wangandröma andre Ama Lowalangima, Ono-U Yesu Keriso ba Eheha
AGENDRE MIGU BNKP Ni’amoni’ö, Yaduhu.
24 MEI 2020, NIFALUA BA NOMO MBANUA NIHA KERISO
1. Fangowai
Sondronia’ö : Ya’ita fefu sowulo, ni’omasi’ö Keriso. Ma’ökhö
Agendre andre, tafalua wasumangeta khö Lowalangi ba
nomo andre, ba wanohugö wanörö tödö luo
Wanahae Yesu ba Zorugo, sifao banua niha keriso
sato ba nahiara zamösana. Töi Migu ma’ökhö andre
Exaudi eluahania Fondrondrongo, Yehowa, mu’ao
ndra’odo! (Sin. 27:7). Andrö, ba döi Yesu u’owai
Sato : ami fefu, Ya’ahowu!.
Sondr : Ya’ahowu!
Sato : Ya faofao khömi Lowalangi,
Yafao khöu GehehaNia.
Manunö : BZ. No. 29 MASUNOSUNO NDRA’UGÖ
2. VOTUM
Sondr : Muzizio ita fefu, tahonogö dödöda we’amöi föna Yehowa:
No owulo ita ba da’e ba döi Lowalangi Ama, ba döi
nonoNia Yesu Keriso, ba ba döi Geheha Ni’amoni’ö.
Fangorifida ha ba döi Lowalangi so, somböi banua si yawa
Sato : awö danö.
Yaduhu
Mudadao zato
3. Fombaso Taroma Li Lowalangi: Sinunö 27:7-14
4. Manunö : BZ. No. 236 : RONGO WANGANDRÖ DÖDÖGU
5. Fangandrö Wangefa Horö
He So’aya Lowalangima, Ama khöma Si lö ambö fa’abölö, Salaŵa yaŵa zalaŵa.
Mu’ao ndra’aga khö-U ba matötöi döi-Mö, ena’ö Öhakhösi dödö-U khöma
ya’aga si no afönu horö. He So’aya ya’aga Yesu Keriso, no möi-Ö ba gulidanö ba
no tobali niha, tefakao, mate ba maoso ba möi ba zorugo ba wobelegö ba ba
wangorifi ya’aga. Hakhösi dödö-U ba a’aro’ö wamatima ba wangandrö
saohagölö khö-U. He Eheha Ni’amoni’ö, sondrara tödö niha sabutödö. Fadöhö
fefu ngawalö wökhö ba famakao börö horöma. Ya’ugö zifaofao khöma ena’ö lö
mamalö wa’omuso dödöma ba wamalua somasi Ndra’ugö. Ya’ugö gumbu
wa’omasi ba Sangefa’ö horö, böi olifu’Ö ndra’aga. Fondrondrongo
Fangandrö dödö zamösanasa 1-2 meniti
Manunö: BZ. No. 224:1 “Na ubini’ö horögu khöU Yesu…..”
Turia Wangefa horö:
“Imane taroma Li Lowalangi: “Noa sa ahori mamazökhi horö ira, ba lö’ö sa si
sökhi duriara khö Lowalangi. Ba saohagölö wa Iŵa’ö Lowalangi satulö ira,
fa’ebua dödö-Nia, börö wangöhöli andrö, ba khö Keriso Yesu, nifataro Lowalangi
höli, ba ndro-Nia andrö, balazi wamati, ba wangoroma’ö fa’atulö dödö-Nia, börö
wa no I’osilömilagö horö föna. Si mane fa’ahakhö dödö nama nononia, si manö
wa’ahakhö dödö Yehowa zangata’ufi Ya’ia”.”
6. Manunö: BZ. 22 “Yesu Ha Ube Fanuno” (te’owuloi wasömbata)
7. Manunö: BZ. 153 : HE LOWALANGI AMA NO OWULO NDRA’AGA
8. Angerönua : Matai’o 20 : 29 - 34 (Faigi Lampiran)
Nitano ba dödö : Sinunö 27 : 9b
Manunö: “No mafondrondrongo liU”
9. Tuho Wamati
10. Fangandrö Salahi + Fangandrö Zo’aya
11. Howuhowu:
Muzizio zato
Datatohugö wekolida si fao fa’ohahau dödö, ya tobali ita sura Keriso,
samaduhu’ö Ya’ia ba lala wa’aurida sero ma’ökhö, ba ta’andrö howuhowu
Lowalangi:
 Ya mufahowu’ö ita Lowalangi, Ya murorogö ita
 Ya mufohaga mbawa-Nia khöda, Ya mu’ebua’ö dödö-Nia khöda
 Ya mufalemba hörö-Nia khöda, Ya mube’e wa’ohahau dödö khöda fefu.
Yaduhu .
12. Manunö: BZ. 210 “MAMATIDO KHÖU YESU
YA’AHOWU!
Keterangan:
1. Mu’obini Zondrönia’ö moroi ba nösi nomo, sangolohesi numero 1 irugi 7
2. Satua baomo zombaso Angerönua, numero 8 irugi 12
3. Ena’ö mufa’anö Soera Ni’amoni’ö, Buku Zinunö, ba nahia wasömbata.
4. Sambua duho ba wangandrö salahi, ya’ia wangandrö fa’ahakhö dödö
Lowalangi, ena’ö I’aröu’ö ita moroi ba wökhö Corona si no mamasui
ulidanö.
5. Fasömbata tefa’ema ni’odela khö SNK ba lingkungan.