AGENDRE MIGU UEM

(United Evangelical Mission)

Minggu, 04 Juni 2023

Tuho Migu : Lowalangi si samösa tölu somböi hadia ia fefu /

Allah Tritunggal pencipta segala sesuatu

1. FANGOWAI BA FOGAONI
SA : Ya'ami banua Zo'aya. No oi owulo ita oi faondra ba wa’owuawua dödö, ba
wamalua fasumangeta kho Lowalangi. Ma'owai ami ba döi Yesu Keriso,
Ya'ahowu..!
SATO: Ya'ahowu.

SA : No owulo ita ia da’e ba wamalua fasumangeta migu UEM, ya’ia da’ö migu
sangosambua’ö ya’ita sitölu soi sebua (Asia, Afrika ba Jerman) ba
wangaurifagö fa hasambua boto ba khö Lowalangi.

Ma’ökhö ifasugi khöda wa Lowalangi si Samosa Tölu si no momböi

banua si yawa awö danö, ba fefu hadia ia zi so ba gulidanö sinangea
ta’andrö saohagölö. Fangandrö saohagölöda khö-Nia ta oroma’ö ba
wa’aurida, da tarorogö ba tafaeri fefu niwöwöi-Nia sino so, ena’ö tefatohu
wa’aurida ba ena’ö tesuno ba tefolakhömi Lowalangi somböi ölia ulidanö.

Börö da’ö ba wamalua fasumangeta migu UEM ena’ö sitedou ba wamaeri

nahia si so ya’ita, iada’e alua gamuata niha wangoguna’ö tanö molo’ö
somasi dödöra, irege tekiko danö andrö. Börö da’ö, ba nifaluada he wa ae
no ide-ide, ba bua nia te’ehaogö mangawuli danö si so ya’ita.

Ya’ami ni omasi’ö Lowalangi, da möi ita föna Lowalangi safönu fa’atulö

ba khö Yesu Keriso, solohe ya’ita mangawuli ba wangomasi’ö talifusö ba
ba wondrorogö ni wöwöi Nia fefu.

SA : Mangandro ita :
“He Lowalangi Ama, Ono ba Eheha Ni’amoni’ö, ma’ökhö ba no sowua-
wua tödö ndra’aga menö tola mafalua wasumangeta sifao fefu ndroto-
ndroto UEM si so ba zitölu soi sebua. Ba ena’ö fasumangeta nifaluama
ma’ökhö ba nahiama samösana tobali famolakhömi Lowalangi. Faduhu
dödöma noso’ö ba gotaluama ia da’e. Ba döi Keriso Yesu. Yaduhu”

BNKP Jemaat thomas umbuhumene 1

2. MANUNÖ
SA : Da ta’owuawua’ö dödöda wangondrasi Yehowa, da ta’omusoi’ö dödöda ba
wamalua fasumangeta khö Lowalangida. Tasuno Ia, manunö ita moroi
ba
BZ. 24. TASUNO LOWALANGI BA ZORUGO
(Lala: Hewisa Ita ba Hewisa Dödö)

1. Tasuno Lowalangi ba zorugo, same'e haga ba gulidanõ.

Same si bongi awõ zi ma'õkhõ ba talu mbanua yawa danõ.
No Ifõfõgõ nasi segebua, Ifatumbu'õ ndru'u ba danõ.
Oi te'asogõ fefu geu sowua, sinanõ ba danõ oi so manõ.

2. Tasuno Lowalangi ba zorugo, same'e luo, bawa, ba dõfi.

Same si hombo ba dalu mbanua, ba saliwa ba danõ, ba nasi.
No te'asogõ gõi gurifõ niha, fefu zoguna oi Ibõnõkhi.
Alai niha wa la'erogõ Nama, me lawai oi fa'abõlõra gõi.

3. Tasuno Lowalangi ba zorugo, me sombõi niha famaedo-Nia.

Itehe wamatõrõ ulidanõ, ba si hombo ba dalu mbanua.
Ena'õ dozi sanunõ Ya'iya, ba sangerõnu oroisa-Nia.
Alai niha me oi lõ fangenanõ, oi la'o'õ li famaelungura.

