AGENDE FEMAOSO YESU

SA : Ya’ami banua Zo’aya, No oi owulo ita oi faonda ba wa’owuawua

dödö, me no maoso Zo’aya ya’ita Yesu Keriso moroi ba ngai zi mate.
Andrö, ba döi Yesu ma’owai ami: Ya’ahowu , no maoso Keriso.
Sato : Ya’ahowu
Sa : Keriso So’aya, no maoso Keriso
Sato : Duhu, no maoso Keriso.
Sa : Ya faofao khömi Lowalangi.....
Sato : Ya fao khöu Geheha-Nia.
Sa : Da ta’owuawua’ö dödöda wangondrasi Yehowa, da ta’omusoi’ö
dödöda ba wamalua fasumangeta khö Lowalangida. Tasuno Ia,
manunö ita moroi ba Mbuku Zinunö numero: 13

13 Suno Zo’aya Ya’ugö Tödö

1 Suno Zo’aya Ya’ugö tödö , böi ae atage dödögu .
Suno döi-Nia ni’amoni’ö , böi olifu’ö nibe khöu. Si no
ibe buala khöu , böi aefa-aefa ba dödöu , Haleluya ,
Haleluya.
2 Same’e aefa khöu horöu fefu sangohahau’ö tödömö .
Sanolo göi ba sahakhö tödö , ba sondorogö ya’ugö .
Me lö fanolo ba niha , angaröfi li Yehowa , haleluya ,
Haleluya.
Sa : Da tahonogӧ dӧdӧda ba wariawӧsa, ba ba wa hasambua
khӧ Lowalangi,
Muzizio zato
SA : No owulo ita ba da’e, ba dӧi Lowalangi Ama, ba ba dӧi
Nono-Nia Yesu Keriso, ba ba dӧi Geheha
Ni’amoni’ӧ. Fangorifida ha ba dӧi Yehowa si no mombӧi
banua si yawa awӧ danӧ…
SATO : YADUHU.
SA : ba na lӧ mususugi Keriso, ba si lӧ boto wamatimi andrӧ,
ba lӧ si tebulӧ ami ba horӧmi; ba iada’e, ba no mususugi
Keriso, moroi ba ngai zi mate. HALELUYA.
Sato : Haleluya …haleluya…haleluya
Sa :Mangandrö ita1:
He Yesu Keriso So’aya ya’aga, Sangorifi ösi gulidanõ andre.
Ma’andrõ saohagõlõ khõ-U me no Õlaŵa wa’abõlõ horõ ba fa’amate
ba wemaoso-Mö andrö. Iada’e lõ sa’ae ata’u ndra’aga ba lumö
wa’abõlõ wa’amate andrõ, me no maoso Ndra’ugõ ba wangorifi
ya’aga. No alõmõ wa’amate andrõ ba wemõna, No Õ’efa’õ ndra’aga
ba wa’abõlõ zogõmigõmi ba no Õ’ohe ndra’aga ba haga. No Ö’efa’ö
ndra’aga moroi ba wesu horõ, irege tobali ndra’aga ono khö
Lowalangi Ama. He Yesu Keriso no Öfaogö ndra’aga ba wa’amate-
Mö ba tesusugi göi ndra’aga ba wemaoso-Mö andrö, ma’andrö khö-U
böi bulö’ö khöma howuhowu-Mö, me Ya’ugö zamatörö banua si
yawa awö danö i’otarai da’e irugi ba zi lö aetu. Yaduhu …
(mudadao Zato)
Sa : Manunö ita moroi ba mbuku zinunö numero 239
239 Lö itimba So’aya
1 Lö itimba So’aya , zabu tödö ba horöra . Me
solomasi ia , falukha ira wangefa . Duhu wa lö
itimba , zangondasi ya’ia
2 He tenga sinangea , itema ita So’aya . Ba daroma
li-Nia , ifabu’u so wangefa. Duhu walö itimba ,
zangondasi ya’ia
Sa : Da tafondrondrongo daroma Li Lowalangi, tehalö moroi ba zura

