TATA IBADAH HARI DOA SE-DUNIA 2024 B N

K P
KOMISI PEREMPUAN

Nifa’anö: Komisi Hari Doa Sedunia Dari Negara Palestina)

Tuho: Uandrӧ Ena’ӧ Faoma Mibologӧ Dӧdӧmi Ba Wa’omasi
(Efeso 4 :1-3)

NGENOLI FASUMANGETA
(1) Mӧi bakha ba gosali Manunӧ moroi ba Bkz. No 5 “ Suno
Yehowa “
5. SUNO YEHOWA F
1 Suno Yehowa, Ya’ia Zalaẅa zorugo.
suno Yehowa sokhö fa’ebua.
Mi‟ae manö niha sato sanunö.
Da‟ö zomasi Yehowa.
2 Suno Yehowa, Ya‟ia zomböi si so fefu.
Me Irorogö mbotoda awö wa‟aurida.
Ibe‟e na wa‟omuso dödöda, andrö da tasuno Ia.
Suno Yehowa, da‟ö zangorifi ya‟ita.
3 Samadöhö fökhö, sangabölö‟ö ya‟ita.
Ituturu khöda zindruhu lala, afu dozi auri ita.
4. Suno Yehowa si no fahöna fa‟omasi.
Me sangefa‟ö ya‟ita ba huku horöda.
Samolala, sangorifi ya‟ita, suno Ia, Haleluya.

(2) Ngenoli prosesi:

 Solohe Rӧfa
 Solohe Buku Niamoni’ӧ
 Solohe Lili
(3) Sangai Huhuo Sebua
(4) Sangai Agendre
(5) Sangowuloi Ame’ela
1. FANGOWAI BA FOGAONI
SA : Ya’ami banua Niha Keriso Ni’omasiӧ So’aya
ya’ita Yesu Keriso. Ma ӧ’khӧ migu famalua
 fasumangeta fangandrӧ Ni’endrӧngagӧ Hari Doa
Sedunia. Ma’owai ami :
Ya’ahowu…..
SATO : Ya’ahowu.
SA : Ya faofao khӧmi Lowalangi
SATO : Ya fao khӧu Geheha-Nia
Fogaoni : Da ta honogӧ dӧdӧda wangondrasi Yehowa, da
ta’erӧnusi tӧdӧda wamakao si no itaӧgӧ So’aya
SA
ya’ita Yesu Keriso, manunӧ ita moroi ba Mbuku
Zinunӧ numero 26. FEFU ITA DA TASUNO

1. Fefu ita da tasuno, Lowalangi So’aya.

Me si sökhi tödö Ia, khöda fefu ba da’a.

2. He iraono, he satua, da tasuno Zo‟aya,

Me da‟ö zomasi Ia, na oi tasuno Ia.

3. He na lö terongo lida, na mangandrö dödöda.

No oi i‟ila So‟aya, Ibe‟e ni‟andröda.
4. Böi mo‟aetufa wangandrö, ba fanuno So‟aya.
He na bongi, he ma‟ökhö, tödömö bè khö-Nia.
2.FANGA’ARO’Ӧ WA’OWULO (VOTUM)
SA : Da tahonogӧ dӧdӧda ba wariawӧsa, ba ba wa
hasambua khӧ Lowalangi, ……..(muzizio zato)
No owulo ita ba da’e ba wamalua fasumangeta khӧ
Lowalangi, wamalua fangandrӧ ni endrongagӧ ba zi
sagӧrӧ ulidanӧ, ba dӧi Lowalangi Ama, ba ba dӧi
Nono-Nia Yesu Keriso, ba badӧi Geheha
Ni’amoni’ӧ. Fangorifida ha ba dӧi Yehowa si no
mombӧi banua si yawa awӧdanӧ.
SATO : YADUHU.
SA : Tasuno Lowalangi si fao khӧda wa malua
fasumangeta sifao fa’omasi ba fahasambua.
SATO : Yehowa si no mangosambua’ӧ ya’ita sebua moroi ba
 danӧ bӧ’ӧ ba guli danӧ andre.
SA : Tolo ndra’aga, fasugi ba dӧdӧma wamati satulӧ,
fangidengide’ӧ, faebolo dӧdӧ ba fa’omasi.
SATO : Mafaduhu’ӧ no fasala ndra’aga ba wanema’ӧ niha
bӧ’ӧ, he wa’ae lӧ ni hukuma yaira.
SA : Ma’odӧdӧgӧ wangidengide’ӧ ba fa’ebolo dӧdӧ ba
ginӧtӧ falukha ndra’aga noro dӧdӧ ba wongambatӧ,
ba gotalua niha sato ba mendrua manӧ ba gosali.
SATO : Bӧrӧ fa’ebua dӧdӧ ba fa’omasi tola tataӧgӧ
wa’atolazi dӧdӧ, ba wamati taila wa ya’ita tana khӧ
Lowalangi.
SA + Manunӧ : HALELUYA
SATO
Haleluya…, Haleluya…, Haleluya….
SA Mangandrӧ ita :

