Bahan Sermon Ressort HKBP Onan Hasang

Minggu, 9 Okt 2022. Lukas 17:11-19

Haporseaon na Paluahon / Iman yang menyelamatkan

Dibaritahon Tuhan Jesus do angka panghobasionNa di na mamaritahon Barita na Uli naung

songgop harajaon ni Debata. Didalani Ibana do angka luat dohot angka sosor (mat 9:36); songon na
masa di turpuk on sian luat Samaria dohot Galilea. Luat Samaria i ma huta na ni inganan ni halak
Samaria na sai maralo dohot halak Jahudi. Halak Jahudi nunga hurang hantus mangantusi halak
Samaria, na mandok ndang adong be partalihan nasida, hape sasintongna songon dongan sabangso di
Debata do nasida. Luat Galilea i ma na ni inganan ni halak Jahudi na mandok diri nasida ma bangso ni
Debata. Songon halak pardosa do halak Samaria rap dohot angka bangso na asing, diparnidaan ni
halak Jahudi. Nang pe masialoan do na dua bangso on, alai sai diparrohai jala dihobasi Jesus do na
dua bangso i.
Mangihuthon tradisi ni halak Jahudi, halak na marsahit huliton (Kusta) ima halak na ramun
manang na hona toru. Huliton ima sahit sihabiaran jala sahit na so boi dipamalum. Halak na mangae
sahit sisongoni sai dipabahir / tersisih, terpisah, terpinggirkan do nasida di parsaoran ni huta. Dibalian
ni huta nama nasida maringanan mandao sian parsaoran ni huta i. Di bagas joro manang
diparugamoon pe nasida ndang parsidohot be, ai halak na hona toru do nasida dihilala. Ai molo dais /
terkena nasida tu angka jolma na asing gabe ramun do nasida dihilala. Asa tung di duru / luar ni
parsaoran ni parhuriaon dohot paradaton do nasida. Songon i do jotjot masa di portibi on sai jumpang
hita dope sai adong do jolma na so tuk boi bongot tu parsaoran ni angka adat, nang di tonga ni huria.
Boi do masa pangalaho sisongoni di tingki on ala ni hapogosan na maniala, boi doi masa ala ni sahit
na so marnamalum, boi ala uhuman di tongatonga ni paradaton manang huria manang ala korban
politik dohot ekonomi gabe laos so boi bongot tu parsaoran ni natorop. Gabe ngolu na tarpunjung /
tersisih nama ibana. Ise ma tagamon / harapan na mangalehon roha ni angka jolma si songon i?
Mandaodao do angka na huliton i sian natorop i, ai dibalian ni parsaoran ni natorop do nasida.
Mangido asi ni roha ni Jesus do halak na huliton i, alani ma didok nasida “Jesus, Guru! Asi
rohaM di hami,” Nasida manjohuon Jesus sian sihadaoan do, ndang boi nasida jonok hombar tu adat
naung dihangoluhon nasida. Dijohun nasida pe Jesus tontu naung diboto nasida do adong harapan boi
mangalehon las ni roha di nasida marhite na malum sahitna umbahen na dijouhon nasida. Molo di
angka natorop, songon na somal nunga pola so dibege nasida i, alana molo diantoi natorop i nasida
boi gabe sitihaan halak na mangantoi i. Gabe paholang diri nama angka na torop i molo tung
manjonok angka na huliton i. Nunga tung tangkas sirang nasida sian ngolu na torop i. Alai anggo
Jesus ditangihon do nasida jala Diantoi. Diantoi Jesus angka jolma na so patut antoan mangihuthon
ruhut ni paradaton dohot parugamoon, Maralo doi tu hasomalan. Asi ni roha ni Jesus ndada holan tu
angka na tuk marsaor di natorop, dohot do tu angka halak na dipaduru sian parsaoran. Tung
dihalomohon nasida ma nasida gabe sahit huliton? Nda na ro do sahit i tu nasida? Disi ma patar asi ni
roha ni Debata dilehon tu sude jolma.
Jesus merespon joujou nasida, didok ma tu nasida: “Laho ma hamu patuduhon dirim tu angka
malim”. Tagamon do jaloon ni malim nasida? Nda na hona bura / kualat do nasida? Nda dibalian ni
huria do nasida na so boi jonok tu bagas joro i? Tung boha ma nasida laho tu malim? Ia parsuruan ni
Jesus i, ima na manguba hasomalan tu parsaoran na imbaru. Patuduhon hamu ma dirimuna tu angka
malim, diparsuruon i disi do Jesus paradehon hamalumon tu nasida. Ganup na manjouhon sian sihol
ni roha, serep ni roha, bulus ni roha tu asi ni roha ni Tuhan Jesus, dapotan tua dohot haluaon do. Molo
tung pe ndang adong na parduli di nasida, di na dijouhon nasida Jesus manjalo hamalumon, disi do
naeng dipapatar Jesus na parsidohot do nasida di ngolu parugamoon. i ma hagogoon ni Tuhan Jesus di
nasida, alai naeng pasuangonna do hajolmaon nasida di tongatonga ni huria i dohot ditongatonga ni
natorop i. Nasida na dietong halak na hona bura i, halak na parohon haramunon i, ingkon mulak tu

