LITURGI KEBAKTIAN JUMAT AGUNG

(ARI HAMAMATE NI TUHAN JESUS)

GKI SUMUT BATUBINUMBUN

Hamatean ni Jesus Kristus mamboan hadameon ”.

(Heber 10:16-25)

JUMAT, 07 APRIL 2023

1
 TATA IBADAH JUMAT AGUNG, GKI SUMUT BATUBINUMBUN
Tema: “Hamatean ni Jesus Kristus mamboan hadameon”
1. Marende BE. 86 Silang Na Badia BL. 67
1.Silang na badia i Ho do lombulombungki.Maralohon dosa i Dohot pandelean i
Di sude sitaonon i Ho ma lombulombungki
3. Ro do au nuaeng tu ho, sai palambas ma rohaM. Nunga pola mate Ho, ala asi
ni rohaM. Jangkon au na dangol on, sai ulosi tondingkon.
2. Votum + Tabe
U: Ianggo dang Debata namangurupi hita
R: tung ambolong do ngolunta jala marisuang do sude nataula siganup ari.
U: tapuji ma Debata naso pasumbuhon hita manabu tu hamatean.
R: umbahen ngolunta malua sian i.
U: Rap ma hita mangauhon jala tahatindangkon: Ianggo pangurupion di hita, holan
dibagasan goar ni Jahowa na manopa langit dohot tano on.
R: Marolop-olop ma tondinta ro disaleleng ni lelelengna.
U: Jalo hamu ma tebe: Asi ni roha na sian debata Ama, dohot holong na sian
AnakNa, Tuhan Jesus Kristus mengaramoti hita saluhutna.
U+ R: Amen
3. Introitus / jamita patujolo
U: Hata ni Debata jamita patujolo dikebaktian, Heber 10: 16-25: "On ma padan
sipajongjongonku tu nasida, dung salpu angka ari i, ninna Tuhan i: Lehononku ma
angka patikku tubagasan ateatenasida jala surathononku ma i tu rohanasida,"
R: "jala na so tupa be ingotonku dosanasida ro di hajahatonnasida!"
U: Anggo dung sesa angka i, ndang be masa pelean pardosaon.
R: Antong, ale angka dongan, adong do di hita hiras ni roha, laho bongot tu
bagasan na badia i, di bagasan mudar ni Jesus;
U: ai dibungka do di hita dalan na imbaru jala na mangolu, sian rimberimbe i, i ma
dagingna i;
R: jala adong do di hita malim na bolon, sigomgom bagas ni Debata.
U: Dibahen i, tadapothon ma, marroha na sintong, di bagasan hagogok ni
haporseaon, dung diurasi rohanta, unang be disolsoli panggora ni roha i hita, jala
dung diburi dagingta dohot aek na ias!
R: Momos ma tatiop pangkirimon na taparhatopot i, ai haposan do na
marbagabagahonsa!
U: Masiantoan ma hita, masipajujuan tu haholongon dohot tu angka ulaon na
denggan!
R: Unang tatadingkon parpunguanta hian, songon na hinasomalhon ni na deba;
tung masipaingotan ma hita, jala lam i ma nian, ala lam jonok diida hamu ari i
4. Merende BE. 449.: Sai solhot tu silangMi. (BL 300)
1. Sai solhot tu silangMi, Jesus Ingananku. Mual na mabaor disi, I ma I nu mon ku
SilangMi, Tuhanki I ma pujionku, Paima sogot sahat au, I endehononku,