He Yehowa Lowalangi, Ama sahakhӧ tӧdӧ ba sebua

fa’omasi si no umbu howuhowu ba fa’auri. Itӧrӧ
tӧdӧma wamakao Zo’aya ya’aga Yesu Keriso, No
Ӧlulu nono-U omasiӧ ba danga zokhӧ horӧ:
te’o’aya, tefakao, teforӧfa ba mate bӧrӧ horӧma.
Fahaӧ ndra’aga, fa’aboto ba dӧdӧma ngawalӧ horӧ
si no mafalua. Abӧlӧ’ӧ ndra’aga wolawa fa’abӧlӧ
nӧsi, ena’ӧ mo’ahonoa ndra’aga ba wamalua somasi
nama, ba khӧ Zo’aya ya’aga Yesu Keriso ba ba
Geheha Ni’amani’ӧ, Yaduhu.
Modadao zato……
3.Manunӧ
SA : Manunӧ ba Mbuku Zinunӧ numero :
90. HE NIHA GULIDANÖ 1

1 He niha gulidanö, böi zi lö tatöngöni

Keriso ba röfa. No I’aohasi ‟ölö
wanaögö fango’aya, heẅa‟ae Razo sebua.
Itehe niforöfa, we‟amöi salahida, ba huku horöda.
Ilulu manö Ia, ba wangatulö niha, khö Lowalangida
 2 Ama.
Ba hana wa labözi, zi lö irai mosala, Keriso So‟aya.
Ba hana laforöfa, me lö so‟olalöẅa, tenga si mane
ya‟ita.
3 Ya‟ita ba horöda, si no fahöna khöda, mane ene
nasi.
Lalöda zi möi börö, wa tohare zafökhö, takula doi
ba famözi.
4 Duhu si so ba wali, Zo‟aya Sangorifi, wa no
teforöfa.
Ena‟ö lö te‟ala ita börö horöda, wa Itehe mate Ia.
Gofu heza so ita tafatoutou tödöda, nitaögö Zo‟aya.
Me fa‟omasi-Nia möi Ia sangatulö, afu dozi auri ita.
5

6
4.FOMBASO TAROMA LI LOWALANGI (AF)
SA : Da tafondrondrongo daroma Li Lowalangi, tehalӧ
moroi ba zura
: Si manӧ daroma Li Lowalangi, da tatema’ӧ faoma
sinunӧ : BZ Numero 3 “SUMANGE LA’OHE
KHӦ-U”

Sumange la’ohe khӧ-U mala’ika awӧ niha

Dozi ira manunӧ, lasunosuno Yehowa
Lira lӧ mo’aetufa gӧtӧgӧtӧ wa’ara.

