Parture Ni Parpunguan

Di Tingki Parningotan
Panaonon ni Tuhan Jesus Kristus
HKBP Taman Mini Resort Taman Mini
( Passion Borngin III )

Rabu, 5 April 2022, Pukul 19:30 Wib

Ai haotoon do hata na taringot tu silang i di roha ni angka na

laho mago; alai hagogoon ni Debata do i di hita na dapotan
haluaon. (1 Korintus 1 : 18)

Jl. Mandor Hasan RT.006/09 No 34 Cipayung

Jakarta Timur
1. Jou-jou Pahohom diri. U = Uluan H = Huria
U : Hamu angka dongan sahuria. Di borngin patoluhon
partangiangan parningotan di panaonon ni Tuhanta Jesus
Kristus, naeng ma tangkas hohom hita manangihon dohot
mangauhon panghophopon ni Tuhanta Jesus, na pola
marutang hosa Ibana jala mate, asa malua hita sian dosa
dohot hamatean i. Alani, tapungka ma Partangianganta,
Marende ma hita.

2. Marende BE No. 179 : 1 – 2 “Adong do sada mual i” BL.20

1) Adong do sada mual i di na mardosa i,
Mansai denggan do mual i pasonang rohangki.
--- jongjong ---
2) Aek mual na badia i ima di Jesus i,
Di sesa do tihasta i, dibuat arsak i.

3. Votum – Introitus – Tangiang :

U. : Marhitehite Goar ni Debata Ama, dohot Goar ni AnakNa
Tuhan Jesus Kristus, dohot Goar ni Tondi Parbadia na
tumompa langit dohot tano on.
H : Amen
U : Kristus manaon na porsuk humophop hamu, tumadinghon
tiruan di hamu bogas ni patNa.
H : Ndang adong dosa diula Ibana, ndang jumpang angkal
dibagasan pamanganNa.
U : Ndang manginsahi Ibana di na hona insak, ndang mangasupi
di na manaon na porsuk, alai dipasahat do tu panguhum
sitigor roha i.
H : (Mangendehon BE No.88 : 1 “Di surgo do alealenta” BL 106
1) Jesusku naung manobus ahu
sai naeng haholonganhu Ho,
Tu dolok Golgata Ho lao nionjar ni holongMu do,
Hupuji nasa asiMi alai gumodang holongMi.
1
U : Martangiang ma hita: Tu Ho do ale Jahowa ahu
marhaposan, unang paurak ahu salelenglelengna, sai palua
ma ahu.
H : Asi ma rohaM di ahu ale Jahowa.
U : Sai paeleng ma pinggolMu tu ahu, hapogani paluahon ahu,
sai Ho ma gabe dolok batu partanobatoan di ahu, gabe
huta na gonting laho pangoluhon ahu.
H : Palua ma ahu ale Jahowa
U : Tubagasan tanganMu do hupasahat tondingku, nunga
ditobus Ho ahu ale Jahowa Debata ni hasintongan i.
H : Asi ma rohaM di ahu ale Jahowa
U : Ai nunga suda ngolungku dibahen hamarason, suda dohot
angka taonhu dibahen anggukhu, merus do gogongku
dibahen dosangku, jala ndang mangalo be holiholingku.
H : Pargogoi ma ahu ale Tuhan
U : Jadi gabe parbilean do ahu maradophon sude angka
alongku dohot hombarhu hundul, jala tarsonggot situtu
angka donganku magodang, marsidingsiding be do angka
na marnida ahu di balian.
H : Asi ma rohaM di ahu ale Jahowa
U : Nunga tung lupa ahu sian roha, songon halak naung mate,
sobokhon ngarngar na ambolong nama ahu.
H : Asi ma rohaM di ahu ale Jahowa
U : Alai anggo ahu tu Ho do ahu marhaposan, ale Jahowa
ningku do : “ Ho do Debatangku “.
H : Ho do hatuaonku
U : Marguru tu tanganMu do angka parsorion, sai palua ma
ahu sian tangan ni angka musungku, dohot sian angka na
mangalotongi ahu.
H : Asi ma rohaM di ahu ale Jahowa
U : Ale Debata sai unang paurak ahu, sai Ho do na hujou, sai
palua ma ahu mahitehite goarMu.
2
 H : Mauliate ma di Ho Tuhan.
U/H : A m e n . -hundul-

