ACARA PARTANGIANGAN

PUNGUAN RAJA SIMANGUNSONG, BORU, BERE, IBEBERE KISARAN

MINGGU, 23 JULI 2023.
St.PB.Mangunsong,ST.

1. MARENDE BE.NO. 588 : 1 - 2 “Tasomba ma tongtong”

588. Tasomba ma tongtong
1. Tasomba tongtong na sun gogo i;
Tadok ma antong, songkal Tuhan i.
Partano batoan, haporusan i,
gok hamuliaon habangsaNa i. Amen
2. Baritahon ma huasoNa i
Sondang na tiur do ulosNa i.
Angka ombun dibaen huretaNa i.
Api na marjimbur suruanNa i.

2. VOTUM :
3. EPISTEL : Mateus 13 : 31 – 35.
31 Dung i didok ma umpama na asing tu nasida: Tudos do harajaon
banua ginjang i tu batu ni siarum, na binuat ni sada halak laho
manaburhon tu porlakna.
32 I do sada na ummetmet sian nasa ragam ni boni; alai dung tubu,
gabe umbalga do i sian nasa ingkau rata, pola hira hau do, jala ro do
angka pidong na martongatonga langit marasar tu rantingna.
33 Dung i umpama na asing muse dihatahon tu natorop: Tudos do
harajaon banua ginjang i tu itak naung niasoman, na binuat ni sahalak
inaina, laho pasaorhon tu itak tolu ampang, paima asom saluhutna.
34 Saluhutna i dihatahon Jesus marhite sian umpama tu natorop;
ndang na mangkatai Ibana tu nasida, anggo so marhite sian umpama,
35 asa jumpang hinatahon ni panurirang i na mandok: "Huungkap pe
pamanganku mangkatahon umpama, hurungkari pe na buni sian mula ni
portibi on."

1 St.PB.Mangunsong, ST.
4. MARENDE BE.363 : 1 ”Mauliate dok hamuna”
363. Mauliate dok hamuna
1. Mauliate dok hamuna di Debata na basar i;
Sai puji ma denggan basaNa, na so marpansohotan i.
O Israel, girgir endehon ma asi ni rohaNa i,
Na so hea marparujungan, saleleng ni lelengna i.

5. JAMITA : PSALMEN 86 : 1 – 11
1 ¶ Tangiang sian si Daud. (I.) Sai paeleng ma pinggolmu, ale Jahowa,
alusi ahu, ai na dangol jala na pogos do ahu.
2 Sai ramoti ma rohangku, ai hasian do ahu; sai urupi ma naposom, na
marhaposan tu Ho, ale Debatangku.
3 Asi ma roham di ahu, ale Tuhan, ai sai tu Ho do ahu joujou manipat
ari.
4 Sai palas ma roha ni naposomon, ai Ho do, ale Tuhan,
dihalungunhon rohangku.
5 Ai anggo Ho, ale Tuhan, pardengganbasa jala marpamuati roham,
jala godang situtu do asi ni roham di sude angka na manjou Ho.
6 Sai tangi ma, ale Jahowa, tangiangkon jala parateatehon soara ni
anggukkon.
7 Di ari hagogotanki Ho do hujou, ai sai alusanmu do ahu.
8 ¶ Ndang adong tudoshon Ho di tongatonga ni angka Debata, ale
Tuhan, jala ndang adong tudoshon angka pambahenanmi.
9 Ro do sogot sude parbegu, angka na tinongosmi marsomba tu
jolom, ale Tuhan, jala pasangaphon goarmu.
10 Ai timbul do Ho jala mambahen angka halongangan, sasada Ho do
Debata.
11 Sai ajarhon ma tu ahu, ale Jahowa, dalanmu, asa marpangalaho
ahu di bagasan hasintonganmi; sai pasada ma rohangku mangkabiari
goarmu..

2 St.PB.Mangunsong, ST.
6. MARENDE BE. NO.716 : 1 - 2 “Di na mamolus sandok ngolu on”
716. Di na mamolus sandok ngolu on.
1. Di na mamolus sandok ngolu on, gok do na marsak gale.
Boan sinondang tu na holom i, asa margogo muse.
Ref.:Bahen ma ahu parhiteanMu, pasupasuM mabaor ma i.
Ale Tuhanku patupa ma au, baen pasupasu tu dongan sude.
2. Sai baritahon Jesus na burju, tuk manesa dosa i.
Asa porsea di Jesus tutu, denggan pambaenmu disi. Bahen ma ...

7. MARTANGIANG SIAN NA RO.

8. MARENDE BE.NO.787 : 1 “Ingkon Monang Hita”

787. Ingkon monang hita
1. Ingkon monang hita, ingkon monang hita, ingkon monang di
ujungna.
Ref.: Na porsea do au di Debata, ingkon monang hita.

9. MARTANGIANG SIAN PARJABU.

10. MARENDE BE.NO.756 : 1…. “Huboto do” ( P.Pelean ).

756. Huboto do.
1. Huboto do: "Ho mandongani au" sonang do au.
Huboto do: "Ho sumarihon au", sonang do au.
Debatangki padame rohangki. Pos rohangki pasaut lomoM i.

2. Huboto do: "Ho Sipalua au", sonang do au.

Huboto do: "Ho do manghophop au", sonang do au.
Monang do Ho talu sibolis i, uhirhon i bagas tu rohangki.

3. Huboto do: "Ho mangondihon au" sonang do au.

Huboto do: "Ho mangondihon au", sonang do au.
Musu pe ro na naeng mamolgak au, monang do au Ho
margogoihon au.

3 St.PB.Mangunsong, ST.
 4. Nang pe holom nahumaliang au, sonang do au.
Huboto do sangkapmu na tu au, sonang do au.
Mansai rahis maol pe dalan i, pos rohangki ai Jesus donganhi.

11. TANGIANG PELEAN / PASU-PASU.

SELAMAT HARI MINGGU DI POMPARAN NI OMPUTA

PUNGUAN RAJA SIMANGUNSONG, BORU BERE DOHOT IBEBERE
SE KISARAN

DEBATA NA MAMASUMASU HITA.

4 St.PB.Mangunsong, ST.