5.FEHEDE DӦDӦ NDRA’ALAWE, FANGANDRӦ FANGEFA

HORӦ
SA : Ma’ӧkhӧ ba wasumangeta khӧ Lowalangi tarongo
duria datӧlu ndra’alawe Niha Keriso ba Palestina si
tobali dumaduma ba wa’abӧlӧra ba wamalua
fa’omasi.
Turiara andrӧ no tobali haga ba ndraalawe Niha
Keriso ba Palestina tӧlu nga’ӧtӧ no amaedola geu
 falo so salahini tӧlu nga’ӧtӧ simane: tӧla falo, daha
falo ba bulu falo.
Narato : Aine da u’ombakha’ӧ ndra’ugӧ khӧ Eleoner ya’ia
andrӧ samӧsa ba gotalua nga’ӧtӧ zatua si no atua si
mane tӧla geu falo si no mangi’ila ndrӧfi wasuwӧta
ba famakao.
Yaia Niha Keriso Palestina ӧsi gosali Ortodoks
Yunani ba danӧ Ni amoni’ӧ ya’ia ӧsi wongambatӧ
moroi ba Yeruzalema atua ba abӧlӧ sibai. Ba
mbӧrӧta ndӧfi-19 tuania za masindrӧ osali Ortodoks.
Bӧrӧ George wa tola tetehegӧ ba Niha Keriso si torӧi
baero mbanua sebua wa monahia ba wamalua
fasumangeta.
Osali daӧ lӧ sadudu irugi dӧfi 1948 ba ginӧtӧ
750.000 niha Palestina la faso la fofanӧ ira muzaewe
misa ba tobali lӧ nahiara.
Eleone : Ya’o ba talifusӧgu itugu ebua, satuagu ifasugi ba
r dӧdӧ ba zi fasinga omo sifao fangandrӧ saohagӧlӧ ba
ginӧtӧ wombaloi ngaluo sebua andrӧ.
Ba hiza satuama mate lӧ nirugi nia nidӧnadӧna nia.
Asese iwaӧ satuagu sifao fangandrӧ saohagӧlӧ ba
niha Yehuda si fasinga omo khӧra, ifahaӧ ndra’odo
he wisa wanolo niha bӧ’ӧ ba wa’omasi.
Ba wangaurifagӧ fa’auri Niha Keriso Palestina si
torӧi ba Yeruzalema, no ufili faondraodo ba
gangowuloa Niha ba mbanua ba si manӧ gӧi ba
gangowuloa zato. No ifahaӧ ndraodo satuagu no ibe’e
dumaduma sisӧkhi khӧgu ba gotalua niha bӧ’ӧ ba zi
fasui yaita he naso noro dӧdӧ ba mendrua manӧ na
abӧlӧ wamakao.
Me felezara fakhe ndra’o ba no ubӧrӧgӧ mohalӧwӧ
ba zi sambua angowuloa guru li Arab iwa’ӧ khӧgu ba
wangohalӧwӧgӧigӧ halӧwӧ nia wa nolo niha si
tefakao. No ihaogӧ si fao fa’omasi wa nolo ya’o enaӧ
 aboto ba dӧdӧgu wa’abӧlӧ sӧkhi sibai wa’auri wa
nolo niha bӧ’ӧ.
Meno aefa da’ӧ ba ufalua halӧwӧ ba wanolo niha ba
u’otomosi nomo awӧ halӧwӧ fangomasi’ӧ (sosial)
halӧwӧ da’e lӧ famaigi bawa, lӧ famaehuni agama,
mado, soi, ira’alawe/ira matua fagӧlӧ mutolo ira
molo’ӧ so masi Lowalangi.
Mohare ndra’o ba wanoloni ngaotu ndra’alawe ba
Yeruzalema, Gaza, ba Palestina ba wanoloni soroi
yomora ba wangalui soguna khӧra. Oya halӧwӧ ni
bokai ba nahia bӧ’ӧ, itugu oya ba tedou wa’oya misa
ba nahia bӧ’ӧ, to bali hare ba niha sato. I’otarai ba wa
ideidegu aboto ba dӧdӧgu wa fa’auri si lӧ aro ba
fa’atulӧ lӧ sa aro. He wa’ae simanӧ faduhu dӧdӧgu
na fao ita ba abӧlӧ wa malua fa’omasi.
Lina : Da ufatunӧ khӧmi sotӧi Lina
Me 11 Mei 2022 ina lawe Lina sotӧi Shireen
wartawan sitehӧngӧ wanuriaigӧ siduhu, labunu ia ba
Jenin. Me no mate Shireen, Palestina taya khӧra
zanuriaigӧ satulӧ. Shireen no dumaduma khӧ Lina
ba duma-duma ba ndraono alawe sato ba Palestina.
FANGANDRӦ FANGEFA HORӦ
SA : Ya’ ami ira talifusӧ,
Na tawa’ӧ lӧ horӧda, ba talimo ita, ba si duhu lӧ’ӧ
ba dӧdӧda. Na ta’ombakha’ӧ horӧda, ba lӧ farӧi Ia,
ba no satulӧ Ia, fa I’efa’ӧ khӧda horӧ andrӧ, Ihaogӧ
ita, awӧ wa Iheta fefu zi lӧ atulӧ. Andrӧ da mӧi ita
fӧna Lowalangi si fao fangidengide’ӧ ba
wangombakha horӧda …………...(muzizio zato)

