Parture Ni Parpunguan

Di Tingki Parningotan
Panaonon ni Tuhan Jesus Kristus
HKBP Taman Mini Resort Taman Mini
( Passion Borngin IV )

Kamis, 06 April 2023, Pukul 19:30 Wib

Jongjong ma disi natorop i mainondur. Alai dohot do

angka panungganei manginsahi Ibana, angka ninna ma:
Ia na leban dipalua; ua, dirina ma dipalua, anggo na tutu
Kristus ni Debata, na pinili i Ibana!
(Lukas 23 : 35)

Jl. Mandor Hasan RT.006/09 N0. 34 Cipayung

Jakarta Timur
1. Jou-jou Pahohom diri. U = Uluan H = Huria
U : Hamu angka dongan sahuria. Borngin on ma parpudi hita
patupa partangiangan passion. Lam gomal ma tu roha dohot
pingkiran ta laho mangauhon hina bernit naung niaek ni
Tuhata Jesus Kristus laho manobus hita sian dosa dohot
hamatean. Atong tapungka ma Partangianganta, Marende ma
hita.

2. Marende BE No. 434: 1 – 2 “Tuhan Jesus Bereng Au” BL 388

Tuhan Jesus bereng au dison, ro ma au marsomba tu joloM.
Mansai leleng au manjua, ndang tar bahen au martua.
Dilului Ho, ale Tuhan, au, diihuthon Ho au tu na dao
Naung dapotan au di Ho, Tuhan, dison do au.
Sae dosangku dibaen Tuhanki, monang au dibaen mudarNa i.
Gogo do dilehon Tuhanki di au, di au.
---Jongjong---
Mago au dibaen portibi on, daging, tondi dohot rohangkon.
Holan Jesus paluaohon saluhut na tinaluhon.
Gok do au nuaeng di Tuhanki, sirang ahu sian dosangki.
Lam jonok tu Ho, ale Tuhan, sai taiti au.
Sae dosangku dibaen Tuhanki, monang au dibaen MudarNa i.
Gogo do dilehon Tuhanki di au, di au.

3. Votum – Introitus – Tangiang :

U : Marhitehite Goar ni Debata Ama, dohot Goar ni AnakNa
Tuhan Jesus Kristus, dohot Goar ni Tondi Parbadia na
tumompa langit dohot tano on.
H : Amen
U : Sai manatapnatap do matangku tu Ho namarhabangsa di
banua ginjang.
H : Ida ma, songon mata ni angka anak somang tu tangan ni
induksomangnasida, songon mata ni naposo boruboru tu
tangan ni sorangan nasida.
U : Songan I do mamereng matangta tu Jahowa Debatata paima
asi roha na di hita. Martangiang ma hita “Ale Amanami na
di banua ginjang, Parasiroha na sumurung di sude jolma!
Ndang dioloni Ho AnakMu na sadasada i, dilehon Ho do.
1
 Ibana humophop hami mamorsan dosanami sahat tu
hau na pinarsilang i. Sai patogu ma rohanami, asa
unang ganggu rohanami manghaporseai hasesaan ni
dosanami, asa unang mandele hami ala ni dosanami,
alai asa pos situtu rohanami di asi ni rohaM na godang
i, marhitehite Tuhan Jesus Kristus Tuhannami, Anak
haholongan ni rohaM i, Amen