3. FANGA’ARO’Ö WA’OWULO (VOTUM)

SA : Da tahonogö dödöda ba wariawösa, ba ba wa hasambua khö Lowalangi,
(muzizio zato).
No owulo ita ba da’e, ba döi Lowalangi Ama, ba ba döi Nono-Nia Yesu
Keriso, ba ba döi Geheha Ni’amoni’ö.
SATO: Yaduhu.
SA : Fangorifida ha ba döi Yehowa si no momböi banua si yawa awö danö.
Ni’amoni’ö, Ni’amoni’ö, Ni’amoni’ö Lowalangi olia ulidano ma’afefu,
safönu lakhömi. HALELUYA.....(BZ. 452)
SATO: HALELUYA, HALELUYA, HALELUYA.
SA : (mudadao zato)

4. FOMBASO TAROMA LI LOWALANGI

SA : Da tafondrondrongo daroma Li Lowalangi tafahela moroi ba zura
I MOZE 1-2.
Fefu niwöwöi si so noso, he tanö, sinanö, saliwa-liwa ba danö ba awö
niha ni fazökhi Lowalangi, hasambua ba faoma latoloni nawöra, la
rorogö, itehegö wa’auri nia ba wa nohugö fa’auri si sökhi.

SATO: Manunö
BZ. 30. BA NA UFAIGI MADALA
1. Ba na ufaigi madala sihaga, na urungo we'ugu mbanua.
Ba lõ aetu wa'ahõli dõdõgu wangi'ila niwõwõi Yehowa.
Lowalangi Fondrege Zebua, suno Ia Haleluya.
Lowalangi Fondrege Zebua, suno Ia Haleluya.

BNKP Jemaat thomas umbuhumene 2

SA : I wöwöi niha Lowalangi si fakhili-khili khö-Nia, mo lakhömi ba
tefosumange si mane Lowalangi. Lö Lowalangi bö’ö ba gölia ulidanö
samazökhi niha solakhömi ba nifosumange si mane Lowalangi. Omasi
Lowalangi na te’oroma’ö lakhömi ba famosumange Lowalangi ba gera’era,
ba wehede ba ba wa’aurida sero ma’ökhö.

SATO: Manunö
BZ. 30. BA NA UFAIGI MADALA
2. He So'aya na u'erõnu tõdõ mbuala-Mõ wangefa'õ horõ.
Tokea ndra'o me khõgu tetõfaigõ nibe Yesu do ni'amoni'õ.
Reff: Lowalangi Fondrege Zebua...

SA : No ifahowu’ö niha Lowalangi ba imane ba niha : mi o’ono ba mi oya’ö

ami, mi fo ösi gulidanö ba mibe’e barö mbawami samatörö I’a ba nasi
ami awö wofo ba dalu mbanua, awö saliwa-liwa ba danö fefu, sanana
nana ba gulidanö.

SATO: Manunö
BZ. 30. BA NA UFAIGI MADALA
3. Na Ikaoni ndra'o dania So'aya, fondrege wa'omuso dõdõgu.
Me fefu ni'andrõgu no utema, wangi'ila lakhõmi-Mõ Yesu.
Reff: Lowalangi Fondrege Zebua...

5. FANGANDRÖ FANGEFA HORÖ

SA : Ira talifusö ni’omasi’o Zo’aya,
Me no I wöwöi wa’auri si sökhi khöda Lowalangi awö wa ogaena, hadia zi
no tafalua ya’ita niwöwöi Lowalangi si fakhili-khili khö-Nia ba wamaeri,
ba wondrorogö fa’auri, ba ba wondrorogö si fasui ya’ita ena’ö böi tebulö
wa’asökhi? Ma zui no fao ita ba wamakiko tanö börö ba wolohi hare. Lö
ba dödöda soguna ba zato. Hadia no ta odödögö wamaeri ulidanö andre,
hadia no ta’onorogö tödö fao ita ba wangehaogö ba zi fasui ya’ita.

Börö da’ö tafalua wa mohouni, möi ita föna ba womba’agö sedöna

mamakiko tanö si fasui ya’ita, na ha ya’ita ni era’erada samösa ba na lö
ta’onorogö tödö wondrorogö niwöwöi Lowalangi ba zi fasui ya’ita. Ba da
möi ita föna Yehowa si fao fangide’ngide’ö ta’ombakha’ö horöda!
(muzizio ita fefu)

Mangandrö ita :
He Soaya Ama khöma, Lowalangi sabölö, möiga ma’ondrasi ndra’ugö ma
ombakha’ö horöma ba fefu ngawalö zalama. Lö nifaluama somasi
ndra’ugö, no faröi ndra’aga khö-U, asese mafalua zi lö omasi ndra’ugö ba
no maerogö ndra’ugö börö ba ngawalö ni era-erama ba wa aurima. He
Soaya omasi’ö ndra’aga, he Yesu Keriso omasi’ö ndra’aga.