Mangandrӧ ita :
He Ama Lowalangima sebua fa’omasi. Masuno ba
ma’angarӧfili ndra’ugӧ Yehowa. Mӧiga ma’ondrasi
Ndra’ugӧ ba nahia ni’amoni’ӧ, ya’aga niha si no
ra’iӧ. Mafaduhu’ӧ wa tenga sinangea ndra’aga tanӧ
 fӧna-Mӧ, me no fahӧna horӧ si no mafalua, he ba
wehedema, era’era dӧdӧma, awӧ wangomasi’ӧ
Ya’ugӧ soroi dӧdӧ. Asese olifu ndra’aga wangandrӧ
saohagӧlӧ ba howuhowu-Mӧ si no matema, ba no
arӧrӧ ndra’aga ba gisӧ’isӧ dӧdӧ ba guli danӧ andre.
Si tekiko ndra’aga ba horӧma. Andrӧ ha fa’ahakhӧ
dӧdӧ Nama ni’andrӧma. Bologӧ dӧdӧ-U khӧma ba
be’e aefa khӧma horӧma…..
SATO : Mangandrӧ ba dӧdӧ zamӧsana fӧna Lowalangi…. 1
irugi 2 menit
SA : Hakhӧsi dӧdӧ-U khӧma Ama, ba be’e aefa khӧma
horӧma andrӧ ma’afefu…… Yaduhu.
SATO : Manunӧ : BZ. Numero 224 Ayati 1 “ NA
UBINI’Ӧ HORӦGU KHӦ YESU”
SA : Turia Wangefa Horӧ :
He Ama Lowalangi silӧfarӧi ba satulӧ. Bӧrӧ wa
omasiU wa te’efaӧ horӧma no’Ӧ sasai ndra’aga
moroi ba ngawalӧ horӧ, ba no ӧ tolo ndra’aga ba
wanӧrӧ haga sindruhu andrӧ. Ena’ӧ Ӧ be’e khӧma
dӧdӧ satua-tua ba wangi’ila Lowalangi sindruhu
andrӧ ba ena’ӧ si tedou ndra’aga ba wamati ba ba
wa’omasi. No ӧ omasiӧ ndra’aga ba no ӧ oroma’ӧ
lakhӧmi mӧ andrӧ Ya’ugӧ Lowalangi solakhӧmi ba
sabӧlӧ si tebai musua.
LAKHӦMI KHӦ LOWALANGI SI YAWA….
SATO Manunӧ : BZ Numero 450 : “BA FA’ATULӦ BA
GULIDANӦ
(mudadao zato)
6.FOMBASO TAROMA LI LOWALANGI (AB)
SA : Da tafondrondrongo daroma Li Lowalangi, tehalӧ
moroi ba zura
 Ya’ahowu zamondrondrongo taroma li Lowalangi ba
same’e ba dodo.
SATO : Yaduhu.
7.FASӦMBATA
SA : Iada’e tebe’e khӧda ginӧtӧ ba wolohe fasӧmbata
khӧ Lowalangi. Ta’osamuzaigӧ wame’e, he
fasӧmbata si fӧfӧna, basi manӧ gӧi zi mendrua awӧ
zi madӧlu. Ba si fӧfӧna ua da tafondrondrongo Li
Lowalangi me imane :
“Same’e sumange fangandrӧ saohagӧlӧ, daӧ
zamolakhӧmi Ya’oda, ba ba zi lӧ sinegu ba
mbuabuania U’oroma’ӧ wangorifi andrӧ khӧ
Lowalangi ." (Sinunӧ 50:23)