1
parsaoran di huria, nang di adat pe. Pasuanghon hadirion nasida do na mansai arga naeng patupaon ni
Jesus i, ndada holan hamalumon sambing na rumingkot, alai tung arga ni hadirion nasida do songon
jolma na hinaholongan ni Debata.
Dilehon Jesus do hamalumon i tu na sampulu halaki, alai sahalak sian nasida ro mandapothon
Tuhan Jesus, dipagogo ma suarana jala dipuji ma Debata. Dipatungkap ma dirina tu Tuhan Jesus,
didok ma mauliate. Nunga didia na sia nari? Alai laos so ro nasida mandok mauliate tu Tuhan Jesus
na pamalumhon i. Dung boi sumuang nasida rap dohot na torop dang di ingot nasida
manghamauliatehon ima na nidokna “lupa kacang akan kulitnya”. Naung las lalap do nasida marlas ni
roha dohot malim nang na torop i? Unang ma masa ala nuang dapotan jala denggan parsaoran ni
hajolmaonna, gabe laos ditadinghon Debata pardenggan basa silehon hangoluan i. Unang ma masa
diargahon jolma i silehonlehon ni Debata, alai Debata na patupahon silehonlehon i, laos dihalupahon.
Ndang boi hape dohonon angka naung mian di tonga ni huria andul dumenggan ngoluna sian halak na
di duru ni huria I (merasa lebih baik, saleh, suci, tinggi hati, merendahkan orang lain). Halak na
manjalo asi ni roha ni Debata jala ro mandok mauliate jala pasangaphon Debata, manang sian tonga ni
huria i ibana, manang sian duru ni huria i ibana, i do na dihalomohon Debata.
Halak Samaria ima na so mananda Debata, alai dung dipahisar sian sahit huliton i tubu ma
haporseaon di ibana. Alani ma diihuthon ibana laos parsuruan I diulahon jala dipatandahon ma dirina
tu malim, laos di tingki ima malum nasida. Jolma na tau mandok mauliate do halak Samaria on, dung
malum dang lupa diri ibana. Dung I didok Jesus ma tu halak Samaria i: “Hehe ma ho, laho ma!
Haporseaonmi do paluahon ho”. Arga do di Jesus ngolu ni halak Samaria on, nang pe ndang arga di
parugamoon ni halak Israel uju i. Hehe ma ho marlapatan do i, hehe laho marpanindangion di
denggan basa naung jinalona, nunga bongot ibana tu parsaoran dohot Tuhan Jesus di bagasan
haporseaonna i, ndada holan haluaon na sian sahit huliton na nidok na, alai tung haluaon na gok do,
ima haluaon sian gomgoman ni dosa dohot hamataean. Ala nunga bongot ibana tu haluaon i dibagasan
haporseon tu Tuhan Jesus i, na nidokna disi ndada paradaton di natorop manang ruhut parugamoon i
na paluahon, alai tung haporseaon di Tuhan Jesus i do. Manang ise naung manjalo denggan basa
dohot asi ni roha, patut ma manungkap di adopan ni Tuhan Jesus mandok mauliate jala pasangap
Debata di ngoluna.

Sipahusorhusoron, Panimpuli, Hahonaan ni Jamita

1.Dihaholongi Jesus do sude angka jolma manang kaum. Nang pe halak Galilea (Jahudi), nang pe
halak Samaria yang dijauhi oleh orang Yahudi, keduanya tetap diperhatikan, dikasihi Tuhan.
2.Semua penyakit yang datang kepada kita, tentu bukanlah keinginan, kemauan kita sendiri, oleh
karena itu, janganlah kita membangun tembok, memisahkan diri, merasa jijik terhadap mereka. Kita
harus berusaha seperti Yesus, mau mengasihi orang-orang yang terpinggirkan, justru ingkon hita do
gabe parhitean / perpanjangan tangan Tuhan, sebagai Parhalado asa manghaholongi angka ruas na
dapot sahit songoni, isarani angka program diakoni sosial / kunjungan, bantuan tu angka na
difabel/disabilitas
3.Dipaingot do hita asa unang gabe halak na marginjang roha. merasa tinggi hati / lebih baik, suci,
saleh dibanding orang lain.
4.Kita diingatkan agar Jangan seperti kacang lupa kulitnya. Semua yang kita peroleh sampai saat ini,
kesehatan, nafas kehidupan, keluarga, pekerjaan, dan banyak berkat lainnya, jangan kita lupakan. Kita
wajib terus mengingat dan mengucap syukur kepada Tuhan, melalui ke gereja, ikut punguan,
partangiangan dohot lan angka na asing
5.Martin Luther: Sola Fide (Kita diselamatkan oleh karena Iman / Kepercayaan kita kepada Tuhan)
Haporseaonmi do paluahon ho. Amen