St. PB.Mangunsong,ST.

1
13112022

ACARA PARTANGIANGAN
STM SAURDOT MUTIARA SELAWAN DAN SEKITARNYA
MINGGU, 13 NOVEMBER 2022.

1. MARENDE BE.NO. 14 : 1 - 2 “Puji hamu Jahowa tutu”

14. Puji hamu Jahowa tutu
1. Puji hamu Jahowa tutu, pardenggan basa,
parasi roha saleleng na i;
Pardenggan basa i, parasi roha i.
2. Ingot tongtong ale tondingkon sude na denggan,
Na dipasonggop Debata tu Ho;
Denggan basaNa do na pangoluhon ho.

2. VOTUM : A.XV.A.2 – D.XIII.57.

3. EPISTEL : Maleakhi 3 : 19 – 24. ( Maleakhi 4 : 1 – 6. BAHASA INDONESIA)

19. Ai ida ma, na ro ma ari na marsigorgor, songon pamurunan, jadi

doshon durame sude halak na jungkat dohot halak siulahon
hajahaton, gabe marsijembur ma nasida bahenon ni ari na ro sogot,
ninna Jahowa Zebaot, ndang adong tadingkononna di nasida nang
urat, nang ranting.
20. Alai binsar ma anggo di hamu, angka na mangkabiari goarhu mata
ni ari ni hatigoran mardongan hahisaron di linggom ni habongna,
gabe ruar ma hamu jala panihalnihalon songon anak ni lombu,
angka na ruar sian bara.
21. Jadi degedegeonmuna ma halak parjahat, ai doshon sirabun
nasida sogot ditoru ni palak ni patmuna, di ari sibahenonku, ninna
Jahowa Zebaot.

By.St.PB.Mangunsong,ST.
 St. PB.Mangunsong,ST. 2
13112022

22. Sai paingotingot hamu ma patik ni si Musa, naposongki, na

hupatolhas tu ibana uju di Horeb tu sandok Israel, angka patik
dohot uhum.
23. Ida ma, suruanku ma tu hamu panurirang Elia, patujolo ni haroro
ni ari ni Jahowa na bolon, jala na songkal i.
24. Asa ibana paulakkon roha ni amaama tu angka anakna, jala roha ni
angka dakdanak tu amanasida, asa unang ro ahu mangkonahon
uhum hamagoan tu tano on.

4. MARENDE BE.28 : 1 - 2 ”Hata ni Jahowa”

28. Hata ni Jahowa
1. Hata ni Jahowa, Sipadame jolma Hangoluan i!
Halalas ni roha, siapuli roha ni na marsak i!
Gogo ni Debatangki, paluahon na porsea sian nasa jea.
2. Nasa tinahiNa, tagan so ditompa tano on dope,
Nang na tinuduan ni sude pelean, jumpang do muse.
Sangkap ni AmaNa i dipatulus Jesus Kristus; Jolma i ditobus.

5. JAMITA : LUKAS 21 : 7 - 19.

7 Jadi disungkun nasida ma Ibana, ninna ma: Andigan ma masa i,
Guru; jala dia ma tandana, paboa laho songgop ma i?
8 Alai ninna Ibana ma: Jaga ma hamu, so tung lilu hamu! Ai lan do na
ro sogot manoluk Goarhu, angka na mandok: Ahu do! Nunga dapot
tingkina i! Unang ma ihuthon hamu nasida!
9 Alai molo dibege hamu barita ni angka hamusuon dohot
hagunturon, unang ma hamu tarsonggot; ai ndang tarbahen so
songgop i jumolo. Alai ndang dope manigor dapot ajalna i.
10 Laos didok ma tu nasida: Na hehe do sogot bangso maralohon
bangso, harajaon maralohon harajaon.
11 Masa ma lalo angka na bolon, angka sahit bala marluatluat nang
haleon, tarida ma angka panonggoti ro di tanda na balga sian langit.

By.St.PB.Mangunsong,ST.
 St. PB.Mangunsong,ST. 3
13112022

12 Alai tagan so masa dope angka i, tangkupon jala leleannasida do

hamu; pasahatonna do hamu tu angka parguruan dohot hurungan,
gabe togihononna hamu tu jolo ni raja dohot panguhum
humongkop Goarhu.
13 Laos i ma gabe dalanmuna, mangkatindangkon Ahu.
14 On ma parateatehon hamu: Na so pola sarihononmuna hian
sitariashononmuna disi.
15 Ai Ahu mangalehon tu hamu soara dohot habisuhon, na so bolas
aloon nang alusan ni angka musumuna.
16 Alai nang natorasmuna, hahaanggi, sisolhot ro di alealemuna do
pasahathon hamu; jala pamateonna deba sian hamu.
17 Hosoman ni saluhut jolma do hamu ala Goarhu.
18 Jala na so tupa mago sada obuk sian ulumuna.
19 Marhitehite benget ni roha do malua hosamuna.

6. MARENDE BE. NO.539 : 1 - 2 “Sai hutagam do Tuhanhu”

539. Sai hutagam do Tuhanku
1. Sai hutagam do Tuhanku, sai masihol rohangki
di haroro ni Tuhanku songon na nidok nai.
Sai mardongan olop olop huriaM managam Ho.
Maranata. ro, o Tuhan, Amen, sai tibu ma ro!
2. Las ni roha ndang hapalang do manggohi rohangki.
Dung binege soaraNa di na ro Tuhanta i.
Sai mardongan ...

7. MARTANGIANG SIAN NA RO.

8. MARENDE BE.NO.437 : 3 “Tung na muba rohangku”

437. Tung na muba rohangku
3. HaroroNa hutagam, ndang uhum tahe, dung Jesus maringan di
au.

By.St.PB.Mangunsong,ST.
 St. PB.Mangunsong,ST. 4
13112022

Dohot au ma partohap di sangap muse, dung Jesus maringan di

au.
Dung Jesus maringan di au, dung Jesus maringan di au,
tung na sonang do au, dung tu Jesus au lao, dung Jesus
maringan di au.

9. MARTANGIANG SIAN PARJABU.

10. MARENDE BE.NO.476 : 1. “Asi ni rohaM hu puji” ( P.Pelean ).

476. Ndada au guru di au
1. Ndada au guru di au be, Jesus do nampuna au.
Las rohangku dung hubege, Jesus sipangolu au.
Ndang be au guru di au, Jesus na humophop au, nampuna au,
Tung saleleng au mangolu, Jesus do nampuna au.
2. Ndang di au, di Tuhan Jesus, daging dohot rohangki,
Saluhutna hupasahat tu Ho, Jesus Tuhanki.
Ndang be au ...
3. Ulaonku nang artangku pangke ma baen sangapMi,
Diusehon Ho mudarMu tung tanda do holongMi.
Ndang be au ...
4. Naung tarsurat do goarhu dibaen Ho tu tanganMi,
Laos hupuji ma goarMu salelenglelengna i.
Ndang be au ...

11. TANGIANG PELEAN / PASU-PASU.

By.St.PB.Mangunsong,ST.