Tafa’ema wasӧmbata khӧ Lowalangi, manunӧ ita

moroi ba Mbuku Zinunӧ Numero
286. NO AHATÖ YESU KHÖDA
Lala : Faigi Tödö Zangorifi ( No. 93 )
1. No ahatö Yesu khöda, ba ahono dödöda.
Lö fa’ogömi dödöda, he ahatö wangala.
Yesu zanolo ya ‟ita, soha-gai-ni tö-dö-da.
2. Tödöda ba fa‟aurida, ba fefu zi so khöda.
Da talulu khö Zo‟aya, tabè sumange-Nia
Ya si terou tödö ita, ba wolo‟ö li-Nia.
3. Fatörö manö ndra‟aga Ya‟ugö gubaloma.
Bè ba dödöma Geheha, aro‟ö wamatima.
Ena‟ö tola makhamö naha so‟ahonoa.
4. Lö manö aombö dödöma, wamatörö Zo‟aya.
Me oi sökhi lualua he na oya gakaola.
Tologa ba abölö‟ö ba böi tehe te‟ala.
5. Da ma‟andrö khö-U, So‟aya, amoni‟ö dödöma.
Bè mofozu halöẅöma, ya möi sumange Nama.
Afu oi dozi matema, wa‟auri si lö taya.
SA : Da tafasao wasӧmbatada andre fӧna Lowalangi,
…….muzizio ita fefu ..Manunӧ ita moroi ba
Mbuku Zinunӧ Numero 261 “ YA’E
ZUMANGE”
Fangandrӧ (fangandrӧ nidӧnia’ӧ fasamӧsa
zangowuloi fasӧmbata).
 (mudadao zato)
8. KOOR/VOCAL GROUP
SA : Da tafaogӧ dӧdӧda ba wanuno Lowalangi faoma
sinunӧ ni’olohesi : Koor ba ba Vokal Group.
a. ……………………
b. ……………………
9. MANUNӦ
Liturgos : Da tafa’anӧ dӧdӧda wamondrondrongo taroma Li
Lowalangi, manunӧ ita moroi ba Mbuku Zinunӧ
Numero 163 “ UHONOGӦ SIBAI DӦDӦGU”
U honogӧ sibai dӧdӧgu ba wamondrondrongo
limo Yesu,
Mangalulu ndra’odo fӧna U ba game tahӧ Mӧ ia
da’a,
Ӧ ba yoini Eheha U Yesu dozigӧ mbanua samati
khӧU,
U bokai dӧdӧgu khӧ U Yesu nahia daroma li U.

Reff: Taroma li Mӧ lӧ fa’atebulӧ menewi

ma’ӧkhӧ ba si’o gӧtӧ’ӧ lӧ sa mamalӧ, taroma li
Mӧ simӧi fangabӧlӧ u temaӧ soroi ba dodo tolo
ba wolo’ӧ.
10. HUHUO SEBUA
SH : Ya irorogӧ dӧdӧmi, awӧ gera’erami fa’ohahau
dodo andrӧ, khӧ Lowalangi, sabӧlӧ maroi
bagera’era niha fefu, ba khӧ Keriso Yesu.
Mangandrӧ ita…..Yaduhu.
a. Fombaso taroma Li Lowalangi: Yohane 3 : 22-
30
b. Fanuriaigӧ
c. Nitanӧ ba dӧdӧ: Yohane 3 : 30
d. Fangandrӧ Fanga’aro’ӧ huhuo