Yona 2:1-10..imane taromali lowalangi…….. 1. Ba ifatörö gi’a

sebua Yehowa , ba wanölö Yona . Ba tölu ngalua ba tölu mbongi

Yona ba dalu gi’a 2 Ba mangandrö Yona ba dalu gi’a andrö khö
Lowalanginia Yehowa imane 3 Ba wa’atosasagu andre U’angaröfi li
Yehowa , ba no itema ligu ; moroi ba dalu mbanua tou , mu’ao
ndra’o ba öfondrondrongo ligu 4 No ötibo’ö ba namö ndra’odo , ba
dalu nasi ba no te’u’u ndra’o hou , no ihawui ndra’o hou ba dulu
andrö khöu , fefu 5 No umane sa’ae dödögu : no tetibo ndra’odo ,
1
 lö’ö Sa’ae öfagido ! Hadia ifuli manö u’ila gosali andrö khöu
ni’amoni’ö ? 6 No te’u’u ndra’o asi irugi nosogu no ifasui ndra’o hou
no iböbö högögu du’u ba nasi 7 No numalö si tou ndra’o ba
wondrege daya-daya hili ; ilazi ndra’o tanö , si lö mamalö malö . Ba
no ösöbi yawa nosogu, moroi Gohokoho , ya’ugö lowalangigu
Yehowa 8 Me no aragu-ragu bakha dödögu , ba itörö dödögu
Yehowa , ba irugi ndra’ugö fangandrögu , ba gosali andrö khöu ,
ni’amoni’ö 9 Si olembai adu faya andrö ba la’ositengagö wa’ebua
dödö andrö , si falukha ira ena’ö 10 Ba ya’odo , ba u’ebua’ö ligu
wangandrö saoha gölö khöu , ufosumange ndra’ugö , hadia
nifabu’ugu , ba ubu’a khö Yehowa I’otarai fangorifi.
Sa : Simanö daromali lowalangi da tatemaö fauma
sinuno nomero 114 . No maoso Yesu Keriso
114 No maoso Yesu So’aya
1 No maoso Yesu So’aya Lewatö no iröi Umbu Wa’auri sa ia , ba
sangorifi göi ba sangorifi göi
SA : Ya’ami ira talifusӧ,

Na tawa’ӧ lӧ horöda, ba talimo ita, ba si duhu lö’ö ba dödöda. Na

ta’ombakha’ö horöda, ba lö faröi Ia, ba no satulö Ia, fa I’efa’ö
khöda horö andrö, ihaogö ita, awö wa iheta fefu zilö atulö. Andrö
da möi ita föna Lowangi si fao fangidengide’ö ba wangombakha’ö
horöda. (Muzizio Zato)
Mangandrö ita:
He So’aya ya’aga Yesu Keriso si mate ba röfa ba hili Gologata, ba si no
maoso moroi ba ngai zimate. Faduhu dödöma ba daroma Li-Mö me Öwa’ö:
“Ya’odo wemaoso ba fa’auri, samati khö-Gu, ba auri, hewa’ae mate ia.” Ba hiza,
ba lala wa’aurima sero ma’ökhö asese ma’ositengagö ba ma osilö’ögö Ndra’ugö
So’aya, me ma’o’ö nifakhoi dödöma samösa. Bologö dödö-U khöma So’aya, böi
tehe tekiko, törötörö tödö-U wa’ebua dödö-U awö wa’ahakhö dödö-U khöma.
Böi bulö’ö ndra’aga moroi ba wa’omasi ba ba wangorifi andrö si no öhönagö ba
zamati khö-U.
Sa : Mangandrö ba dödö zamösana föna Lowalangi... 1 irugi 2 meniti.
Sa : Hakhösi dödö-U khöma Ama, ba be’e aefa khöma horöma andrö
ma’afefu.yaduhu ..
manunö zato ; ” Naubiniö horögu khöu Yesu ”
 224. NA UBINI’Ö HORÖGU KHÖ YESU

Na ubini’ö horögu khö Yesu, Ba lö usöndra zahono dödögu.

