Hasambua Bakha ba Ndrotondroto Mboto Keriso

1 Korindro 12 : 12 – 13
Nifa’anὅ: Dedan Purfance Gulo.

Ama-Ina, ba ira talifusὅ ni’ὅmasi’ὅ ba khὅ Yesu Keriso daromali Lowalangi khὅda ba
zi mane inὅtὅ andre, te halὅ ia mὅrὅi ba zura 1 Korindro 12 : 12 – 13. Da u’baso khὅda ba
ta’faogὅ dὅdὅda ba wamondrondrongo ya’ia. Imane daromali Lowalangi.
12
Hulö mbotoda andrö, si ha sambua, ba no oya ndrotondroto, ba tobali ha sambua boto
ndrotondroto mboto andrö, ha waʼoya ira, si manö göi khö Keriso.
13
Ha sa sambua Geheha, me tebayagö idanö ita fefu, enaʼö ha sambua boto ita, he niha
Yehuda, ba he Dawa Heleni, he sawuyu, ba he si tenga sawuyu; ba ha sambua Geheha
nifabadugö khöda.

Hulὅ simanὅ khὅda daromali Lowalangi. U’owai ita ma’afefu Ya’ahowu! Tasuno Lowalangi,
no itehe ita owulo, orudu, orahu, ba zi mane inὅtὅ andre, si’fao wa’owuawua dὅdὅ. Ama-Ina
ba ira talifusὅ. Tuho khὅda ba daromali Lowalangi andre yaia da’ὅ:
Hasambanua Bakha ba Ndrotondroto Mboto Keriso.

I. FAMOBӦRӦ
Ama-Ina, ba ira talifusὅ niomasi’ὅ ba dὅi Zoaya yaita Yesu Keriso.
So sambua wehede ba tanὅda Indonesia sitobali danedane ia gὅi ba zi sagὅrὅ Indonesia.
Yaia daὅ: “Bhineka Tunggal Ika”. Na tafoeluaha ia ba li khὅda ambὅ tὅra imane: Hewa’ai
fabὅ’ὅbὅ’ὅ hada, hewa’ai fabὅ’ὅbὅ’ὅ ngasi, hewa’ai fabὅ’ὅbὅ’ὅ nga’ὅtὅ. Ba ha sambua
dὅdὅ, sambua gohitὅ, sambua dὅi Indonesia.
Ama-Ina, ba ira talifusὅ. Mo danedane ia, bὅrὅ me ndrotondroto zi so ba tanὅda
Indonesia andre oi fabὅ’ὅbὅ’ὅ hada, ngasi, ngaὅtὅ, andrὅ enaὅ lὅ mo’olaola fabanuasa, so
wa’hasambua gohitὅ dὅdὅ, ba enaὅ lὅ hadὅi wa’aboto gotalua banua, andrὅ ira tuada
samasindo tanὅda Indonesia, la halὅ wa’hasaradὅdὅ wa danedane semboyan Indonesia
yaia daὅ: “Bhikena Tunggal Ika” geluahania “beragam-ragam tetapi tetap satu jua”. Daa
nifatὅfa, ba nifaha’ὅ khὅda ba zi sagὅrὅ Indonesia, irugi ia dae!.
Ama-Ina, ba ira talifusὅ niomasi’ὅ ba khὅ Yesu Keriso. Gohitὅ dὅdὅ ena’ὅ so
wa’hasambua ba gotalua wa banuasa zi no fabὅ’ὅbὅ ndrotondrotonia. Tenga ha ba
Indonesia alua, alua gὅi ba banua niha Keriso zi so ba mbanua Korindro meluo no. Na
ta’ila mbanua Korindro meluo no, banua sebua, banua soya ngasi zi fabὅ’ὅbὅ’ὅ, nahia
waniaga sebua, bakha ba daa gὅi mohalὅwὅ ira famareta Romawi meluo no.
Ama-Ina, ba ira talifusὅ. Na ta fodumaduma ia khὅda ba ginὅtὅ ia daa, hulὅ simane
banua Kota Medan ia daa. Mbanua Kota Medan andre, so soroi ba Aceh, so soroi ba
Padang, so niha mbata zi mὅi ba torὅi ba Kota Medan, simanὅ gὅi niha khὅda zi oroi ba
danὅ niha, la gamὅgamὅ gὅi mbanua Kota Medan. Gohitὅ dὅdὅra gὅi wekoli ba mbanua
Kota Medan oi fabὅ’ὅbὅ’ὅ, so zi mὅi wangalui fa’atuatua, so zi mὅi sekola so zi mὅi
wangalui halὅwὅ, ba so gὅi bὅrὅ me na daὅ i’fataro ia kafalora, ba tanὅ bὅ’ὅ nia. simanὅ
gὅi mbanua Korindro meluo no. Ato niha so gamὅgamὅ mbanua Korindro dae, siotarai
yὅu, siotarai raya, siotarai gamatumbukha, ba so sotarai gaekhhula. La gamὅgamὅ
mbanua Korindro me mbanua Korindro andre banua sebua.
Hiza’i ba zitambai daὅ, so zitobali gabuladὅdὅ Waulo me no aefa i’faema duria somuso
dὅdὅ ba mbanua Korimdro meluo no. Hadia manὅ sitobali noro dὅdὅ nia, irege wa i’sura
 zura 1 Korindro andre Waulo? So wa’aboto ba gotalua banua niha Keriso zi so ba
mbanua Korindro. (1-4); Lὅ teoroma’ὅ buabua wa’aniha Keriso, bὅrὅ me lὅ saefa ira ba
gamuatara si to’ὅlὅ. (5-7);bAlua wa’afabὅ’ὅ wangerangera, he ba wamalua faomasi, he
gὅi hewisa wanema’ὅ sito’ὅlὅ ba banuara samὅsana yaira. (8-10; 11-14); ba ifuli mohalö
Waulo wangaro’ὅ wamatira (15-16).
Ama-Ina, ba ira talifusὅ niomasi’ὅ. Tatu manofu ita, hana wa oya sibai ngawalὅ
gabuladὅdὅ zalua ba mbanua Korindro andrὅ? samuzatὅ! bὅrὅ me no orudu, ba zi sambua
orahua.

