Parture Ni Parpunguan

Di Tingki Parningotan
Panaonon ni Tuhan Jesus Kristus
HKBP Taman Mini
( Passion Borngin I )

Senin, 03 April 2023, Pukul 19:30 Wib

Ditobus Kristus i do hita sian bura ni patik i, di na hona bura Ibana

humongkop hita, ai na tarsurat do: "Hona bura do ganup na
targantung di hau!"
(Galatia 3 : 13)

Jl. Mandor Hasan RT.006/09 N0. 34 Cipayung

Jakarta Timur
1. Jou-jou pahohom diri. U = Uluan H = Huria
U : Hamuna angka dongan, marpungu do hita borngin on
patupahon parningotan di sitaonon ni Tuhan Jesus. Dibahen i
naeng do tangkas paradeonta roha dohot pingkiranta laho
paihutihut acara napinatupa ni hurianta borngin on, asa tung
tangkas targorga tu rohanta sitaonon ni Jesus i, na manghophop
jolma pardosa. Antong, Tapungka ma Partangianganta,
marende ma hita.

2. Marende BE No 76 : 1–2 “Sada nama sangkap ni rohangku” BL 199

1) Sada nama sangkap ni rohangku di sandok portibi on.
Ndang tagamon na so las rohangku, molo jumpang au inon.
Naeng ma sai ingoton ni rohangku, na binaen ni Jesus
tu tondingku, uju pinorsanNa i, saluhutna dosangki.
---jongjong---
2) Ingkon sai ibana ingotonku, uju na tarpajal i.
hau pinarsilang ginantunghon sai mabaor mudarNa i.
Ai humophop au ditaon uasNa, asa dohot au muse upaNa,
Ai ditatap do au on, dipandokNa : “nunga sun”.

3. VOTUM – INTROITUS – TANGIANG :

U : Marhitehite Goar ni Debata Ama, dohot Goar ni AnakNa
Tuhan Jesus Kristus, dohot Goar ni Tondi Parbadia na
tumompa langit dohot tano on.
H : Amen
U : Tabereng ma induk ni haporseaon i jala na paujunghonsa.
Ima Jesus na manaonhon parsilangon i.

1
H : Singkat ni las ni roha tohapNa i hian, so dietong i
hailaon. Gabe hundul di siamun ni habangsa ni Debata.
U : Paingotingot hamu ma Ibana na pataontaon paraloan
sisongon i dompak ibana sian angka pardosa.
H : Asa unang marnaloja hamu, unang mandate tondimuna.
U : Martangiang ma hita : Ale Tuhan Jesus, Sasada Ho do
Sipangolu padomuhon jolma dohot Debata. Hupuji hami
Goar-Mi, jala hudok hami mauliate tu Ho ala ni saluhut na
binahen-Mi, patupahon hangoluannami. Sai dongani ma hami
marhitehite asi ni rohaM, asa hupingkiri hami tongtong na
tinaon-Mu dohot hamamateM, asa huarsakhon hami
dosanami jala asa tubu di hami haporseaon na sintong, jala
asa marroha haholongon hami huhut mandok mauliate tu Ho,
asa olo hami mangihuthon Ho ro di hamatean. Ale Tuhan
Jesus, di Ho ma tama pujipujian di tongatonga ni saluhut
Huria, naung tinobus-Mu marhitehite mudar-Mu na badia i,
olat ni on ro di saleleng-lelengna. Amen. - hundul –

4. Marende BE No. 83 : 1 “Na Lao Do Birubiru I” BL 214

1) Na lao do Birubiru i, mamorsan angka dosa
Ni nasa hajolmaon i, di benget ni rohana
Diporsan do sahitta i, dilehon do diri-Na i
Tu tangan ni pamunu, ditaoni do na bernit i
Ro di na tos hosa-Na i, didok : Naeng porsanonku.

2
5. TUHAN JESUS BORHAT TU JERUSALEM
Uluan : Jadi diarahon Jesus ma na sampuludua i, jala didok ma
tu nasida : Na nangkok ma hita tu Jerusalem, jala tulus
ma tu Anak ni jolma i sasudena, na tarsurat di angka
panurirang. Ai pasahatonna ma Ibana tu angka parbegu,
gabe insahanna, leaanna jala tijuranna ma Ibana, dung i
mulak mangolu ma Ibana di ari patoluhon. Alai ndang
diantusi nasida agia otik sian i : na buni do Hata i sian
rohanasida, ndang diboto nasida na hinatahon-Na i.
Dung i dipansang angka sintua ni malim dohot angka
parise ma rapot godang, didok nasida : Aha ma
bahenonta ? Ai lan do angka tanda dibahen Halak i !.
Molo itapasombu Ibana, porsea ma halak saluhutna tu
Ibana, gabe ro ma halak Rom mangarampas tanonta
dohot bangsonta. Alai hehe ma sada sian nasida, i ma si
Kayapas, sintua ni malim di na sataon i, didok ma tu
nasida : Na hurang roha do hamu ! Ndang dipingkiri
rohamuna, denggan do mate sahalak humophop na
torop i, unang mago sandok bangso i. Alai ndang sian
rohana sandiri dihatahon i: ala na sintua ni malim ibana
di na sataon i, umbahen na di suriranghon na naeng
mate ma Jesus humophop bangso i. Alai tahe ndada
holan laho manghophop bangso i, alai naeng
papunguonNa angka anak ni Debata, angka na
marserak dope, laho pasadahon. Asa olat ni sadari i.
3
 martuptup ma nasida laho mamusa Ibana. Alai didok
nasida ma : Unang ma di pesta i, sotung guntur na torop i.

