TERTIB ACARA

PARTANGIANGAN PERPABOBER KISARAN

MINGGU, 20 NOPEMBER 2022.

1. MARENDE BE.NO.753 : 1 - 2 “Dipardalanan Jesus Dijolongku”

753. Di pardalanan Jesus do di jolongku
1. Di pardalanan Jesus di jolongku, holong ni tanganMi manogu au.
Nang di ngolungku Ho do sombaonku, tung sonang mardalan raphon au.
Ref.: Huboto do tangkas panoguonMu, ditiop Ho tongtong do
tanganki,
Sahat rodi ujung ni pardalanku, togu ma au jonok tu lambungMi.
2. Sipata lilu haporseaonku, ni lilianan ni portibi on.
Alai dung Ho hutatap o Tuhanku, margogo do au di ngolunghon.
Huboto do ...

2. VOTUM : A.XX – D.XIII.75.

3. EPISTEL : 1 KORINT 15 : 50 - 58

50 On do na hudok disi, ale angka dongan: Ndang tarbahen sibuk

dohot mudar manean harajaon ni Debata, jala ndang tartean na olo
busuk i hatongtongon i.
51 ¶ Hahomion do na hudok on tu hamu: Ndang na saluhut hita
monding; alai saluhut do hita paubaonna.
52 Tompu, di bagasan sanghidopmata, di pangkuling ni sarune na
parpudi i; ai mangkuling ma sarune, gabe hehe ma angka naung
mate i tu hatongtongon, laos paubaonna ma anggo hita.
53 Ai ingkon hatongtongon do manoluk na olo busuk on, jala
hangongolu na manongtong do manoluk na olo mate on.
54 Alai dung disoluk hatongtongon i na olo busuk on, jala disoluk
6
hangongolu na manongtong i na olo mate on, disi ma jumpang hata
St. PB.Mangunsong,ST. | - 19.11.2022
 na tarsurat i: "Nunga tarbondut hamatean; nunga soluk
hamonangan!"
55 "Jo hamatean, didia hamonanganmi? Jo hamatean, didia
soropmi?"
56 Alai dosa do sorop ni hamatean, jala patik i do gogo ni dosa i.
57 Alai mauliate ma di Debata, na pamonang hita marhitehite
Tuhanta Jesus Kristus!
58 ¶ Onpe, hamu angka donganku na hinaholongan, marsihohot jala
so mubauba ma hamu, jala lam sumurung ma tongtong di bagasan
ulaon ni Tuhan i, ai diboto hamu do: Ndang magopo halojaonmuna
di bagasan Tuhan i.

4. MARENDE BE.787 : 1 + 7 ”Ingkon Monang Hita”

787 Ingkon monang hita
1. Ingkon monang hita, ingkon monang hita, ingkon monang di ujungna.
Ref.: Na porsea do au di Debata, ingkon monang hita.

7. Dame ma di hita, dame ma di hita, dame ma tongtong di hita. Na

porsea ...

5. JAMITA : PARJAMITA 8 : 9 - 17.

9 ¶ Luhutna i nunga huida uju diranapi rohangku saluhut
pambahenan, angka na masa di hasiangan on, uju sada jolma
mangarajai donganna jolma mambahen ibana marhinamago.
10 Angkup ni, nunga huida tipak tartanom halak parjahat; hape anggo
halak na mangulahon na denggan, angka na ro sian inganan na badia,
dihalupahon donganna sahuta do i. Ipe hata oto do i.
11 Ala so tibu manginona pambahenan angka na jahat i, dibahen i gok
roha ni jolma manisia di bagasan mangulahon hajahaton.
12 Alai tung sura pe ratus hali halak pardosa mangulahon hajahaton,
pola sanga sarimatua ibana, tangkas do huboto: Martua sogot halak
na mangkabiari Debata, angka na marparange di jolona.
6

St. PB.Mangunsong,ST. | - 19.11.2022

 13 Alai ndang tagamon sonang anggo halak parjahat i, jala ndang
tagamon paganjangonna ariarina; alai songon halinu do ibana, ala so
marhabiaran tu Debata.
14 ¶ (II.) Adong dope sadanari halongangan masa di atas tano on:
Adong halak partigor, hira pambahenan ni halak parjahat niulana,
parsorionna timbangon; jala adong halak parjahat, hira pambahenan
ni halak partigor niulana, parsorionna timbangon. Nunga pola hudok
halongangan do i.
15 Dibahen i hupapujipuji las ni roha, ala na so adong na dumenggan
di jolma i saleleng di hasiangan on, ia so na mangan minum dohot
marlas ni roha; i do na tinggal di ibana sian ulaonna saleleng ariari ni
ngoluna, angka na nilehon ni Debata tu ibana di hasiangan on.
16 Dung i diringkoti rohangku muse naeng mananda hapistaran dohot
manangkasi hinamago na masa di atas tano on, pola tung balisaon
mata ni jolma borngin dohot arian, ndang tarpodom.
17 Jadi tangkas ma huida sandok jadijadian ni Debata, na so tardodo
jolma i pambahenanna angka na masa di hasiangan on. Nang pe
maradu ngalutan roha ni jolma i mandiori, ndang tagamon jumpangsa;
tung sura pe ninna roha ni halak na pistar leak botoonna do i, ndang
tagamon jumpangsa.

