BANUA NIHA KERISO PROTESTAN (BNKP)

JEMAAT YOHANES
RESORT 10
Jln. Saonigeho No. 33 Kel. Pasar Telukdalam, Kec. Telukdalam, Kab. Nias Selatan

AGENDRE FEMAOSO YESU

TUHO : FA’OWUAWUA DÖDÖ BÖRÖ WONDROROGÖ LOWALANGI
INTROITUS/TÖI MIGU : YUBILATE
Migu, 30 April 2023

1. FANGOWAI BA FOGAONI
(Tedöni dorosi, möi bakha ba gosali ndra sangai halöẅö, ba fatua möi bakha ndra sohalöẅö ba la honogö
dödöra banua niha Keriso ba wangandrö föna Lowalangi)

Fangowai
S.A : Ya’ami banua Zo’aya, No oi owulo ita oi faondra ba wa’owuawua dödö, me no maoso Zo’aya
ya’ita Yesu Keriso moroi ba ngai zimate. Andrö, ba döi Yesu ma’owai ami : Ya’ahowu, no
maoso Keriso.
Sato : Ya’ahowu!
S.A : Keriso So’aya, No maoso Keriso
Sato : Duhu, No maoso Keriso
S.A : Ya faofao khömi Lowalangi
Sato : Ya fao khöu Geheha-Nia.

Fogaoni
S.A : Da ta’owuawua’ö dödöda wangondrasi Yehowa, da ta’omusoi’ö dödöda ba wamalua
fasumangeta khö Lowalangida. Tasuno Ia, manunö ita moroi ba Mbuku Zinunö….
Sato : Manunö : BZ. No. 029 : 1-2 MASUNOSUNO NDRA’UGÖ
1 Masunosuno Ndra’ugö Lowalangi Yehowa.
Somuso tödö ndra’aga me no khö-U wa’aurima.
Horö ba fangiwa dödö, famakao no oi taya.
Me haga soroi Ndra’ugö gumbu wangorifima.

2 No Öbè wangefa horö no Öbè howuhowu.

Umbu nidanö aurifa fa’omasi sindruhu.
Samalua fa’omasi Öbali’ö tana khö-U.
Ya möi dumaduma khöma wa’omasi nibe’e-U.

2 FANGA’ARO’Ö BA WA’OWULO (VOTUM)

S.A : Da tahonogö dödöda ba wariawösa, ba ba wa ha sambua khö Lowalangi, (muzizio zato);
No owulo ita ba da’e, ba döi Lowalangi Ama, ba döi Nono-Nia Yesu Keriso, ba ba döi Geheha
Ni’amoni’ö. Fangorifida ha ba döi Yehowa si no momböi banua si yaẅa awö danö.
Sato : Yaduhu!
S.A : Ba na lö mususuugi Keriso, ba si lö boto wamatimi andrö, ba lö sitebulö ami ba horömi; Ba iada’e
ba no mususugi Keriso, moroi ba ngai zimate (I Kor. 15 :17 ba 20a). HALELUYA!!!
Sato : Manunö BZ. No. 452 HALELUYA
HALELUYA…HALELUYA…HALELU..U..YA

S.A : Mangandrö ita:

He Yesu Keriso So’aya ya’aga, sangorifi ösi gulidanö andre. Ma’andrö saohaglölö khö-U meno
Ölaẅa wa’abölö horö ba fa’amate ba wemaoso-Mö andrö. Iada’e lö sa’ae ata’u ndra’aga ba lumö
wa’abölö wa’amate andrö, me no maoso ndra’ugö ba wangorifi ya’aga. No alömö wa’amate
andrö ba wemöna, no Ö’efa’ö ndra’aga ba wa’abölö zogömigömi ba no Ö’ohe ndra’aga ba haga.
No Ö’efa’ö ndra’aga moroi ba wesu horö, irege tobali ndra’aga ono khö Lowalangi Ama. He Yesu
Keriso no Öfaogö ndra’aga ba wa’amete-Mö ba tesusugi göi ndra’aga ba wemaoso-Mö andrö,
ma’andrö khö-U böi bulö’ö khöma howuhowu-Mö, me Ya’ugö zamatörö banua si yaẅa awö danö
i’otarai da’e irugi ba zi lö aetu. Yaduhu!!!
(Mudadao Zato)
 BANUA NIHA KERISO PROTESTAN (BNKP)
JEMAAT YOHANES
RESORT 10
Jln. Saonigeho No. 33 Kel. Pasar Telukdalam, Kec. Telukdalam, Kab. Nias Selatan

