ACARA PARTANGIANGAN LANSIA

GKPI JK SAMPALI
Senin, 29 Mei 2023

1. Marende No. 125 : 1 + 3 (BL 82) : Marlas Ni Roha Hita On

1) Marlas ni roha hita on mamuji Debata, ai asi ni rohaNa i do bongot tu rohanta i;
Umbahen nuaeng mardomu i, dison sadarion, dison sadarion.
3) Alai taingot ma huhut mambaen sangap tongtong, barita ni Tuhanta i marhite
parangentai; Di jolo ni donganta i, di atas tano on, di atas tano on
2. VOTUM-INTROITUS-TANGIANG :
U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Goar ni Tondi Porbadia na tumompa langit dohot tano on.
R : Amen!
U : Songon on ninna Tuhan Jahowa : Jala lehononKu tu hamu roha na imbaru
dohot tondi na imbaru tu bagasan ateatemuna; jala unsatongKu do roha batu
sian dagingmuna, jala lehononKu tu hamu roha sibuk.
R : Jala lehononKu ma Tondingku tu bagasan ateatemuna, jala Ahu
mambahensa, asa marparange hamu di bagasan angka PatikKu, angka
uhumHu pe radotan jala patupaonmuna do.
U : Martangiang ma hita. Ale Tuhan Jesus ! Hudok hami mauliate tu Ho sian nasa
rohanami, ala dipaojak Ho HuriaM di tano on, jala ala dohot hami dijou Ho tu
si. Sai suru ma Tondi Parbadia tu rohanami, asa tung huparhatopot hami Ho
hangoluannami, asa lohot tu Ho hami marhitehite haporseaon na sintong, jala
asa tongtong huhalashon hami pasangaphon GoarMu, na tarpuji ro di
saleleng ni lelengna. Amen.
3. Marende No. 443 : 1 + 2 (BL 393) : Dung Tuhan Jesus Nampuna Au
1) Dung Tuhan Jesus nampuna au, songgop dameNa biarhu laon; Taripar
gogongolunai, nasa dosangku naung sae doi. Tabaritahon holongNai, didia
Tuhan tudoshon i. Tuk manumpahi tarlobi da. Sasada Jesus pinuji ma.
2). Di Ho ngolungku, las rohangki, jumolo Jesus siluami; PangiringonMu, tolongMu
i, mangalo dosa nang rohangki. Tabaritahon holongNai, didia Tuhan tudoshon i.
Tuk manumpahi tarlobi Sasada Jesus pinuji ma.
4. EPISTEL : Heber 2 : 1 - 6
U : Dibahen i, naeng ma muba gomosta, maniop hata naung tabege i, unang tung
dibaorhon hita.
 R : Ai gari hata na hinatahon ni angka surusuruan i, gari hot do, jala nasa
pangalaosion dohot hatoison mangalap pamaloson na hombar
U : Tagamon ma adong dapot haporusanta, molo tatoishon haluaon na sai
godang i? Pola do Tuhan i mangkatahonsa di mulana i, jala momos dipasahat
angka na umbegesa tu hita!
R : Ai dohot do Debata mangkatindangkon marhitehite angka tanda dohot
halongangan dohot ragam ni pambahenan hagogoon, nang marhitehite Tondi
Parbadia, na sinagihonna guru lomo ni rohana.
U : Ai ndada tu angka surusuruan i dipagomgomhon Ibana hasiangan sogot, na
tahatahon on. Alai adong do na mangkatindangkon di Surat i: "Aha do jolma i,
umbahen na diingot Ho Ibana; manang anak ni jolma i, umbahen na ditatap
Ho ibana?". Martua ma na tumangihon hata ni Debata Jala na Umpeopsa
U+R: Amen
5. Marende No. 424 : 2 + 5 (BL 284) : Soara Ni Tondi
2). Marunduk ni roha topoti sude, pambaenmu na torbang, jengkelmu sude. Pasahat
tu Jesus sandok dirimu. Sai tong pasunggulhon panghokkopNai.
5) Sai tiop tanganNa pangido ma on: Ramoti, padungo, au siseanMon. Pasada
rohangku, manggolom tongtong. HataMu na sintong, patogu au on.
6. JAMITA:
7. Marende No. 176 : 3 + 7 (BL 3) : Na Mungkap Do Surgo
3) Antong o tondingku, tu Jesus ma ro; Ai las do rohaNa, manjangkon nang ho. Ai
las do rohaNa manjangkon nang ho.
7) O Jesus sai Ho do, parjambaranki; Pasonang rohangku, pasabam mai.
Pasonang rohangku pasabam mai.
8. T A N G I A N G :
9. Marende No. 183 : 3 (BL 105) : Na Jumpang Au
3). On pe holan asi ni roha, sipangasahononhon. Sipujionku do Jahowa, dung ro na
pamanathon i. Unduk huhut las rohangki, mamuji asi roha i, mamuji asi roha i.
10.P E L E A N - TANGIANG PELEAN :
11.Ende Pelean No. 471 : 1 (BL 317) : Jesus Ho nampuna Au
1) Jesus Ho nampuna au dohot na adong di au; Gogo dohot hosangki, sahat ma tu
tanganMi.
12.TANGIANG PANUTUP :
13. Marende No. 36 : 3 ( BL 4) : Pasupasu hami
3) Amen hudok hami, ale Tuhannami; Na marasi roha i, sangap di goarMi.