II. ANGOSISILA
Ama-Ina, ba ira talifusὅ niomasi’ὅ ba khὅ Yesu Keriso.
Ia daa hadia sitobali gangosisila ba gamaudu daromali Lowalangi ba simane inὅtὅ andre,
So 4 fosatὅ!

1. Hasambua boto ba khὅ Keriso, Hewa’ai Oya Ndrotondroto Mboto.

Ama-Ina, ba ira talifusὅ ni’omasi’ö ba khö Yesu Keriso. No ta’ila ba famobὅrὅ huhuo
mege, wa mbanua Korindro andre banua sebua, bakha ba Korindro oi torὅi sifabὅ’ὅbὅ’ὅ
ngasi, sifabὅ’ὅbὅ’ὅ mado, si fabὅ’ὅbὅ’ὅ halὅwὅ, si fabὅ’ὅbὅ’ὅ fa’atuatua, ba tanὅ bὅ’ὅ
nia. ama-ina, tatu na ta’angeraigὅ na orudu niha ba zi sambua orahua ba lὅ hadὅi fa’aboto
ba dὅdὅ nia. tatu la imane dὅdὅra: “Da’u ofὅnai’ὅ ngasigu, da’u ofὅnai’ὅ madogu” na
ngasi faoma mado si fabὅ’ὅ. simanὅ gὅi na lala halὅwὅ ma fa’atuatua si fabὅ’ὅ, tatu
imane: “Da ubabaya halὅwὅgu, ba khὅukhὅu sae halὅwὅmὅ” ma zui imane: “bὅrὅ me
ya’o zatuatua ba ena’ὅ ya’o manὅ zoroma, ena’ὅ ya’o manὅ zi mὅi fὅna”.
Itaria Ama, Ina, tenga ha ba mbanua Korindro alua gamauta da’a, itaria alua ba khὅda
ba ginὅtὅ ia da’e. tὅratὅra bakha ba gosali!. Faoma la halὅ lakhὅmira ketua majelis faoma
ketua BPMJ, faoma la oroma’ὅ wa’asia’ara ira tokoh-tokoh banua niha Keriso, ma
simanὅ gὅi ira ngasi zi so ba gosali hulὅ faoma mu ola, faoma mo gotalua samὅsana
yaira.
Ama-Ina, ba ira talifusὅ niomasi’ὅ. Samὅsa Waulo lὅ itimbagὅ na so sifabὅ’ὅbὅ’ὅ ba
gotalua niha zamati khὅ Yesu. Ba fa’abὅ’ὅbὅ’ὅ sa da’ὅ no mbuala wa’abolὅ Lowalangi.
Da’ὅ niwa’ὅ nia ba ngawua zi 28, So nifataro Lowalangi tobali Sinenge, lὅ fefu ibe’e
Lowalangi mbuala fa’atuatua wondrὅniai’ὅ banua niha Keriso. So nifataro Lowalangi
tobali sama’ele’ὅ, lὅ fefu ibe’e Lowalangi mbuala fa’atuatua wangi’ila hadia nὅsi dὅdὅ
Lowalangi. So nifataro mbuala fa’atuatua wamaha’ὅ ba wombotokhi daromali