6. MARENDE BE. NO.373 : 1 “Mangula Hita Jolma”

373. Mangula hita jolma
1. Mangula hita jolma manabur boni i,
alai anggo jadina di Debata do i,
dilehon las ni ari, nang nambur, udan pe.
Tongtong di panumpak na marguru sasude,
Nasa uli basa ro sian Debata.
I pe Ibana puji ma, huhut haposi da!

7. MARTANGIANG SIAN NA RO.

6

St. PB.Mangunsong,ST. | - 19.11.2022

8. MARENDE BE.NO.838 : 1 “Unang Sungkunbe”
838. Unang sungkun be tu ahu
1. Unang sungkun be tu ahu boasa marsak roham i;
Debata do hulului Siapuli rohangki.
:,:Nang di au pe hamoraon, tua ni portibi on,
Tung pogos panghilalaan, molo mago tondingkon.:,"

9. MARTANGIANG SIAN PARJABU.

10. MARENDE BE.NO.834 : 1…. “Na Masihol do Rohangku” ( P.Pelean ).

834. Na masihol do rohangku
1. Na masihol do rohangku tu na sonang i, tu inganan ni Tuhanta i.
Tano on rodi sudena pangisina i, susa, sai susa rohangki.
Refr.: Marolopolop rohangki, di surgo di na sonang i,
Soada na hurang sabam sonang rohangki, molo dung sahat au tusi.
2. Ai andigan idaonku haholonganki raphon Jesus alealengki;
Haholongan na badia sian Jesus i, sonang, sai sonang rohangki.
Marolop ...
3. Di na hundul au manatap dompak langit i, di na ro sibalikhunik i;
Di gombarhon i do ujung ni ngolunta i, ndang be mabiar au disi. Marolop
...

11. TANGIANG PELEAN / PASU-PASU.

St. PB.Mangunsong,ST. | - 19.11.2022

HATORANGAN NI TURPUK :
Horas ma dihita pomparan ni ompunta SIRAJA PASARIBU BORU, BERE,
IBEBERE SE KISARAN.
On ma partangiangan parpudi di pungunta di taon 2022 on, udutanta ma
muse di taon 2023, sai diramoti Tuhanta ma hita tongtong di na mamolus
ariari ni ngolunta.
Tontu nunga berulang2 tradisi aktivitas na masa di punguanta on dungkon
terbentuk PERPABOBER on, mengacu tu cerita ni Tulang Op.Delon mulai sian
natoras nasida, sahat tu naung bertahun2 Tulang I sebagai sekretaris songoni
nang gabe Ketua ni punguanta on tontu nunga lam ganjang pengalaman
dohot pangantusion di pardalanan ni punguan on.

Songoni do nang isi ni turpuk jamita dihita di sadari on, na di surathon ni raja
Salomo.
Seiring dengan pardalanan ni raja Salomo mulai sian na metmet dope raja
Salomo sahat di haposoon na, nang dung lam matua rajai, nunga lam tang
pangantusion ni raja Salomo taringot tu pardalanan ni ngolu. Tabotodo
tangkas raja salomo ima sada raja na mansai bisuk jala na marsangap.
Dibagasan ngoluna adong 3 buku na sinurathon ni raja salomo. Disihaposoon
na disurathon do buku ENDE ni raja salomo ( dalam ALKITAB disebut KIDUNG
AGUNG), dung lam matoras raja I disurathon ma buku ANGKA PODA
( AMSAL), jala di tingki naung lam matua umur na disurathon ma buku
PARJAMITA ( PENGKHOTBAH).

Atrar maol do antusan buku Parjamitaon, ala hera na pesimis do ibana

mananggapi ngolu na diportibion, MENJARING ANGIN ( Mangeahi Alogo)
sada pernyataan ni raja salomo na marlapatan kesiasiaan.

Sian ragam ni pengalaman ni raja salomo marnida angka na masa dihasiangan

on, pola do didok ibana :
1. uju sada jolma mangarajai donganna jolma mambahen ibana
marhinamago” 6

St. PB.Mangunsong,ST. | - 19.11.2022

 2. Tongtong jolma I marringgas ni roha mangula hajahaton Ala so tibu
manginona pambahenan angka na jahat i. (Ay.10)
Molo ta ulahon pe nasodenggan saonari pardenggan basa do debata
dilehon do kesempatan laho bertobat.
3. Di ayat 14 di ida raja salomo do halongangan, halak parjahat sai hera
halak partigor, halak partigor diperlakukan seperti halak parjahat.
4. Tung sura pe ratus hali pardosa I mangula hajahaton sampe saur
matua, alai anggo raja salomo ndang dapot ni I hasonangan, sai hera
halinu doi ala so marhabiaran tu Debata.

Impola ni turpuk on :
1. Tangkas do panandaion ni raja salomo diangka na mangulahon
hajahaton tung tu hamagoan do ujungna, alai anggo halak partigor I
dapotan hangoluan na salelengni lelengna do. Ai ndang magopo
halojaon muna dibagasan Tuhan I ( 1 Korint. 15:58)
2. Naeng marpanghirimon hita di ngolu na manongtong naung pinarade
ni Tuhan Jesus di hita.

St. PB.Mangunsong,ST. | - 19.11.2022