BNKP Jemaat thomas umbuhumene 3

SATO: Manunö
BZ. 230. U’ILA WA NO FA’OMASI
1. U'ila wa no fa'omasi, zi falukhado khö-U, Yesu.
Hewa'ae tenga sinangea, na dali gamuatagu.
Me no aefado ba wönu, andrö mangaluludo khö-U,
moroi sibai ba dödögu.

SA : He Soaya, ma faduhuö wa lö nifaluama wa maföfö’ö ulidanö niwöwö-Mö.

Ha soguna khöma ni era-erama fangorifima samösa. No ma aohasi ba
dödö wa si tekiko danö si fasui ya’aga samakiko fa’aurima, he Soaya
omasi’ö ndra’aga, he Yesu Keriso omasi’ö ndra’aga.

SATO: Manunö
BZ. 230. U’ILA WA NO FA’OMASI
2. Ya'odo niha si lö sökhi, ba no omasi'ö Yesu.
Horögu fefu Öbe aefa, Öbohounido Eheha-U.
Börö wemöna-Mö, Yesu, zanga'aro'ö tödögu,
ba wogamö sawatögu.

SA : He So’aya, ma faduhuö wa asese lö nifaluama halöwöma wa enoni awö

halöwö bö’ö olifu ndra’aga halöwö ni be’eu khöma yaia ba wondrorogö ba
ba wangehao tanö ni wöwöimö. Oya ma ogunaö ginötöma ba zi lö boto ba
si lö maguna irege ya’aga samösa zi te’ala. He So’aya omasi’ö ndra’aga he
Yesu Keriso omasi’ö ndra’aga.

SATO: Manunö
BZ. 230. U’ILA WA NO FA’OMASI
3. Mo'ömödo ba wama'ema, uturiaigö ba niha.
Fefu zi falukha ndra'odo, nitemagu khö Zo'aya.
He Ama abölö'ö na, ndra'odo ba wangombakha,
turia röfa Zo'aya.

SA : He So’aya moroi ba dödö, ma faduhuö wa ya’aga abölö sibai wa’aombö

dödö ba wa’aurima ba zi so fönama tebakha ba gana’a, ma gohi hare
sebua, ma gohi harato ulidanö, lö itörö tödöma wa’auri ndraonoma
miföna no olifu ndra’aga wa abölö Lowalangi somböi ma’afefu sitola
mondrorogö fefu niwöwöi Nia. He Soaya omasi’ö ndra’aga, he Yesu Keriso
omasi’ö ndra’aga.

SATO: Manunö
BZ. 230. U’ILA WA NO FA’OMASI
4. Tebai manö sa olifudo, wa'ebua dödö Nama.
Ba zi sandrohu fa'aurigu, fa'omasi-U no utema.
He tosasa, he numana, he göna fa'ate'ala,
lö uböhöli Zo'aya.

BNKP Jemaat thomas umbuhumene 4

SA : He So’aya Ama sahakhö tödö ba döi Yesu Keriso. Fahaö ndra’aga ena’ö lö
faröi wangomasiöma Lowalangi. Ma o’ö niwaö’u, abölö’ö ndra’aga ba
wangomasi’ö awöma ba wamaeri tanö si fasui ya’aga. Ena’ö Ya’ugö
dötönaföma sanolo ba ngawalö noro dödö ma’ökhö ba irugi zi lö aetu.

6. TURIA FANGEFA HORÖ

SA : Da ta fondrondrongo duria fangefa horöda : börö ndra’O iwa’ö Lowalangi,
lö omasido mate sebua horö, hiza i omasido na ifalalini gera-era nia awö
gamuata nia enaö auri ia. LAKHÖMI KHÖ LOWALANGI SI YAWA....

SATO: Manunö
BZ. 450 ayati 1. BA FA’ATULÖ BA GULIDANÖ
Ba fa'atulö ba gulidanö ba niha ni'omasi'ö andrö.
(mudadao zato)

7. FOMBASO TAROMA LI LOWALANGI

SA : Da tafondrondrongo daroma Li Lowalangi nibaso föna huhuo

MATAIO 11 : 25 - 27
25.Me luo da’õ humede Yesu, imane: Usuno ndra’ugõ, Ama, Sokhõ
sorugo, awõ danõ, me no õbini’õ da’õ ba zatuatua, awõ ba
zonekhe, ba me no õfa’ele’õ ia ba ndraono.
26.Ya’ia, Ama, me no wa’omasiu zi manõ.
27.Fefu hadia ia, ba no ibe’e ba dangagu Amagu. Ba lõ saboto ba
dõdõ Ono, baero Nama, ba lõ saboto ba dõdõ Ama, baero Nono,
awõ ba zedõna ifa’ele’õ Ono.
SA : Ya’ahowu zamondrondrongo taroma Li Lowalangi ba same’e ba dödö.
SATO: YADUHU