4. Marende BE No. 83 : 1 “Na lao do birubiru I” BL 214

1) Na lao do birubiru i, mamorsan angka dosa.
Ni nasa hajolmaon i, di benget ni rohana.
Diporsan do sahitta i, dilehon do diri-Na i,
Tu tangan ni pamunu, ditaoni do na bernit i,
ro di na tos hosa-Na i. Didok: Naeng porsanonku.

5. BARITA PANAONON NI TUHAN JESUS ( I )

Uluan : Dungi ditangkup angka soldadu dohot induknasida, ro di
angka naposo ni Jahudi ma Jesus jala diihoti. Jadi
ditogihon ma ibana jumolo tu si Hannas, i ma simatua ni
si Kayapas sintua ni malim di na sataon i. I ma si
Kayapas naung mandok tu angka Jahudi : Dengganan do
mate sahalak humophop bangso i. Alai di ihuthon si
Simon Petrus dohot sisean nasadanari ma Jesus, na
masitandaan sisean na sada i dohot sintua ni malim i, jadi
bongot ma ibana rap dohot Jesus tu alaman ni malim i.
Alai disungkun sintua ni malim i ma Jesus taringot tu
angka siseanNa dohot taringot tu podaNa i. Jadi dialusi
Jesus ma ibana ninna ma: Patar do hatang-Ki di
hatoropan, Na tongtong do Ahu mangajari nasailaon
dibagasan parguruan nang di bagas joro pe, parpunguan
ni saluhut halak Jahudi, ndang adong manang aha
Huhatahon marsibuni, boasa Ahu di sungkun ho ? Nasida
naung umbege hatang-Ki, ima sungkun. Ai diboto nasida
do na huhatahon i. Dung didok Jesus songon i, dipastap
sada opas na jongjong disi ma Ibana huhut ma didok,
songon i pangalusiM tu sintua ni malim i ? Dung i ninna
Jesus ma mangalusi ibana: Ia na hurang na hudok,
hajongjonghon na hurang, alai anggo na hona do, boasa
pastaponmu Ahu ? Asa disuru si Hannas ma Ibana naung
tinali i tu sintua ni malim si Kayafas. Disi do marpungu
angka sibotosurat dohot sintua ni natorop.
3
Alai sai mangihut do si Petrus mandaodao sahat ro di
alaman ni sintua ni malim. Laos bongot ma ibana tu
bagasan, laho hundul tusi rap dohot angka naposo
marnida ujungna. Alai anggo angka sintua ni malim
ro di sandok rapot godang i, mangalului panindangion
gapgap dompak Jesus, na tuk mambahen Ibana
marutang hosa. Alai parpudi ro ma dua halak, ninna
ma: Didok halak on: Tarbahen Ahu do mangalohai
Joro ni Debata jala pajongjongonNa i sumuang
dibagasan tolu ari. Dung i hehe ma sintua ni malim i
mandok tu Ibana: Ndang alusanMu na hinatindanghon
nasida dompak Ho ?. Alai sai hohom do Jesus. Dungi
dipangkulingi sintua ni malim i ma ibana ninna ma :
Hupatolon ma Ho tu Debata Siparngolu i, asa dipaboa
Ho tu hami manang na tutu Ho Kristus, Anak ni
Debata. Dung i didok Jesus ma tu Ibana: Songon na
nidokmi ma tutu. Alai hudok ma tu hamu: Olat ni on
ma idaonmuna Anak ni jolma i hundul di siamun ni
hagogoon jala ro di atas ombun ni langit. Gabe
diribakhon sintua ni malim ma pahean-Na mandok:
Na mangaleai Debata do Ibana, Pola luluan dope
sitindangi? Nunga dibege hamu pangaleaionna i, beha
do di rohamu? Dung i ninna nasida ma mangalusi:
Marutang hosa ma Ibana. Jadi ditijuri nasida ma
bohiNa, na deba manompuk, na deba mangalinsingi
huhut mandok : Surirangi hami, Kristus, ise do
mamunu Ho? Alai na hundul do anggo si Petrus di
alaman i, jadi didapothon sada parompuan ma ibana
mandok: “Dohot do ho dongan ni Jesus na sian
Galileai ? Alai diporso si Petrus do, didok ma: Ndang
adong huboto, jala ndang huantusi na nidokmi.