2
 2. Lao ma au tu silangMi, i haporusankAu. Sai asi ma rohaMi unang tulak ahu.
SilangMi, Tuhanki I ma pujionku, Paima sogot sahat au, I endehononku
5. manopoti dosa
U :Na jongjong do hita nuaeng di adopan ni Tuhanta. Taingot ma sitaonon ni Jesus di
silang i, huhut tarimangi angka hahurangan dohot salpu ni rohanta ro di sude
ulaonta na so hombar tu HataNa. Tapatedek ma sude di adopanNa, martangiang
ma hita. Ale Tuhan Jesus Sintua ni Malim na Bolon na mate di hau pinarsilang ala ni
dosanami. Na ro do hami tu joloM manopoti dosanami, angka na huula hami
marhite pangalaosionnami di patikMu.
R :Ima marhite sian tubutubu ni rohanami na roa i, nang sian panghataionnami na so
ture, ro di pangoloionnami di hisaphisap ni rohanami.
U :Na tama situtu do hona uhum hami ala ni dosanami i. Alai na tarsolsol bagi do hami
nuaeng ala ni i. Asi ma rohaM di hami ale Debatanami. Pardengganbasa jala
Parasiroha do Ho ala ni Anak haholongan ni rohaM, Tuhan Jesus Kristus
Tuhannami. Sai sesa ma dosanami saluhutna, jala suru ma Tondi Parbadia tu
rohanami be, asa tarbahen hami mangoloi Ho dibagasan hatigoran dohot
habadiaon, gabe sahat hami tu hangoluan na so ra suda, na pinarbagabagaM di
angka na porsea di AnakMu, Tuhan Jesus Kristus Tuhannami, Amen.
6. Marende BE. 416.: Tu joloM o Debatangku. (BL. 403.)
1. Tu joloM o Debatangku ! Sai use do rohangkon. Sai pasiat tangiang ku dohot ilu I lungkon.
2. Husolsoli do rohangku, na gok dosa I tongtong; Ai godang ariaringku na hubahen ambolong.
7. Barita hasesaan ni Dosa.
U: Sasintongna nungga tajalo be hasesaan ni dosanta jala nungga ias hita, marhite
goarni Debata Ama, AnakNa dohot parsaoran ni Tondi parbadia. HATA NI Debata
barita hasesaan ni dosa: Ai songon on do holong ni roha ni Debata di portibi on,
pola do Anakna na sasada i dilehon, asa unang mago ganup na porsea di Ibana,
asa hangoluan na salelenglelengna di ibana (Johennes 3:16)
8. Tudu-tudu Ngolu na Imbaru
U: Tabegema hata ni Debata na gabe tudu-tudu Ngolu naimbaru natotong paingothon
hita dinamangulahon hataNa i dibagasan ngolunnta di ari nanaeng ro, di enet do
sian Psalmen 37:3; Sai marhaposan tu Jahowa ma ho jala ulahon na denggan;
inganhon ma tano i jala radoti haburjuon.
9. Marende BE. 407. Panotnoti Ma Silang BL. 271.
1. Panotnoti ma silang ni Tuhanta I nama Morsan sude dosami, tinggangkon sude
arsak ni rohami. Pasesahon sude dosami.So, jo,bereng I ! Panot-noti ma silang ni
Tuhanta I, ngolumi, ngolungki sian i.
10. Tangiang Pangondian
11. Pasahtaton pelean
a. Majaha hata ni Debata (Malim)
I: Ruas nahinaholongan dibagasan goarni Tuhanta Jesus Kristus, sangonari dilehon
do tu hita tinggki laho pasahatton peleanta tu Debata. hata ni Debata nagabe
ojahan di hita napasahatton pelean dienet sian Matius 22: 20-21, Dung i didok
Jesus ma tu nasida: Gombaran dohot surat ni ise do dison? Jadi dialusi nasida ma:

3
 Gombaran ni Kesar i do. Jadi didok ma tu nasida: Antong, lehon hamu tu Kesar, na
sian Kesar i; jala lehon hamu ma tu Debata, na sian Debata!
b. Merende B.E No. 204 Ndang Tadingkononku HO BL. 73
1. Ndang tadingkononku Ho Ale Jesus Sipangolu. Naeng ihuthononku do Ho
saleleng au mangolu. Ho do hangoluanki Ndang tadingkononku i.
2. Nasa na nilehonMi Tondi ro di pamatangku. Hosa dohot gogongki Ro di saluhut
artangku. Hupasahat i tu Ho Na so unsatonku do.
c.Tangiang pasahatton pelean (Malim)
12. Manjaha hatani Debata taringot tu Siatonon ni Jesus.
a. Martangiang Tuhan Jesus di Getsemane (Lukas 22:39-46)
39
Dung i laho ma Ibana tu balian, tu dolok Jetun, songon na somal; jala diihuthon
angka siseanna Ibana.40 Asa dung sahat Ibana tusi, ninna ma mandok nasida:
Martangiang ma hamu, asa unang bongot hamu tu bagasan pangunjunan! 41 Anggo
Ibana dipapulik ma dirina sian nasida, arga tuk dangguron batu, marsinggang ma
Ibana martangiang songon on: 42 Amang, aut olo ma Ho nian pasalpuhon siinumon
on sian Ahu! Alai unang ma rohangku saut, roham ma! 43 Alai diida Ibana ma
surusuruan sian banua ginjang i, na margogoihon Ibana. 44 Jala di parungkilonna i,
lam digogo ma martangiang; jadi songon mudar na himpal do madekdek hodokna i
tu tano. 45 Jala hehe ma Ibana sian na martangiang i, mandapothon siseanna; jadi
tarpodom ma nasida didapot, dibahen arsak ni rohanasida. 46 Gabe ninna ma
mandok nasida: Boasa ma tung modom hamu? Hehe ma hamu martangiang, asa
unang hamu bongot tu pangunjunan!
b. Tartangkup Jesus (Markus 14:42-46)
42
Hehe ma hamu; laho ma hita! Ndi, nunga ro na pasahathon Ahu! 43Mangkatahon i
dope Ibana, mamintor disi ma si Judas, sahalak sian na sampuludua i, jala rap
dohot ibana torop halak na marpodang jala marlombutlombut, sinuru ni angka sintua
ni malim, angka sibotosurat dohot angka panungganei.44 Alai dipabotohon parjehe i
hian partinandaan tu nasida, ai ninna do: Ia i na huumma, Ibana ma i, tangkup
hamu ma i jala jamot ma boan hamu Ibana!45 Mamintor didapothon ma Jesus,
mandok: Guru! Laos diumma ma Ibana. 46 Gabe dilaluhon nasida ma tangannasida
tu Ibana laho manangkup.
c. Di joloni si Hannas dohot si Kayapas ( Johannes 18:12-14)
12
Dung i ditangkup angka soldadu dohot induknasida ro di angka naposo ni Jahudi
ma Jesus, jala diihoti. 13 Jadi ditogihon ma Ibana jumolo tu si Hannas, i ma simatua
ni si Kayapas, sintua ni malim di na sataon i. 14 I ma si Kayapas, naung mandok tu
angka Jahudi: Dengganan do mate sada halak humongkop, bangso i.
d. Di jolo ni Rapot Godang. ( Lukas 22: 63-71)
63
Alai anggo angka baoa na maniop Jesus, dipauruuru jala dilasahi do Ibana. 64
Dibulang nasida do Ibana gabe disungkun: Manurirangi ma Ho: Ise i na mamastap
Ho? 65 Jala lan dope na asing dihatahon nasida tu Ibana laho mangaleai.66 Jadi disi
torang ari, marpungu ma rapot ni sintua ni bangso i, i ma angka sintua ni malim rap

4
dohot sibotosurat; ditogu nasida ma Ibana tu harungguannasida. Ninna nasida ma:
Anggo Kristus i do Ho, paboa ma i di hami!67 Gabe ninna Ibana ma mandok nasida:
Nang hupaboa i tu hamu, tong do so porsea hamu!68 Alai molo manungkun Ahu,
ndang tagamon alusanmuna Ahu.69 Alai olat ni on ma hundul Anak ni jolma i tu
siamun ni Hagogoon ni Debata.70 Gabe saluhut nasida mandok: Asa Anak ni Debata
do Ho? Jadi didok Ibana ma tu nasida: Songon na nidokmuna: Ahu ma i tutu!n71
Dung i ninna nasida ma: Pola luluanta dope sitindangi? Ai nunga apala hita
umbegesa dihatahon Ibana.
e. Di jolo ni si Latus . ( Lukas 23: 1-6)
1
Dung i hehe ma saluhut nasida na pungu i, mamboan Ibana tu jolo ni si Latus. 2

Dialuhon nasida ma Ibana, ninna ma: Na dapot hami do on pabalikbalikkon

bangsonami jala mangorai mangalehon guguan tu Kesar i; dipandok, Raja Kristus do
Ibana.3 Gabe disungkun si Latus ma Ibana: Ho do Raja ni Jahudi i? Jadi dialusi ma
ibana, ninna ma: Songon na nidokmi ma tutu! 4 Dung i ninna si Latus ma mandok
angka sintua ni malim dohot natorop i: Ndang adong dapot ahu sala ni Halak on! 5
Alai lam digogohon nasida do mandok: Digunturi Ibana do bangso i, ai sai mangajari
Ibana di sandok tano Judea, mamungka sian Galilea sahat ro tuson. 6 Alai umbege i
si Latus, manungkun ma ibana, manang halak Galilea Ibana?

