhan Jesus Kristus
Tuhannami. Amen.

3. ENDE HURIA No.657:1 Ulinai HuriaMi

1. Ulina i HuriaM i na pinapungupunguM i,
Marpungu do sudena i mamuji Ho Tuhan na sangap i.
Tangiang nang endena i na pasangaphon goarMi,
Sai topot ma HuriaM i na pinapungupunguM i,
Tumpahi ma HuriaM i, Tumpahi ma HuriaM i.

4, EPISTEL: Lukas 6:39-42

U: Tajaha ma hata ni Debata na gabe Epistel patujolo ni jamita, ima na tarsurat di Lukas 6:39 -42: Jala
dihatahon do nang umpama on tu nasida: Tung tartogu na mapitung ma donganna na mapitung di
dalan? Nda rap targodung ma nasida duansa?
R: Ndada sumurung sisean sian guruna. Naung sun denggan do ganup, molo doshon guruna.
U: Aha ma pola paberengberengonmu silbaksilbak na di mata ni donganmu; ia na satiang na di matami
ndang diantoi ho!
R: Tung dohononmu ma tu donganmi: Ua, huumpat ma jolo silbaksilbak na di matami, anggia; hape
na satiang na di matami ndang diida ho! E ho pangansi, jumolo ma umpat tiang i sian matami:
Dung pe i, asa pingkironmu, manang beha pangumpatmu di silbaksilbak na di mata ni donganmu.
U: Olat ni I ma sahatna, Martua do angka na tumangihon hata ni Debata, jala na umpeopsa
R: Amen

5. ENDE HURIA NO. 743:1-2. O Tuhan togutogu ma

1. O, Tuhan togutogu ma au, tu dalan lomo ni rohaM i.
Raphon Ho sonang mardalan au, nang rahis maol si dalananki.
 TondiM i baen manggohi au on, margogoihon au naposoM on,
Pasangap Ho di ngolungkon, paima sahat tu surgo au on.
2. Panghulingi ma au o Tuhan, na rade tumangihon hataM.
Sai tumpahi ruasMu Tuhan, na uasan nuaeng di hataM.
Sai patau ma au on na posoM, manjou halak na dao sian Ho,
rodi na so tumanda Ho, muba gabe pangoloi di Ho.

6. TANGIANG PANGONDIANON

7. ENDE HURIA NO. 28:1-2. Hata ni Jahowa

1. Hata ni Jahowa, Sipadame jolma Hangoluan i!
Halalas ni roha, siapuli roha ni na marsak i!
Gogo ni Debatangki, paluahon na porsea sian nasa jea.
2. Nasa tinahiNa, tagan so ditompa tano on dope,
Nang na tinuduan ni sude pelean, jumpang do muse.
Sangkap ni AmaNa i dipatulus Jesus Kristus; Jolma i ditobus.

8. JAMITA: Poda 4:1-9

9. ENDE HURIA No. 232.1-2 Sian sude parulian na arga

1. Sian sude parulian na arga, sada huboto, hutiop tongtong.
Jesus Tuhanku, Ho arta na arga, na mangatasi sudena antong.
Tangkup Tuhanmu, tung tiop tanganNa, sai pangasahon ma bagabagaNa.
2. Naeng ho pistar? Sai dapothon Tuhanmu, Nasa na hurang sai boan tusi.
Tu pamodaiNa paunduk rohamu, Asa tiur sasude bogasmi. Tangkup ....

10. TANGIANG PANUTUP