3 MANUNÖ
Sato : Manunö : BZ. No. 191 : 1-2 NA OWÖKHI DÖDÖDA
1 Na owökhi dödöda, tabu ta’ondrasi Yesu.
Khöda göi I fa’ema, I bokai nidanö gumbu.
Lö falukha ba mbö’ö ha khö Yesu so da’ö.

2 No ikaoni So’aya, zabu tödö ba horöra.

Sanutunö khö-Nia, fefu ngawalö zalara.
Ha zi tosasa tödö, ae khö Yesu angandrö.

4 FOMBASO TAROMA LI LOWALANGI (AF)

S.A : Datafondrondrongo daroma Li Lowalangi, tehalö moroi ba zura V MOZE 11 : 10 – 17
10 Tanö andrö sa, ba zi möi ndraʼugö, ba wangokhögö yaʼia, ba no tenga si mane
tanö Miserayi andrö, saheta ami, nifoʼidanömö aheu, na no ötaru danömöu,
amaedola kabu gule.
11 Tanö andrö, ba zi möi ami miyefo ba wangokhögö yaʼia, ba no tanö si so hili ba si
so daso, tanö samadu teu, na atoru moroi yaẅa,
12 tanö nirorogö Lowalangiu, Yehowa; lö aefa hörö Lowalangiu, Yehowa, khönia,
döfi fasui.
13 Ba na aʼoi dödömi woloʼö oroisagu andrö, nibeʼegu khömi maʼökhṍ, wangomasiʼö
Lowalangimi Yehowa, na moroi siʼaikö ba dödömi ba na moroi siʼaikö ba
geraʼerami möi ami enoninia,
14 ba ufatörö ba danömi deu, na inötö, teu sahulö ba teu sara, enaʼö öʼila öʼozaragö
mbua nowi khöu ba bua nagu khöu ba fanikha.
15 Ba ufoduʼu mbenuamö, ö guriföu, enaʼö ösöndra göu ba enaʼö abusoʼö.
16 Mifaigi sibai, fa böi ibeʼe niföwöhö ia tödömi, ba wamosumange Lowalangi böʼö,
ba ba wangalulu ba daʼö;
17 fa böi tesao wönu Yehowa khömi, fa böi ikusi mbanua si yaẅa, tobali lö teu saʼae
ba löʼö saʼae bua danö, ba lö ararā, ba ahori ami ba danö si sökhi andrö, nibeʼe
Yehowa khömi.

S.A : Si manö daroma li Lowalangi, da tatema’ö faoma sinunö moroi ba . . . .

Sato : Manunö: BZ. No. 114:1 NO MAOSO YESU SO’AYA
No maoso Yesu So'aya, lewatö no I röi.
Umbu wa'auri sa Ia, ba sangorifi göi
ba sangorifi göi

5 FANGANDRÖ FANGEFA HORÖ

S.A : Ya’ami ira talifusö,
Na taẅa’ö lö horöda, ba talimo ita, ba si duhu lö’ö ba dödöda. Na ta’ombakha’ö horöda, ba lö
faröi Ia, ba no satulö Ia, fa I’efa’ö khöda horö andrö, Ihaogö ita, awö wa Iheta fefu zi lö atulö.
Andrö da möi ita föna Lowalangi si fao fangidengide’ö ba wangombakha horöda,