f.Di jolo ni si Herodes ( Lukas 23:7-12)

7
Jala dung diboto, na sian gomgoman ni si Herodes Ibana, disuru ma Ibana tujolo ni
si Herodes, ai tongon do ibana di huta Jerusalem uju i. 8 Marnida Jesus si Herodes i,
las situtu ma rohana; ai nunga na nia lelengna, sai naeng idaonna Ibana, ala naung
dibege baritana, jala diarop rohana, idaonna tanda sada sipatupaonna. 9 Jadi
godanggodang ma disungkunhon tu Ibana; alai ndang adong dialusi Jesus ibana. 10
Disi do angka sintua ni malim ro di sibotosurat, jala gogogogo do Ibana dialuhon. 11 Ia
si Herodes rap dohot angka donganna, direhei jala dilealeai do Ibana, disolukkon ma
pangkean na arga tu Ibana, laos songon i ma disuru Ibana mulak tu si Latus. 12 Jadi
di na sadari i ma maraleale si Herodes dohot si Latus, ai na masihosoman do nasida
anggo nasailaon.
g. Di uhum Jesus Marutang hosa (Matius 27:22-26)
22
Dung i didok si Latus ma tu nasida: Antong, aha ma bahenonku tu Jesus, na
targoar Kristus? Gabe saluhut nasida, mandok: Parsilangkon ma!23 Alai ninna
panguhum i ma: Ai aha na jahat dibahen? Jadi lam gogo ma dipanjoujouhon:
Parsilangkon ma!24 Asa dung diida si Latus, na so marguna hatana, lam ganda tabe
gaorna, dibuat ma aek mamburi tanganna di jolo ni natorop i, huhut mandok: Lias do
ahu sian mudar ni On! Hamu do na sari disi!25 Dung i ninna sude natorop i ma:
Marsapata tu hami dohot tu ianakhonnami ma mudarna i! 26 Dung i saut ma dipalua si
Barabas; alai anggo Jesus dilinsingi, dung i dipasahat ma, asa diparsilangkon.
h. Di togu Jesus tu Dolok Golgata.(Matius 27:27-33)
27
Jadi diboan angka soldadu ni panguhum i ma Jesus tu bagas paruhuman,
diarahon ma sude dongannasida manahopi Ibana.28 Ditanggal ma abitna,

5
disolukkon ma tu Ibana baju dapdap.29 Didandani nasida ma sungsang duri bahen
tumpalna, diampehon ma i tu uluna; dilehon ma tolong tu tanganna siamun, dung i
marsomba ma nasida tu jolona mangaleai Ibana, angka ninna ma: Tabi ma di Ho,
ale Raja ni Jahudi!30 Huhut ditijuri nasida Ibana, dibuat ma tolong i sian tanganna,
dilotakkon tu uluna.31 Jadi dung sun dileai nasida Ibana, ditanggal ma sian Ibana
baju dapdap i, disolukkon ma muse tu dagingna abitna hian, dung i ditogihon ma
Ibana, asa diparsilangkon.32 Alai laho tu balian jumpang nasida ma sahalak Kirene
na margoar si Simon; i nama digogoi nasida mamorsan hau na pinarsilang i.33 Jadi
sahat ma nasida tu inganan na margoar Golgata (lapatanna: Partangkurahan).
i.Di parsilangkon (Johannes 19:18-24)
18
Disi ma diparsilangkon nasida Ibana rap dohot dua halak na asing di lambungna,
angkup be; di tongatonga ma ia Jesus. 19 Alai disurat si Latus ma sada boaboa,
dipalohot ma i tu hau i. On do hatana: Jesus, halak Nasaret, raja ni Jahudi!20 Jadi
torop ma Jahudi na manjaha boaboa i, ai jonok tu huta i do hapajalan ni Jesus, jala
tarsurat do i di hata Heber, di hata Rom dohot di hata Junani.21 Dung i didok sintua
ni angka Jahudi ma tu si Latus: Unang surat i: Raja ni Jahudi; alai na nidokna i ma
nian: Ahu do raja ni Jahudi!22 Dung i dialusi si Latus ma: Na husurat i, naung
sinurat do i!23 Asa dung diparsilangkon angka soldadu i Ibana, dibuat nasida ma
angka abitna, diparopat ma i, di ganup soldadu sabagian be, dungkon ni
sampesampena. Anggo sampesampe i ndang marpanjaruman, na ditonun sambing
do i.24 Gabe masipandohan ma nasida: Unang ma taribahi on, martondung ma hita
taringot tusi, manang di ise i. Jadi jumpang ma Surat i, na mandok: "Dibagi nasida
do abithu; tondung do didabu taringot tu sampesampengku." Asa songon i do
pambahen ni angka soldadu.