8. FASÖMBATA
SA : Iada'e tebe'e khöda ginötö ba wolohe fasömbata khö Lowalangi.
Ta'osamuzaigö wame'e, he fasömbata si föföna, zi mendrua awö zi
medölu, ba si manö göi zi me’öfa nitandrösaigö ba Pembangunan Gereja.
Ba si oföna ua da tafondrondrongo li Lowalangi me imane :

Andrö ufarou dödömi, ya’ami ira talifusö, moroi ba wa’ahakhö dödö

Lowalangi andrö, ena’ö mibe’e sumange mbotomi, sumange sauri,
ni’amoni’ö, somasi Lowalangi; da’ö wamosumange Lowalangi khömi, si so
tödö.

BNKP Jemaat thomas umbuhumene 5

SA : Tafa’ema wasömbata khö Lowalangi, ba manunö ita moroi ba

BZ. 258. NO OYA MBUALAU KHÖGU

1. No oya mbuala-U khõgu, ba mbotogu ba nosogu.

Hanu-hanu, fa'aurigu, fa'abõlõ, okhõtagu.
No fa'omasi-U Yesu, sagõtõ fekoligu.

2. No aboto ba dõdõgu, mbuala-U ba wa'aurigu.

Andrõ tumbu ba dõdõgu, wame'e fasõmbatagu.
Ube sumange-U Yesu, me no Ya'ugõ gumbu.

3. Angandrõwagu khõ-U Yesu, bõi bõda danga-U yawagu.

A'aro'õ wamatigu, fahowu'õ wa'aurigu.
Tema wasõmbatagu, fangebua mbanua-U.

4. Ha Ya'ugõ gubalogu, gofu heza dõrõwagu.

Lõ mofozu wa'aurigu, na lõ fao Ndra'ugõ khõgu.
Ululu wa'aurigu, amatõrõwa-U Yesu.

5. Abõlõ'õ na ndra'odo, wolo'õ taromali-U.

Ya maulu wa'omasigu, mane fa'omasi-U khõgu.
Hagainido Eheha-U, afu anau gõlõgu

Da tafasao wasömbatada andre föna Lowalangi,.....muzizio ita fefu

(mudadao zato)

9. KOOR/VOKAL GROUP
Da tafaogö dödöda ba wanuno Lowalangi faoma Sinunö ni’olohesi :
a. Komisi Bapak
b. KPA Kelas Kecil

10. MANUNÖ
SA : Da tafa’anö dödöda wamondrondrongo taroma Li Lowalangi, manunö ita
BZ. 163. UHONOGÖ SIBAI DÖDÖGU
Uhonogö sibai dödögu ba wamondrondrongo, li Mö Yesu.
Mangalulu ndra'odo föna-U ba gametahö-Mö, iada'a.
Õbayoini Eheha-U Yesu dozigö mbanua, samati khö-U
Ubokai dödögu khö-U Yesu nahia daromali-U.

Taromali-Mö lö fa'atebulö,
menewi ma'ökhö ba si'ogötö'ö lö sa mamalö.
Taromalimö si möi fangabölö,
utema'ö soroi ba dödö, tolo ba wolo'ö.

BNKP Jemaat thomas umbuhumene 6

11. HUHUO SEBUA

a. Renungan

I MOZE 1 : 1 – 2, 26 - 28

1. Ba mbõrõta ifazõkhi Lowalangi mbanua si yawa, awõ danõ.

2. Ba no si fakuyu manõ gulidanõ ba si lõ õsi; ba manahanahae
Geheha Lowalangi yawa nidanõ.
26.Ba imane Lowalangi: Datafazõkhi niha, famaedoda, si
fakhilikhili khõda, samatõrõ i’a ba nasi dania ba fofo ba dalu
mbanua ba urifõ niha andrõ ba utu ndru’u fefu, awõ kuõkuõ
andrõ, sanananana ba gulidanõ.
27.Ba ifazõkhi niha Lowalangi, famaedonia — famaedo Lowalangi
ibali’õ; ira matua ba ira alawe wombõinia ya’ira.
28.Ba ifahowu’õ ira Lowalangi, imane khõra: Mi’o’ono ba mi’oya’õ
ami, mifo’õsi gulidanõ ba mibe’e barõ mbawami, samatõrõ i’a ba
nasi ami, awõ wofo ba dalu mbanua, awõ zaliwaliwa ba danõ
fefu, sanananana ba gulidanõ.

b. Ayat Hafalan

I MOZE 1 : 31a
Ba i’ila Lowalangi, sõkhi sibai fefu nifazõkhi-Nia / Maka
Allah melihat segala yang dijadikan-Nya itu sungguh amat baik.

