AGENDRE WAMATARO

SATUA NIHA KERISO (SNK)

BANUA NIHA KERISO PROTESTAN

JEMAAT JAKARTA
RESORT 45

MINGGU, 29 NOVEMBER 2020

1
 AGENDRE WAMATARO SATUA NIHA
KERISO (SNK)

Manunö : Buku Zinunö No:129:1-2

129. LÖ TOLA LÖ TAHALÖ
do = f 4/4
MM = 88 – 96
        
1. Lö to - la lö ta- ha - lö, ha-lö - ẅö Zo ’a - ya.
      
Me so na ya-ẅa lu - o me lö bo-ngi na.
                 
Ha zi lö mo-ha - lö - ẅö, fa - tu - a au - ri na.
                    
Lö to - la lö I - su - gi, Ye-su So ’a - ya.
2. Me buala si sökhi, zi no Ibè khöda.
Famati, fa’omasi, ba fanötöna.
Andrö ta’odödögö, wangai halöẅöda.
Fangomasi’ö awö, börö Zo’aya.

Fangahono : Famataro Satua Niha Keriso andre - tefalua ba döi

Dödö Lowalangi Ama, ba döi Yesu Keriso, ba ba döi Geheha
Ni’amoni’ö. Yaduhu.

Imane Yesu: Tenga ya'ami zanuyu Ya'o, Ya'o sa

zanutuyu ya'ami, ba no Ufataro ami, ena'ö möi ami
mowua, ba ena'ö lö tebulö mbuami. (Yoh. 15:16a).
2
Yaduhu!

I’otarai föna sa’ae, tetutuyu ndra sohalöwö ba gotalua

mbanua niha Keriso. Andrö si mane ba zura Halöẅö
Zinenge: (Faza 14:23). “Ba ladozigö banua wanutuyu
satua khöra, ba mangandrö ira ba mamoni, wanou’ö ya’ira
ba danga Zo’aya ba zamati ira.” Ba imane Faulo ba
zurania khö Dimoteo andrö: (I Timoteo 5:17 ) “Satua
andrö, sangehaogö fangai halöẅöra, ba mifodua winaeta
zumangera, ba mendrua manö ba zi so halöẅö fahuhuosa,
ba famahaö.” “Ba ifarou göi Dito andrö, ena’ö idozigö
banua, wamataro satua ena’ö i’o’ö niẅa’önia khönia.” Ba
si manö göi wa latutuyu ndra enoni samalua halöwö
wa’omasi, ba wondrorogö si numana ba si tosasa tödö. Si
mane niwa’ö ba Halawö Zinenge 6:1-3: “Ba me luo da’õ,
me tobali ato nifahaõ, ba tesao wekõkõkõkõ Ndrawa
Heleni ba niha Heberaio, me te’ositengagõ lakha mbanua
khõra, ba dolotolo andrõ, sero ma’õkhõ. Ba lafalukha’õ
nifahaõ sato si felendrua, lamane: Lõ omasiga, marõi
daroma Li Lowalangi, ba we’amõi ngoningoni ba
wemanga. Ba mifaigi niha, ba khõmi, ya’ami, ira talifusõ,
dafitu, si sõkhi turia, si no fahõna Eheha ba fa’atutua,
nifataroda ba halöẅö andrõ. Ba lõ tebulõ ndra’aga ba
wangandrõ ba ba halöẅö fangombakha taroma Li.

Ba da’ö ta’ila, wa tenga nifakhoi dödö manö, halöẅö

zatua, halöẅö fangombakha, awö halöẅö fangomasi’ö
andrö, no niẅa’ö Zinenge Zo’aya sa, ba wangebua’ö
banua niha Keriso; ba ba wangehao ya’ia.

Ya’ami banua niha Keriso. Me no mitutuyu nawömi

andre, ba no göi si fao dödö zato ba walukhata, andrö

3
 tafataro ira ba halöẅöra iada’e ba te’a’aro’ö ira.

Manunö: Buku Zinunö No: 131:1

131. YESU, SANGORIFI MÖIGA ENONIU
Lala : Kubalogu Yesu ( No. 300 )
do = a 4/4
MM = 96 - 104
                   
1. Ye-su, Sa-ngo - ri - fi, möi-ga e - no - ni-U.
Ba wo-gao-ni ni - ha, si no e - lu - ngu.
                     
A - to zi te ’ a - la me lö la ’ i - la
                  
La-la ba wa ’ au - ri sae-khu khö Na - ma.