Lowalangi, lὅ fefu niha tola wamalua sahὅlihὅli dὅdὅ, lὅ fefu niha so khὅnia mbuala
wamadὅkhὅ wὅkhὅ, ba tanὅ bὅ’ὅ nia. fefu da’ὅ no fa’abὅlὅ Lowalangi ba no mbuala
Lowalangi samὅsana niha samati khὅ Nia.
Andrὅ bὅrὅ da’ὅ! I’amenesi mbanua Korindro meluo no Waulo. Hulὅ simanὅ
ndrotondroto mboto ita so gahe, so danga, so hὅrὅ, so mbewe, so dalinga, so tuturu, ba
ena’ὅ hulὅ sambua ita fefu ba khὅ Keriso. Na so sifabὅ’ὅbὅ’ ba lὅ hadὅi wa’hasambua,
tenga ndrotondroto mboto ba khô Keriso daὅ!. simanὅ gὅi na ha daὅ si so ha fahasambua
lὅ hadὅi wa’afabὅ’ὅbὅ’ὅ, tenga ndrotondroto mboto Keriso daὅ!. Hiza’i hasambua mboto
khὅ Keriso hewa’ai oya ndrotondroto mboto andre.

2. Zi Hasambua Mboto Faoma La Rasoi Wa’afὅkhὅ Mboto Bὅ’ὅ, ba Lὅ Tola Aefa ba

Mboto Bὅ’ὅ Ia.
Ama-Ina, ba ira talifusὅ niomasi’ὅ ba khὅ Yesu Keriso. No i’wakha’ὅ khὅda Waulo
mege, wa oya ndrotondroto mboto zi so ba mbanua Korindro. Ba itohugὅ wanguma’ὅ,
ndrotondroto mboto andrὅ faoma la’ila ba faoma la rasoi zafὅkhὅ khὅ nawὅra. Na ta
 fagese wanohugὅ wombaso ba ngawua zi 26 “Ba no sa zafὅkhὅ ba zi sambua
ndrotondroto, ba oi afὅkhὅ ba ndrotondroto fefu”.
Ama-Ina, ba ira talifusὅ. Itaria alua ba khὅda ba ginὅtὅ ia da’a, alua wamaigi mbawa
ua. Olifu ita wa yaita andre no sambua boto khὅ Keriso. Itaria tumbu ba dὅdὅ wanofu ua.
Hadia sambua ngasi khὅda ia? Hadia banuada ia? Ae niha si kayo da’ὅ, lὅ yaita ba da’ὅ?
Ae niha si lumana da’ὅ, tenga yaita da’ὅ? Itaria sabὅlὅbὅlὅnia na’i, alua wamaigi mere
gosali, BNKP na BNKP, ONKP na ONKP, AMIN na AMIN, Fendrakose na Fendrakose.
Olifu ita wa fefu ita samati khὅ Keriso no sambua mboto ita ba khὅ Keriso. Tenga bagolὅ
gosali mba’amba’ada wamalua zi sὅkhi. Tenga dali tarugi simane wa’alawa malige awena
ta falua zi sὅkhi, ndrohundrohu wa’abὅlὅda.