j.Pitu Pandohan Ni Jesus Di Hau Silang

1. Hata na parjolo: Manesa dosa (Lukas 23:34)
“Ale Amang marparmuati ma rohaM mida nasida, ai ndang diboto nasida
nabinahen nasida i.”
2. Hata na paduahon: Haluaon (Lukas 23:43)
“Situtu do hatangKon tu ho: sadarion do ho rap dohot Ahu di Paradeiso”
3. Hata na patoluhon: Mandok mauliate (Johanes 19:26-27)
“Ndi ma, inang, anakmi!” “Ndi ma, inang, anakmi!”
4. Hata na paopathon: Sitaonon ni partondion (Matius 27:46)
“Ale DebatangKu, DebatangKu boasa tung tadinghononMu Ahu?” Eloi Eloi, lama
sabakhtani)!
5. Hata palimahon: Sitaonon ni pardagingon (Johanes 19:28)
“Mauas Ahu!”
6. Hata paonomhon: Hamonangan (Johanes 19:30)
“Nunga marujung!”
7. Hata papituhon: Pasahathon tondiNa (Lukas 23:46)
“Amang! tu bagasan tanganMu ma Hupasahat tondingKu!”

6
 k. Hamamate ni Jesus (Lukas 23:44-49)
44
Jala mareak pungkul sampuludua, songgop ma na holom tu sandok tano i sahat ro
di pungkul tolu.45 Ai mangkolom ma mata ni ari i. Jadi maribak ma hirehire na di
bagas joro i, bola dua.46 Dung i marsoara na gogo ma Jesus, ninna ma: Amang! Tu
bagasan tanganmu ma hupasahat tondingku! Jadi dung didok i, tos ma hosana.47
Marnida na masa i letnan i, dipuji ma Debata, ninna ma: Tutu do, halak na tigor roha
do On!48 Jadi sude natorop i, na marluhut mainondur, masitompuk andorana, marnida
na masa i, laos mulak ma.49 Alai mandaodao do jongjong saluhut angka na tumanda
Ibana marnidasa, songon i angka parompuan na mangihuthon Ibana sian tano
Galilea.
l.Jesus Dikubur (Lukas 23:50-56)
50
Jadi adong ma sada halak, na margoar Josep, masuk rapot godang, parroha na
burju jala na tigor.51 Ndang panolopi ibana di tahi dohot pambahenannasida; pangisi
ni huta Arimatea na di Judea do, jala dohot do ibana maimaima di harajaon ni
Debata.52 Didapothon ibana do si Latus mangido bangke ni Jesus.53 Dipaijur ma
bangke i, dibaluti ma tu dagangan na halus, dipeakkon ma tu bagasan tanoman na
niliang tu batu; na so dung adong dope peak manang ise disi.54 Ari parhobasan do
uju i jala jonok ma Sabbat i.55 Alai mangihut do angka parompuan, naung
mandongani Ibana ro sian luat Galilea; dibereng nasida do tanoman i ro di parpeak ni
bangke i. 56 Dung i muli ma nasida paturehon angka na hushus ro di miak mir. Jala
manipat ari Sabbat i, so nasida mangihuthon patik i.
C. Ayat Jamita : Antong, ale angka dongan, adong do di hita hiras ni roha, laho
bongot tu bagasan na badia i, di bagasan mudar ni Jesus; (Heber 10:19
D. Turpuk ni Jamita: “Hamatean ni Jesus Kristus mamboan hadameon ”.
E. Tangiang dung simpul jamita (ditutup dohot tangiang ale amanami)
13. Marende B.E. No.194 Aut So Asi Roham BL. 62
2. Mauliate ma Di Ho o Debata Ala basaM.Sibahen dalan i Marhite AnakMi Tu banuaM
3. Anggiat ma holong Rohangku sai tongtong Burju tu Ho
Sai dongananMu au Manang tu dia lao sonang tutu
14. Manghatindangkon haporseaon
Rap ma hita manghatindangkon ruas-ruas ni haporseaontai, songon
nadihatindangkon ni donganta naporsea diliat portibion. Rap mandokma hita:
Ahu porsea di Debata Ama na sungogo, sitompa langit dohot tano., Ahu porsea di
Jesus Kristus, Anakna sasadai ima Tuhanta. Najinangkon sian tondi porbadia tubu
sian namarbaju si Maria. Namanaon nabernit di panguhuman ni si Pontius Latus,
diparsilangkon, mate jala ditanom, tuat tu banua toru. Nahehe sian angka namate di
ari patoluhon. Na manaek tu surgo, hundul disiamun ni Debata Ama na sungogoi.
7
Sian ima Ibana mulak songot manguhumi angka namangolu dohot na mate. Ahu
porsea di tondi porbadia. Adong sada huria Kristen nabadia, jala hatopan parsaoran
ni angka nabadia. Dihasesaan ni Dosa. Di haheheon ni sibuk . dohot dihangoluan na
manontong. Amen
15. Sakramen Ulaon na Badia:
A. Manjaha Peraturan Panganon Nabadia
B. Marende BE. 155 Naung Moru Do Muse Sataon BL.192
1. Tu son ma ale tondingku, di na mauas, male ho. Manjalo basa ni Tuhanmu
pinaradeNa i di ho. Dilehon Jesus do dagingNa, marhitehite roti on,
Dilehon dohot do mudarNa, marhitehite anggur on.
4. Patogu haporseaonku, di hasasae ni dosangki. Marsitiopan baen rohangku, di mudarMi
na durus i. Sai ro ma Ho ale Tuhanku, marhite parpadanan on.
JoroM ma baen nuaeng rohangku. Ho ma nampuna au tongtong.
C. Panganon Nabadia
D. Marende BE. NO. 169 : “Ho Sipangolu Au”
1. Ho sipangolu au, sai topot ma au on. Sai unang mandaodao, Ho sian rohangkon.
Ro Sipangolu ro tibu, baen ma au anakMu tutu. Dohot mudarMi buri au, ias
songon hapas ma au. Ias tutu, ias tutu, dohot mudarMi buri au, ias songon hapas
ma au
2. Gogo ni mudarMi, papatar ma di au Tondi Parngolu i, tongtong manogu au Ro
Sipangolu ro tibu, baen ma au anakMu tutu Dohot mudarMi buri au, ias songon
hapas ma au Ias tutu, ias tutu, dohot mudarMi buri au, ias songon hapas ma au.
3. Togu ma rohangkon, sai taiti au tu Ho Ai langkaMi tongtong, naeng tiruonku do
Ro Sipangolu ro tibu, baen ma au anakMu tutu Dohot mudarMi buri au, ias
songon hapas ma
16. Parsuruon tu ngolu siganup ari
P : Borhat ma hamu tu parngoluon siganup ari! Godang do sogot sitaonon ni
angka na porsea di Tuhanta Jesus na boi mambahen pangunjunan asa
mansoadahon Ibana. Unang maila hita manghatindanghon Ibana. Hata ni
Tuhanta mandok: Ai ganup na manghatindanghon Ahu di jolo ni jolma , I do
hatindanghononku di jolo ni Damang na di banuaginjang i.
R : Ale Tuhan Jesus Kristus Raja ni Huria, asi ma rohaM, pargogoi ma hami
ruasMon!
P : Paingot ingot hamu ma Ibana, na pataontaonhon paraloan sisongon i dompak
ibana sian angka sipardosa asa unang marnaloja hamu, unang mandate
tondimuna.
R : Ale Tuhan Jesus Kristus Raja ni Huria, asi ma rohaM, pargogoi ma hami
ruasMon.
17. Pasu –pasu
U: Tajalo ma pasu-pasu sian Debata:
“ Sai didongani jala dipasu-pasu Tuhan Debata ma hamu. Disondangi Tuhan Debata
ma bohina tu hamu, Jala asima rohaNa. Didompakkon Tuhan Debatama bohiNa tu
hamu, jala di pasaorhon ma dameNa tu tonditmuna be. Amen

8
R: Ruas mengendehon: Amen (3X)
SELURUH MAJELIS JEMAAT BATUBINUMBUN
MENGUCAPKAN
SELAMAT JUMAT AGUNG