Fangandrö : Mangandrö ita:

He Lowalangi Ama ba zorugo! No oi Ö’ila dani

wa’owuloma ba da’e. Ma’andrö khö-U ena’ö tenga ya’aga
zamataro niha andre tobali Satua Niha Keriso, ena’ö
Ya’ugö zamataro. Aohasi gölö-U wanehe ya’ira: höna
khöra Geheha-Mö, ena’ö sökhi lalara, ba ena’ö
manandrösa halöẅö nilaura ba wangebua’ö banua-U, ba
ba wanga’azökhi, ba ba wanuno töi-Mö sebua andrö.
Yaduhu!

Manunö: Buku Zinunö No:132:1

132. HE YESU, EBOLO MBASITÖ
Lala : Na Hönö Mbawagu Ena’ö ( no. 4 )
do = f 4/4
MM = 96 - 104
             
1. He Yesu, e - bo-lo mbasi - tö, ba no a-mbö so-ha- lö-ẅö.
4
 A- to na-sa zo-gö-mi tö-dö, si lö ma-ngi-la ha-ga-Mö.
                
Do-zi ndra’a - ga ma ’a-ndrö, ya to-ba - li ta-na khö-Mö.
Fangombak : He ya’ami ira talifusö, modanedane ba goigoi si no
ha Lala mufa’anö ba Peraturan BNKP No 07/BPMS-BNKP/2008
Halöwö ba mitöngöni zitobali tuho halöẅö ba nifataro ya’ami:

Halöẅö Zatua Niha Keriso:

Ba da’e halöẅö zatua andrö si tölu ngawalö andre:

Siföföna

Falulu ira ba wangombakha taroma Li Lowalangi. Faoma

la’owölö’ölögö wamaigimaigi, fa lö taya wamati mbanua
niha Keriso, ba mendrua manö latolo, fa tedou gamuata si
sökhi, amuata niha Keriso, fa la’ombakha’ö khöra lala
Lowalangi, fa lö aefa wangenanö, awö huku si sökhi, ba
fa tetenaẅa fefu ngawalö wangala. Fa la’ata’ufi
Lowalangi si faronga, fa lö fabali ira, fa lö fasoso, fa
lategu ndraono ba zi lö sökhi. Böi la’ata’ufi niha, satua
andrö, böi so ba dödöra, wa’omasi niha ira. Böi möi börö
da’ö wa lö lategu ena’ö gamuata si lö sökhi, sinegu
Lowalangi, la’oroma’ö lala satulö ba zolalö, lafarou
dödöra ba wanörö lala da’ö, hulö na ifarou dödö nononia
ama, latolo, lira, ba he amuatara, nibe’e tulada; ena’ö
atulö fefu hadia ia, ba mbanua niha Keriso.

Sidua:

Lafaigi satua andrö, fa lö faguagua ba gosali, fa oi ahono,

wamondrondrongo Li Lowalangi, ni’ombakha’ö. Ba
lafaigi göi, fa lö la’oguna’ö ba wolau si lö atulö luo
ni’amoni’ö andrö, luo Migu; ena’ö la’angenanöi
5
 wangamoni’ö, ba ena’ö la’o’ö goroisa Lowalangi ba da’ö.

Sitölu:

Mo’ömö zatua andrö, la’oigö dödöra wanolo fefu zigöna

fa’abu dödö, hadia ia. Latolo zi lö ama, si lö ina, si lö
talifusö, hulö na onora. Böi olifu ira, wamolala tödö
zinumana, awö zofökhö. Lahaogö wondrorogö kefe nibe’e
ba dangara, ame’ela ba zinumana; böi ebua dödöra
zambuana lahaogö wama’ema ame’ela andrö, ena’ö atulö,
ba ena’ö molakhömi Lowalangi ba halöẅö da’ö.

Fanofu Da’ö halöẅö Zatua ba Mbanua Niha Keriso. Ba halöẅö

da’ö lafataro ami iada’e! Andrö usofu khömi ba zanehe
Lowalangi, sogaoni ya’ami, ba ba zanehe mbanua niha
Keriso, ba zimöi ami enoni. Hadia edöna ami mi’o’ö li
Lowalangi, mi’ohe ba wamati, ba wa’omasi, ba ba
wanötöna mbanua niha Keriso andre, ba wangai
halöẅömi andrö sawena te’ombakha’ö khömi? Na edöna
ami, mibe’e dödömi, mi’osindruhugö, ba lö faröi ami
wangai ya’ia, ba mitema ligu wanguma’ö:

“Edönaga, ya itologa Lowalangi ba wa’ebua dödö-Nia

andrö!”

Fanema Li EDÖNAGA, YA ITOLOGA LOWALANGI BA WA’EBUA

DӦDӦNIA ANDRӦ.

Famataro : Ba döi Lowalangi Si samösa tölu, si no mogaoni ya’ita:

Ufataro ami tobali Satua Niha Keriso ba BNKP Jemaat
Jakarta. Ya Ihöna khömi Lowalangi wa’atuatua ba
fa’abölö ba wangai halöẅö-Nia andrö. Yaduhu.