3. Geheha Somatὅfa Ita ba Samabὅbὅ Ita Tobali Ndrotondroto Mboto Keriso.

Ama-Ina, ba ira talifusὅ niomasi’ὅ ba khὅ Yesu Keriso. Ia daa ofeta ita ba ngawua zi
13. Tatu oi manofu ita, hana wa la wa’ὅ ita andre ndrotondroto mboto Keriso?. Hana la
wa’ὅ wa tefobὅbὅ ita ba zi sambua mboto?. Hana wa ta’afὅkhὅi zafὅkhὅ khὅ nawὅda,
hadia bὅrὅ me no la faha’ὅ ita wamalua faomasi?
Tenga ha bὅrὅ da’ὅ, tefobὅbὅ ita tobali ndrotondroto mboto Keriso bὅrὅ me dozi ita
samati khὅ Yesu, no tefotandra khὅda wa no tatema’ὅ wamayagὅ idanὅ. Ba ena’ὅ aboto
ba dὅdὅda, tefili ita tobali ndrotondroto mboto Keriso, ba ta tema’ὅ wamayagὅ idanὅ,
tenga bὅrὅ wa’abὅlὅda, bὅrὅ wa’abὅlὅ geheha, irege fefu si no tebayagὅ idanὅ tobali sae
sambua ndrotondroto ita ba mboto Keriso. Hulὅ ni wa’ὅ ba ngawua zi 13 “Lὅ sae niha
Yehuda, lὅ sae Dawa Heleni, lὅ sae sawuyu, lὅ sae si tenga sawuyu”. Andrὅ na manofu
ita, hana wa tefobὅbὅ ita khὅ nawὅda sifao samati khὅ Yesu tobali ndrotondroto mboto
Keriso? Bὅrὅ me no ta tema’ὅ wamayagὅ idanὅ wa’abὅlὅ Geheha andrὅ!
Ama-Ina, ba ira talifusὅ. Tetohugὅ wombotokhi Waulo ba ngawua zi 13 no mege,
“Hasambua Geheha nifabadugὅ khὅda”.Na ta osisi’ὅ ba li Heleni nia, Potidzo geluaha nia
mangele. Hadia sinangea iwa’ὅ khὅda? Tohutohu me no tefobὅbὅ ita no mege bὅrὅ me no
tebayagὅ idanὅ ita, ba i’andrὅ khὅda ena’ὅ da tafangele hewisa ia mbuambua mbanua
niha Keriso sitobali sambua mboto khὅ Keriso.
Samuzatὅ! Ama-Ina. Hadia sitobali gangosisila khὅda ba fosatö zi 3. Geheha
zamatὅfa ita ba samabὅbὅ ita tobali ndrotondroto Keriso. Meno ta’ila hewisa Waulo
wamotokhi hadia ia ndrotondroto mboto Keriso, hewisa wanema’ὅ, ba wangomasi’ὅ
sifagὅlὅ ndrorotondroto Keriso, ba hana tola tefobὅbὅ ita tobali ndrotondroto Keriso. Ia
daa ba fosatὅ zi 4 itohugὅ wombotokhi khὅda Waulo haniha hὅgὅ ba ndrotondroto mboto
andrὅ, yaia fosatὅ zi 4.