U’ombakha’ö ngawalö horögu, Molala dödö

Sa : Turia Wangefa horö2: “Imane taroma Li Lowalangi: ‘Ba no erege

dödö-Gu õbe’e ba horõu andrõ; no õfakao-Do olalõŵamõ. Ya’o,
Ya’odo andre zamunu lalõu andrõ, bõrõ Ndra’o, ba lõ’õ sa’ae itõrõ
tõdõ-Gu horõu.

Sa : LAKHÖMI KHÖ LOWALANGI SI YAẄA.....

Sato : Ba fa’atulö ba gulidanö ba niha ni’omasi’ö andrö

(Mudadao Zato)
SA : Fombaso taromali Föna huhuo…tehalö moroi bazura
Mataio 6:25-34 …imane taromali lowalangi :
25. Anrdrö uwa’ö khömi böi mi’abusi tödö nosomi , hadia
mbalazomi , ba ma botomi , hadia nukhami. Tenga no ebua noso ,
moroi ba gö , ba tenga no Ebua mboto , moroi ba nukha ? 26 Mifaigi
wofo andrö , ba dalu mbanua , lö manaru ira ba lö mamasi , lö
mangöhöna ba halasa ira , ba ibalazoi ira Amami andrö , si so ba
zorugo . Tenga no aröu faehu ami wofo ? 27 Ba haniha ba khömi
zangila mondrou’ö fa’anau nosonia Samba si’u , na I’abusi tödö ? 28
Ba ba nukha , ba hana wa mi’abusi tödö ? Mitöngöni ladari mböhö
andrö ba danö , he wisa wanöinia lö mohalöwö ia, lö managu 29 Ba
uwa’ö khömi , lö simanö wa’asökhi nukha zelomo, ba Lakhömi nia
andrö fefu , si mane nukha zi sara sa da’ö 30 Ba na imanö lowalangi
wamonukha du’u ba danö , si so ma’ökhö andre , nitibo’ö ba galitö
mahemolu , ba tenga mendrua manö imanö khömi ya’ami sambö
famati ? 31 Andrö böi mibusi dödömi , ba böi miwa’ö : ha ma’a ?
Ma ha mabadu ? Ma : ha ma’onukha ? 32 A’oi sa ni’alui niha baero
2
.
 da’ö fefu ; no’a sa I’ila Amami andrö , ba zorugo , wa soguna khömi
da’ö fefu 33 Mi’ofönai’ö Wangalui banua Lowalangi andrö , awö
wa’atulö dödö andrö khönia , ba tebe’e nönö dania khömi da’ö fefu
34 Andrö böi mi’abusi tödö zoguna mahemolu ; mahemolu
tesöndra lala zabu dödö mahemolu . Noa Manö wamakao
zisarasara ngaluo

Sa : Ya’ahowu zamondongo taromali Lowalangi ba same’e ba dödö

Sato : Yaduhu….
Sa : Iada’e tebe’e khöda ginötö ba wolohe fasömbatada khö Lowalangi.
Ta’osamuzaigö wame’e, he fasömbata si föföna, ba si manö göi zi
mendrua awö zi medölu. Ba si öföna ua da tafondrondrongo Li
Lowalangi me imane:
Andrõ ufarou dõdõmi, ya’ami ira talifusõ, moroi ba wa’ahakhõ dõdõ
Lowalangi andrõ, ena’õ mibe’e sumange mbotomi, sumange sauri,
ni’amoni’õ, somasi Lowalangi; da’õ wamosumange Lowalangi
khõmi, si so tõdõ

Sa : Tafa’ema wasömbata khö Lowalangi, manunö ita moroi ba Mbuku

Zinunö numero:

205 HE TATŐRŐI GULI DANŐ

1 He tatöröi guli danö , lö so ahonoa . Oi sa omuso

dödö ,dozi sagamö Ama .

2 Ba dozi niha sarörö , ba gomasi’ö dödö . Te’ala ba

ahöwö , ha fangerege dödö.

3 He na lasöndra gana’an , isö isö dödö . Oya zimöi

fangala , lö fa’ahono dödö.