4. Marende BE No. 85 : 3 “Sai Ingoton Ni Rohangku” BL 227

3) Tung so dapot huhatahon
Haporsuhon na ditaonhon Holan ala dosangki

5. BARITA PANAONON NI TUHAN JESUS ( II )

Uluan : Nunga tabege jala taida holong ni Tuhanta di hita, alai
naeng dope paihutihutonta na tinaon ni Tuhan i andorang
so diparsilanghon Ibana. Asa ditogihon nasida ma Jesus
sian jolo ni Kayapas tu kantor, alai sogot ma manogot i.
Ndang na bongot anggo nasida tu kantor, asa unang
tarsubang nasida manganhon Paska i. Gabe ruar ma si
Latus mandapothon nasida, didok ma: Pangaluan dia do
diboan hamu dompak Halak on ? Dung i ninna nasida ma
mangalusi: Aut unang sibahen na jahat Halak on, ndang
tagamon pasahatonnami Ibana tu ho. Gabe ninna si Latus
ma mandok nasida: Boan hamu ma Ibana, uhum hamu ma
Ibana marguru tu adatmuna. Alai ninna angka Jahudi ma
mandok Ibana: Ndang jadi pusaonnami manang ise. Jadi
dialuhon nasida ma Ibana ninna ma: Na dapot hami do on
pabalikbalikhon bangsonami, jala mangorai mangalehon
guguan tu kesar i, dipandok: Raja Kristus do Ibana. Dung
dibege si Latus pangaluan ni bangso i, ditangkasi do Jesus
manang na toho Ibana Raja. Dialusi Jesus do si Latus jala
didok ma: Ianggo harajaonKu ndada sian portibion, alai
harajaon hasintongan do. Ndang dapot si Latus manang
aha hasalaan ni Tuhan i, alai disuru dope Tuhan Jesus tu.
2
 jolo ni si Herodes pangomgomi Galilea na tongon di huta
Jerusalem. Las do roha ni si Herodes mamereng Jesus ai nunga
nania lelengna sai naeng idaonna tanda halongangan. Alai ndang
dialusi Jesus ibana. Dung direhei Ibana disuru ma mulak tu si
Latus, dungkon ni i ma maraleale si Latus dohot si Herodes, ai
na masihosoman do nasida anggo nasailaon. Alai adong ma
tarhurung uju i sada parjahat na sumalin na margoar Barabas.
Jadi di na pungu i nasida, didok si Latus ma tu nasida: Ise
dipangido hamu paluaonku, si Barabas manang Jesus na targoar
Kristus do ? Ai diboto do, late ni rohanasida do umbahen na
dipasahat nasida Ibana. Alai sai disosoi angka sintua ni malim
rap dohot sintua ni bangso i do na torop i, asa dipangido nasida,
malua si Barabas, alai pusaon do anggo Jesus. Dung i ninna
panguhum i ma mandok nasida: Ise sian na dua i dipangido
hamu paluaonku ? Jadi didok nasida ma: si Barabas. Dung i
didok si Latus ma tu nasida: antong aha bahenonhu tu Jesus na
targoar Kristus? gabe saluhut nasida mandok:
Parsilanghon, parsilanghon ma Ibana.
Alai ninna panguhum i ma: Ai aha na jahat dibahen ?
Parsilanghon ma Ibana.

6. Marende BE No 84: 1 Aut na ginorga tu rohangku BL. 195

1) Aut na ginorga tu rohangku, bohiM di na lao mate Ho,
Aut na huingot Ho Tuhanku,
tongtong panghophopMi di au.
Ai Ho do paluahon ahu, dosangku do pinorsanMi,
Di daoni Ho parsahitonku, martua ahu binaen ni

7. BARITA PANAONON NI TUHAN JESUS ( III )

Uluan : Dung i ditogu si Latus ma Jesus, didokhon ma linsingan.
Jadi didandani soldadu ma sungsang duri bahen tumpal,
diampehon ma i tu uluNa.

3
 Baju dapdap ma dialithon tu dagingNa. Dung i ro
ma nasida tu joloNa mandok, Tabi di Ho ale Raja
Jahudi, laos dipastapi ma Ibana. Dung i ruar ma
muse si Latus, didok ma tu angka Jahudi: Ida hamu
ma, hutogihon do Ibana tu jolomuna asa diboto
hamu na so adong jumpang ahu salaNa. Laos ruar
ma Jesus manjujung sungsang duri jala marbaju
dapdap. Jadi didok si Latus ma tu nasida: Ida hamu
ma jolma i. Asa dung diida sintua ni malim dohot
angka naposo Ibana, dijouhon nasida ma:
Parsilanghon ma Ibana. Dung i didok si Latus ma
tu nasida: Boan hamu ma Ibana, parsilanghon hamu
ma, ai ndang jumpang ahu salaNa. Gabe dialusi
angka Jahudi ma ibana ninna ma:
Marguru tu patiknami, ingkon marutang hosa
Ibana, ai dibahen do diriNa Anak ni Debata.

8. SILANG DI GOLGATA, TANDA HOLONG NI DEBATA TU

JOLMA PARDOSA.
Uluan : Hamu angka dongan. Diparsilangkon, i ma uhum na
diparade ni pamarenta Rom tu angka parjahat na
sumalin. Ido umbahen na dipapillithon si Latus tu
natorop i Jesus do paluaonna manang si Barrabas
parjahat na sumalin i. Ninna roha ni si Latus ndang
mungkin pilliton ni natorop i si Barrabas. Hape nunga
holom roha dohot parnidaan ni natorop, ndang boi be
diida nasida na jongjong dijolo nasida i Anak ni Debata
Sipalua portibi on. Si Barrabas parjahat na sumalin i do
dipillit natorop i, malua pe taho parjahat i asal ma
diparsilangkon Tuhan Jesus Parholong na so hatudosan
i. Tutu ma, nunga be di tuhuk Jesus silang i, na ingkon.