6. Marende BE No. 77 : 4 “Hamu saluhut halak” BL 65

4) Au on ro di dosangku na so tardok rohangku
Dibaen godang na i, Ido na pinorsanMu
Disi ale Tuhanku, marsipal Ho binaen ni i.

7. JESUS DI TOMUTOMU DI JERUSALEM :

Uluan : Dungi, onom arinari asa dapot Pesta Paska i, sahat ma
Jesus tu huta Betania, na niinganan ni si Lasarus, na
sinunggul ni Jesus sian na mate. Jadi dipauli nasida ma
disi panganon ujuan di Ibana, si Maria do manghobasi, si
Lasarus ma sada donganNa mangan disi. Gabe dibuat si
Maria ma sahati miak Nardus na arga na so marsaor,
dimiahi ma pat ni Jesus, obukna ma dibahen mangalapu,
Jadi digohi uap ni miak i ma bagas i. Jadi sada sian
angka siseanNa si Judas Iskariot na naeng manjehehon
Ibana mandok : Boasa so ginadis miak i arga tolu ratus
hupang bahen silehonlehon nian di angka na pogos? Alai
ndada na pogos sinarihonna, umbahen na didok ibana
songon i, panangko do ibana tahe, diusung do asiasi ni
halak, ai tu ibana dipasahat puro i. Dungi ninna Jesus ma
: Pasombu ma ibana, ai diparade do i hira tu ari
hatatanomHi, Ai tongtong do adong na pogos.

4
ditongatongamuna, jala asal ma olo hamu,. tarpatongon
hamu do na denggan tu nasida : alai anggo Ahu ndang
manongtong di hamuna, Intap na tarbahensa do na
niulana i, na manjoloani do ibana mamiahi pamatangHu
songon di na mananom. Situtu do hatangkon tu hamu,
Manang di dia di liat portibion dijamitahon muse Barita
nauli on, hatahononna do nang na binahenna i gabe
baritana. Dung i torang ni arina i, dibege halak natorop
na ro tu pesta i, na naeng ro ma Jesus tu Jerusalem, jadi
dibuat nasida ma angka maremare laho manomu-nomu
Ibana huhut manjoujouhon : Hosianna. Pinasupasu ma
na ro marhite goar ni Tuhan i, Raja ni Israel. Dung i
dapot Jesus ma halode sada, i ma dihunduli hombar tu
na tarsurat: Unang ho mabiar ale boru Sion, ida ma :
Rajam do na ro, marsihundul di anak ni halode, jala
halak Parise, dohot deba na sian natorop i mandok tu
Ibana : Orai antong angka siseanMi Guru ! Alai ninna
ma mangalusi : Hudok ma di hamu, aut mauhom nasida
manjoujou ma angka batu. Alai dibongoti sibolis i do si
Judas na margoar Iskariot sahalak sian na sampuludua
i. Gabe laho ma ibana martuptup dohot angka sintua ni
malim raphon angka panungganei, manang dia dalanna
pasahathon Ibana tu nasida. Jadi sian las ni rohanasida
marpadan ma nasida mangalehon hepeng tu ibana.

5
 Dioloi si Judas ma i, jadi dilului ma tingki na une
pasahathon Ibana so sian pamotoan ni natorop i.

8. Koor :

9. Marende BE No. 412 : 1 – 4 “Ndi Di Dolok Adui” BL. 387

(Papungu Pelean)
1) Ndi di dolok adui silang ni Tuhan i, Sap mudar, sap tijur do i.
Jesus mate disi, asa malum dibaen sude angka gondok roha i.
Dibaen i, tung holong rohangki mida silang di Golgata i
Hupasolhot diringku tusi. Dompak surgo pardalananki.
2) Dileai jolma i silang ni Tuhan i. Hape, haluaon do i.
Nang godang dosangki, alai sesa do i,
Dibaen mudar na durus disi.
Dibaen i, tung holong rohangki mida silang di Golgata i
Hupasolhot diringku tusi. Dompak surgo pardalananki.
---Musik---
3) Na mabaor sian i mudar ni Tuhan i, na tau paiashon au on.
Tung na bernit ditaon Tuhan Jesus disi
Paluahon sude hita on.
Dibaen i, tung holong rohangki mida silang di Golgata i
Hupasolhot diringku tusi. Dompak surgo pardalananki.
4) Hona insak do au, raphon silang au lao, saleleng di portibi on.
Sogot tumpal, hape, siteanon muse
Ni na rap dohot Jesus dison.
Dibaen i, tung holong rohangki mida silang di Golgata i
Hupasolhot diringku tusi. Dompak surgo pardalananki.
---Musik, kembali ke ayat 1---

10. Jamita :

6
11. Marende BE No 83 : 4 “Na Lao Do Birubiru I” Bl.214
Saleleng na mangolu au, naeng ingotonku Jesus.
Sude na binaenMi di au, hataM naeng hupatulus.
Ho naeng haholonganku do, huhut ihuthononku Ho
Di dalan hangoluan tung ingkon Ho, nampuna ahu,
Mangolu manang mate au sai Ho do tioponku

12. Penutup : Tangiang Pelean/Tangiang Ale Amanami, Pasupasu

SELAMAT PASSION
7