4 He fogamö si so Yesu , zi sökhi khamötö. Tefolombase

fefu , so wa’ohahau dödö
 5 Lö falukha abu dödö , na no göi takhamö . Me ba
lakhömi nama , so ita lö mamalö
Da tafasao wasömbatada andre föna Lowalangi, ........muzizio ita
fefu............Manunõ ita moroi ba Mbuku Zinunõ numero 261)

1. Ya’e zumange fasỗmbata, Ma’ohe sumange Yehowa.

Reff: Ma’andrỗ khỗ-U…
2. Ya’e zumange fasỗmbata, Ma be’e soroi ba dỗdỗma
Reff: Ma’andrỗ khỗ-U…
3. Ya’e zumange fasỗmbata , Buala si’otarai nama.
Reff: Ma’andrỗ khỗ-U…
4. Ya’e zumange fasỗmbata Boto noso ba fa’aurima.
Reff: Ma’andrỗ khỗ-U…
5. Ya’e zumange fasỗmbata, lỗ irugi zomasi dỗdỗ-U.
Reff: Ma’andrỗ khỗ-U…
6. Ya’e zumange fasỗmbata, ma’aohasi gỗlỗ Zo’aya.
Reff: Ma’andrỗ khỗ-U…
Sa : Da tafaogõ dõdõda ba wanuno Lowalangi faoma Sinunö ni’olohesi:
Koor ba Vokal Group …..
A. Koor Komisi perempuan
B. Vokal Grup Muda mudi
C. Vocal Grup Remaja Sm
D. Vocal…………
Sa : Da tafa’anö dödöda wamndrondrongo taroma Li Lowalangi, manunö
ita moroi ba Mbuku Zinunö numero: 151
151 Fondrondrongo Li Zo’aya ikaoni ita
1 Fondrondrongo li zo’aya , ikaoni ita . Fa’ahakhö dödö-
Nia ,möi ia khöda . Ba wolohe ya’ita , mangawuli khö
Nama . Ya so wehulu dödöda , ta’o’ö ia
2 Fondrondrongo li Zo’aya , ikaoni ita. Fefu gomusola dödö
ibe’e khöda . Ba fefu golalöwa oi atulö’ö sa . Na solo’ö Yesu
ita lö sa te’ala.
Sa : Me no tarongo daroma Li Lowalangi, ba da tafaogö lida wamaduhu’ö
famatida ya’ita niha Keriso fõna Lowalangi, muzizio ita fefu...endonga lida..

Ya’o mamati khö Lowalangi Ama si lö ambö fa’abölö, somböi banua si yaẅa awö
danö. Ya’o mamati khö Yesu Keriso, So’aya ya’ita, Ono Lowalangi si ha samösa,
nitema nina-Nia Maria khö Geheha Ni’amoni’ö, ono nono alawe Ia, no manaögö
huku Ia, barö mbawa Fondrio Filato, teforöfa Ia, mate, ba lako’o. No möi Ia ba
mbanua niha tou, no maoso Ia moroi ba ngai zimate me no irugi tölu ngaluo. No
manahae Ia, möi ba zorugo, dumadao ba gambölö Lowalangi Ama si lö ambö
fa’abölö. I’otarai da’ö mangawuli Ia dania ba wanguhuku niha sauri, awö zi no
mate. Ya’o mamati khö Geheha Ni’amoni’ö, ba ufati ha sambua mbanua
ni’amoni’ö, fefu niha Keriso, fa’awösa niha ni’amoni’ö, ba fangefa horö, ba
femaoso mboto zimate, ba fa’auri si lö aetu.Yaduhu….(Dumadao zato)
Sa : Da tafondondongo gangombakhata sanandösa Ba Gereja…moroi
khö bapak Sekretaris ma be ginötö….
Sa : Manunö ita Moroi ba mbuku zinunö numero 480.
480. HE AGAFŐKHŐ
1 He Agafökhö ba wanörö , he okolingö ba dödö. O’ö manö
zomasi Yesu na’omasi’ö auri’ö . so dötönafö sinduhu, fa’auri
si oroi Yesu. so dötönafö sinduhu, fa’auri si oroi Yesu.
2 W’omuso muso dödögu , me Yehowa gubalogu. Itimba fefu
de’alagu itenawa zamaelungu. Andö manunö dödögu , usuno
Zo’aya Yesu. Andö manunö dödögu , usuno Zo’aya Yesu.