SATO : Manunӧ BZ Numero 154 : “NO

MAFONDRONDRONGO LIU”
11. TUHO WAMATI
SA : Me no tarongo daroma Li Lowalangi, ba da tafaogӧ
 lida wamaduhu’ӧ famatida ya’ita niha Keriso fӧna
Lowalangi, Muzizio ita fefu..... endronga lida.
SATO : “ Ya’o mamati khӧ Lowalangi……”
12. ANGOMBAKHATA BA MBANUA NIHA KERISO
SA : Da tafondrondrongo gangombakhata:……….
13. MANUNӦ
SA : Manunӧ ita moroi ba BZ Numero :
470. YESU SAURI
1. Yesu sauri, so Ia ba dödögu. Yesu sauri,
so Ia ba dödögu. Yesu sauri, so Ia ba
dödögu, Ya‟ia zamatörö fa ‟aurigu.
2. Yesu sauri, zamaeri fa‟aurigu. 3 x
Andrö lö te‟alado, lö elungu.
3. Yesu sauri, gubalogu sindruhu. 3 x
Lö sambö ndra‟o, lö göi fa‟ata‟u.
4. Yesu sauri, dötönafö sindruhu. 3 x
Ba wogamö fa‟auri si lö aetu.
14. FANGANDRӦ SALAHI + FAMATENGE + HOWUHOWU
SH Muzizio ita fefu, mangandrӧ ita salahi ndraalawe
ba zi sagӧrӧ ulidanӧ.
Mangandrӧ ita:
He Lowalangi satulӧ fahowuӧ ndra’aga tobali
sanuriaigӧ fa’atulӧ ba fa’aduhu. Bokai hӧrӧma
irege tola ma’ila fefu hadia ia si mane ni’ila-Mӧ.
Ba arӧu’ӧ ndra’aga ba zilӧsӧkhi, fӧkhӧ, ba fa
afӧkhӧ dӧdӧ, ba folau balӧ. Mangandrӧ ndra’aga
salahi ndraalawe si lӧ manema famaha’ӧ ba sekola,
si manӧ gӧi ndraalawe nifakao awӧ zinumana
bӧrӧ wamakao nitaӧgӧra. Mangandrӧ ndra’aga
ena’ӧ sohalӧwӧ ba gosali sifao famareta la
angeraigӧ he wisa lala ena’ӧ lasӧndra naha sisӧkhi
iraalawe.
Tolo ndra’aga ena’ӧ muhede ndra’aga,
ma’oguna’ӧ mbuala geheha ba nekhenekhema ba
wanoloni niha bӧ’ӧ. Fatӧrӧ ndra’aga ba lala
 wa’auri si sӧkhi me da’ӧ tekaoni ndra’aga.
SATO Fondrondrongo wangandrӧma…
SH He Soaya ba niha si lӧ nahia, bӧrӧ nono-U Yesu
Keriso si no tobali Ono niha moloi Ia moroi ba
zamunu ya’ia ba Mbetilekhema, no Ӧ’ila wa’auri
niha soloi si lӧ nahia, Yaugӧ zifao khӧra, tolo ira
ba ginӧtӧ ogӧmi dӧdӧra, ba na tefakao geraerara,
tuturu khӧra lala ba kubaloi ba naha sahono
dӧdӧra. Bokai dӧdӧ zanema’ӧ soloi silӧ nahia
ena’ӧ lafonahia ira, fatӧrӧ dӧdӧ zondrӧniai’ӧ ba
wamareta ena’ӧ la’asogӧ zoguna ba niha soloi si lӧ
nahia.
Fatӧrӧ ndra’aga ba wa’auri si sӧkhi meno tekaoni
ndra’aga.
SATO : Fondrondrongo wangandrӧma…
SH : He Soaya Ya’ugӧ gowe saro ba khӧma, no ӧ’fahaӧ
ndra’aga ba wondrou’ӧ fa’aurima ba khӧ-U.
Mangandrӧga salahi niha si lӧ nahia, si no agadudu
nomo bӧrӧ wasuwӧta, awӧ zigӧna molӧ, ba
fa’aruru danӧ. Abӧlӧ’ӧ ndra sohalӧwӧ ba wanolo
sigӧna famakao bӧrӧ wasuwӧta ba Palestina, awӧ
ba nahia bӧ’ӧ.
Fatӧrӧ ndra’aga ba wa’auri si sӧkhi meno tekaoni
ndra’aga.
SATO : Fondrondrongo wangandrӧma…
SH : He Soaya Lowalangi satulӧ, mangandrӧ ndra’aga
salahi ndra enonimӧ ena’ӧ tobali hasambua si
mane Ya’ugӧ khӧ Nama ha sambua. Fahaӧ ndra
enonimӧ ba wa malua satulӧ, fa’atuatua ba ba
wamalua fa’omasi he wa’ae fehede, fa’auri ba
fangandrӧ fabӧ’ӧbӧ’ӧ, fahowu’ӧ mbanua-U fefu
awӧ ndraalawe si lӧ farӧi gofu heza nahia
wanuriaigӧ turia somuso dӧdӧ.
Fatӧrӧ ndra’aga ba wa’auri si sӧkhi meno tekaoni
ndra’aga.
SATO : Fondrondrongo wangandrӧma…
SH + : Ba dӧi Zo’aya ya ‘aga Yesu Keriso, si no
 SATO mamahaӧ ya’aga ba wangandrӧ mamane : He Ama
khӧma si so ba zorugo…………….
15. FAMATENGE + HOWUHOWU
SH : Mi’angawuli si fao fa’ohahau dӧdӧ, ya tobali ami
sura Keriso samaduhu’ӧ Ya’ia ba lala wa’aurimi
sero ma’ӧkhӧ, ba mitema howuhowu :
 Ya mufahowu’ӧ ami Lowalangi, Ya murorogӧ
ami
 Ya mufahaga mbawa-Nia khӧmi, Ya mu’ebua’ӧ
dӧdӧ-Nia Khӧmi
 Ya mufalemba hӧrӧ-Nia khӧmi, Ya mube’e
wa’ohahau dӧdӧ khӧmi fefu. Yaduhu
SATO : Manunӧ BZ .Numero 302: “OHAHAU SIBAI
DӦDӦGU”
SH : Ya’ahowu
SATO : Ya’ahowu