(Muzizio Zato)
Mangandrö ita…
He So'aya ya'aga Yesu Keriso si mate ba röfa ba hili Gologata, ba si no maoso moroi ba ngai
zimate. Faduhu dödöma ba daroma li-Mö me Öwa'ö: "Ya'odo wemaoso ba fa'auri, samati khö-
Gu, ba auri, heẅa'ae mate ia." Ba hiza, ba lala wa'aurima sero ma'ökhö asese ma'ositengagö ba
ma osilö'ögö Ndra'ugö So'aya, me ma'o'ö nifakhoi dödöma samösa. Bologö dödö-U khöma, ba
be'e aefa khöma horöma andrö. Hakhösi dödö-U khöma So'aya, boi tehe tekiko, törötörö tödö-U
wa'ebua dödö-U awo wa'ahakhö dödö-U khöma Böi bulö'ö ndra'aga moroi ba wa'omasi ba ba
wangorifi andrö si no öhonagö ba zamati khö-U

S.A : Mangandrö ba dödö zamösana, föna Lowalangi.....1 irugi 2 meniti.

S.A : Hakhösi dödö-U khöma Ama, ba be’e aefa khöma horöma andrö ma’afefu...Yaduhu.
 BANUA NIHA KERISO PROTESTAN (BNKP)
JEMAAT YOHANES
RESORT 10
Jln. Saonigeho No. 33 Kel. Pasar Telukdalam, Kec. Telukdalam, Kab. Nias Selatan

Sato : Manunö: BZ. No. 224 : 1 NA UBINI’Ö HORÖGU KHÖ YESU

1 Na ubini’ö horögu khö Yesu,
Ba lö usöndra zahono dödögu
U’ombakha’ö ngawalö horögu,
Molala dödö
TURIA FANGEFA HORÖ

S.A : “Imane taroma Li Lowalangi: 'Ba no erege dödö-Gu öbe'e ba horöu andro; no öfakao-Do
olalöẅamo. Ya'o, Ya'odo andre zamunu lalöu andro, börö Ndra'o, ba lö'ö sa'ae itöro tödö-Gu
horöu” (Yesaya 43:24b-25).
LAKHÖMI KHÖ LOWALANGI SI YAẄA….

Sato : Manunö : BZ. No 450 :1 BA FA’ATULÖ BA GULIDANÖ

1 Ba fa’atulö ba gulidanö
ba niha ni’omasi’ö andrö.
(Mudadao Zato)
6 FOMBASO TAROMA LI LOWALANGI (AB)
Fombaso taroma li Lowalangi nibaso föna huhuo, tehalö moroi ba zura: YOHANE 10 : 1 - 10
1 Si ndruhundruhu niẅaʼögu khömi, si lö manörö bawandruhö andrö, weʼamöi
ba kandra mbiribiri andrö, sanawö baʼabaʼa, ba sanagö daʼö ba samaraʼu.
2 Sanörö bawandruhö daʼö gubalo mbiribiri.
3 Khönia ibokai sanarö ba mbawadruhö andrö, ba lafondrondrongo linia
biribiri, ba humede ia ba mbiribiri tána khönia itötöi döi, ba iʼohe baero.
4 Ba na no ibeʼe baero dána khönia fefu, ba mowaöwaö ia, ba laʼoʼö ia biribiri,
noa sa laʼila linia.
5 Ba lö laʼoʼö niha böʼö, moloi sa ira khönia, me lö laʼila li niha böʼö.
6 Amaedola andrö iẅaʼö khöra Yesu, ba lö aboto ba dödöra hadia ia, niẅaʼönia
khöra.
7 Ba imane Yesu: Si ndruhundruhu niẅaʼögu khömi, yaʼodo mbawandruhö ba
mbiribiri.
8 Dozi ira, ha waʼato zi no möi, ba no sanagö ba no samaraʼu, ba lö
lafondrondrongo khöra biribiri.
9 Yaʼo mbawandruhö. Na so zanörö yaʼo, weʼamöi bakha, daʼö niʼorifi, ba möi ia
bakha ba möi baero, ba isöndra gö.
10 Lö möi zanagö, na tenga ba wanagö ba ba wamunu ba ba wamakiko. Ba daʼö
möi ndraʼo, enaʼö so khöra waʼauri ba enaʼö fahöna khöra hadia ia andrö.

S.A : Ya’ahowu zamondrongo taroma li Lowalangi ba same’e ba dödö. (Luka 11:28)

Sato : Yaduhu!