4
 Laos ruar ma ibana tu alaman jolojolo, jala martahuak ma
manuk. Alai marnida ibana, diulahi naposo boruboru i ma
mandok tu angka na jongjong disi. On do sada sian nasida.
Alai mamorso muse anggo ibana, Jadi dung satongkinnari,
didok angka na jongjong disi ma muse mandok si Petrus:
Atehe, tongon do dongannasida ho, ai halak Galilea do ho.
Gabe dipungka si Petrus ma mambuburahon dirina huhut
manolonnolon didok ma: Ndang hutanda jolma na
nidokmuna i. Dung i martahuak ma manuk paduahalihon.
Jadi diingot si Petrus ma na nidok ni Jesus tu ibana: Tolu
hali do soadahononmu Ahu andorang so martahuak manuk
paduahalihon, Jadi marningot i tumatangis ma ibana. Jadi
dung diida si Judas parjehe i, na naeng hona uhum nama
Jesus, disolsoli ma rohana, dipaulak ma na tolupulu rupia i
tu angka sintua ni malim dohot tu sintua ni bangso i, ninna
ma: Sala do ahu, hujehehon do hape na so.marpipot. Alai
didok nasida ma: Ndang ro di hami i. Ho do na sari disi.
Jadi ditimpalhon ma perak i tu bagasan joro i, laos
sumurut sian i laho maningkot. Alai dibuat sintua ni malim
ma hepeng i, ninna ma: Ndang jadi padomuon i tu arta ni
Joro, ai tuhor ni mudar do i. Jadi mardos ni roha ma
nasida manuhorhonsa tu ladang ni pande hudon, bahen
parbandaan ni halak dagang. Ala ni i umbahen margoar i,
ladang mudar ro di sadari on.

6. Koor :

7. Marende BE No 86 : 1-4 “Silang na Badia I” BL67

---Pelean---
1) Silang na badia i Ho do lombulombungki
Maralohon dosa i dohot pandelean i
Di sude sitaonon i Ho ma lombulombungki

5
 2) Nasa na huula i, ndang tau hasonanganki
Nang ringkot pe rohangki, pola ro nang ilungki
Holan asi ni rohaM, pangurupi o, Tuhan
---Musik---
3) Ro do au nuaeng tu Ho, sai palambas ma rohaM.
Nunga pola mate Ho, ala asi ni rohaM
Jangkon au na dangol on, sai ulosi tondingkon.

4) Dosa patundukhon au, Ho ma mangondihon au.

Ramun situtu do au, mudar-Mi mamuri au.
Na pogos, dangol au on, Ho ma artangki tongtong.
---Musik, kembali ke ayat 1---
8. J a m i t a :

9. Marende BE No. 434 : 2 “Tuhan Jesus Bereng Au” BL 388

Mago au dibaen portibi on, daging, tondi dohot rohangkon.
Holan Jesus paluaohon saluhut na tinaluhon.
Gok do au nuaeng di Tuhanki, sirang ahu sian dosangki.
Lam jonok tu Ho, ale Tuhan, sai taiti au.
Sae dosangku dibaen Tuhanki, monang au dibaen MudarNa i.
Gogo do dilehon Tuhanki di au, di au.

10. Panutup: Tangiang Pelean/Tangiang Ale Amanami, Pasupasu

6
SELAMAT PASSION