4. Keriso Hὅgὅ Ndrotondroto Mboto Andrὅ.

Ama-Ina, ba ira talifusὅ niomasi’ὅ ba khὅ Keriso Yesu. Sondrὅniai’ὅ andrὅ, si
lὅ’ὅlὅ’ὅ nia so 3 ngawalὅ. So nifotὅi Ketua, so nifotὅi Kafalo, ba so gὅi nifotὅi Hὅgὅ.
Hadia ia nifotὅi Ketua, Kafalo, faoma Hὅgὅ? Ketua andrὅ na tafaigi geluaha nia ba
KBBI, i’foeluaha, Ketua andrὅ, nituyu ia ba gotalua zato, bὅrὅ me lafaduhusi tὅdὅ ia
wondrὅiniai’ὅ orahua andrὅ. Andrὅ Ama-Ina, lὅ irai tarongo wa Yesu andrὅ Ketua ba
ndrotondroto nia, hana? bὅrὅ me Yesu tenga yaita sanuyu tobali sondrὅniai’ὅ yaita, ba
tenga yaita ndrotondroto so fili yaia. Andrὅ lö irai Ama, Ina, tarongo Yesu andrὅ Ketua
da ba ndrotondroto mboto Nia. So gὅi nifotὅi Kafalo, geluaha Kafalo andre, sofaretakὅ
ndrotondrotonia, ba sangaturai halὅwὅ ndrotondrotonia, ba oroma sibai gotaluara Kafalo
faoma ndrotondrotonia. Ama-Ina, simanὅ gὅi, andrὅ alukhὅ tarongo wa Yesu andrὅ la
kaoni khὅnia Kafalo, bὅrὅ me lὅ manὅ gotaluada Yesu faoma ndrotondrotonia. Safuria,
hadia’i Yesu ba ndrotondroto nia? Keriso andrὅ no Hὅgὅ ba ndrotondrotonia. Hana wa
lawa’ὅ ia Hὅgὅ? bὅrὅ me Hὅgὅ andrὅ, tenga bὅrὅ me tafili ia wa tobali ia sondrὅniai’ὅ
 yaita, bὅrὅ Hὅgὅ andrὅ lὅ mo’otalua ba ndrotondroto nia. Hiza’i, hὅgὅ andrὅ ni’osia’agὅ
ba ndrotondroto tanὅ bὅ’ὅ. Andrὅ wa tafosumange ia tobali Hὅgὅ ba ndrotondroto mboto
andrὅ.

III. ANGERӦNUA
Ama-Ina, ba ira talifusὅ niomasi’ὅ ba khὅ Keriso Yesu.
Meno ta osisi’ὅ ba meno ta botokhi daromali Lowalangi andre, hadia sitobali
gangerὅnuada ma sinangea ta halὅ ba daromali Lowalangi andre.
1. Wa’afabὅ’ὅbὅ’ὅ andrὅ no mbuala Lowalangi, ba samὅsana yaita. andrὅ bὅrὅ da’ὅ, Na
so sifabὅ’ὅbὅ’ ba lὅ hadὅi wa’hasambua, tenga ndrotondroto mboto Keriso daὅ!.
simanὅ gὅi na ha daὅ si so ha fahasambua lὅ hadὅi wa’afabὅ’ὅbὅ’ὅ, tenga
ndrotondroto mboto Keriso daὅ!. Hiza’i hasambua mboto khὅ Keriso hewa’ai oya
ndrotondroto mboto.
2. Tenga mbagolὅ gosali mba’amba’ada wamalua zi sὅkhi. Tenga dali tarugi simane
wa’alawa balige awena ta falua zi sὅkhi, ndrohundrohu wa’abὅlὅda. Gosali andrὅ
tenga ha ba gamaudu oraganisasi manὅ, hiza’i gosali andrὅ no hulὅ organisme, faoma
la ila hadia halὅwὅra ba faoma la tema’ὅ nawὅra.
3. Tenga bὅrὅ yaita wa tola tobali ita ndrotondroto mboto Keriso, hiza’i bὅrὅ halὅwὅ
Geheha samabὅbὅ ita tobali ndrotondroto Keriso, andrὅ fefu samati khὅ Nia, oi tobali
sae ndrotondroto mboto Keriso, ba lὅ tola aefa ba ndrotondroto bὅ’ὅ sifao samati.
4. Ba safuria, ba ndrotondroto tatu so sondrὅniai’ὅ ba sondrὅniai’ὅ andre tenga Ketua,
tenga Kafalo, hadia’i? No Hὅgὅ Ia ba ndrotondroto mboto andrὅ. Haniha Hὅgὅ
andrὅ? Yaia Yesu Keriso. Hasambua ba ndrotondroto mboto Keriso. Yaitolo ita
Lowalangi.