7 FAMALUA HALÖWÖ NI’AMONI’Ö FAMAYAGÖ IDANÖ (na so)

8 FASÖMBATA
SA : Iada’e tebe’e khöda ginötö ba wolohe fasömbatada khö Lowalangi. Ta’osamuzaigö wame’e, he
fasömbata si föföna, ba si manö göi zi mendrua awö zi medölu ba ame’ela nifosasi. Ba si föföna
ua da tafondrondrongo Li Lowalangi me imane:
Ba da’ö niẅa’ögu : Na so zangatalisi tanömö, ba lö oya’oya ibasi, ba na so zi lö alimagö tanömö,
ba oya göi ibasi dania. Ba balazi dödö zamösana; böi abu dödö, ba tenga niforege: si no aoha
gölö fame’e, da’ö sa zomasi lowalangi (II Kor.9:6-7).

Tafa’ema wasömbata khö Lowalangi, manunö ita moroi ba . . . . .

Sato : Manunö : BZ. No. 022 YESU HA UBÈ FANUNO

1 Yesu, ha ubè fanuno, wa’ebua dödö-Mö.
He’uwisa wamatunö, fa’atulö nilau-Mö.
He So’aya, samatörö, si lö ambö fa’abölö.
 BANUA NIHA KERISO PROTESTAN (BNKP)
JEMAAT YOHANES
RESORT 10
Jln. Saonigeho No. 33 Kel. Pasar Telukdalam, Kec. Telukdalam, Kab. Nias Selatan
Be’e khögu Geheha-U, sango’ou ba samahaö.

2 Ae dönisi göi dödögu, wanöngöni nilau-Mö.

Ba bokai hörö dödögu, fa u’ila dödö-Mö.
No fahöna wa’omasi, fatolosa, fangorifi.
Fa’ahakhö dödö-Mö, fefu mbörö ba da’ö.

3 He abu sibai dödögu, na gönado fotu-Mö.

Ba wangoroma’ö khögu, fa’omasi-Mö andrö.
Da’ö lala ba wogaoni, ya’odo ba wangorifi.
Lö omasi Ndra’ugö, na te’ala ndra’odo.
4 Fondrorogö nama ono, wondrorogö-Mö ya’o.
Hulö ae ba gafi moyo, wolohe-Mö ya’odo.
Na so mbaho fama’ala, Ötaya fa böi te’ala.
Na so hili wamakao, Ö’onoro, Öfasao.

5 No fahöna howuhowu, ha wa’oya mbuala-U.

No Ötandrösaigö khögu, wangorifi mbanua-U.
Ha khö-U u’ohe zinunö, ba fangandrö saohagölö.
Ya sumange-Mö ndra’o, khö-U ululu ndra’odo.

S.A : Da tafasao wasömbatada andre khö Lowalangi, manunö ita moroi ba Mbuku Zinunö Numero 261
YA’E ZUMANGE
(Muzizio Zato)
Sato : Manunö : BZ. No. 261:1- 6 YA'E ZUMANGE

FANGANDRÖ FAMASAO FASÖMBATA

S.F : Mangandrö ita: “. . . . . . . . . . . . . . . . . . . .“
(Mudadao Zato)

8 KOOR / VOCAL GROUP

S.A : Da tafaogö dödöda ba wanuno Lowalangi faoma sinunö ni’olohesi: Koor ba Vocal Group
1. ……………
2. ……………

9 MANUNÖ
S.A : Da tafa’anö dödöda wamondrondrongo taroma Li Lowalangi, manunö ita moroi ba . . . . .
Sato : Manunö : BZ. No. 163 : UHONOGÖ SIBAI DÖDÖGU