12. MANUNÖ
SA : Manunö ita moroi ba

BZ. 156. HE SO’AYA, BÖI BULÖ’Ö

1. He So'aya, böi bulö'ö, khögu daromali-Mö.
Ufonaha ba dödögu, meno haregu da'ö.
Ba da'ö sa manandrösa, wanötöna dödögu.
Lö moguna danö bö'ö, li-Mö wangorifigu.

BNKP Jemaat thomas umbuhumene 7

13. TUHO WAMATI
SA : Me no tarongo daroma Li Lowalangi, ba da tafaogö li da wamaduhu’ö
famatida ya’ita niha Keriso föna Lowalangi, muzizio ita fefu....endronga li
da.
SA+
SATO: * Ya’o mamati khö Lowalangi Ama si lö ambö fa’abölö, somböi banua si
yawa awö danö......(mudadao zato)

14. ANGOMBAKHATA BA MBANUA NIHA KERISO

SA : Da tafondrondrongo gangombakhata nifaema Sekretaris Jemaat

15. MANUNÖ
SA : Manunö ita moroi ba

BZ. 312. HIZA MBAWA NO HUMAGA

1. Hiza mbawa no humaga, Ihagaini ita gõi.
Wa'asõkhi haga-Nia, Irara dõdõda gõi.
Ihagaini gulidanõ, irugi ba nomoda.
No niwõwõi Lowalangi, fangomuso dõdõda.

2. Mõi fanusugi dõdõda, haga mbawa me sõkhi.

Isului manõ lalada, Ifohaga zogõmi.
Simanõ gõi haga Yesu, samohaga tõdõda.
Isului manõ lalada, ba wogamõ khõ Nama.

3. No tõra haga Zo’aya, moroi ba haga mbawa.

Lõ manõ ndrundrumõ ia, gõtõ-gõtõ wa'ara.
Me no haga Lowalangi, soroi zorugo yawa.
Ifoloi zogõmi-gõmi, sombalugõ tõdõda.

15. FANGANDRÖ SALAHI + FAMATENGE + HOWUHOWU

SH : Sumindro ita fefu, mangandrö ita :
He Ama khöma si so ba zorugo, ma’andrö Khö-U fahowu’ö mbanua-U ba
gulidanö andre he jemaat side-ide ba simanö göi jemaat sebua ba fefu
ndra enoni-Mö ena’ö amuatara awö wehedera atulö föna Lowalangi,
kubaloi ira ba wondrorogö famaha’ö si otarai ndra’ugö ena’ö böi teailasi,
ba elungu wamaha’öra.

No ö hagaini ndra’aga moroi ba daromali-Mö börö da’ö rorogö ndra’aga

ena’ö böi ilumö’ö fa’abölö horö famaelungu niha gulidanö. Fadöhö ndra
talifusöma sofökhö ena’ö abölö ira möi ba wamalua fasumangeta ba
gosali. Rorogö lakhambanua awö ndraono si lö ama si lö ina, no Ama
ndra’ugö ba niha sitosasa.

BNKP Jemaat thomas umbuhumene 8

 Fahowu’ö soima Indonesia awö zondrönia’ö ena’ö alua wa’auri sohau-
hau. Fahowu’ö ndra sohalöwö sanuriaigö taromali Lowalangi he ba soi
Indonesia ba ba zisagörö ulidanö, ena’ö itugu ato samondrongo Taroma
Li ba faduhu dödö khö Lowalangi.

Fahowu’ö ndra’aga ba jemaat andre awö banua niha keriso ba nahia

andre, ena’ö fa’aurima faudu ba daroma li-Mö, ena’ö sitedou ndra’aga ba
wamati ena’ö fefu ndra’aga möi ba zorugo börö Yesu Keriso Lowalangima.

(tetohugö) : Ba döi Zo’aya ya’aga Yesu Keriso, si no mamahaö ya’aga ba

wangandrö mamane :

SATO: Manunö
BZ. 247. OHE MANÖ DANGAGU
1. Ohe manõ dangagu fasao ndra'o
Irugi wa'amate ba aefa'õ
Tebai sa mofanõdo na ha ya'o
Ba heza sa õtõrõ ba ohedo.

SH : Ya’ahowu
SATO: Ya’ahowu

BNKP Jemaat thomas umbuhumene 9