HUHUO SEBUA

Nama : MEDIA NDRURU

Semester : IV (Empat)
Prodi : PAK

A. Famoboro : Mangandro

Yafalukha ita fefu wa’ebua dodo Zo’aya yaita Yesu Keriso,

ba’faomasi Lowalangi Ama moroi ba zorugo,
ba fa’awosa gehehaNia ni’amonio..Yaduhu…..

Taromali Angeronua : Zinuno 8 : 4 – 7

Tuho : Fa’aurida tefolakhomi ba Kho Zo’aya
( Hidup Kita Berharga Bagi Tuhan)

Tasuno Lowalangi ba ta’andro saohagolo wa’omasi, ba fa’ebua dodo-Nia khoda irege notola tarugi
ngaluo ni’amoni’o bazimaokho andre. Ama/Ina ba talifuso niomasi’o ba kho Yesu Keriso, ba
zimaokho andre ba ifasugi ba dododa Taromali Lowalangi me imane khoda Tuho “Fa’aurida
tefolakhomi ba Kho Zo’aya”.

B. Famotokhi / osi daromali

Ama/Ina/ ba talifuso ni’omasi’o ba Kho Zoaya Yaita Yesu Keriso, ba dae ta’ila wa ifaduhuo Sura
zinuno andre heiwisa waabolo ma faatua tua Lowalangi ba ba womboi fefu hadia ia ba guli dano
andre irege tefa’ano ma teo fofo’o ba zi sambu sambua nahia, simane Idano Nasi teofofo’o ia
banahia tano sitou ba zalo’o , Tano sabe’e teofofo’o nahiania yawa ba dano salawa ba hili awo
dano bo’o nia nasa, ni wowoi Lowalangi tano bo’o,dao gohito dodo Lowalangi enao ibe’e
amatorowa bawangehaogo ba niha si no iwowoi tanga Nia “ Enao fa’auri niha tefolakhomi ba
kho Zo’aya “ Niha andrearou fabo’o moroi ba ni’asogonia ma niwowoi- Nia tano bo’o, ….na
tafaigi ba zura I Moze 1 : 27 imane : Ba ifazokhi Niha Lowalangi, Famaedo-Nia – Famaedo
Lowalangi ibalio ; Ira matua ba ira Alawe womboi yaira. Ba daromali andre wa yaita andre omboita
danga Lowalangi sino Ifolakhomi moroi ba niwowoi nia Tan obo’o. Sinangea osi daromali ba zino
tabaso Yaia dao:

1. Fa’aboto ba dodo wa Lowalangi andro sebua fa’ahakho dodo. (Sinuno 8:4-7)

Nadali wa’aniha wo’angeraigoda ni falua Lowalangi andro lo faduhu dododa…ba haiwao Taromali
lositebai kho Lowalangi. Ba’ayati ( 4 ) imane osi taromali, Na ufaigi mbanua siyawa andro khoU,
nifazokhi duruMo andro, Bawa ba ndrofi andro nifataroMo. ba ayati da’e ifaduhuo zino I’asogo
Lowalangi si yawa ba mbanua yai da’o haga sebua ba haga side ide samatoro si bongi heza
moguna haga dae, I’o guano niha guli dano , I’ogunao goi urifo ba niwowoi Lowalangi tano bo’onia
nasa….Irege toi Zo’aya te’ebuao ba tefolakhomi.
 2. Lowalangi lo khonia famaigi bawa niha (Sinuno 8: 7 )

Ama/Ina/ ba talifuso ni’omasi’o ba Kho Zoaya Yaita Yesu Keriso, Ba dae ….I’o mbakhao khoda Wa
Lowalangi andro lomano khonia famaigi bawa niha. He wa’ae alau ba horo niha, ba no I’omasio. Iwao ba
daromali “ Oya Horo Ibalugo fa’omasi andro” Andro goi yaita banua niha Keriso samati ba zimaokho andre,
boi mano olifu ita hewisa buala Lowalangi bawa’aurida andre sino ifalukhao ita zamosana.
Ama/Ina/ ba talifuso ni’omasi’o ba Kho Zoaya Yaita Yesu Keriso, Na tafaigi Zinuno 8 : 7 Imane : “ No’obe’e
Samatoro nifazokhi danga- U andro ia; Fefu hadia’ia, bano obe’e ba naro gahenia”. Ba ayati dae, Ifaduhuo
khoda sura zinuno andre wa niha andre sino Ifazokhi tangania ibe’e kuaso khoda Lowalangi
bawondrorogo, bawamatoro, fefu ba zino I’a sogo tano bo’o ba guli dano andre. Andro Yaita niha Keriso
samati kho Zo’aya sowulo ba nomo Lowalangi, da tafolakhomi, ta’ebuao doi Zo’aya khoda zamosana meno
I’ebuao lakhomida ama siso ba zorugo, meno ibe’e amatorowada zino I’asogo ba guli dano andre, boi
tasuno ita, ba boi fayawa ita, meyaita andre fefu no omboita danga Lowalangi.

3. Angerenua

Ama/ina/ba talifuso niomasi ba kho Zoaya Yaita Yesu keriso, sitobali angerenua khoda badaromali
Lowalangi ba zura zinuno 8: 4-7
1. Boi tebulo ita Kho lowalangi, ta’aro’o dododa bawamalua Taromali-Nia
2. Ba boi aetu ita bawangandro, enao lo’aetu I’amualgo kho howu howu ba enao I’olohuni ita faomasi-
Nia andro.

Mangandro :

Manuno :Nomafondrondrongo Liu

Fangadro fangetuo :
He Lowalangi Ama ni”amonio siso ba zorugo yawa, ma suno ba ma ebuao DoiMo andro ba
wangandro saoha golo kho-U ba zino Ofalukhao ya’aga ba zi ma’okho andre dozi sino owulo orahu ba
nahia Ni’amonio, yaia meno tola ororogo fefu nda’aga irege no ohahau dodoma bawe’asoma tono
fonaMo ia da’e..he Lowalangi maandro saohagoloU gameela’U sauri yai taromalimo sino ofajawa
bagotaluama, sitobali sulu, haga, fandru f6na gahema bawekolima tou bagulidano andre fahowuo ia khoma
enao sitedou ndraaga bawamati, bawanotona khoU yawa bazorugo.
Mangandro goi ndra’aga salahi zamatoro ya’aga, he samatoro ya’aga ba Agama, samatoro ya’aga ba huku,
ba famareta o bee khora goi wamatoro satulo, si faudu bawamolakhomi ya’Ugo ba zorugo , ba to bali
fangehaogo wa’auri mbnua samati ba gulidano andre. Ba hija Ama Lowalangima ba zilo arato sibai ozara
dania mangawuliga ba nahia ba nomoma zamosana ndra’aga, ma’andro kho otolo ororogo irege somuso
muso todo ndra’aga bawanuno ya-Ugo yaawa ba zorugo. Faduhu Dodoma wano moambota wangandroma
tano fona dao mahalo go nonota wangandroma satulo sino Ifahao So’aya Yaita Yesu Keriso ba
wangumao……He ama khoma………..
Famahowuo :

Yamufahowuo ita fefu Lowalangi Ama moroi ba zorugo

Yamurorogo wa’aurida sibohou So’aya Yaita Yesu Keriso
Yamufofa’auri ba nosoda daromali sinduhu EhehaNia ni’amonio…..Yaduhu

Sinuno wangetuo : Lowalangida Nofaomasi