10 HUHUO SEBUA
S.H. : Ya irorogö dödömi, awö gera’erami fa’ohahau dödö andrö, khö Lowalangi, sabölö moroi ba
gera’era niha fefu, ba khö Keriso Yesu. Mangandrö ita . . . . . . . . . . . . . . Yaduhu!
Fombaso taroma li Lowalangi, SINUNÖ 100 : 1 - 5
1 Miʼowuawuaʼö dödömi khö Yehowa, yaʼami dozi tanö!
2 Miʼaohasi gölömi weʼamöi enoni Yehowa; miʼondrasi Ia, miʼaʼiki!
3 Ya aboto ba dödömi, wa no Lowalangi Yehowa! Yaʼia zamazökhi yaʼita ba no
khö-Nia ita, banuania ba biribiri, nikubaloi-Nia.
4 Mitörö mbawa göli andrö khö-Nia, wangandrö saohagölö; miʼae ba golayama-Nia,
wanuno Yaʼia; miʼandrö saohagölö khö-Nia ba misuno döi-Nia andrö!
5 Si sökhi tödö sa Yehowa: faʼebua dödö-Nia andrö, ba no si lö aetu, ba lö faröi Ia,
götögötö waʼara.

 Famotokhi taroma li Lowalangi

 Sinanö ba dödö: SINUNÖ 100 : 5
 “Si sökhi tödö sa Yehowa: faʼebua dödönia andrö, ba no si lö aetu, ba
lö faröi ia, götögötö waʼara.”
 BANUA NIHA KERISO PROTESTAN (BNKP)
JEMAAT YOHANES
RESORT 10
Jln. Saonigeho No. 33 Kel. Pasar Telukdalam, Kec. Telukdalam, Kab. Nias Selatan
 Fangandrö fangaro’ö huhuo.

Sato : Manunö : BZ. No. 156 : 1 HE SO’AYA BÖI BULÖ’Ö

1 He So'aya, böi bulö'ö, khögu daromali-Mö.
U fonaha ba dödögu, me no haregu da'ö.
Ba da'ö sa manandrösa, wanötöna dödögu.
Lö moguna danö bö'ö, li-Mö wangorifigu.
11 TUHO WAMATI
S.A : Meno tarongo daroma li Lowalangi, ba da tafaogö li da wamaduhu’ö famatida ya’ia niha Keriso
föna Lowalangi, (muzizio ita fefu)

S.A. + : Ya’o mamati khö Lowalangi Ama……………….

Sato

11 ANGOMBAKHATA BA MBANUA NIHA KERISO

S.A : Da tafondrondrongo gangombakhata : nifae’ma moroi ba majelis jemaat

12 MANUNÖ
S.A : Manunö ita moroi ba BZ. No. 477 : 1-2 OMUSOMUSO DÖDÖ ZAMATI
1 Omusomuso dödö zamati, me no ae la tema mbuala.
Me no mamuala khöra Yesu, famalalini era’era
Me no mamuala khöra Yesu, famalalini era’era

2 No motödö niha gulidanö, lö sanörö lala sindruhu.

Sökhi dali zoroma ba hörö, tödö bakha fahöna mbekhu.
Sökhi dali zoroma ba hörö, tödö bakha fahöna mbekhu.

13 FANGANDRÖ SALAHI, FAMATENGE, HOWUHOWU

Fangandrö Salahi
S.H. : Muzizio ita fefu, mangandrö ita:…..
Fangandrö Zo’aya……….
S.H +
: He Ama khöma …………..Yaduhu!
Sato
Famatenge ba Howuhowu:
S.H. : Mifuli ami ba mifaduhu’ö Keriso andrö ba wa’aurimi sero ma’ökhö ba mitema howuhowu
Lowalangi:
 Ya mufahowu’ö ami (ita) Lowalangi, Ya murorogö ami(ita)
 Ya mufohaga mbawa-Nia khömi (khöda), ba ya mu’ebua’ö dödö-Nia khömi (khöda)
 Ya mufalemba hörö-Nia khömi (khöda), ba Ya mube’e wa’ohahau dödö khömi
(khöda) fefu, Yaduhu
Sato : Manunö : BZ 470 : 1-2 YESU SAURI
1 Yesu sauri, so Ia ba dödögu. 3 x
Ya’iaya zamatörö fa’urigu

2 Yesu sauri, zamaeri fa‟aurigu. 3 x

Andrö lö te‟alado, lö elungu.
S.H : Ya’ahowu!!!
Sato : Ya’ahowu!!!