TERTIB ACARA PARTANGIANGAN

SIRAJA PASARIBU, BORU, BERE, IBEBERE KISARAN

MINGGU, 24 APRIL 2022

1. Marende BE.NO. 361 : 1 + 3

361. Na denggan situtu do
1. Na denggan situtu do mamuji Debata.
Jahowa na tumimbo na sai tongtong basa!
Denggan do paboahon manogot asiM i,
Bodari mangendehon burjuM nang sintongMi.

3. Ai jadijadianMu mansai arga do i

Nang angka pingkiranMu mansai bagas do i.
Ndang dapot i tandaon ni baoa na bodo,
ai holan sibotoon ni na porsea do.
2. Votum :
Marhitehite goar ni Debata Ama, dohot goar ni Tuhan Jesus Kristus dohot
goar ni Tondi porbadia na tumompa langit dohot tano. “ AMEN “

A.X.B.1  
. (Quasimodogeniti). Hisapan ma hamu songon posoposo na imbaru tubu i,
di susu na denggan na so mangansi asa lam ganda hamu marhite sian i molo
tung nunga didai hamu basar ni Tuhan i. Puji hamu ma Debata hagogoonta
i, olophon hamu ma Debata ni si Jakop. (Psalm 81, 2).

D.VII.28.
Ale Tuhan Debata, Parasiroha na sumurung ! Didok HataM do, ingkon
manaon hami jala mate rap dohot Tuhan Jesus Kristus, asa rap hami dohot
Ibana tu hasangapon. Sai parrohai ma hami, asa unduk hami tu lomo ni
rohaM jala hot hami di haporseaon na ture asa tongtong mangkirim di
 haheheon dohot di hasangapon sogot silehononMu tu angka na porsea di
Ho. Amen.

3. Evistel : ULAON NI APOSTEL 9 : 1 - 6

1 ¶ (I.) Alai sai tong dope diondamhon si Saulus asupasup dohot

pamunuon dompak sisean ni Tuhan i.

2 Ditopot ma sintua ni malim i mangido surat mandapothon angka

parguruan na di huta Damaskus, asa ihotanna jala boanonna tu
Jerusalem baoa nang boruboru pe, nasa na jumpangsa angka na
mangihuthon agama i.

3 Alai uju di tongandalan ibana, mardonokkon huta Damaskus, tompu ma

sumillam sondang sian ginjang humaliang ibana.

4 Jadi tinggang ma ibana tu tano, dung i dibege ma soara na mandok tu

ibana: Saulus, Saulus! Boasa leleanmu Ahu?

5 Alai didok ma: Ise do Ho, Tuhan? Jadi didok Ibana: Jesus do Ahu, na
nileleanmi! (Susa ma ho manandahi turatura!)

6 Angka hitir jala tarhalomong ibana mandok: Dia ma bahenonku, Tuhan,

dipangido roham? Hata ni Tuhan i tu ibana: Hehe ma ho, bongoti ma
huta i; disi ma paboaon tu ho sibahenonmu.

4. Marende BE.No. 437 : 1

437. Tung na muba rohangku

1. Tung na muba rohangku dibaen Tuhanki, dung Jesus maringan di au.
Nunga sonang au on, tung dame rohangki, Dung Jesus maringan di
au.
Dung Jesus maringan di au, dung Jesus maringan di au,

1
 tung na sonang do au, dung tu Jesus au lao, dung Jesus maringan di
au.

5. JAMITA : PSALMEN 37 : 34 – 40
34 ¶ Haposi ma Jahowa jala paihutihut dalanna i, jadi patimbulonna
ma ho tumean tano i, idaidaonmu ma hasisiap ni angka parjahat.
35 Huida ma sada parjahat na sumalin jala manurumbun ibana
songon hau na rugun di hatubuanna.
36 Jadi mamolus iba, hape ndang disi be; pola do hulului ibana, hape
ndang jumpang.
37 Sai matahon na lidang i jala bereng na tigor i, ai sai hadameon do
ujung ni halak sisongon i.
38 Alai sai siap do sogot angka pangalaosi sudena, pinompar ni angka
parjahat pe siap do.
39 Sian Jahowa do ianggo hatuaon ni angka partigor, Ibana do
partanobatoannasida di tingki hagogotan.
40 Ditumpak jala dipalua Jahowa do nasida dipalua do nasida sian
angka parjahat i, jala ditumpahi nasida, ai marhaposan tu ibana
do nasida.
6. MARENDE BE.No. 281 : 1 + 7.

281. Martua do na marhaposan

1. Martua do na marhaposan tu Debata Amanta i;
Ai i do dapot pangapulan di nasa parsorion i.
Ndang rihit haojahan ni na manghaposi Tuhan i.

7. Ipe haporseai Ibana, burju ma ula tohapmi,

Ihuthon ma tongtong hataNa, haposi panumpakNa i;
Na manghaposi Tuhan i na so hea tartading i.

7.TANGIANG SIAN NA RO.

2
 8. MARENDE – BE.No. 471 : 1
471. Hupillit Jesus donganki
1. Hupillit Jesus donganki lao mangoloi Ibana.
Nang muruk pe torop disi labangku do Ibana.
Di Ho ngolungku rodi ajalhu, Jesus di Ho au, mate, mangolu.
Di Ho ngolungku rodi ajalhu, Jesus di Ho au, mate, mangolu.
9. TANGIANG SIAN NA MANJABUI
10. MARENDE BE. No. 697 : 1 ….. ( P.Pelean )
697. Mo lo Ho do huihuthon.
1. Molo Ho do huihuthon dame sonang rohangki,
sai horas jala martua nasa na hinophopMi.
Ref.: Ho tongtong ihuthononku, Jesus na palua au.
Ho sambing do oloanku ala nii martua au.

2. Na rade do au manaon mangasahon padanMi,

molo ho na margogoihon talu haholomon i. Ho tongtong ...

3. Hupelehon ma diringku mangihuthon lomoM i,

ndada be na olo salpu na manggohi rohangki. Ho tongtong ...

4. Marparange na badia ma au di adopanMi,

sai patau ma au tiruan songon pinangidoM i. Ho tongtong ...

11. TANGIANG PELEAN – TANGIANG ALE AMANAMI -

PASU-PASU – AMEN ( 3 X ).