Famahow : Mihonogö dödömi ba wanema howuhowu:

u’ö
Ya muhagaini Lowalangi dödömi Eheha-Nia Ni’amoni’ö.

6
 Lowalangi Ama, ba zorugo, sogaoni ya’ami, awöma enoni
mbanua-Nia, ya mu’abölö’ö ami, ba fa lö faröi ami ba
halöẅömi andrö, ba wamosumange Ya’ia, ba ba wanema
fa’auri si lö aetu. Yaduhu!

Famatenge : Ba mi’ae’e sa’ae ya’ami talifusö, mi’oigö dödömi, ena’ö

sökhi halöẅömi andrö. Böi miförö, mi’abe’e’ö ami
wamati, si mane ira matua, ya’abölö ami, ya a’oi so khömi
wangai halöẅö Zo’aya andrö, böi ya mamalömalö, me no
mi’ila, tenga zayazaya gölö wa’erege dödömi andrö ba
khö Zo’aya

Oroisa ba : Ba so niẅa’ö khömi ya’ami banua niha Keriso. No

mbanua mirongo, hadia nifabu’u Zatua Niha Keriso andre khö
niha Keriso Lowalangi, börö ami, ba iada’e ba mitema ira, mi’omasi’ö
ira, ya faduhu dödömi khöra. Mendrua manö
mifosumange ira iada’e ba halöẅöra, nibe’e Zo’aya khöra,
ba khömi, ena’ö omuso dödöra, ena’ö aoha gölöra wangai
halöẅöra, ba ena’ö lö atage ira.

Mitolo ira, heza mi’ila mitolo! Böi mi’olifugö ami ira, na

mangandrö ami, ena’ö ha sara dödöda dozi ita, ba ena’ö
faböbö ita, atulö ita, ba oroma ba da’ö wa ndrotondroto
mboto andrö ita fefu, ba zi no möi högö Zo’aya ya’ita,
Yesu Keriso. Ba faoma tatohu danga nawöda, ba wamanöi
boto andrö, ma’asambua, ba wangabölö’ö ya’ira, ba böi
aefa wa’omasida nawöda, ba da’ö fefu. Ya mutolo ita fefu
ba da’ö Yesu Keriso. Yaduhu!

Muzizio zato, mangandrö ita:

He Lowalangi, So’aya, si so ba zorugo! Masuno

Ndra’ugö, me no ebua dödö-U khöma, me lö faröi
Ndra’ugö, wondrorogö banua-U andrö ba gulidanö, ba me
no Öbe’e göi ba mbanua niha Keriso andre niha da’e si no

7
 aoha ölö we’amöi enoni-Mö ba wokubaloi ya’ira fa lö
taya wamatira, fa lö laröi lala andrö khö-U. Ma’andrö
khö-U, be’e khöra ame’ela-U, Geheha Ni’amoni’ö andrö,
fa’atuatua, ba fa’abölö-Mö, ba fa’anau-gölö, ba fa’omasi
dalifusö, ena’ö lö abua gölöra, ena’ö owölö’ölö ira ba
halöẅöra. Fahowu’ö mbanua niha Keriso ma’afefu, ena’ö
lö aekhu ba danö, na so daroma Li Lowalangi, ma
fondrara dödö, ma fanegu, ma famorou-dödö. Fasao ira ba
lala sadölö, Eheha-Mö.

Tolo ira ba wagohisa andrö, ba wolohi luo andrö nifabu’u,

me tekaoni ndra’aga fogaoni si’otarai zorugo, ena’ö banua
si sökhi ira, si lö sinegu börö Yesu Keriso. Yaduhu!

Mudadao zato

Mnunö : Buku Zinuno No:135:1

135. HALÖẄÖMÖ NIHALÖMA
Lala : Halöẅöma Halöẅömö

do = g 4/4
MM = 88 – 96
                       
1. Ha-lö-ẅö-Mö, ni- ha - lö-ma Ke - ri - so So ’a - ya.
Ba we ’a-möi e - no - ni-Mö, lö ae - khu gö-lö - ma.
             
Da fao-ga wa-ma-du - hu ’ö, ha - lö- ẅö ni- fa-
       
lu - a-Mö. Fa-ngö-hö - li, fa - nga-tu - lö, z i - no sa
                   
wu - yu ba ho - rö ya do - zi möi,
              
i - ra ba - nu - a - Mö.
8
 ……………Fama’ema SK…………+ Fondra’u danga

Nitöngöni:
Stola ni’oguna’ö ya’ia zo la’ala’a soyo (merah), ba molo’ö töi migu
la’ala’a lembe meza.