4
 hita hian nian manuhuk i, nunga be dipantikhon silang i di
Golgata, nunga be dilabanghon simangido ni Jesus na sai
mamasumasu i dohot simanjojak-Na na so marnaloja i
mandalani angka huta mamaritahon Barita Nauli, barita
haluaon i. Silang di Golgata hapapatar ni holong ni Debata tu
jolma pardosa; silang na badia do i di hita, silang naung
mangalononghon sude dosanta.
Huria : Manrende BE. 622 : 2 “Mansai Nalnal Di angka Partingkian”
2) Silang-Mu Kristus tanda ni holong-Mu,
pahisar tondi na magopu i.
Mangalononghon sasude dosangku,
mabaor tu laut asi ni roha-Mi.
Naung tubu hami gabe na imbaru,
Na ni urasan sian dosa i.
Ala mudarMu na ni usehon-Mu,
di Golgota di hamamate-Mi.
Uluan : Manetek mudar sian tangan dohot simanjojak ni Jesus
naung dilabanghon tu hau parsilang i. Songon i nang sian
simanjujung ni Jesus Parasiroha na so Halompoan i. Mudar
na badia na paluahon portibion sian huaso ni dosa dohot
hamatean, mudar na badia na mamuri hita sian dosa.
Gantung Jesus i, ndang dijanghon portibi on, songon i nang
banua ginjang. Songon tandiang na hapuloan Jesus i, ndang
adong namandongani manaon na porsuk i, ai sude nunga
mandao. O Tuhan Jesus, Anak ni Debata. Hami jolma
pardosa on do nian na ingkon manaon natinaon-Mi, alai ala
ni holong-Mu dituhuk Ho sude na porsuk i, ditaon Ho sude
na hansit i. Silang ni Jesus i, silang na badia do i di hita, ai
hapapatar ni asi ni roha ni Debata do i tu hita jolma pardosa.
Huria : Mangendehon BE No.78 : 3 “O Ulu Na Sap Mudar” Bl.158
Au on tama o Tuhan, manaon na tinaon-Mi.
Dosangku do diporsan Ho na tarsilang i
Sai tatap ale Tuhan, au na dijolo-Mon.
Huhut sai patuduhon, basaM tu rohangkon.

5
 Uluan : Hata ni Debata mandok: Ai haotoon do hata na
taringot tu silang i di roha ni angka na laho mago;
alai hagogoon ni Debata do i di hita na dapotan
haluaon. Silang do dipangke Kaisar Rom laho
manguhum angka parjahat na sumalin. Alai laos
silang i do di pangke laho manguhum Jesus Kristus,
nangpe ndang tarbukti Ibana marsala nang
maradophon ise pe. Ndang tuk hapistaran ni portibion.
laho mangantusi sitaonon ni Jesus na gantung di
silang i, alai gabe pamingkirion haotoon sambing do i
di angka jolma na laho mago. Silang ni Jesus i,
papatarhon holong dohot asi ni roha ni Debata tu
jolma manisia. Silang ni Jesus i, haluaon do i di angka
jolma na rade mangihuthon Ibana. Antong, pasolhot
ma dirim, tiop ma silang ni Tuhanta i, auhon
panghophop-Na i, jala tapatungkap ma dirinta di
joloNa sumomba Ibana, laos tatopoti ma dosanta asa
gok dame dohot holong ngolunta.
jongjong ma hita saluhutna. Martangiang ma hita:
Ale Tuhan Debata, Pargogo na so hatudosan jala Ama
Parasiroha Nasumurung. Ndang lomo rohaM mida
hamatean ni pardosa; mulak ma nian parjahat i
tumadingkon dalanna, asa mangolu ibana, i do
dipangido rohaM. Ala ni i, umbahen na hupangido
hami; sai sundati ma torutoruM asa unang mangonai
be tu hami. Sai sesa ma sude dosanami, asa mangolu
hami dibagasan asi ni rohaM. Sai pargogoi ma hami,
asa margogo hami, marhitehite Tuhan Jesus Kristus
Tuhannami. Amen.
9. K o o r :

6
10. Marende BE No. 412 : 1 – 2 “Ndi Di Dolok Adui” BL387
(Papungu Pelean)
1) Ndi di dolok adui silang ni Tuhan i, sap mudar sap tijur do i,
Jesus mate disi, asa malum dibaen sude angka gondok roha i
Dibaen i tung holong rohangki, mida silang di Golgata i,
hupasolhot diringku tusi, dompak surgo pardalananhi
---Musik---
2) Di leai jolma i silang ni Tuhan i, hape haluaon do i,
Nang godang dosangki alai sesa do i, dibaen mudar na
durus disi. Dibaen i tung holong rohangki,
mida silang di Golgata i,
hupasolhot diringku tusi, dompak surgo pardalananki.

11. J a m i t a :
12. Marende BE No. 81 : 1 “Aha ma endehononku” Bl.185
1) Jesus mual ni ngolungku, Sipangolu tondingki
Ai dibunu Ho musungku, ima hamatean i.
Ho manaoni hamagoan, patupahon hangoluan
Alani hupuji Ho, tung marribu hali do.
13. Panutup: Tangiang Pelean/Tangiang Ale Amanami,
Pasupasu

SELAMAT PASSION
7